DUSU Election Result 2024: ਦਿੱਲੀ ਯੂਨੀਵਰਸਿਟੀ ‘ਚ 10 ਸਾਲ ਬਾਅਦ ਬਣਿਆ NSUI ਦਾ ਪ੍ਰਧਾਨ, 2 ਸੀਟਾਂ ‘ਤੇ ABVP ਦੀ ਜਿੱਤ
DUSU Election Result 2024: DUSU ਚੋਣ 2024 ਦਾ ਨਤੀਜਾ ਆ ਗਿਆ ਹੈ। ਨੈਸ਼ਨਲ ਸਟੂਡੈਂਟ ਯੂਨੀਅਨ ਆਫ਼ ਇੰਡੀਆ (ਐਨਐਸਯੂਆਈ) ਨੇ ਪ੍ਰਧਾਨ ਅਤੇ ਸੰਯੁਕਤ ਸਕੱਤਰ ਦੇ ਅਹੁਦੇ ਜਿੱਤੇ ਹਨ, ਜਦੋਂ ਕਿ ਅਖਿਲ ਭਾਰਤੀ ਵਿਦਿਆਰਥੀ ਪ੍ਰੀਸ਼ਦ (ਏਬੀਵੀਪੀ) ਨੇ ਸਕੱਤਰ ਅਤੇ ਉਪ ਪ੍ਰਧਾਨ ਦੇ ਅਹੁਨ।
ਦਿੱਲੀ ਯੂਨੀਵਰਸਿਟੀ ਸਟੂਡੈਂਟਸ ਯੂਨੀਅਨ ਦੀਆਂ ਚੋਣਾਂ ਦਾ ਨਤੀਜਾ ਆ ਗਿਆ ਹੈ। ਨੈਸ਼ਨਲ ਸਟੂਡੈਂਟ ਯੂਨੀਅਨ ਆਫ਼ ਇੰਡੀਆ (ਐਨਐਸਯੂਆਈ) ਨੇ ਪ੍ਰਧਾਨ ਅਤੇ ਸੰਯੁਕਤ ਸਕੱਤਰ ਦੇ ਅਹੁਦੇ ਜਿੱਤੇ ਹਨ, ਜਦੋਂ ਕਿ ਅਖਿਲ ਭਾਰਤੀ ਵਿਦਿਆਰਥੀ ਪ੍ਰੀਸ਼ਦ (ਏਬੀਵੀਪੀ) ਨੇ ਸਕੱਤਰ ਅਤੇ ਉਪ ਪ੍ਰਧਾਨ ਦੇ ਅਹੁਦਿਆਂ ਤੇ ਕਬਜਾ ਕਰ ਲਿਆ ਹੈ।
11ਵੇਂ ਰਾਉਂਡ ਤੋਂ ਬਾਅਦ ਕੌਣ ਅੱਗੇ?
ਡੂਸੂ ਚੋਣਾਂ ਦੇ 11ਵੇਂ ਗੇੜ ਦੀ ਗਿਣਤੀ ਸਮਾਪਤ ਹੋ ਚੁੱਕੀ ਹੈ। ਐਨਐਸਯੂਆਈ ਦੇ ਰੌਣਕ ਖੱਤਰੀ ਨੂੰ ਕੁੱਲ 11340 ਵੋਟਾਂ ਮਿਲੀਆਂ ਹਨ, ਜਦੋਂ ਕਿ ਏਬੀਵੀਪੀ ਦੇ ਰਿਸ਼ਭ ਚੌਧਰੀ ਨੂੰ ਕੁੱਲ 10706 ਵੋਟਾਂ ਮਿਲੀਆਂ ਹਨ। ਜਦੋਂ ਕਿ ਮੀਤ ਪ੍ਰਧਾਨ ਦੇ ਅਹੁਦੇ ਲਈ ਏਬੀਵੀਪੀ ਦੇ ਭਾਨੂ ਪ੍ਰਤਾਪ ਕੁੱਲ 12532 ਵੋਟਾਂ ਨਾਲ ਅੱਗੇ ਚੱਲ ਰਹੇ ਸਨ, ਜਦਕਿ ਐਨਐਸਯੂਆਈ ਦੇ ਯਸ਼ ਨੰਦਲ ਨੂੰ ਕੁੱਲ 9001 ਵੋਟਾਂ ਮਿਲੀਆਂ। ਇਸੇ ਤਰ੍ਹਾਂ ਸਕੱਤਰ ਦੇ ਅਹੁਦੇ ਲਈ ਏਬੀਵੀਪੀ ਦੇ ਮਿਤਰਾਵਿੰਦਾ ਕਰਨਵਾਲ ਕੁੱਲ 9455 ਵੋਟਾਂ ਨਾਲ ਅੱਗੇ ਹਨ, ਜਦੋਂ ਕਿ ਐਨਐਸਯੂਆਈ ਦੀ ਨਮਰਤਾ ਜੈਫ ਮੀਨਾ ਨੂੰ ਕੁੱਲ 8890 ਵੋਟਾਂ ਮਿਲੀਆਂ ਹਨ।
ਉੱਧਰ, ਸੰਯੁਕਤ ਸਕੱਤਰ ਦੇ ਅਹੁਦੇ ਲਈ ਐਨਐਸਯੂਆਈ ਦੇ ਲੋਕੇਸ਼ ਕੁੱਲ 12483 ਵੋਟਾਂ ਨਾਲ ਅੱਗੇ ਚੱਲ ਰਹੇ ਸਨ, ਜਦਕਿ ਏਬੀਵੀਪੀ ਦੇ ਅਮਨ ਕਪਾਸੀਆ ਨੂੰ 8422 ਵੋਟਾਂ ਮਿਲੀਆਂ ਸਨ।
10ਵੇਂ ਦੌਰ ਤੋਂ ਬਾਅਦ ਕੌਣ ਅੱਗੇ?
ਡੂਸੂ ਚੋਣਾਂ ਦੇ 10ਵੇਂ ਗੇੜ ਦੀ ਗਿਣਤੀ ਤੋਂ ਬਾਅਦ, ਐਨਐਸਯੂਆਈ ਪ੍ਰਧਾਨ ਅਤੇ ਸੰਯੁਕਤ ਸਕੱਤਰ ਦੇ ਅਹੁਦਿਆਂ ਲਈ ਅੱਗੇ ਸਨ। ਐਨਐਸਯੂਆਈ ਦੇ ਰੌਨਕ ਖੱਤਰੀ ਨੂੰ ਕੁੱਲ 9348 ਵੋਟਾਂ ਮਿਲੀਆਂ, ਜਦੋਂ ਕਿ ਏਬੀਵੀਪੀ ਦੇ ਰਿਸ਼ਭ ਚੌਧਰੀ ਨੂੰ ਕੁੱਲ 8699 ਵੋਟਾਂ ਮਿਲੀਆਂ। ਜਦੋਂ ਕਿ ਮੀਤ ਪ੍ਰਧਾਨ ਦੇ ਅਹੁਦੇ ਲਈ ਏਬੀਵੀਪੀ ਦੇ ਭਾਨੂ ਪ੍ਰਤਾਪ ਕੁੱਲ 9700 ਵੋਟਾਂ ਨਾਲ ਅੱਗੇ ਚੱਲ ਰਹੇ ਸਨ, ਜਦਕਿ ਐਨਐਸਯੂਆਈ ਦੇ ਯਸ਼ ਨੰਦਲ ਨੂੰ ਕੁੱਲ 7592 ਵੋਟਾਂ ਮਿਲੀਆਂ। ਇਸੇ ਤਰ੍ਹਾਂ ਸਕੱਤਰ ਦੇ ਅਹੁਦੇ ਲਈ ਏਬੀਵੀਪੀ ਦੇ ਮਿਤਰਾਵਿੰਦਾ ਕਰਨਵਾਲ ਕੁੱਲ 8533 ਵੋਟਾਂ ਨਾਲ ਅੱਗੇ ਸਨ, ਜਦੋਂ ਕਿ ਐਨਐਸਯੂਆਈ ਦੀ ਨਮਰਤਾ ਜੈਫ ਮੀਨਾ ਨੂੰ ਕੁੱਲ 8240 ਵੋਟਾਂ ਮਿਲੀਆਂ ਸਨ।
ਛੇਵੇਂ ਰਾਉਂਡ ਤੋਂ ਬਾਅਦ ਕੌਣ ਅੱਗੇ?
ਜਦੋਂ ਛੇਵੇਂ ਗੇੜ ਦੀ ਵੋਟਾਂ ਦੀ ਗਿਣਤੀ ਪੂਰੀ ਹੋਈ ਤਾਂ ਪ੍ਰਧਾਨ ਅਤੇ ਸੰਯੁਕਤ ਸਕੱਤਰ ਦੇ ਅਹੁਦਿਆਂ ‘ਤੇ ਐਨਐਸਯੂਆਈ ਅੱਗੇ ਸਨ। ਐਨਐਸਯੂਆਈ ਦੇ ਰੌਨਕ ਖੱਤਰੀ ਨੂੰ ਕੁੱਲ 6418 ਵੋਟਾਂ, ਏਬੀਵੀਪੀ ਦੇ ਰਿਸ਼ਭ ਚੌਧਰੀ ਨੂੰ ਕੁੱਲ 5821 ਵੋਟਾਂ, ਖੱਬੇ ਪੱਖੀ ਨੂੰ 925 ਅਤੇ ਨੋਟਾ ਨੂੰ 1311 ਵੋਟਾਂ ਮਿਲੀਆਂ। ਜਦੋਂ ਕਿ ਮੀਤ ਪ੍ਰਧਾਨ ਦੇ ਅਹੁਦੇ ਲਈ ਏਬੀਵੀਪੀ ਦੇ ਭਾਨੂ ਪ੍ਰਤਾਪ ਕੁੱਲ 6405 ਵੋਟਾਂ ਨਾਲ ਅੱਗੇ ਚੱਲ ਰਹੇ ਸਨ, ਜਦਕਿ ਐਨਐਸਯੂਆਈ ਦੇ ਯਸ਼ ਨੰਦਲ ਨੂੰ ਕੁੱਲ 5060 ਵੋਟਾਂ ਮਿਲੀਆਂ। ਇਸੇ ਤਰ੍ਹਾਂ ਸਕੱਤਰ ਦੇ ਅਹੁਦੇ ਲਈ ਏਬੀਵੀਪੀ ਦੀ ਮਿਤਰਾਵਿੰਦਾ ਕਰਨਵਾਲ ਕੁੱਲ 5189 ਵੋਟਾਂ ਨਾਲ ਅੱਗੇ ਸਨ, ਜਦਕਿ ਐਨਐਸਯੂਆਈ ਦੀ ਨਮਰਤਾ ਜੈਫ ਮੀਨਾ ਨੂੰ ਕੁੱਲ 5064 ਵੋਟਾਂ ਮਿਲੀਆਂ।
ਇਹ ਵੀ ਪੜ੍ਹੋ
5ਵੇਂ ਰਾਉਂਡ ਤੋਂ ਬਾਅਦ ਕੌਣ ਅੱਗੇ?
ਜਦੋਂ ਪੰਜਵੇਂ ਗੇੜ ਦੀ ਗਿਣਤੀ ਪੂਰੀ ਹੋਈ ਤਾਂ ਰੌਨਕ ਖੱਤਰੀ 4559 ਵੋਟਾਂ ਨਾਲ ਅੱਗੇ ਸਨ, ਜਦਕਿ ਰਿਸ਼ਭ ਚੌਧਰੀ ਨੂੰ ਕੁੱਲ 3910 ਵੋਟਾਂ ਮਿਲੀਆਂ ਸਨ। ਜਦੋਂ ਕਿ ਮੀਤ ਪ੍ਰਧਾਨ ਦੇ ਅਹੁਦੇ ਲਈ ਏ.ਬੀ.ਵੀ.ਪੀ ਦੇ ਉਮੀਦਵਾਰ ਭਾਨੂ ਪ੍ਰਤਾਪ 3812 ਵੋਟਾਂ ਨਾਲ ਅੱਗੇ ਸਨ ਅਤੇ ਐਨਐਸਯੂਆਈ ਦੇ ਯਸ਼ ਨੰਦਲ ਨੂੰ 3506 ਵੋਟਾਂ ਮਿਲੀਆਂ।
ਇਸ ਤੋਂ ਇਲਾਵਾ ਸਕੱਤਰ ਦੇ ਅਹੁਦੇ ਲਈ ਐਨਐਸਯੂਆਈ ਦੀ ਨਮਰਤਾ ਜੈਫ ਮੀਨਾ 4425 ਵੋਟਾਂ ਲੈ ਕੇ ਅੱਗੇ ਰਹੀ, ਜਦਕਿ ਏਬੀਵੀਪੀ ਦੇ ਮਿੱਤਰਵਿੰਦਾ ਕਰਨਵਾਲ ਨੂੰ 4308 ਵੋਟਾਂ ਮਿਲੀਆਂ। ਜਦੋਂ ਕਿ ਸੰਯੁਕਤ ਸਕੱਤਰ ਦੇ ਅਹੁਦੇ ਲਈ ਐਨਐਸਯੂਆਈ ਦੇ ਲੋਕੇਸ਼ ਕੁੱਲ 6065 ਵੋਟਾਂ ਨਾਲ ਅੱਗੇ ਚੱਲ ਰਹੇ ਸਨ, ਜਦਕਿ ਏਬੀਵੀਪੀ ਦੇ ਅਮਨ ਕਪਾਸੀਆ ਨੂੰ 3788 ਵੋਟਾਂ ਮਿਲੀਆਂ।
