ਬੰਗਲਾਦੇਸ਼ ਦੀਆਂ ਪਟੜੀਆਂ ‘ਤੇ ਦੌੜਨਗੇ ਪੰਜਾਬ ‘ਚ ਬਣੇ LHB ਕੋਚ, ਦੁਨੀਆ ‘ਚ ਵੱਜੇਗਾ ਮੇਡ ਇਨ ਇੰਡੀਆ ਦਾ ਡੰਕਾ
ਕਪੂਰਥਲਾ 'ਚ ਰੇਲ ਕੋਚ ਫੈਕਟਰੀ (RCF) 'ਚ ਬਣੇ 19 LHB ਕੋਚਾਂ ਵਾਲੀ ਪਹਿਲੀ ਟ੍ਰੇਨ (ਰੇਕ) ਬੰਗਲਾਦੇਸ਼ ਰੇਲਵੇ ਨੂੰ ਭੇਜਣ ਲਈ ਤਿਆਰ ਹੈ। ਤਿਆਰ ਕੀਤੀ ਗਈ ਇਸ ਸ਼ੁਰੂਆਤੀ ਟ੍ਰੇਨ 'ਚ ਕੁੱਲ 19 LHB ਬ੍ਰਾਡ-ਗੇਜ ਪੈਸੇਂਜਰ ਕੋਚ ਹਨ।
ਕਪੂਰਥਲਾ ‘ਚ ਰੇਲ ਕੋਚ ਫੈਕਟਰੀ (RCF) ‘ਚ ਬਣੇ 19 LHB ਕੋਚਾਂ ਵਾਲੀ ਪਹਿਲੀ ਟ੍ਰੇਨ (ਰੇਕ) ਬੰਗਲਾਦੇਸ਼ ਰੇਲਵੇ ਨੂੰ ਭੇਜਣ ਲਈ ਤਿਆਰ ਹੈ। ਖਾਸ ਗੱਲ ਇਹ ਹੈ ਕਿ ਇਨ੍ਹਾਂ ਕੋਚਾਂ ‘ਚ ਕਈ ਅਜਿਹੇ ਡਿਜ਼ਾਈਨ ਤੇ ਤਕਨੀਕੀ ਬਦਲਾਅ ਕੀਤੇ ਗਏ ਹਨ, ਜੋ ਪਹਿਲੀ ਵਾਰ LHB ਕੋਚਾਂ ‘ਚ ਸ਼ਾਮਲ ਕੀਤੇ ਗਏ ਹਨ। RCF ਕਪੂਰਥਲਾ 12 ਅਗਸਤ 2026 ਨੂੰ ਬੰਗਲਾਦੇਸ਼ ਰੇਲਵੇ ਲਈ 19 LHB ਬ੍ਰਾਡ ਗੇਜ ਯਾਤਰੀ ਕੋਚਾਂ ਦੀ ਪਹਿਲੀ ਰੇਕ ਦਾ ਰੋਲਆਊਟ ਕਰੇਗੀ।
ਬੰਗਲਾਦੇਸ਼ ਰੇਲਵੇ ਲਈ ਤਿਆਰ ਕੀਤੀ ਗਈ ਇਸ ਸ਼ੁਰੂਆਤੀ ਟ੍ਰੇਨ ‘ਚ ਕੁੱਲ 19 LHB ਬ੍ਰਾਡ-ਗੇਜ ਪੈਸੇਂਜਰ ਕੋਚ ਹਨ। ਇਸ ‘ਚ 3 AC ਸਲੀਪਰ ਕੋਚ, 3 AC ਚੇਅਰ ਕਾਰ, 11 ਨਾਨ-AC ਚੇਅਰ ਕਾਰ ਤੇ 02 ਪਾਵਰ ਕਾਰ ਸ਼ਾਮਲ ਹਨ। ਯਾਤਰੀਆਂ ਦੀਆਂ ਲੋੜਾਂ ਤੇ ਬੰਗਲਾਦੇਸ਼ ਰੇਲਵੇ ਦੀਆਂ ਖਾਸ ਜ਼ਰੂਰਤਾਂ ਨੂੰ ਧਿਆਨ ‘ਚ ਰੱਖਦੇ ਹੋਏ ਇਨ੍ਹਾਂ ਕੋਚਾਂ ‘ਚ ਕਈ ਖਾਸ ਬਦਲਾਅ ਕੀਤੇ ਗਏ ਹਨ। RCF ਦੇ ਮੁਤਾਬਕ, ਇਨ੍ਹਾਂ ‘ਚੋਂ ਕਈ ਡਿਜ਼ਾਈਨ ਫੀਚਰ ਤੇ ਬਦਲਾਅ ਪਹਿਲੀ ਵਾਰ LHB-ਟਾਈਪ ਕੋਚਾਂ ਲਈ ਵਿਕਸਤ ਕੀਤੇ ਗਏ ਹਨ।
ਕੋਚਾਂ ਦੀਆਂ ਵਿਸ਼ੇਸ਼ਤਾਵਾਂ
ਇਨ੍ਹਾਂ ਕੋਚਾਂ ‘ਚ ਖਾਸ ਤੌਰ ‘ਤੇ ਰਿਕਲਾਈਨਿੰਗ ਚੇਅਰ ਡਿਜ਼ਾਈਨ ਕੀਤੀਆਂ ਗਈਆਂ ਹਨ। ਸਟੇਨਲੈੱਸ ਸਟੀਲ ਆਰਮ-ਰੇਸਟ ਤੇ ਸਟੇਨਲੈੱਸ ਸਟੀਲ ਫੁੱਟ-ਰੇਸਟ ਲਗਾਏ ਗਏ ਹਨ। ਆਰਾਮ ਲਈ ਕਈ ਰਿਕਲਾਈਨਿੰਗ ਪੋਜ਼ੀਸ਼ਨ ਦਿੱਤੇ ਗਏ ਹਨ। AC ਕੋਚਾਂ ‘ਚ ਪੱਖੇ ਵੀ ਲਗਾਏ ਗਏ ਹਨ। ਇਸ ਤੋਂ ਇਲਾਵਾ ਏਕੀਕ੍ਰਿਤ ਯਾਤਰੀ-ਕੇਂਦਰਿਤ ਸਹੂਲਤਾਂ ਦਾ ਵੀ ਧਿਆਨ ਰੱਖਿਆ ਗਿਆ ਹੈ।
ਰੇਲਵੇ ਟੈਕਨਾਲੋਜੀ ਨੂੰ ਮਿਲੇਗੀ ਪਛਾਣ
ਦੱਸਿਆ ਜਾ ਰਿਹਾ ਹੈ ਕਿ ਮੇਡ ਇਨ ਇੰਡੀਆ ਕੋਚਾਂ ਦੀ ਇਹ ਖੇਪ ਭਾਰਤ ਦੀ ਰੇਲਵੇ ਟੈਕਨਾਲੋਜੀ ਨੂੰ ਅੰਤਰਰਾਸ਼ਟਰੀ ਪਛਾਣ ਦਿਵਾਉਣ ‘ਚ ਮਦਦ ਕਰੇਗੀ। ਨਾਲ ਹੀ, ਇਸ ਨਾਲ ਭਵਿੱਖ ‘ਚ ਦੂਜੇ ਦੇਸ਼ਾਂ ਤੋਂ ਭਾਰਤੀ ਰੇਲਵੇ ਕੋਚਾਂ ਤੇ ਟੈਕਨਾਲੋਜੀ ਲਈ ਨਵੇਂ ਆਰਡਰ ਮਿਲਣ ਦਾ ਰਾਹ ਵੀ ਖੁੱਲ੍ਹ ਸਕਦਾ ਹੈ।
ਰੇਲਵੇ ਸੈਕਟਰ ‘ਚ ਸਹਿਯੋਗ ਹੋਵੇਗਾ ਮਜ਼ਬੂਤ
ਮੰਨਿਆ ਜਾ ਰਿਹਾ ਹੈ ਕਿ ਇਹ ਰੋਲਆਊਟ ਭਾਰਤ ਤੇ ਬੰਗਲਾਦੇਸ਼ ਵਿਚਕਾਰ ਰੇਲ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰੇਗਾ। ਇਸ ਰੇਕ ਦੇ ਸਫਲ ਰੋਲਆਊਟ ਨਾਲ ਦੋਵਾਂ ਦੇਸ਼ਾਂ ਵਿਚਕਾਰ ਰੇਲਵੇ ਸੈਕਟਰ ‘ਚ ਸਹਿਯੋਗ ਹੋਰ ਮਜ਼ਬੂਤ ਹੋਣ ਦੀ ਉਮੀਦ ਹੈ। RCF ਦੀ ਇਹ ਉਪਲਬਧੀ ਰੇਲਵੇ ਐਕਸਪੋਰਟ ਨੂੰ ਉਤਸ਼ਾਹਿਤ ਕਰਨ ਤੇ ਅੰਤਰਰਾਸ਼ਟਰੀ ਮਾਰਕੀਟ ‘ਚ ਆਪਣੀ ਸਥਿਤੀ ਮਜ਼ਬੂਤ ਕਰਨ ਦੀ ਦਿਸ਼ਾ ‘ਚ ਭਾਰਤ ਲਈ ਇੱਕ ਅਹਿਮ ਕਦਮ ਹੈ। ਅਜਿਹੇ ਅੰਤਰਰਾਸ਼ਟਰੀ ਪ੍ਰੋਜੈਕਟ ਭਵਿੱਖ ‘ਚ ਭਾਰਤੀ ਰੇਲਵੇ ਲਈ ਨਵੇਂ ਮੌਕੇ ਪੈਦਾ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ
