India Russia Plan: ਭਾਰਤ-ਰੂਸ ਵਿਚਾਲੇ ਮਜ਼ਬੂਤ ਹੋਣਗੇ ਵਪਾਰਕ ਸਬੰਧ
Indo Russia Trade:ਮਾਰਚ ਵਿੱਚ ਰੂਸ ਭਾਰਤ ਦਾ ਸਭ ਤੋਂ ਵੱਡਾ ਕੱਚਾ ਤੇਲ ਸਪਲਾਇਰ ਬਣਿਆ ਹੋਇਆ ਹੈ। ਇਸ ਮਹੀਨੇ ਦੌਰਾਨ, ਰੂਸ ਨੇ ਸਾਊਦੀ ਅਰਬ ਅਤੇ ਇਰਾਕ ਵਰਗੇ ਪੁਰਾਣੇ ਸਪਲਾਇਰਾਂ ਨੂੰ ਪਛਾੜਦਿਆਂ, ਭਾਰਤ ਨੂੰ ਪ੍ਰਤੀ ਦਿਨ 1.64 ਮਿਲੀਅਨ ਬੈਰਲ ਕੱਚੇ ਤੇਲ ਦੀ ਸਪਲਾਈ ਕੀਤੀ।
India Russia Plan: ਭਾਰਤ ਅਤੇ ਰੂਸ ਦਰਮਿਆਨ ਵਪਾਰਕ ਸਬੰਧ ਮਜ਼ਬੂਤ ਹੋ ਰਹੇ ਹਨ। ਯੂਕਰੇਨ-ਰੂਸ ਯੁੱਧ ਦੌਰਾਨ ਜਦੋਂ ਰੂਸ ‘ਤੇ ਅੰਤਰਰਾਸ਼ਟਰੀ ਪਾਬੰਦੀਆਂ ਲਾਈਆਂ ਜਾ ਰਹੀਆਂ ਸਨ, ਭਾਰਤ ਨੇ ਰੂਸ ਦਾ ਸਮਰਥਨ ਕਰਕੇ ਆਪਣਾ ਕਾਰੋਬਾਰ ਜਾਰੀ ਰੱਖਿਆ ਅਤੇ ਸਸਤਾ ਕੱਚਾ ਤੇਲ ਲੈਂਦਾ ਰਿਹਾ। ਸਥਿਤੀ ਇਹ ਹੈ ਕਿ ਰੂਸ ਭਾਰਤ ਨੂੰ ਕੱਚੇ ਤੇਲ ਦਾ ਚੋਟੀ ਦਾ ਸਪਲਾਇਰ ਬਣਿਆ ਹੋਇਆ ਹੈ। ਖਾਸ ਗੱਲ ਇਹ ਹੈ ਕਿ ਰੂਸ ਦੇ ਕੱਚੇ ਤੇਲ ਕਾਰਨ ਭਾਰਤ ‘ਚ ਮਹਿੰਗਾਈ ਘੱਟ ਹੋਣ ਦੀ ਸੰਭਾਵਨਾ ਹੈ।
ਇੱਕ ਦਿਨ ਪਹਿਲਾਂ, ਆਰਬੀਆਈ ਨੇ ਵਿੱਤੀ ਸਾਲ ਲਈ ਅਨੁਮਾਨਿਤ ਮਹਿੰਗਾਈ ਦੇ ਅੰਕੜੇ ਪੇਸ਼ ਕੀਤੇ ਹਨ, ਉਹ ਇਸ ਵੱਲ ਇਸ਼ਾਰਾ ਕਰ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਮੇਂ ਰੂਸ ਸਾਊਦੀ ਅਰਬ ਦੇ ਮੁਕਾਬਲੇ ਭਾਰਤ ਨੂੰ ਲਗਭਗ ਦੁੱਗਣਾ ਕੱਚਾ ਤੇਲ ਸਪਲਾਈ (Crude Oil Supply) ਕਰ ਰਿਹਾ ਹੈ। ਜਿਸ ਕਾਰਨ ਭਾਰਤ ਦੀਆਂ ਤੇਲ ਮਾਰਕੀਟਿੰਗ ਕੰਪਨੀਆਂ ਨੂੰ ਵੱਡੀ ਰਾਹਤ ਮਿਲੀ ਹੈ ਅਤੇ ਉਹ ਮੁਨਾਫੇ ਵਿੱਚ ਆ ਗਈਆਂ ਹਨ।
ਰੂਸ ਨੇ ਬਣਾਇਆ ਪ੍ਰਮੁੱਖ ਸਪਲਾਇਰ
ਐਨਰਜੀ ਟ੍ਰੈਕਰ ਵੋਰਟੈਕਸਾ ਮੁਤਾਬਕ ਮਾਰਚ ਵਿੱਚ ਰੂਸ ਭਾਰਤ ਦਾ ਸਭ ਤੋਂ ਵੱਡਾ ਕੱਚਾ ਤੇਲ ਸਪਲਾਇਰ ਰਿਹਾ। ਮਹੀਨੇ ਦੌਰਾਨ, ਰੂਸ (Russia) ਨੇ ਸਾਊਦੀ ਅਰਬ ਅਤੇ ਇਰਾਕ ਵਰਗੇ ਰਵਾਇਤੀ ਸਪਲਾਇਰਾਂ ਨੂੰ ਪਛਾੜਦਿਆਂ, ਭਾਰਤ ਨੂੰ 1.64 ਮਿਲੀਅਨ ਬੈਰਲ ਪ੍ਰਤੀ ਦਿਨ (ਬੀਪੀਡੀ) ਕੱਚੇ ਤੇਲ ਦੀ ਸਪਲਾਈ ਕੀਤੀ।
ਹਾਲਾਂਕਿ, ਭਾਰਤ ਦੀ ਦਰਾਮਦ ਬਾਸਕੇਟ ਵਿੱਚ ਰੂਸੀ ਕੱਚੇ ਤੇਲ ਦਾ ਹਿੱਸਾ ਪਿਛਲੇ ਮਹੀਨੇ ਦੇ ਮੁਕਾਬਲੇ ਥੋੜ੍ਹਾ ਘੱਟ ਗਿਆ ਹੈ। ਭਾਰਤ ਨੇ ਆਪਣੇ 35 ਫੀਸਦੀ ਕੱਚੇ ਤੇਲ ਦੀ ਦਰਾਮਦ ਰੂਸ ਤੋਂ ਕੀਤੀ ਹੈ। ਅਕਤੂਬਰ 2022 ਤੋਂ ਰੂਸ ਭਾਰਤ ਦਾ ਚੋਟੀ ਦਾ ਕੱਚਾ ਤੇਲ ਸਪਲਾਇਰ ਬਣਿਆ ਹੋਇਆ ਹੈ।
ਘੱਟ ਹੋਵੇਗੀ ਮਹਿੰਗਾਈ
ਆਰਬੀਆਈ ਨੇ ਇੱਕ ਦਿਨ ਪਹਿਲਾਂ ਸੰਭਾਵਿਤ ਮਹਿੰਗਾਈ ਦੇ ਅੰਕੜੇ ਪੇਸ਼ ਕੀਤੇ ਹਨ। ਰਿਜ਼ਰਵ ਬੈਂਕ (Reserve Bank) ਦੇ ਗਵਰਨਰ ਮੁਤਾਬਕ ਮੌਜੂਦਾ ਵਿੱਤੀ ਸਾਲ ‘ਚ ਮਹਿੰਗਾਈ ਦਰ 5.2 ਫੀਸਦੀ ‘ਤੇ ਰਹੇਗੀ। ਇਸ ਦੇ ਨਾਲ ਹੀ ਪਹਿਲੀ ਤਿਮਾਹੀ ‘ਚ ਮਹਿੰਗਾਈ ਦਰ 5.1 ਫੀਸਦੀ ‘ਤੇ ਰਹਿਣ ਦੀ ਉਮੀਦ ਹੈ। ਦੂਜੀ ਤਿਮਾਹੀ ‘ਚ ਮਹਿੰਗਾਈ ਦਰ 5.4 ਫੀਸਦੀ ‘ਤੇ ਰਹਿਣ ਦੀ ਉਮੀਦ ਹੈ।
ਤੀਜੀ ਤਿਮਾਹੀ ‘ਚ ਇਹ 5.4 ਫੀਸਦੀ ਅਤੇ ਚੌਥੀ ਤਿਮਾਹੀ ‘ਚ 5.2 ਫੀਸਦੀ ਰਹਿਣ ਦੀ ਉਮੀਦ ਹੈ। ਜਦਕਿ ਪਿਛਲੇ ਵਿੱਤੀ ਸਾਲ ‘ਚ ਮਹਿੰਗਾਈ 6 ਫੀਸਦੀ ਜਾਂ ਇਸ ਤੋਂ ਵੱਧ ਰਹੀ ਹੈ। ਅਜਿਹੇ ‘ਚ ਰੂਸੀ ਕੱਚੇ ਤੇਲ ਨੇ ਮਹਿੰਗਾਈ ਨੂੰ ਘੱਟ ਕਰਨ ‘ਚ ਅਹਿਮ ਭੂਮਿਕਾ ਨਿਭਾਈ ਹੈ।
