06-11- 2025
TV9 Punjabi
Author: Sandeep Singh
ਸਰਦੀਆਂ ਵਿਚ ਸੂਪ ਦਾ ਜ਼ਿਕਰ ਨਾ ਹੋਵੇ ਇਹ ਹੋ ਨਹੀਂ ਸਕਦਾ, ਵੈਸੇ ਚਿਕਨ ਸੂਪ ਸਭ ਤੋਂ ਵੱਧ ਫਾਇਦੇਮੰਦ ਮੰਨਿਆ ਜਾਂਦਾ ਹੈ, ਪਰ ਕਈ ਅਜਿਹੇ ਸ਼ਾਕਾਹਾਰੀ ਸੂਪ ਹਨ, ਜੋ ਸਾਨੂੰ ਠੰਡ ਵਿਚ ਵੀ ਗਰਮ ਰੱਖਦੇ ਹਨ।
ਸਰਦੀਆਂ ਦਾ ਸੁਪਰਫੂਡ ਬਾਜਰਾ ਪੋਸ਼ਕ ਤੱਤਾਂ ਦਾ ਖਜਾਣਾ ਹੈ, ਇਸ ਦੀ ਗਰਮ ਤਾਸੀਰ ਸ਼ਰੀਰ ਨੂੰ ਸਰਦੀਆਂ ਵਿਚ ਗਰਮ ਰੱਖਣ ਵਿਚ ਕਾਰਗਾਰ ਹੈ। ਇਸ ਨੂੰ ਬਣਾਉਣ ਲਈ ਬਾਜਰਾ, ਨਮਕ, ਚਾਵਲ ਅਤੇ ਕਾਲੀਆਂ ਮਿਰਚਾਂ ਦੀ ਲੋੜ ਪਵੇਗੀ
ਬਾਜਰੇ ਦੇ ਵਾਂਗੂੰ ਗਾਜਰਾਂ ਵੀ ਸਰਦੀਆਂ ਦਾ ਸੁਪਰ ਫੂਡ ਹੈ, ਇਸ ਵਿਚ ਅਦਰਕ ਅਤੇ ਕਾਲੀਆਂ ਮਿਰਚਾ ਨੂੰ ਸ਼ਾਮਲ ਕਰਨ ਨਾਲ ਇਮਉਨਿਟੀ ਬੂਸਟ ਹੁੰਦੀ ਹੈ। ਗਾਜਰ ਵਿਚ ਵਿਟਾਮਿਨ ਏ ਹੁੰਦਾ ਹੈ, ਜੋ ਅੱਖਾਂ ਲਈ ਫਾਇਦੇਮੰਦ ਹੈ।
ਸਰਦੀਆਂ ਵਿਚ ਚਿਕਨ ਤੋਂ ਬਾਅਦ ਟਮਾਟਰ ਦੇ ਸੂਪ ਨੂੰ ਸਭ ਤੋਂ ਵਧ ਪੀਤਾ ਜਾਂਦਾ ਹੈ, ਇਸ ਵਿਚ ਲਸਣ ਨੂੰ ਸ਼ਾਮਲ ਕਰਨ ਨਾਲ ਸ਼ਰੀਰ ਨੂੰ ਗਰਮੀ ਮਿਲਦੀ ਹੈ। ਟਮਾਟਰ ਸੂਪ ਦਾ ਸੁਆਦ ਵੀ ਸ਼ਾਨਦਾਰ ਹੁੰਦਾ ਹੈ।
ਆਇਰਨ, ਫਾਇਬਰ ਅਤੇ ਕੈਲਸ਼ੀਅਮ ਨਾਲ ਭਰਪੂਰ ਬ੍ਰੋਕਲੀ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੀ ਹੈ। ਬ੍ਰੋਕਲੀ ਦਾ ਸੂਪ ਬਣਾਉਂਦੇ ਸਮੇਂ ਲਸਣ, ਕਾਲੀ ਮਿਰਚ ਅਤੇ ਸਵੀਟ ਕੋਨ ਨਾ ਪਾਉਣਾ ਭੁੱਲੋ। ਇਹ ਚੀਜ਼ਾਂ ਇਸ ਨੂੰ ਟੈਸਟੀ ਬਣਾਉਣ ਵਿਚ ਮਦਦ ਕਰਦੀਆਂ ਹਨ।
ਪੇਟ ਲਈ ਕਾਰਗਾਰ ਮੁੰਗ ਦਾ ਸੂਪ ਵੀ ਸਰਦੀਆਂ ਵਿਚ ਸ਼ਰੀਰ ਨੂੰ ਗਰਮ ਰੱਖਣ ਲਈ ਬਹੁਤ ਫਾਇਦੇਮੰਦ ਹੈ। ਇਸ ਨੂੰ ਬਣਾਉਂਦੇ ਸਮੇਂ ਇਸ ਵਿਚ ਕਾਲੀਆਂ ਮਿਰਚਾਂ, ਲਸਣ ਅਤੇ ਹਲਦੀ ਪਾਉਣਾ ਨਾ ਭੁੱਲੋ।