Indian Telly Awards: 25 ਅਪ੍ਰੈਲ ਨੂੰ ਇੰਡੀਅਨ ਟੈਲੀ ਅਵਾਰਡਸ 2023 , ਨਜ਼ਰ ਆਉਣਗੇ ਸਲਮਾਨ ਖਾਨ ਤੋਂ ਲੈ ਕੇ ਰੋਹਿਤ ਸ਼ੇਟੀ ਤੱਕ ਵੱਡੇ ਚਿਹਰੇ

Indian Telly Awards and Content Hub 2023: ਟੀਵੀ ਇੰਡਸਟਰੀ ਦਾ ਮਸ਼ਹੂਰ ਐਵਾਰਡ ਸ਼ੋਅ ‘ਇੰਡੀਅਨ ਟੈਲੀ ਐਵਾਰਡਜ਼ 2023’ ਜਲਦ ਹੀ ਹੋਣ ਜਾ ਰਿਹਾ ਹੈ। ਇਹ ਐਵਾਰਡ ਸ਼ੋਅ 25 ਅਪ੍ਰੈਲ ਨੂੰ ਮੁੰਬਈ ‘ (Mumbai) ਚ ਆਯੋਜਿਤ ਹੋਣ ਜਾ ਰਿਹਾ ਹੈ। ਜਿੱਥੇ ਟੀਵੀ ਅਤੇ ਫਿਲਮ ਜਗਤ ਦੇ ਵੱਡੇ ਅਤੇ ਪ੍ਰਤਿਭਾਸ਼ਾਲੀ ਚਿਹਰਿਆਂ ਨੂੰ ਸਨਮਾਨ ਮਿਲੇਗਾ। ਇਸ ਐਵਾਰਡ ਸ਼ੋਅ ‘ਚ ਸਲਮਾਨ ਖਾਨ ਤੋਂ ਲੈ ਕੇ ਰੋਹਟੀ ਸ਼ੈੱਟੀ ਤੱਕ ਫਿਲਮ ਇੰਡਸਟਰੀ ਦੇ ਵੱਡੇ ਕਲਾਕਾਰ ਵੀ ਹਿੱਸਾ ਲੈ ਸਕਦੇ ਹਨ। ਐਵਾਰਡ ਸ਼ੋਅ ਦੀ ਰੌਣਕ ਵਧਾਉਣ ਲਈ ਟੀਵੀ ਜਗਤ ਦੇ ਮਸ਼ਹੂਰ ਚਿਹਰੇ ਆਉਣਗੇ, ਜਿਸ ਲਈ ਪ੍ਰਸ਼ੰਸਕ ਵੀ ਕਾਫੀ ਉਤਸ਼ਾਹਿਤ ਹਨ। ‘ਇੰਡੀਅਨ ਟੈਲੀ ਅਵਾਰਡ 2023 ਨਾ ਸਿਰਫ ਅਭਿਨੇਤਾਵਾਂ ਅਤੇ ਅਭਿਨੇਤਰੀਆਂ ਲਈ ਬਲਕਿ ਟੀਵੀ ਦੇ ਮਸ਼ਹੂਰ ਸੀਰੀਅਲ, ਰਿਐਲਿਟੀ ਸ਼ੋਅ, ਨਵੇਂ ਫਰੈਸ਼ ਫੇਸ, ਸਰਵੋਤਮ ਨੈਗੇਟਿਵ ਰੋਲ, ਸਰਵੋਤਮ ਬਾਲ ਕਲਾਕਾਰ, ਸਰਵੋਤਮ ਨਿਰਦੇਸ਼ਕ, ਸਰਬੋਤਮ ਆਨਸਕ੍ਰੀਨ ਜੋੜਾ, ਸਰਵੋਤਮ ਕੈਮਰਾ ਪਰਸਨ, ਸਰਵੋਤਮ ਸੰਪਾਦਕ ਅਤੇ ਹੋਰ ਬਹੁਤ ਸਾਰੀਆਂ ਸ਼੍ਰੇਣੀਆਂ ਲਈ ਵੀ ਪੁਰਸਕਾਰ ਦਿੱਤੇ ਜਾਣਗੇ।

ਇੰਡੀਅਨ ਟੈਲੀ ਅਵਾਰਡਸ 2023 ਦੇ ਮਸ਼ਹੂਰ ਚਿਹਰੇ

ਇਸ ਐਵਾਰਡ ਸ਼ੋਅ ‘ਚ ਟੀਵੀ ਦੇ ਲਗਭਗ ਸਾਰੇ ਵੱਡੇ ਅਤੇ ਮਸ਼ਹੂਰ ਚਿਹਰੇ ਸ਼ਾਮਲ ਹੋਣਗੇ। ਸਲਮਾਨ ਖਾਨ (Salman Khan) ਤੋਂ ਲੈ ਕੇ ਰੋਹਿਤ ਸ਼ੇਟੀ ਤੱਕ ਦਾ ਨਾਂਅ ਐਵਾਰਡ ਲਿਸਟ ‘ਚ ਸ਼ਾਮਲ ਹੈ। ਸਲਮਾਨ ਖਾਨ ਨੂੰ ਬਿੱਗ ਬੌਸ 16 ਅਤੇ ਰੋਹਿਤ ਸ਼ੈੱਟੀ ਨੂੰ ਖਤਰੋਂ ਕੇ ਖਿਲਾੜੀ ਸੀਜ਼ਨ 12 ਲਈ ਸਰਵੋਤਮ ਐਂਕਰਾਂ ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ‘ਭਾਭੀ ਜੀ ਘਰ ਪਰ ਹੈਂ’ ਦੇ ਰੋਹਿਤਸ਼ ਗੌੜ, ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ ਦੇ ਸ਼ਿਆਮ ਪਾਠਕ ਦੇ ਨਾਮ ਬੈਸਟ ਐਕਟਰ ਕਾਮਿਕ ਰੋਲ ਲਈ ਸੂਚੀ ‘ਚ ਸ਼ਾਮਿਲ ਹਨ।

View this post on Instagram

A post shared by Vishwajeet Jagjivan Soni (@ivishwajeetsoniofficial)

ਬੈਸਟ ਐਕਟਰ ਦੀ ਸੂਚੀ ‘ਚ ਸ਼ਾਮਿਲ ਹਨ ਇਹ ਸਿਤਾਰੇ

ਸੁਸ਼ਮਿਤਾ ਮੁਖਰਜੀ, ਕਰੁਣਾ ਪਾਂਡੇ, ਰੂਪਾਲੀ ਗਾਂਗੁਲੀ, ਦਿਸ਼ਾ ਪਰਮਾਰ ਅਤੇ ਪ੍ਰਿਯੰਕਾ ਚਾਹਰ ਚੌਧਰੀ (Priyanka Chahar Chaudhary) ਦੇ ਨਾਂਅ ਟੀਵੀ ਦੀਆਂ ਸਰਵੋਤਮ ਅਭਿਨੇਤਰੀਆਂ ਦੀ ਸੂਚੀ ਵਿੱਚ ਸ਼ਾਮਿਲ ਹਨ। ਦੂਜੇ ਪਾਸੇ ਪ੍ਰਵੇਸ਼ ਮਿਸ਼ਰਾ, ਗੌਰਵ ਖੰਨਾ, ਨਕੁਲ ਮਹਿਤਾ, ਅੰਕਿਤ ਗੁਪਤਾ ਅਤੇ ਸ਼ਾਇਰ ਸ਼ੇਖ ਸਰਵੋਤਮ ਅਦਾਕਾਰ ਦੀ ਸੂਚੀ ਵਿੱਚ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਅਭਿਸ਼ੇਕ ਨਿਗਮ ਅਤੇ ਯੇਸ਼ਾ ਰੁਘਾਨੀ, ਰੂਪਾਲੀ ਗਾਂਗੁਲੀ ਅਤੇ ਗੌਰਵ ਖੰਨਾ, ਸ਼ਾਇਰ ਸ਼ੇਖ ਅਤੇ ਹਿਬਾ ਨਵਾਬ ਦੀ ਜੋੜੀ ਨੂੰ ਸਰਵੋਤਮ ਆਨਸਕ੍ਰੀਨ ਜੋੜੇ ਦੀ ਸੂਚੀ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ।

View this post on Instagram

A post shared by Rups (@rupaliganguly)

ਇਹ ਵੀ ਪੜ੍ਹੋ

ਸ੍ਰੀ ਦਰਬਾਰ ਸਾਹਿਬ ਨਤਮਸਤਕ ਹੋਏ ਰਾਜ ਕੁੰਦਰਾ, 7 ਅਗਸਤ ਨੂੰ ਰਿਲੀਜ਼ ਹੋ ਰਹੀ ਫਿਲਮ

ਸੋਨੂ ਸੂਦ ਨੇ ਸਾਦਗੀ ਨਾਲ ਮਨਾਇਆ ਜਨਮਦਿਨ, ਲੋੜਵੰਦ ਬੱਚਿਆਂ ਨਾਲ ਕੱਟਿਆ ਕੇਕ

ਸ਼ਹਿਨਾਜ਼ ਗਿੱਲ ਦਾ ਖੁਲਾਸਾ, ਮੁਫ਼ਤ 'ਚ ਕੰਮ ਕੀਤਾ, ਫਿਰ ਵੀ ਨਹੀਂ ਮਿਲਿਆ ਸਨਮਾਨ

ਇਨ੍ਹਾਂ ਸ਼੍ਰੇਣੀਆਂ ਵਿੱਚ ਪੁਰਸਕਾਰ ਦਿੱਤੇ ਜਾਣਗੇ

ਇੰਡੀਅਨ ਟੈਲੀ ਅਵਾਰਡਸ 2023 ਵਿੱਚ ਲਗਭਗ ਸਾਰੀਆਂ ਸ਼੍ਰੇਣੀਆਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਇਸ ਵਿੱਚ ਬੈਸਟ ਸਪੈਸ਼ਲ ਵਿਜ਼ੂਅਲ ਇਫੈਕਟਸ, ਬੈਸਟ ਆਰਟ ਡਾਇਰੈਕਸ਼ਨ, ਬੈਸਟ ਕਾਸਟਿੰਗ ਡਾਇਰੈਕਟਰ, ਬੈਸਟ ਸਕ੍ਰੀਨ ਡਾਇਰੈਕਟਰ, ਬੈਸਟ ਡਾਇਲਾਗ ਰਾਈਟਰ, ਬੈਸਟ ਕੈਮਰਾਮੈਨ, ਬੈਸਟ ਡਾਇਰੈਕਟਰ, ਬੈਸਟ ਐਡੀਟਰ ਵਰਗੀਆਂ ਸ਼੍ਰੇਣੀਆਂ ਨੂੰ ਸ਼ਾਮਲ ਕੀਤਾ ਗਿਆ ਹੈ।

ਲੋਕ ਸੋਸ਼ਲ ਮੀਡੀਆ ‘ਤੇ ਜ਼ੋਰਦਾਰ ਤਰੀਕੇ ਨਾਲ ਪਾ ਰਹੇ ਹਨ ਵੋਟ

ਇਸ ਅਵਾਰਡ ਸ਼ੋਅ ਵਿੱਚ ਸਿਰਫ਼ ਟੀਵੀ ਸੀਰੀਅਲ ਹੀ ਨਹੀਂ ਬਲਕਿ ਕਈ ਰਿਐਲਿਟੀ ਸ਼ੋਅ ਅਤੇ ਯੂਥ ਸ਼ੋਅ, ਮਨੋਰੰਜਨ ਚੈਨਲਾਂ ਲਈ ਟਾਕ ਸ਼ੋਅ, ਕੁੱਕਰੀ ਸ਼ੋਅ, ਟਰੈਵਲ ਸ਼ੋਅ, ਸਪੋਰਟਸ ਸ਼ੋਅ, ਕ੍ਰਾਈਮ ਸ਼ੋਅ, ਡਰਾਉਣੇ ਸ਼ੋਅ, ਕਾਮੇਡੀ ਸ਼ੋਅ ਅਤੇ ਬੱਚਿਆਂ ਦੇ ਸ਼ੋਅ ਵੀ ਸ਼ਾਮਲ ਹਨ। ਅਵਾਰਡ ਸ਼ੋਅ ਵਿੱਚ ਪ੍ਰਸ਼ੰਸਕਾਂ ਲਈ ਇੱਕ ਵੱਖਰੀ ਸ਼੍ਰੇਣੀ ਵੀ ਹੈ। ਯਾਨੀ ਤੁਸੀਂ ਆਪਣੇ ਮਨਪਸੰਦ ਅਦਾਕਾਰਾਂ ਨੂੰ ਵੋਟ ਪਾ ਸਕਦੇ ਹੋ, ਜਿਸ ਲਈ ਲੋਕ ਸੋਸ਼ਲ ਮੀਡੀਆ ‘ਤੇ ਜ਼ੋਰਦਾਰ ਤਰੀਕੇ ਨਾਲ ਵੋਟ ਪਾ ਰਹੇ ਹਨ। ਅੱਜ ਦੀਆਂ ਖਬਰਾਂ ਪੰਜਾਬ ਨਿਊਜ, ਪੰਜਾਬੀ ਖਬਰਾਂ, ਟੀਵੀ9 ਪੰਜਾਬੀ