ਪੰਜਾਬ ਤੋਂ ਲੈ ਕੇ ਬਿਹਾਰ ਤੇ ਗੁਜਰਾਤ ਤੱਕ, 200 ਅਰੈਸਟ, 80 FIR… ਭਾਰਤ ਨੇ ਸ਼ਹਿਜ਼ਾਦ ਭੱਟੀ ਨੈੱਟਵਰਕ ਨੂੰ ਕਿਵੇਂ ਕੀਤਾ ਨਸ਼ਟ?
Shahzad Bhatti Network Demolish: ਸ਼ਹਿਜ਼ਾਦ ਭੱਟੀ ਦੇ ਨੈੱਟਵਰਕ 'ਤੇ 14 ਰਾਜਾਂ ਵਿੱਚ ਕਾਰਵਾਈ ਨਾਲ ਔਨਲਾਈਨ ਭਰਤੀ ਅਤੇ ਅੱਤਵਾਦੀ ਸਾਜ਼ਿਸ਼ਾਂ ਦਾ ਖੁਲਾਸਾ ਹੋਇਆ। ਏਜੰਸੀਆਂ ਨੇ 253 ਹਿਰਾਸਤ, 200+ ਗ੍ਰਿਫ਼ਤਾਰੀਆਂ ਅਤੇ 80+ FIR ਤੋਂ ਬਾਅਦ ਪਾਕਿਸਤਾਨੀ ਗੈਂਗਸਟਰ ਦੇ ਨੈੱਟਵਰਕ ਨੂੰ ਖਤਮ ਕਰ ਦਿੱਤਾ।
ਆਜ਼ਾਦੀ ਦਿਹਾੜੇ ਤੋਂ ਪਹਿਲਾਂ, ਸੁਰੱਖਿਆ ਏਜੰਸੀਆਂ ਨੇ ਪਾਕਿਸਤਾਨ ਸਥਿਤ ਗੈਂਗਸਟਰ ਤੋਂ ਅੱਤਵਾਦੀ ਬਣੇ ਸ਼ਹਿਜ਼ਾਦ ਭੱਟੀ ਨਾਲ ਜੁੜੇ ਇੱਕ ਨੈੱਟਵਰਕ ਖਿਲਾਫ ਦੇਸ਼ ਵਿਆਪੀ ਕਾਰਵਾਈ ਸ਼ੁਰੂ ਕੀਤੀ। 12 ਅਗਸਤ ਨੂੰ, 14 ਰਾਜਾਂ ਵਿੱਚ ਇੱਕੋ ਸਮੇਂ ਕਾਰਵਾਈਆਂ ਵਿੱਚ 253 ਵਿਅਕਤੀਆਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ, ਜਦੋਂ ਕਿ 80 ਤੋਂ ਵੱਧ FIR ਦਰਜ ਕੀਤੀਆਂ ਗਈਆਂ ਹਨ ਅਤੇ ਹੁਣ ਤੱਕ ਇਸ ਨੈੱਟਵਰਕ ਵਿਰੁੱਧ 200 ਤੋਂ ਵੱਧ ਗ੍ਰਿਫ਼ਤਾਰੀਆਂ ਹੋਈਆਂ। ਇਸ ਕਾਰਵਾਈ ਦਾ ਮਕਸਦ 15 ਅਗਸਤ ਦੇ ਨੇੜੇ ਸੰਭਾਵੀ ਅੱਤਵਾਦੀ ਗਤੀਵਿਧੀਆਂ ਨੂੰ ਰੋਕਣਾ ਸੀ।
12 ਅਗਸਤ ਦੀ ਕਾਰਵਾਈ ਵਿੱਚ, ਉੱਤਰ ਪ੍ਰਦੇਸ਼ (62) ਵਿੱਚ ਸਭ ਤੋਂ ਵੱਧ ਗ੍ਰਿਫ਼ਤਾਰੀਆਂ ਕੀਤੀਆਂ ਗਈਆਂ, ਇਸ ਤੋਂ ਬਾਅਦ ਹਰਿਆਣਾ (52), ਦਿੱਲੀ (51) ਅਤੇ ਪੰਜਾਬ (44) ਹਨ। ਇਸਦਾ ਮਤਲਬ ਹੈ ਕਿ ਇਨ੍ਹਾਂ ਚਾਰ ਰਾਜਾਂ ਦੇ 209 ਲੋਕ ਕੁੱਲ 253 ਦਾ ਲਗਭਗ 83% ਹਨ।
ਇਹ ਅੰਕੜਾ 12 ਅਗਸਤ ਨੂੰ 14 ਸੂਬਿਆਂ ਵਿੱਚ ਹਿਰਾਸਤ ਵਿੱਚ ਲਏ ਗਏ ਆਪਰੇਟਿਵਸ ਦੀ ਗਿਣਤੀ ਨੂੰ ਦਰਸਾਉਂਦਾ ਹੈ। ਇਹ ਸ਼ਹਿਜ਼ਾਦ ਭੱਟੀ ਨੈੱਟਵਰਕ ਦੇ ਸਬੰਧ ਵਿੱਚ ਹੁਣ ਤੱਕ ਕੀਤੀਆਂ ਗਈਆਂ 200+ ਗ੍ਰਿਫ਼ਤਾਰੀਆਂ ਤੋਂ ਵੱਖਰਾ ਹੈ।
ਫੜੇ ਗਏ ਲੋਕਾਂ ਦੀ ਕਿੰਨੀ ਉਮਰ?
- 12 ਅਗਸਤ ਨੂੰ ਹਿਰਾਸਤ ਵਿੱਚ ਲਏ ਗਏ ਸਾਰੇ 253 ਲੋਕਾਂ ਦੀ ਉਮਰ ਦੀ ਲਿਸਟ ਜਨਤਕ ਨਹੀਂ ਕੀਤੀ ਗਈ ਹੈ। ਹਾਲਾਂਕਿ, ਵੱਖ-ਵੱਖ ਮਾਮਲਿਆਂ ਦੀ ਜਾਂਚ ਵਿੱਚ ਸਾਹਮਣੇ ਆਏ ਦੋਸ਼ੀਆਂ ਦੀ ਉਮਰ ਨੈੱਟਵਰਕ ਦੇ ਨੌਜਵਾਨ ਚਿਹਰੇ ਨੂੰ ਜ਼ਰੂਰ ਉਜਾਗਰ ਕਰਦੀ ਹੈ।
- ਜੂਨ ਵਿੱਚ, ਰਾਜਸਥਾਨ ਵਿੱਚ ਕ੍ਰਿਸ਼ ਰਾਏ ਦੀ 20 ਸਾਲ ਦੱਸੀ ਗਈ ਸੀ। ਆਰੋਪ ਹੈ ਕਿ ਉਸਨੇ ਭੱਟੀ ਨੂੰ ਹਨੂੰਮਾਨਗੜ੍ਹ ਅਤੇ ਰਾਏਸਿੰਘਨਗਰ ਪੁਲਿਸ ਸਟੇਸ਼ਨਾਂ ਦੇ ਵੀਡੀਓ ਅਤੇ ਲੋਕੇਸ਼ਨ ਭੇਜੇ ਸਨ।
- ਮਾਰਚ ਦੇ ਸ਼ੁਰੂ ਵਿੱਚ ਰਾਜਸਥਾਨ ਵਿੱਚ ਜਸਵੰਤ ਕੁਮਾਰ ਉਰਫ ਸੋਨੂੰ ਨੂੰ 29 ਸਾਲ ਦੱਸੀ ਗਈ ਸੀ ਸੀ। ਉਸ ‘ਤੇ ਭੱਟੀ ਦੇ ਸੋਸ਼ਲ ਮੀਡੀਆ ਅਕਾਉਂਟਸ ਨਾਲ ਸੰਪਰਕ ਬਣਾਈ ਰੱਖਣ ਅਤੇ ਉਸ ਦੀਆਂ ਪੋਸਟਾਂ ਸਾਂਝੀਆਂ ਕਰਨ ਦਾ ਆਰੇਪ ਲੱਗਿਆ ਸੀ।
- ਅਪ੍ਰੈਲ ਵਿੱਚ, ਸੁਨੀਲ ਕੁਮਾਰ ਉਰਫ ਢੋਲੂ ਦੀ ਵੀ 29 ਸਾਲ ਦੀ ਉਮਰ ਦੱਸੀ ਗਈ ਸੀ। ਪੁਲਿਸ ਦੇ ਅਨੁਸਾਰ, ਉਸਦੇ ਮੋਬਾਈਲ ਫੋਨ ਤੋਂ ਭੱਟੀ ਨਾਲ ਵਟਸਐਪ ਸੰਪਰਕ ਦੇ ਸੰਕੇਤ ਮਿਲੇ।
- ਅਪ੍ਰੈਲ ਵਿੱਚ, ਉੱਤਰਾਖੰਡ ਸਪੈਸ਼ਲ ਟਾਸਕ ਫੋਰਸ (STF) ਨੇ 29 ਸਾਲਾ ਵਿਕਰਾਂਤ ਕਸ਼ਿਅਪ ਨੂੰ ਪਾਕਿਸਤਾਨ ਵਿੱਚ ਸਥਿਤ ਹੈਂਡਲਰਸ ਨੂੰ ਸੰਵੇਦਨਸ਼ੀਲ ਸਥਾਨਾਂ ਬਾਰੇ ਜਾਣਕਾਰੀ ਦੇਣ ਦੇ ਆਰੋਪ ਵਿੱਚ ਗ੍ਰਿਫਤਾਰ ਕੀਤਾ ਸੀ।
- ਜੂਨ ਵਿੱਚ, ਦਿੱਲੀ ਦੇ ਇੱਕ ਮਾਮਲੇ ਵਿੱਚ ਗ੍ਰਿਫਤਾਰ ਕੀਤੇ ਗਏ ਸੱਤ ਮੁਲਜ਼ਮਾਂ ਦੀ ਉਮਰ 26 ਤੋਂ 38 ਸਾਲ ਦੇ ਵਿਚਕਾਰ ਦੱਸੀ ਗਈ ਸੀ।
- ਮਾਰਚ ਵਿੱਚ, ਦਿੱਲੀ ਪੁਲਿਸ ਨੇ ਭੱਟੀ ਨਾਲ ਜੁੜੇ TTH ਮਾਡਿਊਲ ਦੇ ਸਬੰਧ ਵਿੱਚ 18 ਸਾਲਾ ਹਰਮਨਦੀਪ ਸਿੰਘ ਨੂੰ ਗ੍ਰਿਫਤਾਰ ਕੀਤਾ।
ਇਸ ਤੋਂ ਪਤਾ ਲੱਗਦਾ ਹੈ ਕਿ ਉਪਲਬਧ ਮਾਮਲਿਆਂ ਵਿੱਚ 18 ਤੋਂ 38 ਸਾਲ ਦੀ ਉਮਰ ਦੇ ਨੌਜਵਾਨ ਨੈੱਟਵਰਕ ਵਿੱਚ ਸ਼ਾਮਲ ਸਨ। ਹਾਲਾਂਕਿ, ਹਿਰਾਸਤ ਵਿੱਚ ਲਏ ਗਏ 253 ਲੋਕਾਂ ਦੀ ਉਮਰ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ।
ਨੈੱਟਵਰਕ ਲਈ ਭਰਤੀ ਦਾ ਕੀ ਸੀ ਤਰੀਕਾ?
ਭੱਟੀ ਇੰਸਟਾਗ੍ਰਾਮ ਅਤੇ ਫੇਸਬੁੱਕ ‘ਤੇ ਸਰਗਰਮ ਸੀ ਅਤੇ ਉਨ੍ਹਾਂ ਨੌਜਵਾਨਾਂ ਤੱਕ ਪਹੁੰਚ ਕਰਦਾ ਸੀ ਜੋ ਉਸ ਦੀਆਂ ਪੋਸਟਾਂ ਨੂੰ ਲਾਈਕ ਜਾਂ ਕੁਮੈਂਟ ਕਰਦੇ ਸਨ। ਸ਼ੁਰੂ ਵਿੱਚ, ਉਨ੍ਹਾਂ ਨੂੰ ਜਨਤਕ ਥਾਵਾਂ ‘ਤੇ ਪੋਸਟਰ ਲਗਾਉਣ ਵਰਗੇ ਛੋਟੇ ਕੰਮਾਂ ਲਈ ₹5,000 ਤੋਂ ₹10,000 ਦਾ ਭੁਗਤਾਨ ਕੀਤਾ ਜਾਂਦਾ ਸੀ।
ਇਹ ਵੀ ਪੜ੍ਹੋ
ਇਸ ਤੋਂ ਬਾਅਦ, ਭਰਤੀ ਕੀਤੇ ਗਏ ਨੌਜਵਾਨਾਂ ‘ਤੇ ਆਰੋਪ ਹੈ ਕਿ ਉਨ੍ਹਾਂ ਨੂੰ ਹੌਲੀ-ਹੌਲੀ ਹੋਰ ਗੰਭੀਰ ਕੰਮ ਸੌਂਪੇ ਗਏ ਸਨ, ਜਿਵੇਂ ਕਿ ਪੁਲਿਸ ਸਟੇਸ਼ਨਾਂ, ਰੇਲਵੇ ਸਟੇਸ਼ਨਾਂ, ਏਅਰਬੇਸਾਂ ਅਤੇ ਮਹੱਤਵਪੂਰਨ ਸੜਕਾਂ ਦੀ ਜਾਸੂਸੀ, ਸੀਸੀਟੀਵੀ ਕੈਮਰੇ ਲਗਾਉਣਾ ਅਤੇ ਪਾਕਿਸਤਾਨ ਨੂੰ ਵੀਡੀਓ ਭੇਜਣਾ। ਕੁਝ ਮਾਮਲਿਆਂ ਵਿੱਚ, ਉਨ੍ਹਾਂ ਨੂੰ ਗ੍ਰਨੇਡ ਸੁੱਟਣ ਅਤੇ ਆਈਈਡੀ ਲਗਾਉਣ ਦੀ ਟ੍ਰੇਨਿੰਗ ਵੀ ਦਿੱਤੀ ਗਈ ਸੀ। ਇੱਕ ਪੁਲਿਸ ਅਧਿਕਾਰੀ ਦੇ ਅਨੁਸਾਰ, ਪੈਟਰੋਲ ਬੰਬ ਅਤੇ ਆਈਈਡੀ ਬਣਾਉਣ ਦੀ ਜਾਣਕਾਰੀ ਵੀ ਕਥਿਤ ਤੌਰ ‘ਤੇ ਔਨਲਾਈਨ ਮੈਨੂਅਲ ਰਾਹੀਂ ਪ੍ਰਦਾਨ ਕੀਤੀ ਗਈ ਸੀ।
ਏਜੰਸੀਆਂ ਨੇ ਕਿਵੇਂ ਤੋੜਿਆ ਨੈੱਟਵਰਕ ?
ਇਹ ਕਾਰਵਾਈ ਕਿਸੇ ਇੱਕ ਏਜੰਸੀ ਦੀ ਕਾਰਵਾਈ ਨਹੀਂ ਹੈ ਬਲਕਿ ਕੇਂਦਰੀ ਜਾਂਚ ਏਜੰਸੀਆਂ ਅਤੇ ਰਾਜ ਪੁਲਿਸ/ਅੱਤਵਾਦ ਵਿਰੋਧੀ ਇਕਾਈਆਂ ਦੁਆਰਾ ਕਈ ਮਹੀਨਿਆਂ ਦੀ ਜਾਂਚ ਦਾ ਨਤੀਜਾ ਹੈ।
1. NIA ਦੀ ਜਾਂਚ
NIA ਨੇ ਭੱਟੀ ਨਾਲ ਸਬੰਧਤ ਘੱਟੋ-ਘੱਟ ਤਿੰਨ ਵੱਡੇ ਮਾਮਲਿਆਂ ਦੀ ਜਾਂਚ ਕੀਤੀ ਹੈ। ਜੂਨ ਵਿੱਚ, ਏਜੰਸੀ ਨੇ ਪੰਜਾਬ ਅਤੇ ਹਰਿਆਣਾ ਦੇ ਨੌਂ ਜ਼ਿਲ੍ਹਿਆਂ ਵਿੱਚ 18 ਥਾਵਾਂ ‘ਤੇ ਛਾਪੇਮਾਰੀ ਕੀਤੀ। ਡਿਜੀਟਲ ਡਿਵਾਈਸਾਂ, ਦਸਤਾਵੇਜ਼ਾਂ ਅਤੇ ਵਿੱਤੀ ਲੈਣ-ਦੇਣ ਦੀ ਜਾਣਕਾਰੀ ਜ਼ਬਤ ਕੀਤੀ ਗਈ ਸੀ। ਇਨ੍ਹਾਂ ਨੂੰ ਫੋਰੈਂਸਿਕ ਅਤੇ ਤਕਨੀਕੀ ਜਾਂਚ ਲਈ ਭੇਜਿਆ ਗਿਆ ਹੈ।
ਇਨ੍ਹਾਂ ਮਾਮਲਿਆਂ ਵਿੱਚ ਇਹ ਹਮਲੇ ਸ਼ਾਮਲ ਹਨ…
- ਮਾਰਚ 2025 ਵਿੱਚ ਜਲੰਧਰ ਵਿੱਚ ਸੋਸ਼ਲ ਮੀਡੀਆ Influencer ਰੋਜਰ ਸੰਧੂ ਦੇ ਘਰ ‘ਤੇ ਗ੍ਰਨੇਡ ਹਮਲਾ
- ਨਵੰਬਰ 2025 ਵਿੱਚ ਸਿਰਸਾ ਮਹਿਲਾ ਪੁਲਿਸ ਸਟੇਸ਼ਨ ਵਿੱਚ ਧਮਾਕਾ
- ਜਨਵਰੀ 2026 ਵਿੱਚ ਅੰਬਾਲਾ ਦੇ ਬਲਦੇਵ ਨਗਰ ਪੁਲਿਸ ਸਟੇਸ਼ਨ ਵਿੱਚ ਕਾਰ ਬੰਬ ਧਮਾਕਾ
NIA ਨੇ ਅਪ੍ਰੈਲ 2026 ਵਿੱਚ ਜਲੰਧਰ ਮਾਮਲੇ ਵਿੱਚ ਭੱਟੀ ਨੂੰ ਭਗੌੜਾ ਮੁਲਜ਼ਮ ਵਜੋਂ ਚਾਰਜਸ਼ੀਟ ਕੀਤਾ। ਮਈ ਵਿੱਚ, ਸਿਰਸਾ ਮਾਮਲੇ ਵਿੱਚ 9 ਮੁਲਜਮਾਂ ਖਿਲਾਫ ਚਾਰਜਸ਼ੀਟ ਦਾਇਰ ਕੀਤੀ ਗਈ ਸੀ, ਜਿਸ ਵਿੱਚ ਭੱਟੀ ਅਤੇ ਉਸਦਾ ਪਾਕਿਸਤਾਨ-ਅਧਾਰਿਤ ਹੈਂਡਲਰ, ਸੋਹੇਲ ਅਹਿਮਦ ਉਰਫ਼ ਸੋਹੇਲ ਬਲੋਚ ਸ਼ਾਮਲ ਸਨ।
2. ਦਿੱਲੀ ਪੁਲਿਸ ਦੀ ਸਪੈਸ਼ਲ ਸੈੱਲ
ਦਿੱਲੀ-ਐਨਸੀਆਰ ਵਿੱਚ ਭੱਟੀ ਨੈੱਟਵਰਕ ਦੇ ਹਥਿਆਰਾਂ ਅਤੇ ਨਸ਼ੀਲੇ ਪਦਾਰਥਾਂ ਦੀ ਸਪਲਾਈ ਦਾ ਪਤਾ ਲਗਾਉਣ ਵਿੱਚ ਸਪੈਸ਼ਲ ਸੈੱਲ ਦੀ ਭੂਮਿਕਾ ਸਾਹਮਣੇ ਆਈ। ਜੂਨ ਵਿੱਚ ਸੱਤ ਮੁਲਜ਼ਮਾਂ ਦੀ ਗ੍ਰਿਫ਼ਤਾਰੀ ਦੌਰਾਨ ਪੰਜ ਅਰਧ-ਆਟੋਮੈਟਿਕ ਪਿਸਤੌਲ, 41 ਰਾਉਂਡ ਜਿੰਦਾ ਕਾਰਤੂਸ, ਸੱਤ ਮੋਬਾਈਲ ਫੋਨ ਅਤੇ ਇੱਕ SUV ਬਰਾਮਦ ਕੀਤੇ ਗਏ ਸਨ। ਮੋਬਾਈਲ ਫੋਨਾਂ ਤੋਂ ਭੱਟੀ ਅਤੇ ਉਸਦੇ ਸਾਥੀਆਂ ਵਿਚਕਾਰ ਕਥਿਤ ਗੱਲਬਾਤ ਅਤੇ ਵੌਇਸ ਨੋਟ ਵੀ ਬਰਾਮਦ ਕੀਤੇ ਗਏ ਸਨ। ਇੱਕ ਹੋਰ ਜਾਂਚ ਵਿੱਚ, ਦਿੱਲੀ ਦੇ ਸੰਵੇਦਨਸ਼ੀਲ ਖੇਤਰਾਂ ਦੀ ਰੇਕੀ ਦੇ ਵੀਡੀਓ ਵੀ ਬਰਾਮਦ ਕੀਤੇ ਗਏ।
3. ਰਾਜ ਪੁਲਿਸ ਅਤੇ ATS/STF
ਪੰਜਾਬ ATS, ਯੂਪੀ ATS, ਰਾਜਸਥਾਨ ਪੁਲਿਸ, ਉਤਰਾਖੰਡ STF, ਅਤੇ ਹੋਰ ਰਾਜਾਂ ਦੀ ਪੁਲਿਸ ਨੇ ਵੀ ਵੱਖ-ਵੱਖ ਮਾਡਿਊਲਾਂ ਨੂੰ ਗ੍ਰਿਫਤਾਰ ਕੀਤਾ। ਉਦਾਹਰਣ ਵਜੋਂ, ਉੱਤਰਾਖੰਡ STF ਨੇ ਵਿਕਰਾਂਤ ਕਸ਼ਿਅਪ ਨੂੰ ਭੱਟੀ ਨਾਲ ਜੁੜੇ ਹੈਂਡਲਰਾਂ ਨੂੰ ਸੰਵੇਦਨਸ਼ੀਲ ਸਥਾਨਾਂ ਬਾਰੇ ਜਾਣਕਾਰੀ ਦੇਣ ਦੇ ਆਰੋਪ ਵਿੱਚ ਗ੍ਰਿਫਤਾਰ ਕੀਤਾ। 12 ਅਗਸਤ ਦੇ ਆਪ੍ਰੇਸ਼ਨ ਦੀ ਇੱਕ ਮੁੱਖ ਵਿਸ਼ੇਸ਼ਤਾ ਇੱਕ ਰੀਅਲ-ਟਾਈਮ ਇੰਟੈਲੀਜੈਂਸ ਸ਼ੇਅਰਿੰਗ ਸਿਸਟਮ ਰਾਹੀਂ ਰਾਜ ਪੁਲਿਸ ਬਲਾਂ ਨਾਲ ਤਾਲਮੇਲ ਸੀ। ਇਸਦਾ ਮਤਲਬ ਹੈ ਕਿ ਵੱਖ-ਵੱਖ ਰਾਜਾਂ ਤੋਂ ਪ੍ਰਾਪਤ ਇਨਪੁਟਸ ਨੂੰ ਇਕੱਠਾ ਕਰਕੇ ਇੱਕੋ ਸਮੇਂ ਕਾਰਵਾਈ ਕੀਤੀ ਗਈ। ਪੂਰੇ 14-ਰਾਜਾਂ ਦੇ ਆਪ੍ਰੇਸ਼ਨ ਲਈ ਅਧਿਕਾਰਤ ਅੰਕੜੇ ਅਜੇ ਜਨਤਕ ਨਹੀਂ ਹਨ।
ਇਸ ਆਪ੍ਰੇਸ਼ਨ ਦੀ ਸਭ ਤੋਂ ਵੱਡੀ ਕਹਾਣੀ ਕੀ ਹੈ?
ਇਸ ਨੈੱਟਵਰਕ ਦੀ ਖਾਸੀਅਤ ਸਿਰਫ਼ ਹਥਿਆਰ ਅਤੇ ਵਿਸਫੋਟਕ ਹੀ ਨਹੀਂ, ਸਗੋਂ ਔਨਲਾਈਨ ਭਰਤੀ ਅਤੇ ਔਫਲਾਈਨ ਅਪਰਾਧ ਨੂੰ ਅੰਜਾਮ ਦੇਣਾ ਵੀ ਸ਼ਾਮਲ ਹੈ। ਭੱਟੀ ਸੋਸ਼ਲ ਮੀਡੀਆ ਰਾਹੀਂ ਨੌਜਵਾਨਾਂ ਨੂੰ ਲੱਭਦਾ ਸੀ। ਉਨ੍ਹਾਂ ਦੀ ਯੋਗਤਾ ਅਤੇ ਭਰੋਸੇਯੋਗਤਾ ਨੂੰ ਛੋਟੇ ਵਿੱਤੀ ਲਾਲਚ ਨਾਲ ਪਰਖਿਆ ਜਾਂਦਾ ਸੀ। ਜਾਸੂਸੀ, ਸੀਸੀਟੀਵੀ ਨਿਗਰਾਨੀ, ਹਥਿਆਰਾਂ ਦੀ ਆਵਾਜਾਈ ਅਤੇ ਹਮਲਿਆਂ ਵਰਗੇ ਕੰਮ ਸੌਂਪੇ ਗਏ ਸਨ। ਕੁਝ ਮਾਮਲਿਆਂ ਵਿੱਚ, ਜਾਂਚਾਂ ਵਿੱਚ ਸਰਹੱਦ ਪਾਰ ਤੋਂ ਹਥਿਆਰਾਂ ਅਤੇ ਨਸ਼ੀਲੇ ਪਦਾਰਥਾਂ ਦੀ ਢੋਆ-ਢੁਆਈ ਅਤੇ ਉਨ੍ਹਾਂ ਨੂੰ ਦਿੱਲੀ-ਐਨਸੀਆਰ ਲਿਜਾਣ ਲਈ ਡਰੋਨ ਦੀ ਵਰਤੋਂ ਦਾ ਵੀ ਖੁਲਾਸਾ ਹੋਇਆ ਹੈ।
