ਸਲਮਾਨ ਖਾਨ ਦੀਆਂ 5 ਖਰਾਬ ਫਿਲਮਾਂ, ਇੱਕ ਨੂੰ 10 ਵਿੱਚੋਂ ਸਿਰਫ 1 ਰੇਟਿੰਗ ਮਿਲੀ

ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਪਿਛਲੇ 3 ਦਹਾਕਿਆਂ ਤੋਂ ਹਿੰਦੀ ਦਰਸ਼ਕਾਂ ‘ਤੇ ਹਾਵੀ ਹਨ। ਅਜਿਹਾ ਨਹੀਂ ਹੈ ਕਿ ਉਨ੍ਹਾਂ ਨੇ ਆਪਣੇ ਕਰੀਅਰ ‘ਚ ਉਤਰਾਅ-ਚੜ੍ਹਾਅ ਨਹੀਂ ਦੇਖੇ ਪਰ ਇਸ ਦੇ ਬਾਵਜੂਦ ਅਦਾਕਾਰ ਦੀਆਂ ਫਿਲਮਾਂ ਨੇ ਬਾਕਸ ਆਫਿਸ ‘ਤੇ ਵੱਡੇ ਰਿਕਾਰਡ ਬਣਾਏ ਹਨ। ਉਨ੍ਹਾਂ ਦੀਆਂ ਫਿਲਮਾਂ ਨੂੰ ਚੰਗੀ ਰੇਟਿੰਗ ਵੀ ਮਿਲੀ ਹੈ। ਪਰ ਸਲਮਾਨ ਦੀਆਂ 5 ਫਿਲਮਾਂ ਅਜਿਹੀਆਂ ਹਨ ਜਿਨ੍ਹਾਂ ਨੂੰ IMDb ਤੋਂ ਬਹੁਤ ਖਰਾਬ ਰੇਟਿੰਗ ਮਿਲੀ ਹੈ।

ਸ਼ਾਦੀ ਕਰ ਕੇ ਫਸ ਗਏ ਯਾਰ

ਸਲਮਾਨ ਖਾਨ ਨੇ ਇਸ ਫਿਲਮ ‘ਚ ਸ਼ਿਲਪਾ ਸ਼ੈੱਟੀ ਨਾਲ ਰੋਮਾਂਸ ਕੀਤਾ ਸੀ। ਇਹ ਫਿਲਮ 4 ਅਗਸਤ 2006 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ਸੀ। ਜੇਕਰ ਰਿਪੋਰਟਾਂ ਦੀ ਮੰਨੀਏ ਤਾਂ 11 ਕਰੋੜ ਰੁਪਏ ਦੇ ਬਜਟ ਨਾਲ ਬਣੀ ਇਹ ਫਿਲਮ ਦੁਨੀਆ ਭਰ ‘ਚ ਸਿਰਫ 5.02 ਕਰੋੜ ਰੁਪਏ ਦੀ ਕਮਾਈ ਕਰ ਸਕੀ ਅਤੇ ਕਾਫੀ ਫਲਾਪ ਰਹੀ। ਫਿਲਮ ਦਾ ਨਿਰਦੇਸ਼ਨ ਕੇਐਸ ਅਧਿਆਮਨ ਨੇ ਕੀਤਾ ਸੀ। ਇਸ ਫਿਲਮ ਨੂੰ IMDb ਤੋਂ 10 ਵਿੱਚੋਂ 4 ਰੇਟਿੰਗ ਮਿਲੇ ਹਨ।

ਟਿਊਬਲਾਈਟ

ਇਸ ਲਿਸਟ ‘ਚ ਟਿਊਬਲਾਈਟ ਫਿਲਮ ਦਾ ਨਾਂ ਤੁਹਾਨੂੰ ਹੈਰਾਨ ਕਰ ਸਕਦਾ ਹੈ। ਪਰ ਸਲਮਾਨ ਖਾਨ ਦੀ ਇਹ ਫਿਲਮ ਕੋਈ ਖਾਸ ਕਮਾਲ ਨਹੀਂ ਦਿਖਾ ਸਕੀ। 135 ਕਰੋੜ ਰੁਪਏ ਦੇ ਬਜਟ ‘ਚ ਬਣੀ ਇਸ ਫਿਲਮ ਦਾ ਦੁਨੀਆ ਭਰ ‘ਚ ਕੁਲੈਕਸ਼ਨ 211.14 ਕਰੋੜ ਰੁਪਏ ਰਿਹਾ। ਇਸ ਵਿੱਚ ਓਮ ਪੁਰੀ ਵੀ ਅਹਿਮ ਭੂਮਿਕਾ ਵਿੱਚ ਸਨ। ਫਿਲਮ ਦਾ ਨਿਰਦੇਸ਼ਨ ਕਬੀਰ ਖਾਨ ਨੇ ਕੀਤਾ ਸੀ। ਇਸ ਤੋਂ ਇਲਾਵਾ ਜੇਕਰ ਰੇਟਿੰਗ ਦੀ ਗੱਲ ਕਰੀਏ ਤਾਂ ਇਹ ਸਲਮਾਨ ਖਾਨ ਦੀ ਚੌਥੀ ਸਭ ਤੋਂ ਖਰਾਬ ਰੇਟਿੰਗ ਵਾਲੀ ਫਿਲਮ ਸੀ। ਇਸ ਨੂੰ 3.9 ਰੇਟਿੰਗ ਮਿਲੀ ਹੈ।

God ਤੁੱਸੀ ਗ੍ਰੇਟ ਹੋ

ਸਲਮਾਨ ਖਾਨ ਅਮਿਤਾਭ ਬੱਚਨ ਨਾਲ ਫਿਲਮ ਗੌਡ ਤੁਸੀ ਗ੍ਰੇਟ ਹੋ ਵਿੱਚ ਕੰਮ ਕਰਦੇ ਨਜ਼ਰ ਆਏ ਸਨ। ਇਸ ਤੋਂ ਇਲਾਵਾ ਫਿਲਮ ‘ਚ ਪ੍ਰਿਅੰਕਾ ਚੋਪੜਾ, ਸਤੀਸ਼ ਕੌਸ਼ਿਕ, ਅਨੁਪਮ ਖੇਰ, ਰਾਜਪਾਲ ਯਾਦਵ ਤੇ ਸੋਹੇਲ ਖਾਨ ਸਮੇਤ ਕਈ ਵੱਡੇ ਸਿਤਾਰੇ ਸਨ। ਪਰ ਫਿਲਮ 21 ਕਰੋੜ ਦੇ ਬਜਟ ਦੇ ਮੁਕਾਬਲੇ ਸਿਰਫ 20.38 ਕਰੋੜ ਰੁਪਏ ਹੀ ਕਮਾ ਸਕੀ।

ਮੀ ਐਂਡ ਮਿਸੇਜ਼ ਖੰਨਾ

ਫਿਲਮ ‘ਮੀ ਐਂਡ ਮਿਸੇਜ਼ ਖੰਨਾ’ ‘ਚ ਸਲਮਾਨ ਖਾਨ ਨੂੰ ਕਰੀਨਾ ਕਪੂਰ ਖਾਨ ਅਤੇ ਪ੍ਰਿਟੀ ਜ਼ਿੰਟਾ ਨਾਲ ਦੇਖਿਆ ਗਿਆ ਸੀ। ਇਸ ਤੋਂ ਇਲਾਵਾ ਫਿਲਮ ‘ਚ ਹੋਰ ਵੀ ਵੱਡੇ ਨਾਂ ਸਨ। ਪਰ ਸਲਮਾਨ ਦੀ ਇਹ ਫਿਲਮ ਕੋਈ ਖਾਸ ਕਮਾਲ ਨਹੀਂ ਦਿਖਾ ਸਕੀ ਅਤੇ ਬੁਰੀ ਤਰ੍ਹਾਂ ਫਲਾਪ ਹੋ ਗਈ। ਕਰੀਬ 38 ਕਰੋੜ ਰੁਪਏ ਦੇ ਬਜਟ ‘ਚ ਬਣੀ ਇਸ ਫਿਲਮ ਦੀ ਦੁਨੀਆ ਭਰ ‘ਚ ਕੁਲੈਕਸ਼ਨ 14.41 ਕਰੋੜ ਰੁਪਏ ਸੀ। ਇਸ ਫਿਲਮ ਨੂੰ ਵੀ IMDb ਤੋਂ ਬਹੁਤ ਖਰਾਬ ਰੇਟਿੰਗ ਮਿਲੀ ਹੈ। ਫਿਲਮ ਨੂੰ ਸਿਰਫ 3.4 ਰੇਟਿੰਗ ਮਿਲੀ ਹੈ।

ਇਹ ਵੀ ਪੜ੍ਹੋ

ਵਿੱਕੀ ਕੌਸ਼ਲ ਦੇ ਘਰ ਗੂੰਜੀ ਕਿਲਕਾਰੀ, ਮਾਂ ਬਣੀ ਕੈਟਰੀਨਾ ਕੈਫ

ਸਿੰਗਰ ਸੁਨੰਦਾ ਸ਼ਰਮਾ ਦੇ ਨਵੇਂ ਗੀਤ 'ਤੇ ਭਾਵੁਕ ਵੀਡੀਓ, ਜਾਣੋ ਕੀ ਕਿਹਾ?

ਗੁਰੂ ਪੁਰਬ 'ਤੇ ਗੁਰੂਦੁਆਰੇ ਪਹੁੰਚੀਆਂ ਐਕਟ੍ਰੈਸੇਸ, ਸਰਬਤ ਦੇ ਭਲੇ ਦੀ ਕੀਤੀ ਅਰਦਾਸ

ਰੇਸ 3

ਸਲਮਾਨ ਖਾਨ ਦੀ ਰੇਸ 2 ਫਿਲਮ ਦੀ ਗੱਲ ਕਰੀਏ ਤਾਂ ਇਸ ਫਿਲਮ ‘ਚ ਇੱਕ ਤੋਂ ਵਧ ਕੇ ਇੱਕ ਐਕਟਰ ਸਨ। ਅਸਲ ‘ਚ ਕਿਸੇ ਵੀ ਫਿਲਮ ਨੂੰ ਹਿੱਟ ਬਣਾਉਣ ਲਈ ਸਲਮਾਨ ਖੁਦ ਹੀ ਕਾਫੀ ਹਨ। ਇਸ ਫਿਲਮ ਦਾ ਬਜਟ 180 ਕਰੋੜ ਰੁਪਏ ਸੀ ਅਤੇ ਇਸ ਫਿਲਮ ਦਾ ਵਿਸ਼ਵਵਿਆਪੀ ਬਾਕਸ ਆਫਿਸ ਕਲੈਕਸ਼ਨ 303 ਕਰੋੜ ਰੁਪਏ ਸੀ। ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਸ ਨੂੰ IMDb ਤੋਂ ਬਹੁਤ ਮਾੜੀ ਰੇਟਿੰਗ ਮਿਲੀ ਹੈ। ਇੰਨਾ ਬੁਰਾ ਕਿ ਸ਼ਾਇਦ ਤੁਸੀਂ ਇਸ ਦੀ ਕਲਪਨਾ ਵੀ ਨਹੀਂ ਕਰ ਸਕਦੇ। ਇਸ ਫਿਲਮ ਨੂੰ 10 ਵਿੱਚੋਂ ਸਿਰਫ਼ 1.9 ਰੇਟਿੰਗ ਮਿਲੀ ਹੈ।