11-11- 2026
TV9 Punjabi
Author: Pritpal Singh
ਹੁਣ ਮਾਨਸੂਨ ਖ਼ਤਮ ਹੋ ਰਿਹਾ ਹੈ ਅਤੇ ਸਰਦੀਆਂ ਦੇ ਦਿਨ ਨੇੜੇ ਆ ਰਹੇ ਹਨ। ਅਜਿਹੇ ਵਿੱਚ ਆਪਣੀ ਡਾਈਟ ਵਿੱਚ ਕੁਝ ਆਰਾਮਦਾਇਕ ਅਤੇ ਸਿਹਤਮੰਦ ਚੀਜ਼ਾਂ ਸ਼ਾਮਲ ਕਰਨਾ ਚਾਹੀਦਾ ਹੈ। ਕੁਝ ਅਜਿਹੀਆਂ ਹੈਲਦੀ ਅਤੇ ਗਰਮ ਡ੍ਰਿੰਕਸ ਹਨ, ਜੋ ਤੁਹਾਨੂੰ ਆਰਾਮਦਾਇਕ ਮਹਿਸੂਸ ਕਰਵਾਉਣ ਦੇ ਨਾਲ-ਨਾਲ ਸਿਹਤਮੰਦ ਰਹਿਣ ਵਿੱਚ ਵੀ ਮਦਦ ਕਰ ਸਕਦੀਆਂ ਹਨ।
ਜੇਕਰ ਤੁਹਾਨੂੰ ਰਾਤ ਨੂੰ ਸੌਣ ਤੋਂ ਪਹਿਲਾਂ ਹਲਕੀ ਠੰਢ ਮਹਿਸੂਸ ਹੋ ਰਹੀ ਹੈ ਜਾਂ ਤੁਹਾਡਾ ਮੂਡ ਠੀਕ ਨਹੀਂ ਹੈ, ਤਾਂ ਕੈਮੋਮਾਈਲ ਟੀ ਬਣਾ ਕੇ ਪੀ ਸਕਦੇ ਹੋ। ਕੈਫੀਨ-ਮੁਕਤ ਫੁੱਲਾਂ ਤੋਂ ਬਣੀ ਇਹ ਚਾਹ ਤੁਹਾਨੂੰ ਰਿਲੈਕਸ ਮਹਿਸੂਸ ਕਰਵਾਉਂਦੀ ਹੈ ਅਤੇ ਚੰਗੀ ਨੀਂਦ ਲੈਣ ਵਿੱਚ ਮਦਦ ਕਰ ਸਕਦੀ ਹੈ।
ਬਦਲਦੇ ਮੌਸਮ ਵਿੱਚ ਤੁਸੀਂ ਬੇਸਨ ਵਾਲੀ ਕੇਸਰ-ਬਦਾਮ ਡ੍ਰਿੰਕ (ਸੁੜਕਾ) ਪੀ ਸਕਦੇ ਹੋ। ਇਹ ਆਰਾਮਦਾਇਕ ਮਹਿਸੂਸ ਕਰਵਾਉਣ ਦੇ ਨਾਲ-ਨਾਲ ਨੀਂਦ ਵਿੱਚ ਸੁਧਾਰ ਕਰਨ ਵਿੱਚ ਵੀ ਮਦਦ ਕਰ ਸਕਦੀ ਹੈ। ਜ਼ੁਕਾਮ ਦੀ ਸਮੱਸਿਆ ਹੋਣ 'ਤੇ ਵੀ ਇਸ ਨੂੰ ਪੀਣ ਨਾਲ ਰਾਹਤ ਮਹਿਸੂਸ ਹੋ ਸਕਦੀ ਹੈ।
Fill in some text
ਜੇਕਰ ਤੁਸੀਂ ਕੁਝ ਗਾੜ੍ਹਾ ਅਤੇ ਕ੍ਰੀਮੀ ਪੀਣਾ ਚਾਹੁੰਦੇ ਹੋ, ਤਾਂ ਬਦਲਦੇ ਮੌਸਮ ਵਿੱਚ ਮੂਡ ਬਿਹਤਰ ਬਣਾਉਣ ਲਈ ਹੌਟ ਚਾਕਲੇਟ ਵਧੀਆ ਵਿਕਲਪ ਹੈ। ਇਹ ਫਲੇਵੋਨੋਇਡਜ਼ ਨਾਲ ਭਰਪੂਰ ਹੁੰਦੀ ਹੈ ਅਤੇ ਬੱਚਿਆਂ ਨੂੰ ਵੀ ਕਾਫ਼ੀ ਪਸੰਦ ਆਉਂਦੀ ਹੈ। ਹਾਲਾਂਕਿ, ਇਸ ਨੂੰ ਬਣਾਉਂਦੇ ਸਮੇਂ ਖੰਡ ਦੀ ਵਰਤੋਂ ਘੱਟ ਰੱਖਣੀ ਚਾਹੀਦੀ ਹੈ।
ਬਦਲਦੇ ਮੌਸਮ ਵਿੱਚ ਜੇਕਰ ਤੁਸੀਂ ਕੋਈ ਅਜਿਹੀ ਗਰਮ ਡ੍ਰਿੰਕ ਪੀਣਾ ਚਾਹੁੰਦੇ ਹੋ, ਜੋ ਆਰਾਮ ਦੇਣ ਦੇ ਨਾਲ ਸਿਹਤ ਦਾ ਵੀ ਧਿਆਨ ਰੱਖੇ, ਤਾਂ ਗਰਮ ਦੁੱਧ ਵਿੱਚ ਕਾਲੀ ਮਿਰਚ ਦਾ ਪਾਊਡਰ ਅਤੇ ਹਲਦੀ ਮਿਲਾ ਕੇ ਪੀ ਸਕਦੇ ਹੋ। ਇਹ ਇੱਕ ਰਵਾਇਤੀ ਡ੍ਰਿੰਕ ਹੈ, ਜਿਸ ਨੂੰ ਕਈ ਲੋਕ ਸਰਦੀਆਂ ਵਿੱਚ ਪੀਣਾ ਪਸੰਦ ਕਰਦੇ ਹਨ।
ਬਦਲਦੇ ਮੌਸਮ ਵਿੱਚ ਸਿਹਤਮੰਦ ਰਹਿਣ ਲਈ ਤੁਸੀਂ ਆਪਣੇ ਰੋਜ਼ਾਨਾ ਦੇ ਰੁਟੀਨ ਵਿੱਚ ਅਦਰਕ ਦੀ ਚਾਹ ਵੀ ਸ਼ਾਮਲ ਕਰ ਸਕਦੇ ਹੋ। ਇਸ ਨੂੰ ਬਣਾਉਣ ਲਈ ਪਾਣੀ ਵਿੱਚ ਅਦਰਕ ਕੁੱਟ ਕੇ ਚੰਗੀ ਤਰ੍ਹਾਂ ਉਬਾਲ ਲਓ। ਇਸ ਤੋਂ ਬਾਅਦ ਚਾਹ ਨੂੰ ਛਾਣ ਕੇ ਇਸ ਵਿੱਚ ਥੋੜ੍ਹਾ ਜਿਹਾ ਨਿੰਬੂ ਦਾ ਰਸ ਅਤੇ ਸ਼ਹਿਦ ਮਿਲਾ ਕੇ ਪੀਓ।
ਰਵਾਇਤੀ ਅਤੇ ਆਰਾਮਦਾਇਕ ਡ੍ਰਿੰਕਸ ਦੀ ਗੱਲ ਕਰੀਏ ਤਾਂ ਤੁਸੀਂ ਕਸ਼ਮੀਰੀ ਕਹਵਾ ਬਣਾ ਕੇ ਪੀ ਸਕਦੇ ਹੋ। ਇਸ ਵਿੱਚ ਗ੍ਰੀਨ ਟੀ ਦੀਆਂ ਪੱਤੀਆਂ, ਕੇਸਰ, ਦਾਲਚੀਨੀ, ਬਦਾਮ ਅਤੇ ਇਲਾਇਚੀ ਵਰਗੀਆਂ ਚੀਜ਼ਾਂ ਪਾਈਆਂ ਜਾਂਦੀਆਂ ਹਨ। ਇਹ ਇੱਕ ਹਲਕੀ ਅਤੇ ਖੁਸ਼ਬੂਦਾਰ ਚਾਹ ਹੁੰਦੀ ਹੈ, ਜੋ ਪੀਣ ਵਿੱਚ ਸੁਆਦੀ ਹੋਣ ਦੇ ਨਾਲ-ਨਾਲ ਕਈ ਪੌਸ਼ਟਿਕ ਤੱਤ ਵੀ ਪ੍ਰਦਾਨ ਕਰਦੀ ਹੈ।