ਗੁਰਦਾਸਪੁਰ ‘ਚ ਹਲਾਲ ਮੀਟ ‘ਤੇ ਵਿਵਾਦ, ਨਿਹੰਗ ਸਿੰਘਾਂ ਨੇ ਦੁਕਾਨ ਦੇ ਬਾਹਰ ਜਾਣਕਾਰੀ ਲਿਖਣ ਦੀ ਦਿੱਤੀ ਹਿਦਾਇਤ
ਪੰਥ ਅਕਾਲੀ ਗੁਰੂ ਨਾਨਕ ਦਲ ਮੜੀਆਂ ਵਾਲਾ ਦੇ ਬਾਬਾ ਸਲਵਿੰਦਰ ਸਿੰਘ ਤੇ ਹੋਰ ਨਿਹੰਗ ਸਿੰਘਾਂ ਨੇ ਦੁਕਾਨਦਾਰਾਂ ਨਾਲ ਗੱਲਬਾਤ ਕੀਤੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਗਾਹਕਾਂ ਨੂੰ ਇਹ ਸਪੱਸ਼ਟ ਜਾਣਕਾਰੀ ਹੋਣੀ ਚਾਹੀਦੀ ਹੈ ਕਿ ਦੁਕਾਨ 'ਤੇ ਕਿਸ ਕਿਸਮ ਦਾ ਮਾਸ ਵੇਚਿਆ ਜਾ ਰਿਹਾ ਹੈ, ਤਾਂ ਜੋ ਉਹ ਆਪਣੀ ਪਸੰਦ ਅਨੁਸਾਰ ਫੈਸਲਾ ਕਰ ਸਕਣ।
ਗੁਰਦਾਸਪੁਰ ਦੇ ਕਾਹਨੋਵਾਨ ਰੋਡ ‘ਤੇ ਹਲਾਲ ਮੀਟ ਵੇਚਣ ਨੂੰ ਲੈ ਕੇ ਉਸ ਸਮੇਂ ਮਾਹੌਲ ਗਰਮਾ ਗਿਆ, ਜਦੋਂ ਕੁਝ ਨਿਹੰਗ ਸਿੰਘ ਦੋ ਮੀਟ ਦੀਆਂ ਦੁਕਾਨਾਂ ‘ਤੇ ਪਹੁੰਚੇ। ਮਾਮਲਾ ਦੁਕਾਨਾਂ ਦੇ ਬਾਹਰ ਹਲਾਲ ਮਾਸ ਵੇਚੇ ਜਾਣ ਸਬੰਧੀ ਜਾਣਕਾਰੀ ਨਾ ਲਿਖੇ ਹੋਣ ਨੂੰ ਲੈ ਕੇ ਸਾਹਮਣੇ ਆਇਆ।
ਜਾਣਕਾਰੀ ਮੁਤਾਬਕ, ਦੋਵੇਂ ਦੁਕਾਨਾਂ ‘ਤੇ ਹਲਾਲ ਮਾਸ ਵੇਚਿਆ ਜਾ ਰਿਹਾ ਸੀ, ਪਰ ਦੁਕਾਨਾਂ ਦੇ ਬਾਹਰ ਇਸ ਸਬੰਧੀ ਕੋਈ ਜਾਣਕਾਰੀ ਲਿਖ ਕੇ ਨਹੀਂ ਲਗਾਈ ਗਈ ਸੀ। ਨਿਹੰਗ ਸਿੰਘਾਂ ਨੇ ਇਸ ‘ਤੇ ਇਤਰਾਜ਼ ਜਤਾਉਂਦਿਆਂ ਦੁਕਾਨਦਾਰਾਂ ਨੂੰ ਦੁਕਾਨ ਦੇ ਬਾਹਰ ਸਪੱਸ਼ਟ ਤੌਰ ‘ਤੇ ਲਿਖਣ ਲਈ ਕਿਹਾ ਕਿ ਇੱਥੇ ਹਲਾਲ ਮਾਸ ਵਿਕਦਾ ਹੈ।
ਦੁਕਾਨ ਦੇ ਬਾਹਰ ਜਾਣਕਾਰੀ ਲਿਖਣ ਦੀ ਮੰਗ
ਪੰਥ ਅਕਾਲੀ ਗੁਰੂ ਨਾਨਕ ਦਲ ਮੜੀਆਂ ਵਾਲਾ ਦੇ ਬਾਬਾ ਸਲਵਿੰਦਰ ਸਿੰਘ ਤੇ ਹੋਰ ਨਿਹੰਗ ਸਿੰਘਾਂ ਨੇ ਦੁਕਾਨਦਾਰਾਂ ਨਾਲ ਗੱਲਬਾਤ ਕੀਤੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਗਾਹਕਾਂ ਨੂੰ ਇਹ ਸਪੱਸ਼ਟ ਜਾਣਕਾਰੀ ਹੋਣੀ ਚਾਹੀਦੀ ਹੈ ਕਿ ਦੁਕਾਨ ‘ਤੇ ਕਿਸ ਕਿਸਮ ਦਾ ਮਾਸ ਵੇਚਿਆ ਜਾ ਰਿਹਾ ਹੈ, ਤਾਂ ਜੋ ਉਹ ਆਪਣੀ ਪਸੰਦ ਅਨੁਸਾਰ ਫੈਸਲਾ ਕਰ ਸਕਣ।
ਨਿਹੰਗ ਸਿੰਘਾਂ ਵੱਲੋਂ ਦੁਕਾਨਦਾਰਾਂ ਨੂੰ ਹਦਾਇਤ ਕੀਤੀ ਗਈ ਕਿ ਦੁਕਾਨ ਦੇ ਬਾਹਰ ਲਿਖ ਕੇ ਲਗਾਇਆ ਜਾਵੇ ਕਿ ਇੱਥੇ ਹਲਾਲ ਮਾਸ ਵਿਕਦਾ ਹੈ। ਇਸ ਤੋਂ ਬਾਅਦ ਦੁਕਾਨਦਾਰ ਵੱਲੋਂ ਇਹ ਗੱਲ ਮੰਨ ਲਈ ਗਈ। ਦੁਕਾਨਦਾਰ ਦੇ ਹਦਾਇਤ ਮੰਨਣ ਤੋਂ ਬਾਅਦ ਨਿਹੰਗ ਸਿੰਘ ਸੰਤੁਸ਼ਟ ਹੋ ਗਏ ਤੇ ਮਾਮਲਾ ਸ਼ਾਂਤ ਹੋ ਗਿਆ।
“ਕਿਸੇ ਦੀ ਕਮਾਈ ਦੇ ਲੱਤ ਮਾਰਨ ਦਾ ਨਹੀਂ ਇਰਾਦਾ”
ਨਿਹੰਗ ਸਿੰਘਾਂ ਵੱਲੋਂ ਕਿਹਾ ਗਿਆ ਕਿ ਉਨ੍ਹਾਂ ਦਾ ਇਰਾਦਾ ਕਿਸੇ ਦੀ ਕਮਾਈ ‘ਤੇ ਲੱਤ ਮਾਰਨ ਦਾ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਸਾਰਿਆਂ ਨੂੰ ਆਪਣੇ ਧਰਮ ਦੀ ਪਾਲਣਾ ਕਰਨ ਦਾ ਅਧਿਕਾਰ ਹੈ ਤੇ ਮੀਟ ਬਾਰੇ ਸਭ ਨੂੰ ਸਪੱਸ਼ਟ ਜਾਣਕਾਰੀ ਦੇਣੀ ਚਾਹੀਦੀ ਹੈ ਕਿ ਦੁਕਾਨ ‘ਤੇ ਕਿਸ ਪ੍ਰਕਾਰ ਦਾ ਮੀਟ ਮਿਲ ਰਿਹਾ ਹੈ। ਨਿਹੰਗਾਂ ਨੇ ਇਹ ਸਵਾਲ ਕੀਤਾ ਕਿ ਜਿਸ ਇਲਾਕੇ ‘ਚ ਇਹ ਦੁਕਾਨਾਂ ਹਨ, ਉੱਥੇ ਮੁਸਲਿਮ ਆਬਾਦੀ ਵੀ ਬਹੁਤ ਘੱਟ ਹੈ, ਪਰ ਇਸ ਦੇ ਬਾਵਜੂਦ ਇੱਥੇ ਹਲਾਲ ਦੀਆਂ ਦੁਕਾਨਾਂ ਖੁਲ੍ਹ ਰਹੀਆਂ ਹਨ।
ਇਹ ਵੀ ਪੜ੍ਹੋ
