Shocking News: 50 ਲੋਕਾਂ ਨਾਲ ਵਿਆਹ ਦਾ ਵਾਅਦਾ… ਲੁੱਟੇਰੀ ਦੁਲਹਨ ਦੀ ਅਸਲੀਅਤ ਜਾਣ ਕੇ ਹੋ ਜਾਓਗੇ ਹੈਰਾਨ
Shocking News: ਤਾਮਿਲਨਾਡੂ ਦੇ ਤਿਰੂਪੁਰ 'ਚ ਇਕ ਧੋਖੇਬਾਜ਼ ਔਰਤ ਨੇ ਵਿਆਹ ਦੇ ਨਾਂ 'ਤੇ 50 ਤੋਂ ਜ਼ਿਆਦਾ ਲੋਕਾਂ ਨਾਲ ਠੱਗੀ ਮਾਰੀ ਹੈ। ਇਸ ਔਰਤ ਨੇ ਜਾਂ ਤਾਂ ਆਪਣੇ ਸ਼ਿਕਾਰ ਨਾਲ ਵਿਆਹ ਕੀਤਾ ਹੈ ਜਾਂ ਫਿਰ ਵਿਆਹ ਦਾ ਵਾਅਦਾ ਕਰ ਕੇ ਲੋਕਾਂ ਕੋਲੋ ਪੈਸੇ ਅਤੋ ਹੋਰ ਕੀਮਤੀ ਸਮਾਣ ਫਰਾਰ ਹੋ ਗਈ ਹੈ। ਪੁਲਿਸ ਨੇ ਇਸ ਔਰਤ ਨੂੰ ਅਰੈਸਟ ਕਰ ਲਿਆ ਹੈ।
ਤਾਮਿਲਨਾਡੂ ਦੇ ਤਿਰੁਪੁਰ ਤੋਂ ਇਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇੱਕ ਔਰਤ ਹੈ ਜਿਸ ਨੇ ਜਾਂ ਤਾਂ 50 ਤੋਂ ਵੱਧ ਲੋਕਾਂ ਨਾਲ ਵਿਆਹ ਕਰਵਾ ਲਿਆ ਜਾਂ ਉਨ੍ਹਾਂ ਨੂੰ ਧੋਖਾ ਦੇ ਕੇ ਉਨ੍ਹਾਂ ਦੇ ਘਰੋਂ ਲੱਖਾਂ ਦੀ ਨਕਦੀ ਅਤੇ ਗਹਿਣੇ ਲੈ ਕੇ ਫਰਾਰ ਹੋ ਗਈ ਹੈ। ਇਸ ਸਬੰਧੀ ਥਾਣਾ ਤਾਰਾਪੁਰ ਦੇ ਰਹਿਣ ਵਾਲੇ ਮਹੇਸ਼ ਅਰਵਿੰਦ ਨਾਂ ਦੇ ਵਿਅਕਤੀ ਨੇ ਮਹਿਲਾ ਥਾਣਾ ਪੁਲਸ ‘ਚ ਸ਼ਿਕਾਇਤ ਦਰਜ ਕਰਵਾਈ ਹੈ। ਇਸ ਸ਼ਿਕਾਇਤ ਤੋਂ ਬਾਅਦ ਪੁਲਿਸ ਦੋਸ਼ੀ ਔਰਤ ਦੀ ਭਾਲ ਕਰ ਰਹੀ ਹੈ।
ਮਹੇਸ਼ ਅਰਵਿੰਦ ਮੁਤਾਬਕ ਉਸ ਦੀ ਉਮਰ 30 ਸਾਲ ਹੈ ਅਤੇ ਉਸ ਦਾ ਪਰਿਵਾਰ ਉਨ੍ਹਾਂ ਦਾ ਵਿਆਹ ਕਰਨਾ ਚਾਹੁੰਦਾ ਹੈ। ਇਸ ਦੇ ਲਈ ਉਹ ਵੱਖ-ਵੱਖ ਤਰੀਕਿਆਂ ਰਾਹੀਂ ਕੁੜੀਆਂ ਦੀ ਭਾਲ ਵੀ ਕਰ ਰਹੇ ਸੀ। ਇਸ ਦੌਰਾਨ ਉਸ ਦੀ ਕਥਿਤ ਤੌਰ ‘ਤੇ ਇਰੋਡ ਜ਼ਿਲ੍ਹੇ ਦੇ ਕੋਡੂਮੁਡੀ ਦੀ ਰਹਿਣ ਵਾਲੀ ਸੰਧਿਆ ਨਾਲ ਮੋਬਾਈਲ ਐਪ ਰਾਹੀਂ ਮੁਲਾਕਾਤ ਹੋਈ। ਪਹਿਲਾਂ ਤਾਂ ਦੋਵੇਂ ਇਕ-ਦੂਜੇ ਨਾਲ ਗੱਲਾਂ ਕਰਦੇ ਰਹੇ ਪਰ ਇਹ ਗੱਲਬਾਤ ਪਿਆਰ ‘ਚ ਬਦਲ ਗਈ ਅਤੇ ਦੋਹਾਂ ਨੇ ਪਲਾਨੀ ਨੇੜੇ ਇਕ ਮੰਦਰ ‘ਚ ਜਾ ਕੇ ਵਿਆਹ ਕਰਵਾ ਲਿਆ।
ਆਧਾਰ ਕਾਰਡ ‘ਤੇ ਲਿਖਿਆ ਹੋਇਆ ਸੀ ਕਿਸੀ ਹੋਰ ਦਾ ਨਾਮ
ਮਹੇਸ਼ ਅਰਵਿੰਦ ਮੁਤਾਬਕ ਉਹ ਸੰਧਿਆ ਨੂੰ ਘਰ ਲੈ ਆਇਆ ਪਰ ਉਸ ਦੀਆਂ ਹਰਕਤਾਂ ‘ਤੇ ਉਸ ਨੂੰ ਸ਼ੱਕ ਹੋਣ ਲੱਗਾ। ਇਸ ਤੋਂ ਬਾਅਦ ਜਦੋਂ ਉਨ੍ਹਾਂ ਨੇ ਉਸ ਦਾ ਆਧਾਰ ਕਾਰਡ ਦੇਖਿਆ ਤਾਂ ਸੰਧਿਆ ਦੇ ਨਾਂ ਦੀ ਥਾਂ ਚੇਨਈ ਦੀ ਕਿਸੇ ਹੋਰ ਔਰਤ ਦਾ ਨਾਂ ਲਿਖਿਆ ਹੋਇਆ ਸੀ। ਉਹ ਵੀ ਕਾਫੀ ਬੁੱਢੀ ਸੀ। ਉਸ ਨੇ ਇਸ ਸਬੰਧੀ ਸੰਧਿਆ ਤੋਂ ਪੁੱਛਗਿੱਛ ਕੀਤੀ, ਪਰ ਇਸ ਤੋਂ ਉਹ ਗੁੱਸੇ ‘ਚ ਆ ਗਈ ਅਤੇ ਮਹੇਸ਼ ਅਰਵਿੰਦ ਦੇ ਪਰਿਵਾਰਕ ਮੈਂਬਰਾਂ ਨੂੰ ਧਮਕੀਆਂ ਦੇਣ ਲੱਗ ਪਈ।
ਥਾਣੇ ਤੋਂ ਫਰਾਰ ਹੋਈ ਔਰਤ
ਸਥਿਤੀ ਨੂੰ ਦੇਖਦੇ ਹੋਏ ਮਹੇਸ਼ ਅਰਵਿੰਦ ਨੇ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ। ਪੁਲਿਸ ਦੋਵੇਂ ਧਿਰਾਂ ਨੂੰ ਲੈ ਕੇ ਥਾਣੇ ਪੁੱਜੀ ਪਰ ਮੌਕਾ ਦੇਖ ਕੇ ਸੰਧਿਆ ਉਥੋਂ ਭੱਜ ਗਈ। ਇਸ ਤੋਂ ਬਾਅਦ ਪੁਲਿਸ ਨੇ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪਤਾ ਲੱਗਾ ਹੈ ਕਿ ਦੋਸ਼ੀ ਔਰਤ ਸੰਧਿਆ ਦਾ ਵਿਆਹ 10 ਸਾਲ ਪਹਿਲਾਂ ਚੇਨਈ ਦੇ ਰਹਿਣ ਵਾਲੇ ਇਕ ਨੌਜਵਾਨ ਨਾਲ ਹੋਇਆ ਸੀ। ਉਸ ਦਾ ਇੱਕ ਬੱਚਾ ਵੀ ਹੈ।
ਇਹ ਵੀ ਪੜ੍ਹੋ- ਆਟੋ ਵਾਲੇ ਅੰਕਲ ਨੇ ਅੰਗਰੇਜ਼ੀ ਵਾਲੀ ਮੇਡਮ ਨੂੰ ਛੱਡ ਦਿੱਤਾ ਪਿੱਛੇ, ਲੋਕਾਂ ਨੇ ਕਿਹਾ- Motivate ਕਰਨ ਲਈ ਧੰਨਵਾਦ
ਇਹ ਵੀ ਪੜ੍ਹੋ
ਇੰਝ ਕਰਦੀ ਹੈ ਵਾਰਦਾਤ
ਪੁਲਿਸ ਮੁਤਾਬਕ ਦੋਸ਼ੀ ਔਰਤ ਸੰਧਿਆ ਵੱਡੀ ਉਮਰ ਦੇ ਅਣਵਿਆਹੇ ਮਰਦਾਂ ਦੀ ਭਾਲ ਕਰਦੀ ਹੈ। ਫਿਰ ਜਾਂ ਤਾਂ ਉਹ ਵੱਖ-ਵੱਖ ਤਰੀਕਿਆਂ ਨਾਲ ਉਨ੍ਹਾਂ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰਦੀ ਹੈ ਫਿਰ ਉਨ੍ਹਾਂ ਨਾਲ ਵਿਆਹ ਕਰਵਾ ਲੈਂਦੀ ਹੈ ਜਾਂ ਫਿਰ ਵਿਆਹ ਦੇ ਬਹਾਨੇ ਨਕਦੀ ਅਤੇ ਹੋਰ ਕੀਮਤੀ ਸਾਮਾਨ ਲੈ ਕੇ ਭੱਜ ਜਾਂਦੀ ਹੈ। ਇਸ ਔਰਤ ਨੇ ਇਸ ਤਰੀਕੇ ਨਾਲ 50 ਤੋਂ ਵੱਧ ਲੋਕਾਂ ਨੂੰ ਆਪਣਾ ਸ਼ਿਕਾਰ ਬਣਾਇਆ ਹੈ। ਪੁਲਿਸ ਨੇ ਕਾਫੀ ਮੁਸ਼ੱਕਤ ਤੋਂ ਬਾਅਦ ਇਸ ਔਰਤ ਨੂੰ ਗ੍ਰਿਫਤਾਰ ਕੀਤਾ ਹੈ। ਲੋੜੀਂਦੀ ਪੁੱਛਗਿੱਛ ਤੋਂ ਬਾਅਦ ਹੁਣ ਉਸ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ ਜੇਲ੍ਹ ਭੇਜ ਦਿੱਤਾ ਗਿਆ ਹੈ।
