AAP MP ਰਾਘਵ ਚੱਢਾ ਬਣੇ ਡਿਲੀਵਰੀ ਬੁਆਏ, ਠੰਡ ਵਿੱਚ ਪਹੁੰਚਾਇਆ ਘਰਾਂ ਵਿੱਚ ਸਾਮਾਨ ; ਕਿਹਾ, “ਬੋਰਡਰੂਮ ਤੋਂ ਦੂਰ, ਮੈਂ ਉਨ੍ਹਾਂ ਦਾ ਦਿਨ ਜੀਆ”
Raghav Chadha Became Delivery Boy: ਸੰਸਦ ਦੇ ਸਰਦ ਰੁੱਤ ਸੈਸ਼ਨ ਦੌਰਾਨ, ਰਾਘਵ ਚੱਢਾ ਨੇ ਸੰਸਦ ਵਿੱਚ ਗਿਗ ਅਤੇ ਪਲੇਟਫਾਰਮ ਵਰਕਰਾਂ ਦਾ ਮੁੱਦਾ ਉਠਾਇਆ ਸੀ। ਉਨ੍ਹਾਂ ਕਿਹਾ ਕਿ ਇਸ ਸਾਈਲੈਂਟ ਵਰਕਫੋਰਸ ਦੀ ਪਿੱਠ 'ਤੇ ਸਵਾਰ ਹੋ ਕੇ, ਬਹੁਤ ਸਾਰੀਆਂ ਵੱਡੀਆਂ ਈ-ਕਾਮਰਸ ਕੰਪਨੀਆਂ ਨੇ ਅਰਬਾਂ ਡਾਲਰ ਦੀ ਵੈਲਿਊਐਸ਼ਨ ਪ੍ਰਾਪਤ ਕਰ ਲਈ ਹੈ ਅਤੇ ਯੂਨੀਕੋਰਨ ਬਣ ਗਏ ਹਨ। ਪਰ, ਇਹ ਕਰਮਚਾਰੀ ਰੋਜ਼ਾਨਾ ਮਜ਼ਦੂਰ ਬਣੇ ਹੋਏ ਹਨ।
Raghav Chadha Viral Video: ਪੰਜਾਬ ਤੋਂ ਰਾਜ ਸਭਾ ਮੈਂਬਰ ਅਤੇ ਆਮ ਆਦਮੀ ਪਾਰਟੀ (ਆਪ) ਦੇ ਨੇਤਾ ਰਾਘਵ ਚੱਢਾ ਡਿਲੀਵਰੀ ਬੁਆਏ ਬਣੇ। ਉਨ੍ਹਾਂ ਨੇ ਇਸ ਕੰਮ ਵਿੱਚ ਲੱਗੇ ਲੋਕਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਨੂੰ ਸਮਝਣ ਲਈ ਨਿੱਜੀ ਤੌਰ ‘ਤੇ ਲੋਕਾਂ ਦੇ ਘਰਾਂ ਵਿੱਚ ਸਾਮਾਨ ਪਹੁੰਚਾਇਆ। ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਇਸ ਦੀ ਇੱਕ ਵੀਡੀਓ ਸਾਂਝੀ ਕੀਤੀ। ਉਨ੍ਹਾਂ ਨੇ ਕੈਪਸ਼ਨ ਦਿੱਤਾ, “ਬੋਰਡਰੂਮ ਤੋਂ ਦੂਰ, ਜ਼ਮੀਨੀ ਪੱਧਰ ‘ਤੇ। ਮੈਂ ਉਨ੍ਹਾਂ ਦਾ ਦਿਨ ਜੀਆ। Stay Tuned।”
ਦੱਸ ਦੇਈਏ ਕਿ ਰਾਘਵ ਚੱਢਾ ਨੇ ਸੰਸਦ ਦੇ ਸਰਦੀਆਂ ਦੇ ਸੈਸ਼ਨ ਵਿੱਚ ਗਿਗ ਅਤੇ ਪਲੇਟਫਾਰਮ ਵਰਕਰਾਂ ਦਾ ਮੁੱਦਾ ਉਠਾਇਆ ਸੀ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਵਰਕਰਾਂ ਦੀਆਂ ਸਥਿਤੀਆਂ ਰੋਜ਼ਾਨਾ ਮਜ਼ਦੂਰਾਂ ਨਾਲੋਂ ਵੀ ਮਾੜੀਆਂ ਹੋ ਗਈਆਂ ਹਨ। ਡਿਲੀਵਰੀ ਬੁਆਏ, ਰਾਈਡਰਸ, ਡਰਾਈਵਰ ਅਤੇ ਟੈਕਨੀਸ਼ੀਅਨ ਸਤਿਕਾਰ, ਸੁਰੱਖਿਆ ਅਤੇ ਉਚਿਤ ਉਜਰਤ ਦੇ ਹੱਕਦਾਰ ਹਨ।
ਉਨ੍ਹਾਂ ਸਦਨ ਵਿੱਚ ਮੰਗ ਕੀਤੀ ਕਿ 10 ਮਿੰਟ ਦੀ ਡਿਲੀਵਰੀ ਦਾ ਸੱਭਿਆਚਾਰ ਖਤਮ ਹੋਣਾ ਚਾਹੀਦਾ ਹੈ ਅਤੇ ਗਿਗ ਵਰਕਰਾਂ ਨੂੰ ਦੂਜੇ ਕਰਮਚਾਰੀਆਂ ਵਾਂਗ ਹੀ ਲਾਭ ਮਿਲਣੇ ਚਾਹੀਦੇ ਹਨ।
40 ਸਕਿੰਟ ਦੇ ਵੀਡੀਓ ਚ ਦੱਸੀ ਡਿਲੀਵਰੀ ਬੁਆਏ ਦੀ ਕਹਾਣੀ
ਰਾਘਵ ਚੱਢਾ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ, ਐਕਸ ‘ਤੇ 40 ਸਕਿੰਟ ਦਾ ਵੀਡੀਓ ਸ਼ੇਅਰ ਕੀਤਾ। ਵੀਡੀਓ ਵਿੱਚ ਰਾਘਵ ਡਿਲੀਵਰੀ ਬੁਆਏ ਦੇ ਰੂਪ ਵਿੱਚ ਆਪਣੇ ਘਰੋਂ ਨਿਕਲਦੇ ਦਿਖਾਈ ਦੇ ਰਹੇ ਹਨ। ਇੱਕ ਡਿਲੀਵਰੀ ਬੁਆਏ ਉਨ੍ਹਾਂ ਦੇ ਸਕੂਟਰ ਨਾਲ ਬਾਹਰ ਖੜ੍ਹਾ ਹੈ।
ਰਾਘਵ ਆਉਂਦੇ ਹਨ, ਆਪਣਾ ਬੈਗ ਲੈਂਦੇ ਹਨ, ਆਪਣਾ ਹੈਲਮੇਟ ਪਾਉਂਦੇ ਹਨਅਤੇ ਉਸਦੇ ਪਿੱਛੇ ਬੈਠ ਜਾਂਦੇ ਹਨ। ਫਿਰ ਇੱਕ ਥਾਂ ਤੋਂ ਆਰਡਰ ਲੈਂਦੇ ਹਨ ਅਤੇ ਅੰਤ ਵਿੱਚ ਇਸਨੂੰ ਉਸਦੀ ਮੰਜ਼ਿਲ ‘ਤੇ ਪਹੁੰਚਾਉਣ ਲਈ ਰਵਾਨਾ ਹੋ ਜਾਂਦੇ ਹਨ। ਵੀਡੀਓ “Stay Tuned” ਸ਼ਬਦਾਂ ਨਾਲ ਖਤਮ ਹੁੰਦਾ ਹੈ।
ਇਹ ਵੀ ਪੜ੍ਹੋ
Away from boardrooms, at the grassroots. I lived their day.
Stay tuned! pic.twitter.com/exGBNFGD3T — Raghav Chadha (@raghav_chadha) January 12, 2026
ਡਿਲੀਵਰੀ ਬੁਆਏ ਨੂੰ ਰਾਤ ਦੇ ਖਾਣੇ ਲਈ ਤੇ ਬੁਲਾਇਆ ਘਰ
ਦਰਅਸਲ, ਕੁਝ ਸਮਾਂ ਪਹਿਲਾਂ, ਇੱਕ ਡਿਲੀਵਰੀ ਬੁਆਏ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ ਸੀ, ਜਿਸ ਵਿੱਚ ਉਸਨੇ 15 ਘੰਟੇ ਤੋਂ ਵੱਧ ਕੰਮ ਕਰਨ, 50 ਕਿਲੋਮੀਟਰ ਗੱਡੀ ਚਲਾਉਣ ਅਤੇ ਇੱਕ ਦਿਨ ਵਿੱਚ ਲਗਭਗ 28 ਡਿਲੀਵਰੀ ਕਰਨ ਦਾ ਦਾਅਵਾ ਕੀਤਾ ਸੀ। ਇਸਤੋਂ ਬਾਅਦ ਉਹ 730 ਰੁਪਏ ਕਮਾਉਂਦਾ ਹੈ। ਇਹ ਵੀਡੀਓ ਸਤੰਬਰ ਵਿੱਚ ਪੋਸਟ ਕੀਤਾ ਗਿਆ ਸੀ, ਪਰ ਦਸੰਬਰ ਵਿੱਚ ਵਾਇਰਲ ਹੋਇਆ। ਇਸ ਨਾਲ ਗਿਗ ਵਰਕਰਾਂ ਦੇ ਸ਼ੋਸ਼ਣ ਬਾਰੇ ਚਰਚਾ ਛਿੜ ਗਈ। ਇਸ ਤੋਂ ਬਾਅਦ, ਰਾਘਵ ਚੱਢਾ ਨੇ ਡਿਲੀਵਰੀ ਬੁਆਏ ਹਿਮਾਂਸ਼ੂ ਥਪਲਿਆਲ ਨੂੰ 26 ਜਾਂ 27 ਦਸੰਬਰ ਨੂੰ ਆਪਣੇ ਘਰ ਰਾਤ ਦੇ ਖਾਣੇ ਲਈ ਬੁਲਾਇਆ। ਰਾਘਵ ਨੇ ਏਜੰਟ ਨਾਲ ਆਪਣੀ ਗੱਲਬਾਤ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਅਪਲੋਡ ਕੀਤਾ।
ਸੰਸਦ ਵਿੱਚ ਉਠਾਇਆ ਸੀ ਗਿਗ ਵਰਕਰਾਂ ਦਾ ਮੁੱਦਾ
ਇੰਨਾ ਹੀ ਨਹੀਂ, ਸੰਸਦ ਦੇ ਸਰਦ ਰੁੱਤ ਸੈਸ਼ਨ ਦੌਰਾਨ, ਰਾਘਵ ਚੱਢਾ ਨੇ ਸੰਸਦ ਵਿੱਚ ਗਿਗ ਅਤੇ ਪਲੇਟਫਾਰਮ ਵਰਕਰਾਂ ਦਾ ਮੁੱਦਾ ਉਠਾਇਆ ਸੀ। ਸਰਦ ਰੁੱਤ ਸੈਸ਼ਨ ਦੌਰਾਨ, ਰਾਘਵ ਚੱਢਾ ਨੇ ਕਿਹਾ ਕਿ ਤੇਜ਼ ਅਤੇ ਤੁਰੰਤ ਵਪਾਰ ਨੇ ਸਾਡੀ ਜ਼ਿੰਦਗੀ ਬਦਲ ਦਿੱਤੀ ਹੈ। ਪਰ ਇਸ ਸੁਪਰ-ਫਾਸਟ ਡਿਲੀਵਰੀ ਦੇ ਪਿੱਛੇ ਇੱਕ ਸਾਈਲੈਂਟ ਵਰਕਫੋਰਸ ਹੈ ਜੋ ਹਰ ਮੌਸਮ ਵਿੱਚ ਕੰਮ ਕਰਦਾ ਹੈ। ਉਹ ਆਰਡਰ ਡਿਲੀਵਰ ਕਰਨ ਲਈ ਆਪਣੀ ਜਾਨ ਜੋਖਮ ਵਿੱਚ ਪਾਉਂਦੇ ਹਨ।
