ਆਰਸੀਬੀ ਦੇ ਤੇਜ਼ ਗੇਂਦਬਾਜ਼ ਯਸ਼ ਦਿਆਲ ਖ਼ਿਲਾਫ਼ ਕੇਸ ਦਰਜ, ਖ਼ਤਰੇ ‘ਚ ਕਰੀਅਰ

ਇੰਡੀਅਨ ਪ੍ਰੀਮੀਅਰ ਲੀਗ (IPL) 2025 ਦਾ ਖਿਤਾਬ ਜਿੱਤਣ ਵਾਲੇ ਰਾਇਲ ਚੈਲੇਂਜਰਜ਼ ਬੰਗਲੌਰ (RCB) ਦੇ ਤੇਜ਼ ਗੇਂਦਬਾਜ਼ ਯਸ਼ ਦਿਆਲ ਵੱਡੀ ਮੁਸੀਬਤ ਵਿੱਚ ਹਨ। ਗਾਜ਼ੀਆਬਾਦ ਦੇ ਇੰਦਰਾਪੁਰਮ ਇਲਾਕੇ ਵਿੱਚ ਰਹਿਣ ਵਾਲੀ ਇੱਕ ਕੁੜੀ ਨੇ ਉਸ ‘ਤੇ ਜਿਨਸੀ ਸ਼ੋਸ਼ਣ ਦਾ ਇਲਜ਼ਾਮ ਲਗਾਇਆ ਸੀ। ਪੁਲਿਸ ਨੇ ਹੁਣ ਇਸ ਮਾਮਲੇ ਵਿੱਚ ਐਫਆਈਆਰ ਦਰਜ ਕਰ ਲਈ ਹੈ। ਇਸ ਕਰਕੇ, ਉਨ੍ਹਾਂ ਨੂੰ ਜੇਲ੍ਹ ਜਾਣਾ ਪੈ ਸਕਦਾ ਹੈ। ਇਸ ਨਾਲ ਉਨ੍ਹਾਂ ਦਾ ਕਰੀਅਰ ਖ਼ਤਰੇ ਵਿੱਚ ਪੈ ਸਕਦਾ ਹੈ। ਲੜਕੀ ਨੇ ਯਸ਼ ਦਿਆਲ ‘ਤੇ ਵਿਆਹ ਦਾ ਝੂਠਾ ਵਾਅਦਾ ਕਰਕੇ ਉਸ ਦਾ ਆਰਥਿਕ, ਮਾਨਸਿਕ ਤੇ ਸਰੀਰਕ ਸ਼ੋਸ਼ਣ ਕਰਨ ਦਾ ਇਲਜ਼ਾਮ ਲਗਾਇਆ ਹੈ। ਪੁਲਿਸ ਨੂੰ ਦਿੱਤੀ ਆਪਣੀ ਸ਼ਿਕਾਇਤ ਵਿੱਚ ਪੀੜਤਾ ਨੇ ਕਿਹਾ ਸੀ ਕਿ ਯਸ਼ ਦਿਆਲ ਨੇ ਲੰਬੇ ਸਮੇਂ ਤੋਂ ਉਸ ਨਾਲ ਵਿਆਹ ਦਾ ਵਾਅਦਾ ਕੀਤਾ ਸੀ ਤੇ ਇਸ ਬਹਾਨੇ ਉਸ ਨਾਲ ਸਰੀਰਕ ਸਬੰਧ ਬਣਾਏ ਸਨ।

ਕੁੜੀ ਨੇ ਲਗਾਏ ਸਨ ਇਹ ਇਲਜ਼ਾਮ

ਗਾਜ਼ੀਆਬਾਦ ਦੇ ਇੰਦਰਾਪੁਰਮ ਦੀ ਰਹਿਣ ਵਾਲੀ ਇਸ ਲੜਕੀ ਨੇ ਪੁਲਿਸ ਨੂੰ ਦਿੱਤੀ ਆਪਣੀ ਸ਼ਿਕਾਇਤ ਵਿੱਚ ਯਸ਼ ਦਿਆਲ ‘ਤੇ ਕਈ ਗੰਭੀਰ ਇਲਜ਼ਾਮ ਲਗਾਏ ਸਨ। ਉਨ੍ਹਾਂ ਨੇ ਆਪਣੀ ਸ਼ਿਕਾਇਤ ਵਿੱਚ ਕਿਹਾ ਸੀ ਕਿ ਉਹ ਪਿਛਲੇ 5 ਸਾਲਾਂ ਤੋਂ ਯਸ਼ ਦਿਆਲ ਨਾਲ ਰਿਸ਼ਤੇ ‘ਚ ਸੀ। ਇਸ ਸਮੇਂ ਦੌਰਾਨ, ਆਰਸੀਬੀ ਦਾ ਇਹ ਤੇਜ਼ ਗੇਂਦਬਾਜ਼ ਉਸ ਨੂੰ ਸਰੀਰਕ ਤੇ ਮਾਨਸਿਕ ਤੌਰ ‘ਤੇ ਪ੍ਰੇਸ਼ਾਨ ਕਰਦਾ ਰਿਹਾ ਹੈ।

ਕੁੜੀ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਯਸ਼ ਦਿਆਲ ਦੇ ਉਸ ਤੋਂ ਇਲਾਵਾ ਕਈ ਹੋਰ ਕੁੜੀਆਂ ਨਾਲ ਵੀ ਸਬੰਧ ਸਨ। ਇਸ ਦੌਰਾਨ, ਪੀੜਤ ਨੇ ਪੁਲਿਸ ਨੂੰ ਵਟਸਐਪ ਚੈਟ, ਵੀਡੀਓ ਕਾਲ ਅਤੇ ਫੋਟੋਆਂ ਦੇ ਸਕ੍ਰੀਨਸ਼ਾਟ ਦੇ ਰੂਪ ਵਿੱਚ ਸਬੂਤ ਦਿੱਤੇ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਮਾਮਲਾ ਦਰਜ ਕਰ ਲਿਆ ਹੈ। ਜਦੋਂ ਕਿ ਯਸ਼ ਦਿਆਲ ਦੇ ਪਿਤਾ ਦਾ ਕਹਿਣਾ ਹੈ ਕਿ ਉਹ ਇਸ ਕੁੜੀ ਨੂੰ ਨਹੀਂ ਜਾਣਦੇ। ਮੈਨੂੰ ਸਮਝ ਨਹੀਂ ਆ ਰਿਹਾ ਕਿ ਇਸ ਕੁੜੀ ਨੇ ਇਹ ਇਲਜ਼ਾਮ ਕਿਉਂ ਲਗਾਏ ਹਨ।

21 ਜੂਨ ਨੂੰ ਕੀਤੀ ਗਈ ਸੀ ਸ਼ਿਕਾਇਤ

ਪੀੜਤ ਔਰਤ ਨੇ ਇਹ ਸ਼ਿਕਾਇਤ 21 ਜੂਨ ਨੂੰ ਸੀਐਮ ਹੈਲਪਲਾਈਨ ‘ਤੇ ਦਰਜ ਕਰਵਾਈ ਸੀ। ਲੜਕੀ ਨੇ ਦੋਸ਼ ਲਗਾਇਆ ਕਿ ਜਦੋਂ ਉਸਨੇ ਯਸ਼ ਦਿਆਲ ਤੋਂ ਵਿਆਹ ਦੇ ਵਾਅਦੇ ‘ਤੇ ਪੁੱਛਗਿੱਛ ਸ਼ੁਰੂ ਕੀਤੀ ਤਾਂ ਤੇਜ਼ ਗੇਂਦਬਾਜ਼ ਨੇ ਉਸਦੀ ਕੁੱਟਮਾਰ ਕੀਤੀ। ਔਰਤ ਨੇ 14 ਜੂਨ ਨੂੰ ਮਹਿਲਾ ਹੈਲਪਲਾਈਨ ਨੰਬਰ 181 ‘ਤੇ ਫ਼ੋਨ ਕੀਤਾ ਸੀ, ਪਰ ਉੱਥੇ ਕੋਈ ਸੁਣਵਾਈ ਨਹੀਂ ਹੋਈ। ਇਸ ਤੋਂ ਬਾਅਦ, ਉਸਨੂੰ 21 ਜੂਨ ਨੂੰ ਮੁੱਖ ਮੰਤਰੀ ਹੈਲਪਲਾਈਨ ‘ਤੇ ਸ਼ਿਕਾਇਤ ਕਰਨ ਲਈ ਮਜਬੂਰ ਹੋਣਾ ਪਿਆ।

IPL 2025 ‘ਚ ਯਸ਼ ਦਿਆਲ ਦਾ ਪ੍ਰਦਰਸ਼ਨ

ਯਸ਼ ਦਿਆਲ ਨੇ ਆਈਪੀਐਲ 2025 ਵਿੱਚ ਆਰਸੀਬੀ ਲਈ ਖੇਡਿਆ ਸੀ। ਆਰਸੀਬੀ ਨੇ ਪਹਿਲੀ ਵਾਰ ਆਈਪੀਐਲ ਦਾ ਖਿਤਾਬ ਜਿੱਤਿਆ ਹੈ। ਯਸ਼ ਦਿਆਲ ਨੇ ਇਸ ਸੀਜ਼ਨ ਵਿੱਚ 15 ਮੈਚ ਖੇਡੇ, ਜਿਸ ਵਿੱਚ ਉਸਨੇ 13 ਵਿਕਟਾਂ ਲਈਆਂ। ਯਸ਼ ਦਿਆਲ ਯੂਪੀ ਲਈ ਘਰੇਲੂ ਕ੍ਰਿਕਟ ਖੇਡਦਾ ਹੈ।

ਇਹ ਵੀ ਪੜ੍ਹੋ

ਇਮਰਾਨ ਖਾਨ ਲਈ ਕਪਿਲ ਦੇਵ-ਗਾਵਸਕਰ ਨੇ ਫਿਰ ਚੁੱਕੀ ਆਵਾਜ਼, ਕੀਤੀ ਇਹ ਅਪੀਲ

ਟੀਮ ਇੰਡੀਆ ਨੇ ਖੇਡਿਆ ਸਖ਼ਤ ਮੁਕਾਬਲਾ, ਆਸਟ੍ਰੇਲੀਆ ਨੂੰ ਡਰਾਅ 'ਤੇ ਰੋਕਿਆ

ਪਾਕਿਸਤਾਨ ਕਮਜ਼ੋਰ... ਸਟੂਅਰਟ ਬ੍ਰਾਡ ਦੇ ਬਿਆਨ 'ਤੇ ਕੀ ਬੋਲੇ ਸਲਮਾਨ ਬੱਟ