ਸ਼ਰਾਬੀ ਸ਼ਖਸ ਨੇ ਐਕਸਪ੍ਰੈਸਵੇਅ ‘ਤੇ ਦੌੜਾਇਆ ਉੱਠ, ਵਾਹਨਾਂ ਵਿਚਾਲੇ ਬੇਕਾਬੂ ਹੋ ਕੇ ਭੱਜਦਾ ਰਿਹਾ ਜਾਨਵਰ, ਫੈਲ ਗਈ ਦਹਿਸ਼ਤ
Shocking Viral Video: ਹੈਦਰਾਬਾਦ ਦੇ ਐਕਸਪ੍ਰੈਸਵੇਅ 'ਤੇ ਇੱਕ ਸ਼ਰਾਬੀ ਵਿਅਕਤੀ ਉੱਠ 'ਤੇ ਸੁੱਤਾ ਪਿਆ ਮਿਲਿਆ, ਜਿਸ ਕਾਰਨ ਊਠ ਬੇਕਾਬੂ ਹੋ ਕੇ ਭੱਜਣ ਲੱਗਾ। ਕਾਰ ਵਿੱਚ ਸਫ਼ਰ ਕਰ ਰਹੇ ਦੋ ਨੌਜਵਾਨਾਂ ਨੇ ਬਹਾਦਰੀ ਦਿਖਾਈ ਅਤੇ ਉੱਠ ਨੂੰ ਰੋਕਿਆ, ਜਿਸਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਵਾਇਰਲ ਹੋ ਰਹੀ ਵੀਡੀਓ ਨੂੰ ਦੇਖ ਕੇ ਇੰਟਰਨੈੱਟ ਯੂਜ਼ਰਸ ਕਾਫੀ ਹੈਰਾਨ ਨਜ਼ਰ ਆ ਰਹੇ ਹਨ।
ਅੱਜ ਤੱਕ ਤੁਸੀਂ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦੇ ਬਹੁਤ ਸਾਰੇ ਮਾਮਲੇ ਸੁਣੇ ਹੋਣਗੇ। ਪਰ ਤੁਸੀਂ ਅਜਿਹਾ ਅਨੋਖਾ ਮਾਮਲਾ ਨਹੀਂ ਸੁਣਿਆ ਹੋਵੇਗਾ, ਜਿੱਥੇ ਸ਼ਰਾਬੀ ਹਾਲਤ ਵਿੱਚ ਇੱਕ ਆਦਮੀ ਕਾਰ ਨਹੀਂ ਸਗੋਂ ਸੜਕ ‘ਤੇ ਉੱਠ ਚਲਾ ਰਿਹਾ ਹੈ। ਇਸ ਆਦਮੀ ਦੀ ਵੀਡੀਓ ਹੁਣ ਇੰਟਰਨੈੱਟ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਹੈਦਰਾਬਾਦ ਵਿੱਚ ਦੇਰ ਰਾਤ ਇੱਕ ਅਜੀਬ ਅਤੇ ਖ਼ਤਰਨਾਕ ਨਜ਼ਾਰਾ ਦੇਖਣ ਨੂੰ ਮਿਲਿਆ। ਜਦੋਂ ਪੀਵੀ ਨਰਸਿਮਹਾ ਰਾਓ ਐਕਸਪ੍ਰੈਸਵੇਅ ‘ਤੇ ਇੱਕ ਸ਼ਰਾਬੀ ਵਿਅਕਤੀ ਨੂੰ ਉੱਠ ਦੀ ਸਵਾਰੀ ਕਰਦੇ ਦੇਖਿਆ ਗਿਆ। ਉਹ ਫਲਾਈਓਵਰ ਦੇ ਕਿਨਾਰੇ ਉੱਠ ਦੀ ਸਵਾਰੀ ਕਰ ਰਿਹਾ ਸੀ, ਜੋ ਕਿ ਬਹੁਤ ਖ਼ਤਰਨਾਕ ਸੀ।
ਮੰਨਿਆ ਜਾ ਰਿਹਾ ਹੈ ਕਿ ਉਹ ਵਿਅਕਤੀ ਉੱਠ ਦੀ ਦੇਖਭਾਲ ਕਰਨ ਵਾਲਾ ਹੈ। ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਉੱਠ ‘ਤੇ ਸਵਾਰ ਵਿਅਕਤੀ ਸ਼ਰਾਬੀ ਹੈ, ਜਿਸ ਕਾਰਨ ਉਹ ਆਪਣੇ ਹੋਸ਼ ਗੁਆ ਬੈਠਦਾ ਹੈ ਅਤੇ ਉੱਠ ‘ਤੇ ਸੌਂ ਜਾਂਦਾ ਹੈ। ਜਿਸ ਤੋਂ ਬਾਅਦ ਉੱਠ ਬੇਕਾਬੂ ਹੋ ਜਾਂਦਾ ਹੈ ਅਤੇ ਬਹੁਤ ਤੇਜ਼ ਦੌੜਨਾ ਸ਼ੁਰੂ ਕਰ ਦਿੰਦਾ ਹੈ, ਜਿਸ ਨਾਲ ਵਿਅਕਤੀ ਅਤੇ ਨੇੜੇ-ਤੇੜੇ ਚੱਲ ਰਹੇ ਵਾਹਨਾਂ ਲਈ ਖ਼ਤਰਾ ਹੋ ਸਕਦਾ ਸੀ।
View this post on Instagram
ਵੀਡੀਓ ਵਿੱਚ, ਕਾਰ ਵਿੱਚ ਬੈਠਾ ਇੱਕ ਵਿਅਕਤੀ ਇਹ ਸਭ ਦੇਖ ਰਿਹਾ ਹੈ। ਜਿਸ ਤੋਂ ਬਾਅਦ ਉਹ ਉੱਠ ‘ਤੇ ਬੈਠੇ ਆਦਮੀ ‘ਤੇ ਪਾਣੀ ਪਾ ਕੇ ਜਗਾਉਣ ਦੀ ਕੋਸ਼ਿਸ਼ ਕਰਦਾ ਹੈ, ਪਰ ਉਸਨੂੰ ਫਿਰ ਵੀ ਹੋਸ਼ ਨਹੀਂ ਆਉਂਦਾ। ਜਿਸ ਤੋਂ ਬਾਅਦ ਉਹ ਆਦਮੀ ਆਖਰਕਾਰ ਕਾਰ ਤੋਂ ਹੇਠਾਂ ਉਤਰਦਾ ਹੈ ਅਤੇ ਆਪਣੇ ਦੋਸਤ ਨਾਲ ਮਿਲ ਕੇ ਉੱਠ ਨੂੰ ਰੋਕਦਾ ਹੈ।
ਇਹ ਵੀ ਪੜ੍ਹੋ
ਦੋਵੇਂ ਉੱਠ ਨੂੰ ਸੜਕ ਦੇ ਕਿਨਾਰੇ ਇੱਕ ਖੰਭੇ ਨਾਲ ਬੰਨ੍ਹਦੇ ਹਨ ਅਤੇ ਸ਼ਰਾਬੀ ਆਦਮੀ ਨੂੰ ਹੇਠਾਂ ਉਤਾਰਦੇ ਹਨ। ਇਸ ਤਰ੍ਹਾਂ, ਦੋਵੇਂ ਮਿਲ ਕੇ ਇੱਕ ਵੱਡਾ ਹਾਦਸਾ ਹੋਣ ਤੋਂ ਰੋਕਦੇ ਹਨ। ਇਸ ਘਟਨਾ ਦਾ ਇੱਕ ਵੀਡੀਓ @ikshorts ਨਾਮ ਦੇ ਇੱਕ ਇੰਸਟਾਗ੍ਰਾਮ ਯੂਜ਼ਰ ਵੱਲੋਂ ਸ਼ੇਅਰ ਕੀਤਾ ਗਿਆ ਹੈ, ਜਿਸ ਨੂੰ 9 ਲੱਖ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ।
ਇਹ ਵੀ ਪੜ੍ਹੋ- ਇਸ ਦਿਨ ਲਈ ਤਾਂ ਸੰਘਰਸ਼ ਕੀਤਾ ਸੀ ਲਾੜੀ ਦੀ ਡਾਂਸ ਐਂਟਰੀ ਦੇਖ ਰੋ ਪਿਆ ਲਾੜਾ, ਲੋਕ ਬੋਲੇ ਪਿਆਰ ਜਿੱਤਿਆ!
ਜਿਵੇਂ ਹੀ ਵੀਡੀਓ ਵਾਇਰਲ ਹੋਇਆ, ਲੋਕਾਂ ਨੇ ਉੱਠ ਦੇ ਮਾਲਕ ਦੀ ਲਾਪਰਵਾਹੀ ਦੀ ਆਲੋਚਨਾ ਕੀਤੀ ਅਤੇ ਉੱਠ ਨੂੰ ਰੋਕਣ ਵਾਲੇ ਸ਼ਖਸ ਦੀ ਪ੍ਰਸ਼ੰਸਾ ਕੀਤੀ। ਇੱਕ ਯੂਜ਼ਰ ਨੇ ਲਿਖਿਆ, ‘ਜਦੋਂ ਦੂਸਰੇ ਅਣਦੇਖਾ ਕਰ ਰਹੇ ਸਨ, ਤਾਂ ਇਸ ਆਦਮੀ ਨੇ ਹਿੰਮਤ ਦਿਖਾਈ। ਇਹ ਸੱਚਮੁੱਚ ਸ਼ਲਾਘਾਯੋਗ ਹੈ।’ ਇੱਕ ਹੋਰ ਨੇ ਕਿਹਾ, ‘ਇਸ ਬਹਾਦਰੀ ਨੇ ਕਈ ਜਾਨਾਂ ਬਚਾਈਆਂ ਹੋਣਗੀਆਂ।’
