Weather Update: ਮਾਨਸੂਨ ਨੂੰ ਲੈ ਕੇ ਬੁਰੀ ਖਬਰ, ਮੌਸਮ ਵਿਭਾਗ ਦੀ ਇਸ ਰਿਪੋਰਟ ਨੇ ਡਰਾਇਆ
ਦੇਸ਼ 'ਚ 1 ਜੂਨ ਤੋਂ ਬਾਰਿਸ਼ 'ਚ ਵੱਡੀ ਕਮੀ ਆਈ ਹੈ। ਦੱਖਣੀ ਪ੍ਰਾਇਦੀਪ 'ਚ ਜਿੱਥੇ ਬਾਰਸ਼ 'ਚ 53 ਫੀਸਦੀ ਕਮੀ ਦਰਜ ਕੀਤੀ ਗਈ ਹੈ। ਉੱਥੇ ਹੀ 1 ਜੂਨ ਤੋਂ ਪੂਰੇ ਦੇਸ਼ 'ਚ 54 ਫੀਸਦੀ ਘੱਟ ਬਾਰਿਸ਼ ਹੋਈ ਹੈ। ਜੇਕਰ ਮੱਧ ਭਾਰਤ ਦੀ ਗੱਲ ਕਰੀਏ ਤਾਂ ਇੱਥੇ 1 ਜੂਨ ਤੋਂ ਹੁਣ ਤੱਕ 80 ਫੀਸਦੀ ਘੱਟ ਬਾਰਿਸ਼ ਹੋਈ ਹੈ।
ਭਾਰਤ ‘ਚ ਮਾਨਸੂਨ ਨੇ ਦਸਤਕ ਦੇ ਦਿੱਤੀ ਹੈ ਪਰ ਦੇਸ਼ ਦੇ ਕਈ ਹਿੱਸਿਆਂ ‘ਚ ਇਸ ਸਮੇਂ ਗਰਮੀ ਅਤੇ ਲੂ ਪੈ ਰਹੀ ਹੈ। ਲੋਕਾਂ ਨੂੰ ਮਾਨਸੂਨ ਤੋਂ ਵੱਡੀ ਉਮੀਦ ਹੈ ਕਿ ਉਹ ਉਨ੍ਹਾਂ ਨੂੰ ਇਸ ਭਿਆਨਕ ਗਰਮੀ ਤੋਂ ਰਾਹਤ ਦੇਵੇਗਾ। ਪਰ ਮੌਸਮ ਵਿਭਾਗ ਨੇ ਮਾਨਸੂਨ ਨੂੰ ਲੈ ਕੇ ਬੁਰੀ ਖ਼ਬਰ ਦਿੱਤੀ ਹੈ।
ਭਾਰਤੀ ਮੌਸਮ ਵਿਭਾਗ ਅਤੇ ਨਿੱਜੀ ਮੌਸਮ ਏਜੰਸੀ ਸਕਾਈਮੇਟ ਵੇਦਰ ਨੇ ਭਵਿੱਖਬਾਣੀ ਕੀਤੀ ਹੈ ਕਿ ਭਾਰਤ ਦੇ ਕਈ ਹਿੱਸਿਆਂ ਵਿੱਚ ਜੁਲਾਈ ਦੇ ਪਹਿਲੇ ਹਫ਼ਤੇ ਤੱਕ ਮਾਨਸੂਨ ਦੀ ਘੱਟ ਬਾਰਸ਼ ਹੋ ਸਕਦੀ ਹੈ। ਮੀਂਹ ਦੀ ਉਡੀਕ ਕਰ ਰਹੇ ਲੋਕਾਂ ਲਈ ਇਹ ਵੱਡਾ ਝਟਕਾ ਹੈ।
ਜੁਲਾਈ ਦੇ ਪਹਿਲੇ ਹਫ਼ਤੇ ਪਵੇਗਾ ਸੋਕਾ
ਸਕਾਈਮੇਟ ਨੇ ਸੋਮਵਾਰ ਨੂੰ ਮਾਨਸੂਨ ਬਾਰੇ ਭਵਿੱਖਬਾਣੀ ਕੀਤੀ ਹੈ ਕਿ 6 ਜੁਲਾਈ ਤੱਕ ਮੱਧ ਅਤੇ ਉੱਤਰ-ਪੱਛਮੀ ਭਾਰਤ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਬਹੁਤ ਜ਼ਿਆਦਾ ਅਤੇ ਗੰਭੀਰ ਸੋਕਾ ਪਵੇਗਾ। ਮੌਸਮ ਏਜੰਸੀਆਂ ਬਹੁਤ ਖੁਸ਼ਕ ਟਰਮ ਦੀ ਵਰਤੋਂ ਉਦੋਂ ਕਰਦੀਆਂ ਹਨ ਜਦੋਂ ਬਾਰਸ਼ 60 ਪ੍ਰਤੀਸ਼ਤ ਜਾਂ ਆਮ ਨਾਲੋਂ ਘੱਟ ਹੁੰਦੀ ਹੈ। ਦੂਜੇ ਪਾਸੇ ਗੰਭੀਰ ਸੋਕੇ ਦਾ ਮਤਲਬ ਹੈ ਕਿ ਬਾਰਿਸ਼ 20 ਤੋਂ 59 ਫੀਸਦੀ ਘੱਟ ਹੋਵੇਗੀ। IMD ਦਾ ਪੂਰਵ ਅਨੁਮਾਨ ਵੀ ਕਾਫੀ ਹੱਦ ਤੱਕ ਸਕਾਈਮੇਟ ਦੇ ਸਮਾਨ ਹੈ। ਆਈਐਮਡੀ ਦੇ ਅਨੁਸਾਰ, 30 ਜੂਨ ਤੋਂ 6 ਜੁਲਾਈ ਦੇ ਵਿਚਕਾਰ ਦੇਸ਼ ਵਿੱਚ ਹਲਕਾ-ਫੁਲਕਾ ਮੀਂਹ ਪੈਣ ਦੀ ਸੰਭਾਵਨਾ ਹੈ।
1 ਜੂਨ ਤੋਂ ਬਾਅਦ ਘੱਟ ਪਿਆ ਹੈ ਮੀਂਹ
ਦੇਸ਼ ‘ਚ 1 ਜੂਨ ਤੋਂ ਬਾਰਿਸ਼ ‘ਚ ਵੱਡੀ ਕਮੀ ਆਈ ਹੈ। ਦੱਖਣੀ ਪ੍ਰਾਇਦੀਪ ‘ਚ ਜਿੱਥੇ ਬਾਰਸ਼ ‘ਚ 53 ਫੀਸਦੀ ਕਮੀ ਦਰਜ ਕੀਤੀ ਗਈ ਹੈ। ਉੱਥੇ ਹੀ 1 ਜੂਨ ਤੋਂ ਪੂਰੇ ਦੇਸ਼ ‘ਚ 54 ਫੀਸਦੀ ਘੱਟ ਬਾਰਿਸ਼ ਹੋਈ ਹੈ। ਮੱਧ ਭਾਰਤ ਦੀ ਗੱਲ ਕਰੀਏ ਤਾਂ ਇੱਥੇ 1 ਜੂਨ ਤੋਂ ਹੁਣ ਤੱਕ 80 ਫੀਸਦੀ ਘੱਟ ਬਾਰਿਸ਼ ਹੋਈ ਹੈ। ਉੱਥੇ ਹੀ ਉੱਤਰ-ਪੱਛਮੀ ਭਾਰਤ ਵਿੱਚ ਬਾਰਸ਼ ਵਿੱਚ 10 ਫੀਸਦੀ ਅਤੇ ਪੂਰਬੀ ਅਤੇ ਉੱਤਰ-ਪੂਰਬੀ ਭਾਰਤ ਵਿੱਚ 53 ਫੀਸਦੀ ਦੀ ਕਮੀ ਦਰਜ ਕੀਤੀ ਗਈ ਹੈ। ਜੂਨ ‘ਚ ਘੱਟ ਬਾਰਿਸ਼ ਦਾ ਮੁੱਖ ਕਾਰਨ ਖਤਰਨਾਕ ਚੱਕਰਵਾਤੀ ਤੂਫਾਨ ਬਿਪੋਰਜਾਏ ਹੈ।
ਬਿਪਰਜਾਏ ਦਾ ਮਾਨਸੂਨ ਨੂੰ ਕਿਵੇਂ ਪਿਆ ਅਸਰ?
ਹਾਲਾਂਕਿ ਬਿਪਰਜਾਏ ਤੂਫਾਨ ਕਾਰਨ ਗੁਜਰਾਤ ਅਤੇ ਰਾਜਸਥਾਨ ਵਿੱਚ ਬਾਰਸ਼ ਹੋਵੇਗੀ। ਪਰ ਅਸੀਂ ਮੱਧ ਭਾਰਤ ਵਿੱਚ ਲਗਭਗ ਇੱਕ ਹਫ਼ਤੇ ਤੱਕ ਮਾਨਸੂਨ ਦੇ ਸ਼ੁਰੂ ਹੋਣ ਦੀ ਉਮੀਦ ਨਹੀਂ ਕਰ ਰਹੇ ਹਾਂ। ਸਕਾਈਮੇਟ ਵੇਦਰ ਦੇ ਸੀਨੀਅਰ ਅਧਿਕਾਰੀ ਮਹੇਸ਼ ਪਲਾਵਤ ਨੇ ਇਹ ਜਾਣਕਾਰੀ ਦਿੱਤੀ। ਦੇਸ਼ ਦੇ ਅੰਦਰੂਨੀ ਹਿੱਸਿਆਂ ਵਿੱਚ ਮਾਨਸੂਨ ਨੇ ਰਫ਼ਤਾਰ ਨਹੀਂ ਫੜੀ ਹੈ। ਉਨ੍ਹਾਂ ਕਿਹਾ ਕਿ ਮੈਨੂੰ ਉਮੀਦ ਨਹੀਂ ਹੈ ਕਿ ਮਾਨਸੂਨ 18 ਜੂਨ ਤੋਂ ਪਹਿਲਾਂ ਸਹੀ ਰਫ਼ਤਾਰ ਫੜ ਲਵੇਗਾ।
ਇਹ ਵੀ ਪੜ੍ਹੋ
ਇਸ ਦਾ ਕਾਰਨ ਬਿਪਰਜਾਏ ਹੈ। ਕਿਉਂਕਿ ਲੈਂਡਫਾਲ ਕਰਨ ਤੋਂ ਬਾਅਦ ਬਿਪੋਰਜਾਏ ਕਮਜ਼ੋਰ ਹੋ ਜਾਵੇਗਾ ਪਰ ਘੱਟ ਦਬਾਅ ਦਾ ਖੇਤਰ ਬਣਿਆ ਰਹੇਗਾ। ਇਸ ਨਾਲ ਇਹ ਮਾਨਸੂਨ ਦੀਆਂ ਹਵਾਵਾਂ ਚੱਲਣ ਤੋਂ ਰੋਕ ਦੇਵੇਗਾ। ਇਹ ਨਮੀ ਨੂੰ ਉੱਤਰ ਪੱਛਮੀ ਭਾਰਤ ਵੱਲ ਮੋੜੇਗਾ।
21 ਜੂਨ ਤੋਂ ਬਾਅਦ ਮੱਧ ਭਾਰਤ ‘ਚ ਪਹੁੰਚੇਗਾ ਮਾਨਸੂਨ
ਹਾਲਾਂਕਿ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਲੰਬੇ ਸਮੇਂ ਦੇ ਫਰਕ ਕਾਰਨ ਇਹ ਪੂਰਵ ਅਨੁਮਾਨ ਬਹੁਤਾ ਸਹੀ ਨਹੀਂ ਹੈ। ਪਰ ਕੁਝ ਮਾਡਲ ਜੁਲਾਈ ਦੇ ਸ਼ੁਰੂ ਵਿੱਚ ਸੋਕੇ ਦੀ ਸਥਿਤੀ ਵੱਲ ਸੰਕੇਤ ਕਰ ਰਹੇ ਹਨ। 5 ਦਿਨ ਪਹਿਲਾਂ ਕੀਤੀਆਂ ਭਵਿੱਖਵਾਣੀਆਂ ਵਧੇਰੇ ਸਹੀ ਹੁੰਦੀਆਂ ਹਨ। ਪਰ ਜ਼ਿਆਦਾਤਰ ਮਾਹਰ ਇਸ ਗੱਲ ਨਾਲ ਸਹਿਮਤ ਹਨ ਕਿ ਮਾਨਸੂਨ ਮੱਧ ਭਾਰਤ ਵਿੱਚ ਦੇਰੀ ਨਾਲ ਪਹੁੰਚੇਗਾ। ਇਸ ਦੇ ਨਾਲ ਹੀ, ਆਈਐਮਡੀ ਦੇ ਅਨੁਸਾਰ, 21 ਜੂਨ ਤੋਂ ਪਹਿਲਾਂ ਮਾਨਸੂਨ ਦੇ ਮੱਧ ਭਾਰਤ ਵਿੱਚ ਪਹੁੰਚਣ ਦੀ ਸੰਭਾਵਨਾ ਨਹੀਂ ਹੈ।
ਪੰਜਾਬ ਦੀਆਂਤਾਜ਼ਾ ਪੰਜਾਬੀ ਖਬਰਾਂਪੜਣ ਲਈ ਤੁਸੀਂTV9 ਪੰਜਾਬੀਦੀ ਵੈਵਸਾਈਟ ਤੇ ਜਾਓ ਅਤੇਲੁਧਿਆਣਾਅਤੇਚੰਡੀਗੜ੍ਹ ਦੀਆਂ ਖਬਰਾਂ,ਲੇਟੇਸਟ ਵੇੱਬ ਸਟੋਰੀ,NRI ਨਿਊਜ਼,ਮਨੋਰੰਜਨ ਦੀ ਖਬਰ,ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼,ਪਾਕਿਸਤਾਨ ਦਾ ਹਰ ਅਪਡੇਟ,ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂਜਾਣੋ
