AQI
TV9 NETWORK LOGO
User Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ਪੰਜਾਬਦੇਸ਼ਦੁਨੀਆਵਿਧਾਨ ਸਭਾ ਚੋਣ 2027ਟ੍ਰੈਂਡਿੰਗਮਨੋਰੰਜਨਵੈੱਬ ਸਟੋਰੀਜ਼ਖੇਡਾਂਧਰਮਵੀਡੀਓਸ਼ਾਰਟ ਵੀਡੀਓਜ਼ਲਾਈਫਸਟਾਈਲਕਾਰੋਬਾਰਟੈਕਨੋਲਜੀਫੋਟੋ ਗੈਲਰੀ

PM ਮੋਦੀ ਨੇ ਟਰੰਪ ਨੂੰ ਦਿੱਤੀ Golden ਪਿਛਵਾਈ ਪੇਂਟਿੰਗ, ਜਾਣੋ ਮਨੀਲਾ ‘ਚ ਵੱਖ-ਵੱਖ ਨੇਤਾਵਾਂ ਨੂੰ ਕੀ-ਕੀ ਤੋਹਫ਼ੇ ਦਿੱਤੇ

PM Narendra Modi: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਫਿਲੀਪੀਨਜ਼ ਦੀ ਰਾਜਧਾਨੀ ਮਨੀਲਾ ਵਿੱਚ ਆਸੀਆਨ-ਭਾਰਤ ਸਿਖਰ ਸੰਮੇਲਨ ਅਤੇ ਕਵਾਡ ਨੇਤਾਵਾਂ ਦੀ ਬੈਠਕ ਵਿੱਚ ਹਿੱਸਾ ਲਿਆ। ਇਸ ਦੌਰਾਨ ਉਨ੍ਹਾਂ ਨੇ ਦੁਨੀਆ ਦੇ ਵੱਖ-ਵੱਖ ਦੇਸ਼ਾਂ ਦੇ ਨੇਤਾਵਾਂ ਨੂੰ ਭਾਰਤ ਦੀਆਂ ਵਿਲੱਖਣ ਕਲਾਕ੍ਰਿਤੀਆਂ ਅਤੇ ਰਵਾਇਤੀ ਦਸਤਕਾਰੀ ਨਾਲ ਜੁੜੇ ਤੋਹਫ਼ੇ ਭੇਟ ਕੀਤੇ।

PM ਮੋਦੀ ਨੇ ਟਰੰਪ ਨੂੰ ਦਿੱਤੀ Golden ਪਿਛਵਾਈ ਪੇਂਟਿੰਗ, ਜਾਣੋ ਮਨੀਲਾ 'ਚ ਵੱਖ-ਵੱਖ ਨੇਤਾਵਾਂ ਨੂੰ ਕੀ-ਕੀ ਤੋਹਫ਼ੇ ਦਿੱਤੇ
ਟਰੰਪ ਨੂੰ PM ਮੋਦੀ ਨੇ ਦਿੱਤਾ ਖ਼ਾਸ ਤੋਹਫ਼ਾ
tv9-punjabi
| Published: 18 Nov 2026 13:01 PM IST
Share

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੋ ਦਿਨਾਂ ਦੇ ਫਿਲੀਪੀਨਜ਼ ਦੌਰੇ ‘ਤੇ ਮਨੀਲਾ ਪਹੁੰਚੇ ਸਨ। ਇੱਥੇ ਉਨ੍ਹਾਂ ਨੇ 23ਵੇਂ ਆਸੀਆਨ-ਭਾਰਤ ਸਿਖਰ ਸੰਮੇਲਨ, 21ਵੇਂ ਪੂਰਬੀ ਏਸ਼ੀਆ ਸਿਖਰ ਸੰਮੇਲਨ ਅਤੇ ਕਵਾਡ ਨੇਤਾਵਾਂ ਦੀ ਬੈਠਕ ਵਿੱਚ ਸ਼ਿਰਕਤ ਕੀਤੀ। PM ਮੋਦੀ ਨੇ ਵਿਸ਼ਵ ਨੇਤਾਵਾਂ ਨੂੰ ਭਾਰਤ ਦੇ ਵਿਸ਼ਵ ਪ੍ਰਸਿੱਧ ਹਸਤਸ਼ਿਲਪ ਅਤੇ ਕਲਾਕ੍ਰਿਤੀਆਂ ਦੇ ਤੋਹਫ਼ੇ ਵੀ ਭੇਟ ਕੀਤੇ।

ਇਨ੍ਹਾਂ ਤੋਹਫ਼ਿਆਂ ਵਿੱਚ ਕਸ਼ਮੀਰੀ ਸਿਲਕ ਦਾ ਕਾਰਪੇਟ, ਰਾਜਸਥਾਨ ਦੀ ਪਿਛਵਾਈ ਪੇਂਟਿੰਗ ਅਤੇ ਗੁਜਰਾਤ ਦੀ ਰੋਗਨ ਕਲਾ ਤੋਂ ਲੈ ਕੇ 4,000 ਸਾਲ ਤੋਂ ਵੀ ਪੁਰਾਣੀ ਲੌਸਟ-ਵੈਕਸ ਕਾਸਟਿੰਗ ਤਕਨੀਕ ਨਾਲ ਬਣਾਈ ਗਈ ਡੋਕਰਾ ਕਲਾਕ੍ਰਿਤੀ ਵਾਲੀ ਕਿਸ਼ਤੀ ਸ਼ਾਮਲ ਹੈ।

ਫਿਲੀਪੀਨਜ਼ ਦੇ ਰਾਸ਼ਟਰਪਤੀ ਨੂੰ ਕਸ਼ਮੀਰੀ ਕਾਰਪੇਟ ਤੋਹਫ਼ੇ ਵਿੱਚ ਦਿੱਤਾ

ਪ੍ਰਧਾਨ ਮੰਤਰੀ ਮੋਦੀ ਨੇ ਮੇਜ਼ਬਾਨ ਦੇਸ਼ ਫਿਲੀਪੀਨਜ਼ ਦੇ ਰਾਸ਼ਟਰਪਤੀ ਫਰਡੀਨੈਂਡ ਆਰ. ਮਾਰਕੋਸ ਜੂਨੀਅਰ ਨੂੰ ਕਸ਼ਮੀਰੀ ਸਿਲਕ ਨਾਲ ਬਣਿਆ ਕਾਰਪੇਟ ਤੋਹਫ਼ੇ ਵਜੋਂ ਦਿੱਤਾ। ਬਿਹਤਰੀਨ ਰੇਸ਼ਮ ਨਾਲ ਤਿਆਰ ਕੀਤਾ ਗਿਆ ਇਹ ਕਾਰਪੇਟ ਆਪਣੇ ਬਾਰੀਕ ਡਿਜ਼ਾਈਨ, ਨਰਮ ਬਣਾਵਟ ਅਤੇ ਮਜ਼ਬੂਤੀ ਲਈ ਮਸ਼ਹੂਰ ਹੈ।

Kashmere Carpet

ਇਹ ਕਾਰਪੇਟ ਬਿਹਤਰੀਨ ਰੇਸ਼ਮ ਨਾਲ ਤਿਆਰ ਕੀਤਾ ਜਾਂਦਾ ਹੈ।

ਇਸ ਨੂੰ ਰਵਾਇਤੀ ਹੱਥਾਂ ਨਾਲ ਬੁਣਨ ਦੀ ਤਕਨੀਕ ਰਾਹੀਂ ਤਿਆਰ ਕੀਤਾ ਜਾਂਦਾ ਹੈ। ਇੱਕ ਕਾਰਪੇਟ ਨੂੰ ਪੂਰਾ ਕਰਨ ਵਿੱਚ ਕਈ ਮਹੀਨੇ ਅਤੇ ਕਈ ਵਾਰ ਇੱਕ ਸਾਲ ਤੱਕ ਦਾ ਸਮਾਂ ਵੀ ਲੱਗ ਜਾਂਦਾ ਹੈ।

ਫਿਲੀਪੀਨਜ਼ ਦੀ ਫਰਸਟ ਲੇਡੀ ਨੂੰ ਭੇਟ ਕੀਤੀ ਪਸ਼ਮੀਨਾ ਸ਼ਾਲ

ਫਿਲੀਪੀਨਜ਼ ਦੀ ਫਰਸਟ ਲੇਡੀ ਲੀਜ਼ਾ ਅਰਨੇਟਾ-ਮਾਰਕੋਸ ਨੂੰ PM ਮੋਦੀ ਨੇ ਪਸ਼ਮੀਨਾ ਸ਼ਾਲ ਤੋਹਫ਼ੇ ਵਿੱਚ ਦਿੱਤੀ। ਇਹ ਸ਼ਾਲ ‘ਚਾਂਗਥਾਂਗੀ’ ਬੱਕਰੀ ਦੇ ਸਰੀਰ ਦੇ ਅੰਦਰੂਨੀ ਹਿੱਸੇ ਤੋਂ ਮਿਲਣ ਵਾਲੇ ਬੇਹੱਦ ਬਰੀਕ ਕਸ਼ਮੀਰੀ ਰੇਸ਼ਿਆਂ ਨਾਲ ਤਿਆਰ ਕੀਤੀ ਜਾਂਦੀ ਹੈ। ਇਹ ਆਪਣੇ ਹਲਕੇ ਭਾਰ ਅਤੇ ਨਿੱਘ ਲਈ ਜਾਣੀ ਜਾਂਦੀ ਹੈ।

Pashmina Shawl

ਪਸ਼ਮੀਨਾ ਸ਼ਾਲ ‘ਚਾਂਗਥਾਂਗੀ’ ਬੱਕਰੀ ਦੇ ਸਰੀਰ ਦੇ ਅੰਦਰੂਨੀ ਹਿੱਸੇ ਤੋਂ ਮਿਲਣ ਵਾਲੇ ਬੇਹੱਦ ਬਰੀਕ ਕਸ਼ਮੀਰੀ ਉੱਨ ਦੇ ਰੇਸ਼ਿਆਂ ਨਾਲ ਤਿਆਰ ਕੀਤੀ ਜਾਂਦੀ ਹੈ।

ਇਸ ਸ਼ਾਲ ਨੂੰ ਕਾਗਜ਼ ਦੀ ਲੁਗਦੀ ਨਾਲ ਬਣੇ ਡੱਬੇ ਵਿੱਚ ਰੱਖਿਆ ਗਿਆ ਸੀ, ਜਿਸ ਨੂੰ ‘ਪੇਪੀਅਰ ਮਾਸ਼ੇ’ ਕਿਹਾ ਜਾਂਦਾ ਹੈ। ਇਸ ਡੱਬੇ ਨੂੰ ਵੀ ਕਾਗਜ਼ ਦੀਆਂ ਪਰਤਾਂ ਜੋੜ ਕੇ ਹੱਥਾਂ ਨਾਲ ਤਿਆਰ ਕੀਤਾ ਜਾਂਦਾ ਹੈ। ਇਸ ਉੱਤੇ ਫੁੱਲਾਂ ਦੇ ਬਾਰੀਕ ਡਿਜ਼ਾਈਨ ਅਤੇ ਚਮਕਦਾਰ ਰੰਗਾਂ ਦੀ ਨੱਕਾਸ਼ੀ ਕੀਤੀ ਗਈ ਹੈ।

ਡੋਨਾਲਡ ਟਰੰਪ ਨੂੰ ਭੇਟ ਕੀਤੀ ਗੋਲਡਨ ਪਿਛਵਾਈ ਪੇਂਟਿੰਗ

ਇਸ ਤੋਂ ਇਲਾਵਾ PM ਮੋਦੀ ਨੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਗੋਲਡਨ ਪਿਛਵਾਈ ਪੇਂਟਿੰਗ ਤੋਹਫ਼ੇ ਵਜੋਂ ਦਿੱਤੀ। ਕੱਪੜਿਆਂ ਉੱਤੇ ਕੀਤੀ ਜਾਣ ਵਾਲੀ ਇਹ ਰਵਾਇਤੀ ਚਿੱਤਰਕਲਾ ਰਾਜਸਥਾਨ ਦੇ ਨਾਥਦੁਆਰਾ ਤੋਂ ਸ਼ੁਰੂ ਹੋਈ ਸੀ। ਇਹ ਆਪਣੇ ਬਾਰੀਕ ਵੇਰਵਿਆਂ ਅਤੇ ਚਮਕਦਾਰ ਰੰਗਾਂ ਵਾਲੀਆਂ ਕਲਾਕ੍ਰਿਤੀਆਂ ਲਈ ਮਸ਼ਹੂਰ ਹੈ।

Golden Pichwai Painting

ਇਸ ਰਵਾਇਤੀ ਚਿੱਤਰਕਲਾ ਦੀ ਸ਼ੁਰੂਆਤ ਰਾਜਸਥਾਨ ਦੇ ਨਾਥਦੁਆਰਾ ਤੋਂ ਹੋਈ ਸੀ।

ਇਸ ਵਿੱਚ ਸੋਨੇ ਦੀ ਕਾਰੀਗਰੀ ਅਤੇ ਖਣਿਜ ਰੰਗਾਂ ਦੀ ਵਰਤੋਂ ਕਰਕੇ ਬਿਹਤਰੀਨ ਕੱਪੜੇ ਉੱਤੇ ਕਮਲ, ਗਾਂ, ਦਰੱਖਤ ਅਤੇ ਸਜਾਵਟੀ ਬਾਰਡਰ ਵਰਗੇ ਡਿਜ਼ਾਈਨ ਬਣਾਏ ਜਾਂਦੇ ਹਨ। ਇਹ ਕਲਾਕਾਰੀ ਨੂੰ ਸ਼ਾਹੀ ਅਤੇ ਚਮਕਦਾਰ ਦਿੱਖ ਦਿੰਦੇ ਹਨ।

ਜਾਪਾਨ ਦੀ PM ਨੂੰ ਬਣਾਰਸੀ ਕਤਾਨ ਸਿਲਕ ਦਾ ਦੁਪੱਟਾ

ਜਾਪਾਨ ਦੀ ਪ੍ਰਧਾਨ ਮੰਤਰੀ ਸਾਨਾਏ ਤਾਕਾਇਚੀ ਨੂੰ ਰਾਇਲ ਬਲੂ ਰੰਗ ਦਾ ਬਣਾਰਸੀ ਕਤਾਨ ਸਿਲਕ ਦੁਪੱਟਾ ਭੇਟ ਕੀਤਾ ਗਿਆ। ਕਤਾਨ ਸਿਲਕ ਨਾਲ ਬਣਿਆ ਇਹ ਦੁਪੱਟਾ ਬਨਾਰਸ ਦੀ ਸਦੀਆਂ ਪੁਰਾਣੀ ਕੱਪੜਾ ਕਲਾ ਦੀ ਪਛਾਣ ਹੈ।

Katan Silk Stole

ਕਤਾਨ ਸਿਲਕ ਨਾਲ ਬਣਿਆ ਇਹ ਦੁਪੱਟਾ ਬਨਾਰਸ ਦੀ ਸਦੀਆਂ ਪੁਰਾਣੀ ਕੱਪੜਾ ਕਲਾ ਦੀ ਪਛਾਣ ਹੈ।

PM ਮੋਦੀ ਨੇ ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਐਂਥਨੀ ਅਲਬਨੀਜ਼ ਨੂੰ ਜੈਪੁਰ ਦੀ ਬਲੂ ਪੌਟਰੀ ਦੀ ਇੱਕ ਕਲਾਕ੍ਰਿਤੀ ਤੋਹਫ਼ੇ ਵਿੱਚ ਦਿੱਤੀ। ਕੁਆਰਟਜ਼ ਆਧਾਰਿਤ ਮਿਸ਼ਰਣ ਨਾਲ ਬਣਾਈ ਜਾਣ ਵਾਲੀ ਜੈਪੁਰ ਦੀ ਬਲੂ ਪੌਟਰੀ ਮੁਲਾਇਮ, ਨਾਜ਼ੁਕ ਅਤੇ ਹਲਕੀ ਪਾਰਦਰਸ਼ੀ ਹੁੰਦੀ ਹੈ। ਇਸ ਉੱਤੇ ਹੱਥਾਂ ਨਾਲ ਫੁੱਲਾਂ, ਪੰਛੀਆਂ ਅਤੇ ਕਈ ਤਰ੍ਹਾਂ ਦੀਆਂ ਜਿਓਮੈਟ੍ਰਿਕ ਆਕ੍ਰਿਤੀਆਂ ਦੇ ਡਿਜ਼ਾਈਨ ਬਣਾਏ ਜਾਂਦੇ ਹਨ।

Jaipur Blue Pottery

ਜੈਪੁਰ ਦੀ ਬਲੂ ਪੌਟਰੀ ਕੁਆਰਟਜ਼-ਆਧਾਰਿਤ ਮਿਸ਼ਰਣ ਨਾਲ ਤਿਆਰ ਕੀਤੀ ਜਾਂਦੀ ਹੈ।

ਥਾਈਲੈਂਡ ਦੇ ਪ੍ਰਧਾਨ ਮੰਤਰੀ ਅਨੁਤਿਨ ਚਰਨਵੀਰਾਕੁਲ ਨੂੰ PM ਮੋਦੀ ਨੇ ‘ਰੋਗਨ ਆਰਟ’ ਪੇਂਟਿੰਗ ਤੋਹਫ਼ੇ ਵਿੱਚ ਦਿੱਤੀ। ਇਸ ਦੁਰਲੱਭ ਅਤੇ ਸਦੀਆਂ ਪੁਰਾਣੀ ਕਲਾ ਦੀ ਸ਼ੁਰੂਆਤ ਗੁਜਰਾਤ ਦੇ ਕੱਛ ਖੇਤਰ ਤੋਂ ਹੋਈ ਸੀ। ਇਸ ਵਿੱਚ ਅਰੰਡੀ ਦੇ ਤੇਲ ਨੂੰ ਉਬਾਲ ਕੇ ਉਸ ਵਿੱਚ ਕੁਦਰਤੀ ਰੰਗ ਮਿਲਾਏ ਜਾਂਦੇ ਹਨ, ਜਿਸ ਨਾਲ ਗਾੜ੍ਹਾ ਪੇਂਟ ਤਿਆਰ ਹੁੰਦਾ ਹੈ।

Rogan Art Painting

ਅਰੰਡੀ ਦੇ ਤੇਲ ਨੂੰ ਉਬਾਲ ਕੇ ਉਸ ਵਿੱਚ ਕੁਦਰਤੀ ਰੰਗ ਮਿਲਾ ਕੇ ਪੇਂਟ ਤਿਆਰ ਕੀਤਾ ਜਾਂਦਾ ਹੈ।

ਕਾਰੀਗਰ ਇੱਕ ਸਟਾਈਲਸ ਦੀ ਮਦਦ ਨਾਲ ਕੱਪੜੇ ਉੱਤੇ ਬਾਰੀਕ ਡਿਜ਼ਾਈਨ ਬਣਾਉਂਦੇ ਹਨ। ਇਸ ਤੋਂ ਬਾਅਦ ਕੱਪੜੇ ਨੂੰ ਮੋੜਨ ਨਾਲ ਉਸ ਦਾ ਸ਼ੀਸ਼ੇ ਵਰਗਾ ਪ੍ਰਤੀਬਿੰਬ ਦੂਜੇ ਹਿੱਸੇ ਉੱਤੇ ਛਪ ਜਾਂਦਾ ਹੈ।

ਵਿਅਤਨਾਮ ਦੇ ਪ੍ਰਧਾਨ ਮੰਤਰੀ ਲੇ ਮਿਨ੍ਹ ਹੰਗ ਨੂੰ PM ਮੋਦੀ ਨੇ ਹੱਥਾਂ ਨਾਲ ਬਣਾਇਆ ਰਵਾਇਤੀ ਚਮੜੇ ਦਾ ‘ਵਾਲ ਹੈਂਗਿੰਗ’ ਤੋਹਫ਼ੇ ਵਜੋਂ ਦਿੱਤਾ। ਟ੍ਰੀਟ ਕੀਤੇ ਅਤੇ ਤਿਆਰ ਕੀਤੇ ਚਮੜੇ ਨਾਲ ਬਣਾਈ ਗਈ ਇਸ ਕਲਾਕ੍ਰਿਤੀ ਨੂੰ ਮਾਹਰ ਕਾਰੀਗਰ ਤਿਆਰ ਕਰਦੇ ਹਨ। ਇਸ ਉੱਤੇ ਛੇਦਕਾਰੀ, ਉਭਰੀ ਹੋਈ ਨੱਕਾਸ਼ੀ ਅਤੇ ਰੰਗਾਈ ਰਾਹੀਂ ਫੁੱਲਾਂ, ਜਿਓਮੈਟ੍ਰਿਕ ਆਕ੍ਰਿਤੀਆਂ ਅਤੇ ਜੰਗਲੀ ਜੀਵਾਂ ਦੇ ਬਾਰੀਕ ਡਿਜ਼ਾਈਨ ਬਣਾਏ ਜਾਂਦੇ ਹਨ। ਇਸ ਵਿੱਚ ਕੁਦਰਤੀ ਬਨਸਪਤੀ ਰੰਗਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ।

ਕੰਬੋਡੀਆ ਦੇ PM ਨੂੰ 4,000 ਸਾਲ ਪੁਰਾਣੀ ਤਕਨੀਕ ਨਾਲ ਬਣੀ ਕਿਸ਼ਤੀ ਦਿੱਤੀ

Leather Wall Hanging

ਇਸ ਵਾਲ ਹੈਂਗਿੰਗ ਵਿੱਚ ਕੁਦਰਤੀ ਬਨਸਪਤੀ ਰੰਗਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ।

PM ਮੋਦੀ ਨੇ ਕੰਬੋਡੀਆ ਦੇ ਪ੍ਰਧਾਨ ਮੰਤਰੀ ਹੁਨ ਮਾਨੇਤ ਨੂੰ 4,000 ਸਾਲ ਤੋਂ ਵੀ ਪੁਰਾਣੀ ਲੌਸਟ-ਵੈਕਸ ਕਾਸਟਿੰਗ ਤਕਨੀਕ ਨਾਲ ਤਿਆਰ ਕੀਤੀ ਡੋਕਰਾ ਕਲਾਕ੍ਰਿਤੀ ਵਾਲੀ ਕਿਸ਼ਤੀ ਭੇਟ ਕੀਤੀ। ਮੋਮ ਵਿੱਚ ਢਾਲ ਕੇ ਅਤੇ ਫਿਰ ਧਾਤ ਵਿੱਚ ਤਿਆਰ ਕੀਤੀ ਗਈ ਇਹ ਕਿਸ਼ਤੀ ਭਾਈਚਾਰਕ ਜੀਵਨ ਅਤੇ ਕੁਦਰਤ ਨਾਲ ਤਾਲਮੇਲ ਨੂੰ ਦਰਸਾਉਂਦੀ ਹੈ।

Dokra Artwork Boat

ਲੌਸਟ-ਵੈਕਸ ਕਾਸਟਿੰਗ ਤਕਨੀਕ 4,000 ਸਾਲ ਤੋਂ ਵੀ ਜ਼ਿਆਦਾ ਪੁਰਾਣੀ ਹੈ।

ਤਿਮੋਰ-ਲੇਸਤੇ ਦੇ ਪ੍ਰਧਾਨ ਮੰਤਰੀ ਨੂੰ ਗੁਜਰਾਤ ਦੇ ਖੰਭਾਤ ਵਿੱਚ ਬਣਿਆ ‘ਏਗੇਟ ਬਾਊਲ’ ਤੋਹਫ਼ੇ ਵਜੋਂ ਦਿੱਤਾ ਗਿਆ। ਏਗੇਟ ਪੱਥਰ ਨਾਲ ਬਣੀ ਇਹ ਕਲਾਕ੍ਰਿਤੀ ਆਪਣੀਆਂ ਕੁਦਰਤੀ ਧਾਰੀਆਂ, ਰੰਗਾਂ ਅਤੇ ਬਣਾਵਟ ਲਈ ਜਾਣੀ ਜਾਂਦੀ ਹੈ।

Agate Bowl

ਕੁਦਰਤੀ ਧਾਰੀਆਂ, ਰੰਗਾਂ ਅਤੇ ਬਣਾਵਟ ਲਈ ਮਸ਼ਹੂਰ।

ਇਸ ਤੋਂ ਇਲਾਵਾ ਮਿਆਂਮਾਰ ਅਤੇ ਬਰੂਨੇਈ ਦੇ ਸੁਲਤਾਨ ਨੂੰ ਬਿਦਰੀਵੇਅਰ ਸ਼ੈਲੀ ਵਿੱਚ ਚਾਂਦੀ ਦੀ ਨੱਕਾਸ਼ੀ ਵਾਲਾ ਇੱਕ ਫੁੱਲਦਾਨ ਵੀ ਤੋਹਫ਼ੇ ਵਜੋਂ ਭੇਟ ਕੀਤਾ ਗਿਆ।

Bidriware Silver Inlay Vase

ਬਿਦਰੀਵੇਅਰ ਸ਼ੈਲੀ ਦੀ ਸ਼ਾਨਦਾਰ ਕਲਾਕ੍ਰਿਤੀ।

Source: TV9Hindi.com

Follow Us
PM ਮੋਦੀ ਨੇ ASEAN ਨੂੰ ਦਿੱਤਾ ਸ਼ਾਂਤੀ ਦਾ ਮੰਤਰ, ਦੁਨੀਆ ਨੂੰ ਲੈ ਕੇ ਕਹੀ ਇਹ ਗੱਲ
PM ਮੋਦੀ ਨੇ ASEAN ਨੂੰ ਦਿੱਤਾ ਸ਼ਾਂਤੀ ਦਾ ਮੰਤਰ, ਦੁਨੀਆ ਨੂੰ ਲੈ ਕੇ ਕਹੀ ਇਹ ਗੱਲ...
ਫਿਲੀਪੀਨਜ਼ ਦੇ ਗੁਰਦੁਆਰੇ 'ਚ PM ਮੋਦੀ ਨੇ ਟੇਕਿਆ ਮੱਥਾ, ਹੋਈ ਵਿਸ਼ੇਸ਼ ਅਰਦਾਸ
ਫਿਲੀਪੀਨਜ਼ ਦੇ ਗੁਰਦੁਆਰੇ 'ਚ PM ਮੋਦੀ ਨੇ ਟੇਕਿਆ ਮੱਥਾ, ਹੋਈ ਵਿਸ਼ੇਸ਼ ਅਰਦਾਸ...
ਫਰੀਦਕੋਟ ਪਹੰਚੇ ਚੰਨੀ ਦਾ ਆਪ ਵਰਕਰਾਂ ਨੇ ਕਾਲੇ ਝੰਡੇ ਵਿਖਾ ਕੇ ਕੀਤਾ ਵਿਰੋਧ, ਰੱਖੀ ਇਹ ਮੰਗ...
ਫਰੀਦਕੋਟ ਪਹੰਚੇ ਚੰਨੀ ਦਾ ਆਪ ਵਰਕਰਾਂ ਨੇ ਕਾਲੇ ਝੰਡੇ ਵਿਖਾ ਕੇ ਕੀਤਾ ਵਿਰੋਧ, ਰੱਖੀ ਇਹ ਮੰਗ......
Diljit Dosanjh Concert: ਕਿਸੀ ਕੇ ਬਾਪ ਕਾ ਹਿੰਦੁਸਤਾਨ ਥੋੜੀ ਹੈ....ਦੋਸਾਂਝਾ ਵਾਲੇ ਨੇ ਇੰਦੌਰੀ ਦੇ ਸ਼ੇਅਰ ਨਾਲ ਦਿੱਤਾ ਜਵਾਬ
Diljit Dosanjh Concert: ਕਿਸੀ ਕੇ ਬਾਪ ਕਾ ਹਿੰਦੁਸਤਾਨ ਥੋੜੀ ਹੈ....ਦੋਸਾਂਝਾ ਵਾਲੇ ਨੇ ਇੰਦੌਰੀ ਦੇ ਸ਼ੇਅਰ ਨਾਲ ਦਿੱਤਾ ਜਵਾਬ...
ਦਿੱਲੀ ਦੇ Trade Fair ਵਿੱਚ ਕੀ-ਕੀ ਵਿੱਕ ਰਿਹਾ? ਭਾਰਤ ਮੰਡਪਮ ਦਾ ਪੂਰਾ ਟੂਰ
ਦਿੱਲੀ ਦੇ Trade Fair ਵਿੱਚ ਕੀ-ਕੀ ਵਿੱਕ ਰਿਹਾ? ਭਾਰਤ ਮੰਡਪਮ ਦਾ ਪੂਰਾ ਟੂਰ...
ਭਾਰਤ ਨੇ ਨਿਊਜ਼ੀਲੈਂਡ 'ਚ ਵਨਡੇ ਸੀਰੀਜ਼ ਜਿੱਤ ਕੇ ਰਚਿਆ ਇਤਿਹਾਸ, 7 ਸਾਲਾਂ ਬਾਅਦ ਮਿਲਿਆ ਮੌਕਾ
ਭਾਰਤ ਨੇ ਨਿਊਜ਼ੀਲੈਂਡ 'ਚ ਵਨਡੇ ਸੀਰੀਜ਼ ਜਿੱਤ ਕੇ ਰਚਿਆ ਇਤਿਹਾਸ, 7 ਸਾਲਾਂ ਬਾਅਦ ਮਿਲਿਆ ਮੌਕਾ...
ਭਾਰਤ ਦੀ ਇਤਿਹਾਸਕ ਜਿੱਤ! ਪਾਕਿਸਤਾਨ ਨੂੰ 1 ਵਿਕਟ ਨਾਲ ਹਰਾ ਕੇ ਜਿੱਤਿਆ ਏਸ਼ੀਆ ਕੱਪ
ਭਾਰਤ ਦੀ ਇਤਿਹਾਸਕ ਜਿੱਤ! ਪਾਕਿਸਤਾਨ ਨੂੰ 1 ਵਿਕਟ ਨਾਲ ਹਰਾ ਕੇ ਜਿੱਤਿਆ ਏਸ਼ੀਆ ਕੱਪ...
ਰਾਹੁਲ ਗਾਂਧੀ ਦਾ ਸਨਸਨੀਖੇਜ਼ ਆਰੋਪ, ਪ੍ਰਧਾਨ ਮੰਤਰੀ ਮੋਦੀ ਕਰਵਾ ਰਹੇ ਫੋਨ ਟੈਪਿੰਗ
ਰਾਹੁਲ ਗਾਂਧੀ ਦਾ ਸਨਸਨੀਖੇਜ਼ ਆਰੋਪ, ਪ੍ਰਧਾਨ ਮੰਤਰੀ ਮੋਦੀ ਕਰਵਾ ਰਹੇ ਫੋਨ ਟੈਪਿੰਗ...
ਹਾਲੇ ਤੱਕ ਨਹੀਂ ਭਰਿਆ ਬਿਜਲੀ ਦਾ ਬਿੱਲ ਤਾਂ ਮਿਲ ਰਿਹਾ ਹੈ ਗੋਲਡਨ ਚਾਂਸ, ਸੀਐਮ ਮਾਨ ਨੇ ਲਾਂਚ ਕੀਤੀ OTS ਸਕੀਮ
ਹਾਲੇ ਤੱਕ ਨਹੀਂ ਭਰਿਆ ਬਿਜਲੀ ਦਾ ਬਿੱਲ ਤਾਂ ਮਿਲ ਰਿਹਾ ਹੈ ਗੋਲਡਨ ਚਾਂਸ, ਸੀਐਮ ਮਾਨ ਨੇ ਲਾਂਚ ਕੀਤੀ OTS ਸਕੀਮ...