ਮਿਡਲ ਈਸਟ ਤਣਾਅ: ਈਰਾਨ ਦਾ ਦਾਅਵਾ- Amazon AWS ਡਾਟਾ ਸੈਂਟਰ ‘ਤੇ ਦਾਗੀਆਂ ਕਰੂਜ਼ ਮਿਜ਼ਾਈਲਾਂ
Middle East Tension: ਈਰਾਨ ਦੀ IRGC ਨੇ ਦਾਅਵਾ ਕੀਤਾ ਹੈ ਕਿ ਕਰੂਜ਼ ਮਿਜ਼ਾਈਲਾਂ ਰਾਹੀਂ Bahrain ਵਿੱਚ ਐਮਾਜ਼ਾਨ ਦੇ ਡਾਟਾ ਇੰਫਰਾਸਟਰੱਕਚਰ ਨੂੰ ਨਸ਼ਟ ਕਰ ਦਿੱਤਾ ਗਿਆ ਹੈ। ਹਾਲਾਂਕਿ ਇਹ ਦਾਅਵਾ ਅਜੇ ਤੱਕ ਸੁਤੰਤਰ ਤੌਰ 'ਤੇ ਵੈਰੀਫਾਈ ਨਹੀਂ ਹੋਇਆ ਹੈ ਅਤੇ ਬਹਿਰੀਨ ਦੇ ਅਧਿਕਾਰੀਆਂ ਵੱਲੋਂ ਇਸ 'ਤੇ ਤੁਰੰਤ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਗਈ।
ਈਰਾਨ ਦੀ ਇਸਲਾਮਿਕ ਰਿਵੋਲੂਸ਼ਨਰੀ ਗਾਰਡ ਕੋਰਪਸ (IRGC) ਨੇ ਦਾਅਵਾ ਕੀਤਾ ਹੈ ਕਿ ਉਸ ਦੀ ਏਅਰੋਸਪੇਸ ਫੋਰਸ ਨੇ ਕਈ ਕਰੂਜ਼ ਮਿਜ਼ਾਈਲਾਂ ਰਾਹੀਂ ਬਹਿਰੀਨ ਵਿੱਚ ਐਮਾਜ਼ਾਨ ਵੈੱਬ ਸਰਵਿਸਿਜ਼ (AWS) ਦੇ ਸੈਂਟਰਲ ਡਾਟਾ ਇੰਫਰਾਸਟਰੱਕਚਰ ਨੂੰ ਨਿਸ਼ਾਨਾ ਬਣਾਇਆ ਅਤੇ ਨਸ਼ਟ ਕਰ ਦਿੱਤਾ। ਇਸ ਸਾਲ ਇਹ ਦੂਜੀ ਵਾਰ ਹੈ ਜਦੋਂ ਈਰਾਨ ਨੇ ਐਮਾਜ਼ਾਨ ਨਾਲ ਜੁੜੇ ਇੰਫਰਾਸਟਰੱਕਚਰ ‘ਤੇ ਹਮਲੇ ਦਾ ਦਾਅਵਾ ਕੀਤਾ ਹੈ। ਹਾਲਾਂਕਿ ਇਸ ਦਾਅਵੇ ਦੀ ਅਜੇ ਤੱਕ ਸੁਤੰਤਰ ਤੌਰ ‘ਤੇ ਪੁਸ਼ਟੀ ਨਹੀਂ ਹੋਈ ਹੈ ਅਤੇ ਨਾ ਹੀ Amazon ਜਾਂ Bahraini ਦੇ ਅਧਿਕਾਰੀਆਂ ਵੱਲੋਂ ਇਸ ਮਾਮਲੇ ‘ਤੇ ਕੋਈ ਅਧਿਕਾਰਕ ਬਿਆਨ ਜਾਰੀ ਕੀਤਾ ਗਿਆ ਹੈ।
ਅਲ ਜਜ਼ੀਰਾ ਅਤੇ ਈਰਾਨ ਦੇ ਅਧਿਕਾਰਤ IRGC ਨਿਊਜ਼ ਆਉਟਲੇਟ Sepah ਨਿਊਜ਼ ਦੀਆਂ ਰਿਪੋਰਟਾਂ ਮੁਤਾਬਕ, ਇਹ ਹਮਲਾ Operation Nasr 2 ਨਾਮਕ ਫੌਜੀ ਮੁਹਿੰਮ ਦੇ 24ਵੇਂ ਪੜਾਅ ਦਾ ਹਿੱਸਾ ਸੀ। IRGC ਵੱਲੋਂ ਜਾਰੀ ਬਿਆਨ ਵਿੱਚ ਦਾਅਵਾ ਕੀਤਾ ਗਿਆ ਕਿ ਐਮਾਜ਼ਾਨ ਦੇ ਡਾਟਾ ਇੰਫਰਾਸਟਰੱਕਚਰ ਤੋਂ ਇਲਾਵਾ, ਬਹਿਰੀਨ ਦੇ ਮੁਹਰਰਕ (Muharraq) ਅਤੇ ਰਿਫ਼ਾ (Riffa) ਇਲਾਕਿਆਂ ਵਿੱਚ ਮੌਜੂਦ ਅਮਰੀਕੀ ਏਅਰ ਡਿਫੈਂਸ ਸਿਸਟਮ ਅਤੇ ਰਡਾਰ ਇੰਸਟਾਲੇਸ਼ਨਾਂ ਨੂੰ ਵੀ ਕਈ ਕਰੂਜ਼ ਮਿਜ਼ਾਈਲਾਂ ਰਾਹੀਂ ਨਿਸ਼ਾਨਾ ਬਣਾਇਆ ਗਿਆ। ਹਾਲਾਂਕਿ ਇਨ੍ਹਾਂ ਦਾਅਵਿਆਂ ਦੀ ਸੁਤੰਤਰ ਤੌਰ ‘ਤੇ ਪੁਸ਼ਟੀ ਨਹੀਂ ਹੋਈ ਹੈ।
ਐਮਾਜ਼ਾਨ ਡਾਟਾ ਇੰਫਰਾਸਟਰੱਕਚਰ ‘ਤੇ ਹਮਲਾ
ਬਿਆਨ ਵਿੱਚ IRGC ਨੇ ਕਿਹਾ ਕਿ ਬਹਿਰੀਨ ‘ਤੇ ਕੀਤਾ ਗਿਆ ਹਮਲਾ ਈਰਾਨ ਦੇ ਡਾਰਖੋਵਿਨ (Darkhovin) ਵਿੱਚ ਬਣ ਰਹੀਆਂ ਸਿਵਲ ਸਹੂਲਤਾਂ ‘ਤੇ ਪਿਛਲੇ ਦਿਨ ਹੋਏ ਅਮਰੀਕੀ ਫੌਜੀ ਹਮਲੇ ਦਾ ਬਦਲਾ ਸੀ। ਈਰਾਨੀ ਸਰਕਾਰ ਨਾਲ ਜੁੜੀ ਰਿਪੋਰਟ WANA ਮੁਤਾਬਕ, ਇਹ ਐਲਾਨ ਸਟੇਟਮੈਂਟ ਨੰਬਰ 39 ਵਿੱਚ ਕੀਤਾ ਗਿਆ ਸੀ। ਇਸ ਵਿੱਚ ਦਾਅਵਾ ਕੀਤਾ ਗਿਆ ਕਿ ਐਮਾਜ਼ਾਨ ਦੇ ਡਾਟਾ ਇੰਫਰਾਸਟਰੱਕਚਰ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਕਈ ਕਰੂਜ਼ ਮਿਜ਼ਾਈਲਾਂ ਦਾਗੀਆਂ ਗਈਆਂ। IRGC ਨੇ ਕਿਹਾ ਕਿ ਇਸ ਆਪਰੇਸ਼ਨ ਨਾਲ ਜੁੜੀ ਹੋਰ ਜਾਣਕਾਰੀ ਬਾਅਦ ਵਿੱਚ ਜਾਰੀ ਕੀਤੀ ਜਾਵੇਗੀ। ਹਾਲਾਂਕਿ, ਇਸ ਦਾਅਵੇ ਦੀ ਅਜੇ ਤੱਕ ਸੁਤੰਤਰ ਤੌਰ ‘ਤੇ ਪੁਸ਼ਟੀ ਨਹੀਂ ਹੋਈ ਹੈ।
ਇਹ ਨਵਾਂ ਦਾਅਵਾ ਈਰਾਨ ਦੇ ਉਸ ਬਿਆਨ ਦੇ ਕੁਝ ਮਹੀਨਿਆਂ ਬਾਅਦ ਆਇਆ ਹੈ, ਜਿਸ ਵਿੱਚ ਉਸ ਨੇ ਪਹਿਲਾਂ ਕਿਹਾ ਸੀ ਕਿ ਅਮਰੀਕਾ ਨਾਲ ਸੰਘਰਸ਼ ਦੇ ਸ਼ੁਰੂਆਤੀ ਦੌਰ ਵਿੱਚ ਬਹਿਰੀਨ ਵਿੱਚ ਐਮਾਜ਼ਾਨ ਨਾਲ ਜੁੜੀ ਇੱਕ ਸਹੂਲਤ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ। ਇਹ ਦੂਜੀ ਵਾਰ ਹੈ ਜਦੋਂ ਤੇਹਰਾਨ ਨੇ ਖਾੜੀ ਖੇਤਰ ਵਿੱਚ ਕਿਸੇ ਵੱਡੀ ਅਮਰੀਕੀ ਟੈਕ ਕੰਪਨੀ ਦੇ ਇੰਫਰਾਸਟਰੱਕਚਰ ‘ਤੇ ਹਮਲੇ ਦਾ ਦਾਅਵਾ ਕੀਤਾ ਹੈ।
ਜਦਕਿ ਤੇਹਰਾਨ ਦਾ ਦਾਅਵਾ ਹੈ ਕਿ ਉਸ ਨੇ ਬਹਿਰੀਨ ਵਿੱਚ ਐਮਾਜ਼ਾਨ ਦੇ ਇੰਫਰਾਸਟਰੱਕਚਰ ਦੇ ਨਾਲ-ਨਾਲ ਇੱਕ ਅਮਰੀਕੀ ਫੌਜੀ ਅੱਡੇ ਨੂੰ ਵੀ ਨਿਸ਼ਾਨਾ ਬਣਾਇਆ ਸੀ, ਉੱਥੇ ਬਹਿਰੀਨ ਦੀ ਫੌਜ ਨੇ ਕਿਹਾ ਕਿ ਉਸ ਨੇ ਆਉਣ ਵਾਲੇ ਕਈ ਪ੍ਰੋਜੈਕਟਾਈਲਾਂ ਨੂੰ ਰੋਕ ਕੇ ਨਸ਼ਟ ਕਰ ਦਿੱਤਾ। ਅਲ ਜਜ਼ੀਰਾ ਦੀ ਰਿਪੋਰਟ ਮੁਤਾਬਕ, ਬਹਿਰੀਨ ਦੇ ਅਧਿਕਾਰੀਆਂ ਨੇ ਐਮਾਜ਼ਾਨ ਦੀ ਕਿਸੇ ਸਹੂਲਤ ‘ਤੇ ਹਮਲੇ ਦੀ ਪੁਸ਼ਟੀ ਨਹੀਂ ਕੀਤੀ ਅਤੇ ਨਾ ਹੀ ਕਿਸੇ ਨੁਕਸਾਨ ਦੀ ਕੋਈ ਅਧਿਕਾਰਤ ਜਾਣਕਾਰੀ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ
ਇਹ ਹਮਲਾ ਉਸ ਸਮੇਂ ਹੋਇਆ ਹੈ ਜਦੋਂ ਈਰਾਨ ਅਤੇ ਅਮਰੀਕਾ ਵਿਚਕਾਰ ਤਣਾਅ ਘਟਾਉਣ ਲਈ ਕੂਟਨੀਤਿਕ ਕੋਸ਼ਿਸ਼ਾਂ ਦੇ ਬਾਵਜੂਦ ਜੰਗ ਲਗਾਤਾਰ ਦਸਵੇਂ ਦਿਨ ਵੀ ਜਾਰੀ ਹੈ। ਜਿਵੇਂ ਹੀ ਅਮਰੀਕਾ ਨੇ ਈਰਾਨੀ ਫੌਜੀ ਅਤੇ ਰਣਨੀਤਿਕ ਥਾਵਾਂ ‘ਤੇ ਹਮਲੇ ਤੇਜ਼ ਕੀਤੇ, ਤੇਹਰਾਨ ਨੇ ਚੇਤਾਵਨੀ ਦਿੱਤੀ ਕਿ ਉਹ ਅਮਰੀਕੀ ਫੌਜ ਵੱਲੋਂ ਵਰਤੀਆਂ ਜਾਣ ਵਾਲੀਆਂ ਗੁਆਂਢੀ ਦੇਸ਼ਾਂ ਦੀਆਂ ਥਾਵਾਂ ਨੂੰ ਨਿਸ਼ਾਨਾ ਬਣਾ ਸਕਦਾ ਹੈ।
Source:TV9Hindi.com
