ਦਿੱਲੀ ਵਿੱਚ ਪ੍ਰਦਰਸ਼ਨਾਂ ਦੇ ਚਲਦਿਆਂ ਵੱਡਾ ਫੈਸਲਾ! ਰਾਜੀਵ ਚੌਕ, ਮੰਡੀ ਹਾਊਸ ਅਤੇ ITO ਸਮੇਤ 16 ਮੈਟਰੋ ਸਟੇਸ਼ਨ ਬੰਦ; DMRC ਦਾ ਲੇਟੇਸਟ ਅਪਡੇਟ
Delhi Metro News: ਸੁਰੱਖਿਆ ਕਾਰਨਾਂ ਕਰਕੇ, DMRC ਨੇ ਦਿੱਲੀ ਦੇ 16 ਪ੍ਰਮੁੱਖ ਮੈਟਰੋ ਸਟੇਸ਼ਨਾਂ (ਰਾਜੀਵ ਚੌਕ, ਮੰਡੀ ਹਾਊਸ, ITO , ਆਦਿ) 'ਤੇ ਐਂਟਰੀ ਅਤੇ ਐਗਜ਼ਿਟ ਪੁਆਇੰਟ ਬੰਦ ਕਰ ਦਿੱਤੇ ਹਨ। ਹਾਲਾਂਕਿ, ਰਾਜੀਵ ਚੌਕ, ਮੰਡੀ ਹਾਊਸ ਅਤੇ ਕੇਂਦਰੀ ਸਕੱਤਰੇਤ ਵਿਖੇ ਇੰਟਰਚੇਂਜ ਸਹੂਲਤਾਂ ਯਾਤਰੀਆਂ ਦੀ ਸਹੂਲਤ ਲਈ ਚਾਲੂ ਰਹਿਣਗੀਆਂ।
Delhi Metro News: DMRC ਨੇ ਅਗਲੇ ਨੋਟਿਸ ਤੱਕ ਲੁਟੀਅਨਜ਼ ਅਤੇ ਕੇਂਦਰੀ ਦਿੱਲੀ ਵਿੱਚ 16 ਮਹੱਤਵਪੂਰਣ ਅਤੇ ਵਿਅਸਤ ਮੈਟਰੋ ਸਟੇਸ਼ਨਾਂ ਨੂੰ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤਾ ਹੈ। DMRC ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਹੈਂਡਲਸ ‘ਤੇ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਯਾਤਰੀਆਂ ਨੂੰ ਆਪਣੀ ਯਾਤਰਾ ਦੀ ਪਹਿਲਾਂ ਤੋਂ ਯੋਜਨਾ ਬਣਾਉਣ ਦੀ ਸਲਾਹ ਦਿੱਤੀ ਗਈ ਹੈ।
ਸੁਰੱਖਿਆ ਕਾਰਨ ਬੰਦ ਕੀਤੇ ਗਏ 16 ਪ੍ਰਮੁੱਖ ਮੈਟਰੋ ਸਟੇਸ਼ਨਾਂ ਦੀ ਸੂਚੀ:
ਲੋਕ ਕਲਿਆਣ ਮਾਰਗ ਰਾਜੀਵ ਚੌਕ ਪਟੇਲ ਚੌਕ ਰਾਮਕ੍ਰਿਸ਼ਨ ਆਸ਼ਰਮ ਮਾਰਗ ਬਾਰਾਖੰਬਾ ਰੋਡ ਸੁਪਰੀਮ ਕੋਰਟ ਸੇਵਾ ਤੀਰਥ ਜਨਪਥ ਮੰਡੀ ਹਾਊਸ ਕੇਂਦਰੀ ਸਕੱਤਰੇਤ ਆਈਟੀਓ ਦਿੱਲੀ ਗੇਟ ਇੰਦਰਪ੍ਰਸਥ ਖਾਨ ਮਾਰਕੀਟ ਜੋਰ ਬਾਗ ਸ਼ਿਵਾਜੀ ਸਟੇਡੀਅਮ
ਪ੍ਰਵੇਸ਼ ਅਤੇ ਨਿਕਾਸ ਪੂਰੀ ਤਰ੍ਹਾਂ ਬੰਦ, ਇਨ੍ਹਾਂ 3 ਸਟੇਸ਼ਨਾਂ ‘ਤੇ ਮਿਲੇਗੀ ਇੰਟਰਚੇਂਜ ਸਹੂਲਤ
ਇਹ ਯਕੀਨੀ ਬਣਾਉਣ ਲਈ ਕਿ ਯਾਤਰੀਆਂ ਨੂੰ ਇੱਕ ਲਾਈਨ ਤੋਂ ਦੂਜੀ ਲਾਈਨ ‘ਤੇ ਜਾਣ ਵਿੱਚ ਅਸੁਵਿਧਾ ਦਾ ਸਾਹਮਣਾ ਨਾ ਕਰਨਾ ਪਵੇ, ਰਾਜੀਵ ਚੌਕ (Rajiv Chowk), ਮੰਡੀ ਹਾਊਸ (Mandi House) ਅਤੇ ਕੇਂਦਰੀ ਸਕੱਤਰੇਤ (Central Secretariat)ਸਟੇਸ਼ਨਾਂ ‘ਤੇ ਇੰਟਰਚੇਂਜ (Interchange) ਦੀ ਸਹੂਲਤ ਬਹਾਲ ਰੱਖੀ ਗਈ ਹੈ। ਇਨ੍ਹਾਂ ਸਟੇਸ਼ਨਾਂ ‘ਤੇ ਟ੍ਰੇਨ ਬਦਲ ਕੇ ਯਾਤਰਾ ਜਾਰੀ ਰੱਖੀ ਜਾ ਸਕਦੀ ਹੈ, ਪਰ ਪ੍ਰਵੇਸ਼ ਜਾਂ ਨਿਕਾਸ ਦੀ ਇਜਾਜ਼ਤ ਨਹੀਂ ਹੋਵੇਗੀ।
ਯਾਤਰੀਆਂ ਨੂੰ ਪਰੇਸ਼ਾਨੀ, ਅਲਰਟ ਜਾਰੀ
ਕਨਾਟ ਪਲੇਸ, ਮੰਡੀ ਹਾਊਸ, ਆਈਟੀਓ ਅਤੇ ਕੇਂਦਰੀ ਸਕੱਤਰੇਤ ਵਰਗ੍ਹੇ ਮੁੱਖ ਵਪਾਰਕ, ਪ੍ਰਸ਼ਾਸਕੀ ਅਤੇ ਅਦਾਲਤੀ ਖੇਤਰਾਂ ਦੇ ਸਟੇਸ਼ਨ ਬੰਦ ਹੋਣ ਨਾਲ ਰੋਜ਼ਾਨਾ ਆਉਣ-ਜਾਣ ਵਾਲੇ ਯਾਤਰੀਆਂ, ਦਫਤਰੀ ਕਰਮਚਾਰੀਆਂ ਅਤੇ ਆਮ ਲੋਕਾਂ ਦੀ ਆਵਾਜਾਈ ‘ਤੇ ਕਾਫ਼ੀ ਪ੍ਰਭਾਵ ਪਿਆ ਹੈ। ਪ੍ਰਸ਼ਾਸਨ ਅਤੇ ਡੀਐਮਆਰਸੀ ਨੇ ਯਾਤਰੀਆਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਸਥਿਤੀ ਆਮ ਹੋਣ ਤੱਕ ਵਿਕਲਪਿਕ ਰਸਤੇ ਚੁਣਨ ਅਤੇ ਆਪਣੀ ਯਾਤਰਾ ਸ਼ੁਰੂ ਕਰਨ ਤੋਂ ਪਹਿਲਾਂ ਅਧਿਕਾਰਤ ਮੈਟਰੋ ਅਪਡੇਟਸ ਦੀ ਜਾਂਚ ਕਰਨ।
ਇਹ ਵੀ ਪੜ੍ਹੋ
ਹਜ਼ਾਰਾਂ ਲੋਕ ਰੋਜ਼ਾਨਾ ਜੰਤਰ-ਮੰਤਰ ‘ਤੇ ਕਾਕਰੋਚ ਜਨਤਾ ਪਾਰਟੀ ਦਾ ਸਮਰਥਨ ਕਰਨ ਲਈ ਆ ਰਹੇ ਹਨ। ਇੱਥੋਂ ਤੱਕ ਕਿ ਪ੍ਰਮੁੱਖ ਸਿਆਸਤਦਾਨ ਵੀ ਜੰਤਰ-ਮੰਤਰ ਪਹੁੰਚ ਰਹੇ ਹਨ। ਦਿੱਲੀ ਪੁਲਿਸ ਸੁਰੱਖਿਆ ਨੂੰ ਲੈ ਕੇ ਚਿੰਤਤ ਹੈ ਕਿਉਂਕਿ ਬਹੁਤ ਸਾਰੇ ਅਣਜਾਣ ਲੋਕ ਇੱਥੇ ਆ ਰਹੇ ਹਨ। ਇਸ ਲਈ, ਜੰਤਰ-ਮੰਤਰ ਦੇ ਪ੍ਰਵੇਸ਼ ਸਥਾਨਾਂ ‘ਤੇ ਡੋਰ ਫਰੇਮਡ ਮੈਟਲ ਡਿਟੈਕਟਰ (ਡੀਐਫਐਮਡੀ) ਲਗਾਏ ਗਏ ਹਨ। ਵਿਰੋਧ ਪ੍ਰਦਰਸ਼ਨ ਵਾਲੀ ਥਾਂ ‘ਤੇ ਦਾਖਲ ਹੋਣ ਵਾਲੇ ਹਰ ਵਿਅਕਤੀ ਨੂੰ ਹੁਣ ਇਨ੍ਹਾਂ ਡੀਐਫਐਮਡੀ ਵਿੱਚੋਂ ਲੰਘਣਾ ਪਵੇਗਾ। ਇਸ ਤੋਂ ਬਾਅਦ, ਉਨ੍ਹਾਂ ਦੀ ਮੈਟਲ ਡਿਟੈਕਟਰ ਨਾਲ ਦੁਬਾਰਾ ਜਾਂਚ ਕੀਤੀ ਜਾਵੇਗੀ।
ਜੰਤਰ-ਮੰਤਰ ਵੱਲ ਜਾਣ ਵਾਲੀ ਹਰ ਸੜਕ ‘ਤੇ 5 ਲੇਅਰ ਬੈਰੀਕੇਡ ਲਗਾਈ ਗਈ ਹੈ। ਇਸ ਤੋਂ ਇਲਾਵਾ, 360-ਡਿਗਰੀ ਅਤੇ ਚਿਹਰਾ ਪਛਾਣਨ ਵਾਲੇ ਕੈਮਰਿਆਂ ਨਾਲ ਲੈਸ ਮੋਬਾਈਲ ਕਮਾਂਡ ਅਤੇ ਕੰਟਰੋਲ ਵਾਹਨ ਤਾਇਨਾਤ ਕੀਤੇ ਗਏ ਹਨ। ਕਿਸੇ ਵੀ ਸ਼ੱਕੀ ਪਹੁੰਚ ਜਾਂ ਗੜਬੜ ਦੀ ਫੁਟੇਜ ਕੈਪਚਰ ਹੋ ਜਾਵੇਗੀ। ਇਸ ਵੇਲੇ, ਦਿੱਲੀ ਪੁਲਿਸ ਜੰਤਰ-ਮੰਤਰ ਦੇ ਆਲੇ-ਦੁਆਲੇ ਸੁਰੱਖਿਆ ਪ੍ਰਬੰਧ ਕਰ ਰਹੀ ਹੈ।
