28-10- 2025
TV9 Punjabi
Author:Yashika.Jethi
ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ 5 ਟੀ-20 ਮੈਚਾਂ ਦੀ ਸੀਰੀਜ਼ ਖੇਡੀ ਜਾਣੀ ਹੈ । ਇਹ ਸੀਰੀਜ਼ 29 ਅਕਤੂਬਰ ਤੋਂ ਸ਼ੁਰੂ ਹੋਣ ਵਾਲੀ ਹੈ। ਭਾਰਤੀ ਟੀਮ ਸੂਰਿਆਕੁਮਾਰ ਯਾਦਵ ਦੀ ਕਪਤਾਨੀ ਵਿੱਚ ਮੈਦਾਨ ਤੇ ਉੱਤਰੇਗੀ।
ਆਸਟ੍ਰੇਲੀਆ ਖਿਲਾਫ ਖੇਡੀ ਜਾਣ ਵਾਲੀ ਇਸ ਟੀ-20 ਸੀਰੀਜ਼ ਲਈ, ਟੀਮ ਇੰਡੀਆ ਟੀਮ ਵਿੱਚ 4 ਅਜਿਹੇ ਖਿਡਾਰੀ ਵੀ ਚੁਣੇ ਗਏ ਹਨ, ਜਿਨ੍ਹਾਂ ਨੇ T20I ਕ੍ਰਿਕਟ ਵਿੱਚ ਕਦੇ ਛੱਕਾ ਨਹੀਂ ਲਾਇਆ ਹੈ।
ਇਹ 4 ਖਿਡਾਰੀ ਕੁਲਦੀਪ ਯਾਦਵ, ਜਸਪ੍ਰੀਤ ਬੁਮਰਾਹ, ਹਰਸ਼ਿਤ ਰਾਣਾ ਅਤੇ ਵਰੁਣ ਚੱਕਰਵਰਤੀ ਹਨ। ਇਨ੍ਹਾਂ ਚਾਰਾਂ ਨੇ ਇੱਕ ਵਾਰ ਵੀ ਗੇਂਦ ਨੂੰ ਬਾਉਂਡਰੀ ਦੇ ਪਾਰ ਨਹੀਂ ਪਹੁੰਚਾਇਆ ਹੈ।
ਕੁਲਦੀਪ ਯਾਦਵ ਨੇ ਹੁਣ ਤੱਕ ਭਾਰਤ ਲਈ 47 ਟੀ-20 ਮੈਚ ਖੇਡੇ ਹਨ, ਅੱਠ ਪਾਰੀਆਂ ਵਿੱਚ 47 ਦੌੜਾਂ ਬਣਾਈਆਂ ਹਨ, ਪਰ ਇਸ ਅੰਕੜੇ ਵਿੱਚ ਇੱਕ ਵੀ ਛੱਕਾ ਸ਼ਾਮਲ ਨਹੀਂ ਹੈ।
ਹਰਸ਼ਿਤ ਰਾਣਾ ਨੇ ਵੀ ਹੁਣ ਤੱਕ ਭਾਰਤ ਲਈ 3 ਟੀ-20 ਮੈਚ ਖੇਡੇ ਹਨ, ਪਰ ਉਨ੍ਹਾਂ ਨੇ ਇੱਕ ਵੀ ਛੱਕਾ ਨਹੀਂ ਲਾਇਆ ਹੈ।
ਜਸਪ੍ਰੀਤ ਬੁਮਰਾਹ ਨੇ ਹੁਣ ਤੱਕ ਟੀਮ ਇੰਡੀਆ ਲਈ 75 ਟੀ-20 ਮੈਚ ਖੇਡੇ ਹਨ। ਉਨ੍ਹਾਂ ਨੇ ਇਨ੍ਹਾਂ ਵਿੱਚੋਂ 8 ਮੈਚਾਂ ਵਿੱਚ ਬੱਲੇਬਾਜ਼ੀ ਕੀਤੀ ਹੈ, ਪਰ ਉਨ੍ਹਾਂ ਨੇ ਅਜੇ ਤੱਕ ਇੱਕ ਵੀ ਛੱਕਾ ਨਹੀਂ ਲਾਇਆ ਹੈ।
ਭਾਰਤ ਲਈ 24 ਟੀ-20 ਮੈਚ ਖੇਡ ਚੁੱਕੇ ਵਰੁਣ ਚੱਕਰਵਰਤੀ ਨੇ ਅਜੇ ਤੱਕ ਇੱਕ ਵੀ ਛੱਕਾ ਨਹੀਂ ਲਾਇਆ ਹੈ। ਹਾਲਾਂਕਿ, ਉਨ੍ਹਾਂ ਨੂੰ ਸਿਰਫ਼ 6 ਗੇਂਦਾਂ ਖੇਡਣ ਦਾ ਹੀ ਮੌਕਾ ਮਿਲਿਆ ਹੈ।