ਰਾਜਵੀਰ ਜਵੰਦਾ ਦੀ ਪਤਨੀ ਦਾ ਭਾਵੁਕ ਪੋਸਟ, ਲਿਖਿਆ ‘ਬੱਚੇ ਅੱਜ ਵੀ ਦਰਵਾਜ਼ੇ ਵੱਲ ਦੇਖਦੇ ਨੇ ਪਾਪਾ ਦਾ ਇੰਤਜ਼ਾਰ ਕਰਦੇ ਨੇ’
ਮਸ਼ਹੂਰ ਪੰਜਾਬੀ ਗਾਇਕ ਰਾਜਵੀਰ ਜਵੰਦਾ ਦੇ ਅਚਾਨਕ ਦਿਹਾਂਤ ਨੇ ਪੂਰੀ ਪੰਜਾਬੀ ਇੰਡਸਟਰੀ ਅਤੇ ਉਨ੍ਹਾਂ ਦੇ ਲੱਖਾਂ ਪ੍ਰਸ਼ੰਸਕਾਂ ਨੂੰ ਕਦੇ ਨਾ ਭਰਨ ਵਾਲਾ ਜ਼ਖ਼ਮ ਦਿੱਤਾ ਹੈ। ਇਸ ਦੁੱਖ ਦੀ ਘੜੀ ਵਿੱਚ ਰਾਜਵੀਰ ਦੀ ਪਤਨੀ ਹਰਸ਼ਵਿੰਦਰ ਕੌਰ ਜਵੰਦਾ ਨੇ ਮਰਹੂਮ ਗਾਇਕ ਦੇ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਇੱਕ ਅਜਿਹੀ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਨੂੰ ਪੜ੍ਹ ਕੇ ਹਰ ਕਿਸੇ ਦੀ ਅੱਖ ਨਮ ਹੋ ਗਈ ਹੈ।
ਮਸ਼ਹੂਰ ਪੰਜਾਬੀ ਗਾਇਕ ਰਾਜਵੀਰ ਜਵੰਦਾ ਦੇ ਅਚਾਨਕ ਦਿਹਾਂਤ ਨੇ ਪੂਰੀ ਪੰਜਾਬੀ ਇੰਡਸਟਰੀ ਅਤੇ ਉਨ੍ਹਾਂ ਦੇ ਲੱਖਾਂ ਪ੍ਰਸ਼ੰਸਕਾਂ ਨੂੰ ਕਦੇ ਨਾ ਭਰਨ ਵਾਲਾ ਜ਼ਖ਼ਮ ਦਿੱਤਾ ਹੈ। ਇਸ ਦੁੱਖ ਦੀ ਘੜੀ ਵਿੱਚ ਰਾਜਵੀਰ ਦੀ ਪਤਨੀ ਹਰਸ਼ਵਿੰਦਰ ਕੌਰ ਜਵੰਦਾ ਨੇ ਮਰਹੂਮ ਗਾਇਕ ਦੇ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਇੱਕ ਅਜਿਹੀ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਨੂੰ ਪੜ੍ਹ ਕੇ ਹਰ ਕਿਸੇ ਦੀ ਅੱਖ ਨਮ ਹੋ ਗਈ ਹੈ। ਹਰਸ਼ਵਿੰਦਰ ਨੇ ਇਸ ਪੋਸਟ ਰਾਹੀਂ ਨਾ ਸਿਰਫ਼ ਆਪਣਾ ਨਿੱਜੀ ਦਰਦ ਸਾਂਝਾ ਕੀਤਾ ਹੈ, ਸਗੋਂ ਰਾਜਵੀਰ ਦੇ ਅਧੂਰੇ ਸੁਪਨਿਆਂ ਅਤੇ ਉਨ੍ਹਾਂ ਦੀ ਵਿਰਾਸਤ ਨੂੰ ਅੱਗੇ ਲੈ ਕੇ ਜਾਣ ਦਾ ਸੰਕਲਪ ਵੀ ਦੁਹਰਾਇਆ ਹੈ।
‘ਜ਼ਿੰਦਗੀ ਚੱਲ ਰਹੀ ਹੈ ਪਰ ਅਸੀਂ ਉੱਥੇ ਹੀ ਰੁਕ ਗਏ ਹਾਂ’
ਹਰਸ਼ਵਿੰਦਰ ਨੇ ਰਾਜਵੀਰ ਦੀ ਇੰਸਟਾਗ੍ਰਾਮ ਆਈਡੀ ਤੋਂ ਪੋਸਟ ਪਾਉਂਦਿਆਂ ਲਿਖਿਆ ਕਿ ਸਮਾਂ ਬੀਤ ਰਿਹਾ ਹੈ, ਪਰ ਉਨ੍ਹਾਂ ਦੇ ਪਰਿਵਾਰ ਲਈ ਵਕਤ ਜਿਵੇਂ ਠਹਿਰ ਜਿਹਾ ਗਿਆ ਹੈ। ਆਪਣੀਆਂ ਭਾਵਨਾਵਾਂ ਨੂੰ ਸ਼ਬਦਾਂ ਵਿੱਚ ਪਰੋਦਿਆਂ ਉਨ੍ਹਾਂ ਲਿਖਿਆ, “ਅੱਜ ਇੱਕ ਲੰਮਾ ਸਮਾਂ ਬੀਤ ਗਿਆ ਹੈ ਰਾਜਵੀਰ ਨੂੰ ਇਸ ਦੁਨੀਆ ਤੋਂ ਗਏ ਹੋਏ, ਪਰ ਸਾਨੂੰ ਅੱਜ ਵੀ ਹਰ ਪਲ ਉਨ੍ਹਾਂ ਦੀ ਕਮੀ ਮਹਿਸੂਸ ਹੁੰਦੀ ਹੈ। ਬੱਚੇ ਅੱਜ ਵੀ ਦਰਵਾਜ਼ੇ ਵੱਲ ਦੇਖਦੇ ਹਨ ਅਤੇ ਆਪਣੇ ਪਾਪਾ ਦਾ ਇੰਤਜ਼ਾਰ ਕਰਦੇ ਹਨ। ਮੈਂ ਅੱਜ ਬਹੁਤ ਹਿੰਮਤ ਜੁਟਾ ਕੇ ਇਹ ਪੋਸਟ ਲਿਖ ਰਹੀ ਹਾਂ। ਸੱਚ ਤਾਂ ਇਹ ਹੈ ਕਿ ਦੁਨੀਆ ਲਈ ਜ਼ਿੰਦਗੀ ਚੱਲਦੀ ਜਾ ਰਹੀ ਹੈ, ਪਰ ਅਸੀਂ ਕਿਤੇ ਪਿੱਛੇ ਹੀ ਗੁਆਚ ਗਏ ਹਾਂ।”
View this post on Instagram
ਪ੍ਰਸ਼ੰਸਕਾਂ ਤੋਂ ਮੰਗਿਆ ਸਾਥ
ਮੁਸ਼ਕਿਲ ਸਮੇਂ ਵਿੱਚ ਸਾਥ ਦੇਣ ਵਾਲੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕਰਦਿਆਂ ਹਰਸ਼ਵਿੰਦਰ ਨੇ ਲਿਖਿਆ, “ਮੈਂ ਉਨ੍ਹਾਂ ਸਾਰੇ ਲੋਕਾਂ ਦਾ ਦਿਲੋਂ ਧੰਨਵਾਦ ਕਰਦੀ ਹਾਂ ਜੋ ਰਾਜਵੀਰ ਨੂੰ ਪਿਆਰ ਕਰਦੇ ਹਨ ਅਤੇ ਸਾਡੇ ਦੁੱਖ ਵਿੱਚ ਸ਼ਾਮਲ ਹੋਏ। ਮੇਰੀ ਬਸ ਇਹੀ ਬੇਨਤੀ ਹੈ ਕਿ ਅੱਗੇ ਵੀ ਸਾਡਾ ਸਾਥ ਇਸੇ ਤਰ੍ਹਾਂ ਦੇਣਾ। ਮੈਨੂੰ ਨਹੀਂ ਪਤਾ ਕਿ ਮੈਂ ਰਾਜਵੀਰ ਵਾਂਗ ਕੁਝ ਵੱਡਾ ਜਾਂ ਵੱਖਰਾ ਕਰ ਸਕਾਂਗੀ ਜਾਂ ਨਹੀਂ, ਪਰ ਮੈਂ ਉਨ੍ਹਾਂ ਦੀ ਦਿੱਤੀ ਹੋਈ ਹਾਂ-ਪੱਖੀ ਸੋਚ (Positivity) ਅਤੇ ਉਨ੍ਹਾਂ ਦੇ ਵਿਚਾਰਾਂ ਦੇ ਸਹਾਰੇ ਅੱਗੇ ਵਧਣ ਦੀ ਕੋਸ਼ਿਸ਼ ਕਰਾਂਗੀ। ਉਨ੍ਹਾਂ ਦੇ ਗੀਤਾਂ ਰਾਹੀਂ ਮੈਂ ਉਨ੍ਹਾਂ ਨੂੰ ਹਮੇਸ਼ਾ ਜ਼ਿੰਦਾ ਰੱਖਾਂਗੀ।”
‘ਜੋਗਿਆ’ ਗਾਣੇ ਨੇ ਵਧਾਇਆ ਦਰਦ
ਹਰਸ਼ਵਿੰਦਰ ਨੇ ਇਸ ਭਾਵੁਕ ਸੰਦੇਸ਼ ਦੇ ਬੈਕਗ੍ਰਾਊਂਡ ਵਿੱਚ ਰਾਜਵੀਰ ਦਾ ਹੀ ਸੁਪਰਹਿੱਟ ਗਾਣਾ ‘ਜੋਗਿਆ’ ਲਗਾਇਆ ਹੈ। ਗਾਣੇ ਦੇ ਬੋਲ “ਕਫ਼ਨ ਲੰਮਾ ਸਲਾਮੀਆਂ ਤੇ ਉੱਪਰ ਕੱਖ ਪਾਏ, ਉੱਧਰੋਂ ਕੋਈ ਨਾ ਪਰਤਿਆ ਤੇ ਇੱਧਰ ਲੱਖ ਗਏ” ਮੌਜੂਦਾ ਹਾਲਾਤ ਵਿੱਚ ਪ੍ਰਸ਼ੰਸਕਾਂ ਦੇ ਕਲੇਜੇ ਨੂੰ ਚੀਰ ਰਹੇ ਹਨ। ਇਸ ਪੋਸਟ ‘ਤੇ ਪ੍ਰਸ਼ੰਸਕ ਲਗਾਤਾਰ ਕਮੈਂਟ ਕਰਕੇ ਪਰਿਵਾਰ ਨੂੰ ਹੌਸਲਾ ਦੇ ਰਹੇ ਹਨ ਅਤੇ ਰਾਜਵੀਰ ਜਵੰਦਾ ਨੂੰ ਸ਼ਰਧਾਂਜਲੀ ਭੇਟ ਕਰ ਰਹੇ ਹਨ।
ਇਹ ਵੀ ਪੜ੍ਹੋ
