22-10- 2024
TV9 Punjabi
Author: Isha Sharma
ਦੀਵਾਲੀ ਅਤੇ ਧਨਤੇਰਸ ਤੋਂ ਪਹਿਲਾਂ ਸੋਨੇ ਦੀਆਂ ਕੀਮਤਾਂ ਨਵੀਆਂ ਉਚਾਈਆਂ 'ਤੇ ਪਹੁੰਚ ਗਈਆਂ ਹਨ। ਅੱਜ 22 ਅਕਤੂਬਰ ਨੂੰ 24 ਕੈਰੇਟ ਸੋਨਾ 78,150 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਹੈ। ਪਿਛਲੇ ਹਫ਼ਤੇ ਇਸ ਵਿੱਚ 2.33% ਅਤੇ 10 ਦਿਨਾਂ ਵਿੱਚ 2.43% ਦਾ ਵਾਧਾ ਦੇਖਿਆ ਗਿਆ ਹੈ।
ਤਿਉਹਾਰੀ ਸੀਜ਼ਨ ਦੌਰਾਨ ਸੋਨੇ-ਚਾਂਦੀ ਦੀ ਮੰਗ ਵਧ ਜਾਂਦੀ ਹੈ। ਲੋਕ ਇਸ ਨੂੰ ਨਿਵੇਸ਼ ਅਤੇ ਤੋਹਫ਼ੇ ਵਜੋਂ ਖਰੀਦਦੇ ਹਨ। ਇਸ ਦੇ ਨਾਲ ਹੀ ਗਲੋਬਲ ਲੇਬਲ 'ਤੇ ਜਾ ਰਹੀ ਭਾਵਨਾ ਦਾ ਅਸਰ ਵੀ ਇਸ ਦੀਆਂ ਕੀਮਤਾਂ 'ਤੇ ਦੇਖਣ ਨੂੰ ਮਿਲ ਰਿਹਾ ਹੈ।
ਮੁੰਬਈ 'ਚ ਅੱਜ 22 ਅਕਤੂਬਰ ਨੂੰ ਸੋਨਾ 78,150 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਵਿਕਿਆ, ਜਦਕਿ ਚਾਂਦੀ 97,510 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਵਿਕ ਰਹੀ ਹੈ। 21 ਅਕਤੂਬਰ ਨੂੰ ਸੋਨੇ ਦੀ ਕੀਮਤ 77,770 ਰੁਪਏ ਅਤੇ ਚਾਂਦੀ ਦੀ ਕੀਮਤ 95,610 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ।
ਕੋਲਕਾਤਾ 'ਚ 24 ਕੈਰੇਟ ਸੋਨੇ ਦੀ ਕੀਮਤ 77,950 ਰੁਪਏ ਪ੍ਰਤੀ 10 ਗ੍ਰਾਮ ਹੈ, ਜਦਕਿ ਚਾਂਦੀ ਦੀ ਕੀਮਤ 97,260 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ। ਪਿਛਲੇ ਹਫਤੇ ਸੋਨਾ 76,270 ਰੁਪਏ ਅਤੇ ਚਾਂਦੀ 91,460 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਸੀ।
ਦਿੱਲੀ 'ਚ ਅੱਜ ਸੋਨਾ 77,920 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਵਿਕਿਆ, 15 ਅਕਤੂਬਰ ਨੂੰ ਸੋਨਾ 76,240 ਰੁਪਏ ਅਤੇ ਚਾਂਦੀ 91,430 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ।
ਚੇਨਈ 'ਚ ਸੋਨਾ 78,280 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਪਹੁੰਚ ਗਿਆ। ਇਸ ਦੇ ਨਾਲ ਹੀ ਚਾਂਦੀ ਦੀ ਕੀਮਤ 97,680 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹੀ। ਇੱਕ ਹਫ਼ਤਾ ਪਹਿਲਾਂ, ਸੋਨੇ ਦੀ ਕੀਮਤ ₹76,320 ਸੀ, ਜਦੋਂ ਕਿ ਚਾਂਦੀ ਦਾ ਰੇਟ ₹91,850 ਪ੍ਰਤੀ ਕਿਲੋਗ੍ਰਾਮ ਸੀ।
ਮੱਧ ਪੂਰਬ 'ਚ ਸੰਘਰਸ਼ ਅਤੇ ਦੁਨੀਆ 'ਚ ਆਰਥਿਕ ਸਮੱਸਿਆਵਾਂ ਕਾਰਨ ਸੋਨੇ ਦੀ ਕੀਮਤ ਵਧ ਰਹੀ ਹੈ। ਵਿਆਜ ਦਰਾਂ ਵਿੱਚ ਕਟੌਤੀ ਅਤੇ ਵੱਡੇ ਨਿਵੇਸ਼ਕਾਂ ਵੱਲੋਂ ਸੋਨਾ ਖਰੀਦਣ ਕਾਰਨ ਵੀ ਸੋਨੇ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋ ਰਿਹਾ ਹੈ।
MCX 'ਤੇ, ਦਸੰਬਰ 2024 ਲਈ ਸੋਨੇ ਦੇ ਫਿਊਚਰਜ਼ ₹78,030 ਪ੍ਰਤੀ 10 ਗ੍ਰਾਮ 'ਤੇ ਵਪਾਰ ਕਰ ਰਹੇ ਹਨ। ਚਾਂਦੀ ਦਾ ਵਾਇਦਾ ₹97,360 ਪ੍ਰਤੀ ਕਿਲੋਗ੍ਰਾਮ 'ਤੇ ਹੈ, ਜੋ ₹1,958 ਦਾ ਵਾਧਾ ਦਰਸਾਉਂਦਾ ਹੈ।