Mohsin Naqvi: ਭਾਰਤ ਅੱਗੇ ਝੁਕਿਆ PCB ਚੀਫ਼ ਮੋਹਸਿਨ ਨਕਵੀ, ਮੰਗੀ ਮੁਆਫ਼ੀ; ਏਸ਼ੀਆ ਕੱਪ ਟਰਾਫੀ ਵਿਵਾਦ ‘ਤੇ ਤਾਜ਼ਾ ਅਪਡੇਟ
Mohsin Naqvi Apologize to India: ਇਹ ਖ਼ਬਰ ਨਿਕਲ ਕੇ ਸਾਹਮਣੇ ਆ ਰਹੀ ਹੈ ਕਿ ਮੋਹਸਿਨ ਨਕਵੀ ਨੇ ਭਾਰਤ ਤੋਂ ਮੁਆਫ਼ੀ ਮੰਗੀ ਲਈ ਹੈ। ਹਾਲਾਂਕਿ, ਇਸ ਦੇ ਬਾਵਜੂਦ, ਏਸ਼ੀਆ ਕੱਪ ਟਰਾਫੀ 'ਤੇ ਵਿਵਾਦ ਅਜੇ ਵੀ ਅਣਸੁਲਝਿਆ ਹੋਇਆ ਹੈ। ਆਓ ਇਸ ਦੇ ਪਿੱਛੇ ਦੀ ਪੂਰੀ ਕਹਾਣੀ ਜਾਣੀਏ।
ਅਜਿਹਾ ਲੱਗਦਾ ਹੈ ਕਿ ਪਾਕਿਸਤਾਨ ਕ੍ਰਿਕਟ ਚੀਫ਼ ਤੇ ਏਸ਼ੀਅਨ ਕ੍ਰਿਕਟ ਕੌਂਸਲ ਦੇ ਪ੍ਰਧਾਨ ਮੋਹਸਿਨ ਨਕਵੀ ਨੂੰ ਹੋਸ਼ ਆ ਗਿਆ ਹੈ। ਇਹ ਰਿਪੋਰਟ ਹੈ ਕਿ ਉਨ੍ਹਾਂ ਨੇ ਭਾਰਤ ਤੋਂ ਮੁਆਫ਼ੀ ਮੰਗ ਲਈ ਹੈ। ਪਰ ਕੀ ਇਹ ਮੁਆਫ਼ੀ ਏਸ਼ੀਆ ਕੱਪ ਟਰਾਫੀ ਵਿਵਾਦ ਬਾਰੇ ਹੈ? ਅਤੇ ਜੇਕਰ ਅਜਿਹਾ ਹੈ ਤਾਂ ਟਰਾਫੀ ‘ਤੇ ਵਿਵਾਦ ਅਜੇ ਵੀ ਕਿਉਂ ਨਹੀਂ ਰੁਕ ਰਿਹਾ ਹੈ? ਇਸਦੇ ਪਿੱਛੇ ਪੂਰੀ ਕਹਾਣੀ ਕੀ ਹੈ? ਆਓ ਜਾਣਦੇ ਹਾਂ।
ਮੋਹਸਿਨ ਨਕਵੀ ਨੂੰ ਏਸੀਸੀ ਮੀਟਿੰਗ ‘ਚ ਘੇਰਿਆ ਗਿਆ
ਏਸ਼ੀਆ ਕੱਪ 2025 ਟਰਾਫੀ ‘ਤੇ ਹੰਗਾਮੇ ਦੇ ਵਿਚਕਾਰ, 30 ਸਤੰਬਰ ਨੂੰ ਏਸੀਸੀ ਮੀਟਿੰਗ ਹੋਈ। ਬੀਸੀਸੀਆਈ ਦੇ ਉਪ ਪ੍ਰਧਾਨ ਰਾਜੀਵ ਸ਼ੁਕਲਾ ਤੇ ਇੱਕ ਹੋਰ ਪ੍ਰਤੀਨਿਧੀ, ਆਸ਼ੀਸ਼ ਸ਼ੇਲਾਰ ਨੇ ਮੀਟਿੰਗ ‘ਚ ਹਿੱਸਾ ਲਿਆ। ਟਰਾਫੀ ਵਿਵਾਦ ਚਰਚਾ ‘ਚ ਹਾਵੀ ਰਿਹਾ। ਇਸ ਦੌਰਾਨ, ਏਸੀਸੀ ਮੁਖੀ ਮੋਹਸਿਨ ਨਕਵੀ ਤੋਂ ਪੁੱਛਗਿੱਛ ਕਰਦੇ ਹੋਏ, ਆਸ਼ੀਸ਼ ਸ਼ੇਲਾਰ ਨੇ ਪੁੱਛਿਆ, “ਤੁਸੀਂ ਨੇਪਾਲ ਨੂੰ ਵੈਸਟਇੰਡੀਜ਼ ਵਿਰੁੱਧ ਜਿੱਤ ਲਈ ਵਧਾਈ ਕਿਉਂ ਦਿੱਤੀ, ਪਰ ਤੁਸੀਂ ਭਾਰਤ ਨੂੰ ਏਸ਼ੀਆ ਕੱਪ ਜਿੱਤਣ ਲਈ ਵਧਾਈ ਕਿਉਂ ਨਹੀਂ ਦਿੱਤੀ?”
ਨਕਵੀ ਭਾਰਤ ਅੱਗੇ ਝੁਕਿਆ, ਪਰ ਟਰਾਫੀ ‘ਤੇ ਵਿਵਾਦ ਜਾਰੀ ਰਿਹਾ
ਏਸੀਸੀ ਮੀਟਿੰਗ ‘ਚ ਆਸ਼ੀਸ਼ ਸ਼ੇਲਾਰ ਦੇ ਸਵਾਲ ਤੋਂ ਬਾਅਦ, ਦਬਾਅ ਵਧਦਾ ਗਿਆ, ਜਿਸ ਕਾਰਨ ਮੋਹਸਿਨ ਨਕਵੀ ਨੂੰ ਝੁਕ ਕੇ ਮੁਆਫੀ ਮੰਗਣ ਤੇ ਭਾਰਤ ਨੂੰ ਵਧਾਈ ਦੇਣ ਲਈ ਮਜਬੂਰ ਹੋਣਾ ਪਿਆ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਮੋਹਸਿਨ ਨਕਵੀ ਨੇ ਕਿਹਾ ਕਿ ਭਾਰਤ-ਪਾਕਿਸਤਾਨ ਫਾਈਨਲ ਤੋਂ ਬਾਅਦ ਉਸ ਨੇ ਜੋ ਗਲਤੀ ਕੀਤੀ ਸੀ ਉਹ ਨਹੀਂ ਹੋਣੀ ਚਾਹੀਦੀ ਸੀ। ਹਾਲਾਂਕਿ, ਟ੍ਰਾਫੀ ਵਿਵਾਦ ‘ਤੇ ਉਹ ਅਜੇ ਵੀ ਅੜਿਆ ਹੋਇਆ ਹੈ।
ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਜਦੋਂ ਬੀਸੀਸੀਆਈ ਅਧਿਕਾਰੀਆਂ ਵੱਲੋਂ ਟਰਾਫੀ ਵਾਪਸ ਕਰਨ ਬਾਰੇ ਪੁੱਛਿਆ ਗਿਆ, ਤਾਂ ਪੀਸੀਬੀ ਮੁਖੀ ਨੇ ਕਿਹਾ ਕਿ ਉਹ ਇਸ ਨੂੰ ਵਾਪਸ ਕਰ ਦੇਣਗੇ, ਪਰ ਭਾਰਤੀ ਟੀਮ ਦੇ ਕਪਤਾਨ ਸੂਰਿਆਕੁਮਾਰ ਯਾਦਵ ਨੂੰ ਇਸ ਨੂੰ ਲੈਣ ਲਈ ਏਸ਼ੀਅਨ ਕ੍ਰਿਕਟ ਕੌਂਸਲ ਦੇ ਦਫ਼ਤਰ ਆਉਣਾ ਪਵੇਗਾ।
ਇਹ ਵੀ ਪੜ੍ਹੋ
ਮੋਹਸਿਨ ਨਕਵੀ ਦੇ ਅੜਿਅਲ ਰੁਖ਼ ਤੋਂ ਇਹ ਸਪੱਸ਼ਟ ਹੁੰਦਾ ਹੈ ਕਿ ਏਸ਼ੀਆ ਕੱਪ 2025 ਟਰਾਫੀ ਵਿਵਾਦ ਹੁਣ ਨਵੰਬਰ ‘ਚ ਹੋਣ ਵਾਲੀ ਆਈਸੀਸੀ ਦੀ ਮੀਟਿੰਗ ‘ਚ ਉਠਾਇਆ ਜਾਵੇਗਾ। ਬੀਸੀਸੀਆਈ ਇਸ ਮਾਮਲੇ ਬਾਰੇ ਆਈਸੀਸੀ ਕੋਲ ਸ਼ਿਕਾਇਤ ਦਰਜ ਕਰਵਾ ਸਕਦਾ ਹੈ।
