12-11- 2026
TV9 Punjabi
Author: Pritpal Singh
ਜ਼ਿਆਦਾਤਰ ਲੋਕ ਰੇਲਵੇ ਸਟੇਸ਼ਨਾਂ ਦੇ ਨਾਂ ਅੱਗੇ ਜੰਕਸ਼ਨ, ਸੈਂਟਰਲ ਜਾਂ ਟਰਮੀਨਸ ਲਿਖਿਆ ਦੇਖਦੇ ਹਨ, ਪਰ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਇਨ੍ਹਾਂ ਸ਼ਬਦਾਂ ਦਾ ਅਸਲ ਮਤਲਬ ਕੀ ਹੈ।
ਜੰਕਸ਼ਨ ਉਹ ਰੇਲਵੇ ਸਟੇਸ਼ਨ ਹੁੰਦਾ ਹੈ, ਜਿੱਥੋਂ ਘੱਟੋ-ਘੱਟ ਤਿੰਨ ਵੱਖ-ਵੱਖ ਦਿਸ਼ਾਵਾਂ ਵਿੱਚ ਰੇਲਵੇ ਲਾਈਨਾਂ ਨਿਕਲਦੀਆਂ ਹਨ। ਇੱਥੋਂ ਯਾਤਰੀ ਕਿਸੇ ਹੋਰ ਦਿਸ਼ਾ ਵੱਲ ਜਾਣ ਵਾਲੀ ਟ੍ਰੇਨ ਵੀ ਫੜ ਸਕਦੇ ਹਨ।
ਟਰਮੀਨਲ ਰੇਲਵੇ ਲਾਈਨ ਦਾ ਆਖ਼ਰੀ ਸਟੇਸ਼ਨ ਹੁੰਦਾ ਹੈ। ਇੱਥੋਂ ਅੱਗੇ ਰੇਲਵੇ ਟਰੈਕ ਨਹੀਂ ਹੁੰਦਾ। ਇਸ ਲਈ ਟ੍ਰੇਨ ਨੂੰ ਵਾਪਸੀ ਲਈ ਉਸੇ ਰਸਤੇ ਤੋਂ ਮੁੜਨਾ ਪੈਂਦਾ ਹੈ।
Fill in some text
ਟਰਮੀਨਲ ਦੀ ਸਭ ਤੋਂ ਵਧੀਆ ਉਦਾਹਰਨ ਛਤਰਪਤੀ ਸ਼ਿਵਾਜੀ ਮਹਾਰਾਜ ਟਰਮੀਨਸ (CSMT) ਹੈ। ਇਹ ਮਹਾਰਾਸ਼ਟਰ ਦੇ ਮੁੰਬਈ ਸ਼ਹਿਰ ਵਿੱਚ ਸਥਿਤ ਹੈ।
ਸੈਂਟਰਲ ਕਿਸੇ ਵੱਡੇ ਸ਼ਹਿਰ ਦੇ ਪ੍ਰਮੁੱਖ ਰੇਲਵੇ ਸਟੇਸ਼ਨ ਨੂੰ ਕਿਹਾ ਜਾਂਦਾ ਹੈ। ਚੇਨਈ ਸੈਂਟਰਲ, ਮੁੰਬਈ ਸੈਂਟਰਲ ਅਤੇ ਕਾਨਪੁਰ ਸੈਂਟਰਲ ਇਸ ਦੀਆਂ ਉਦਾਹਰਨਾਂ ਹਨ।
ਜਿਸ ਸ਼ਹਿਰ ਵਿੱਚ ਕਈ ਵੱਡੇ ਰੇਲਵੇ ਸਟੇਸ਼ਨ ਹੁੰਦੇ ਹਨ, ਉੱਥੇ ਸੈਂਟਰਲ ਉਨ੍ਹਾਂ ਵਿੱਚੋਂ ਇੱਕ ਹੁੰਦਾ ਹੈ। ਸੈਂਟਰਲ ਹੋਣ ਦਾ ਇਹ ਮਤਲਬ ਜ਼ਰੂਰੀ ਨਹੀਂ ਕਿ ਉਹ ਸਟੇਸ਼ਨ ਸ਼ਹਿਰ ਦਾ ਸਭ ਤੋਂ ਵੱਡਾ ਜਾਂ ਸਭ ਤੋਂ ਵੱਧ ਭੀੜ ਵਾਲਾ ਸਟੇਸ਼ਨ ਹੋਵੇ।
ਕੈਂਟ ਦਾ ਮਤਲਬ ਕੈਂਟੋਨਮੈਂਟ (Cantonment) ਹੁੰਦਾ ਹੈ। ਇਹ ਸਟੇਸ਼ਨ ਆਮ ਤੌਰ 'ਤੇ ਫ਼ੌਜੀ ਛਾਉਣੀ ਵਾਲੇ ਇਲਾਕੇ ਵਿੱਚ ਸਥਿਤ ਹੁੰਦਾ ਹੈ। ਇੱਥੋਂ ਫ਼ੌਜੀ ਜਵਾਨਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਸਫ਼ਰ ਕਰਨਾ ਆਸਾਨ ਹੁੰਦਾ ਹੈ।