UPSC Result 2023: UPSC ਦਾ ਨਤੀਜਾ ਘੋਸ਼ਿਤ, ਲਖਨਊ ਦੇ ਆਦਿਤਿਆ ਸ਼੍ਰੀਵਾਸਤਵ ਨੇ ਕੀਤਾ ਟਾਪ, ਇੱਥੇ ਵੋਖੋ ਪੂਰੀ ਲਿਸਟ

ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ (UPSC) 2023 ਦੀ ਪ੍ਰੀਖਿਆ ਦੇ ਨਤੀਜੇ ਦਾ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕੀਤਾ ਜਾ ਰਿਹਾ ਸੀ, ਜੋ ਹੁਣ ਖਤਮ ਹੋ ਗਿਆ ਹੈ। UPSC CSE ਦਾ ਨਤੀਜਾ ਮੰਗਲਵਾਰ ਨੂੰ ਜਾਰੀ ਕੀਤਾ ਗਿਆ। ਇਸ ਪ੍ਰੀਖਿਆ ‘ਚ ਆਦਿਤਿਆ ਸ਼੍ਰੀਵਾਸਤਵ ਨੇ ਟਾਪ ਕੀਤਾ ਹੈ, ਜਦਕਿ ਅਨੀਮੇਸ਼ ਪ੍ਰਧਾਨ ਦੂਜੇ ਸਥਾਨ ‘ਤੇ ਰਹੇ ਹਨ। ਇਸ ਤੋਂ ਬਾਅਦ ਤੀਜਾ ਰੈਂਕ ਅਨੰਨਿਆ ਰੈੱਡੀ ਅਤੇ ਚੌਥਾ ਰੈਂਕ ਪੀਕੇ ਸਿਧਾਰਥ ਰਾਮਕੁਮਾਰ ਨੇ ਹਾਸਿਲ ਕੀਤਾ ਹੈ। ਰੂਹਾਨੀ ਪੰਜਵੇਂ ਸਥਾਨ ‘ਤੇ ਰਹੀ ਹੈ। ਯੂਪੀਐਸਸੀ ਦੀ ਪ੍ਰੀਖਿਆ ਵਿੱਚ ਜਨਰਲ ਕੈਟਾਗਰੀ ਵਿੱਚੋਂ 347, ਈਡਬਲਯੂਐਸ ਕੈਟਾਗਰੀ ਵਿੱਚੋਂ 115, ਓਬੀਸੀ ਕੈਟਾਗਰੀ ਵਿੱਚੋਂ 303, ਐਸਸੀ ਕੈਟਾਗਰੀ ਵਿੱਚੋਂ 165 ਅਤੇ ਐਸਟੀ ਕੈਟਾਗਰੀ ਵਿੱਚੋਂ 86 ਉਮੀਦਵਾਰ ਪਾਸ ਹੋਏ ਹਨ। ਕੁੱਲ 1016 ਪ੍ਰੀਖਿਆਰਥੀ ਪਾਸ ਹੋਏ ਹਨ।

ਉਮੀਦਵਾਰ ਸਿਵਲ ਸਰਵਿਸਿਜ਼ ਪ੍ਰੀਖਿਆ 2023 ਦਾ ਨਤੀਜਾ ਅਧਿਕਾਰਤ ਵੈੱਬਸਾਈਟ upsc.gov.in ‘ਤੇ ਦੇਖ ਸਕਦੇ ਹਨ। ਯੂਪੀਐਸਸੀ ਸਿਵਲ ਸਰਵਿਸਿਜ਼ ਦੀ ਮੁੱਢਲੀ ਪ੍ਰੀਖਿਆ ਪਿਛਲੇ ਸਾਲ 28 ਮਈ ਨੂੰ ਹੋਈ ਸੀ। ਜਿਹੜੇ ਉਮੀਦਵਾਰਾਂ ਨੇ ਪ੍ਰੀਲਿਮ ਰਾਊਂਡ ਪਾਸ ਕੀਤਾ ਸੀ, ਉਹ ਮੁੱਖ ਪ੍ਰੀਖਿਆ ਵਿਚ ਬੈਠਣ ਦੇ ਯੋਗ ਸਨ। UPSC CSE ਸੀਐਸਸੀ ਮੈਨਸ ਦੇ ਨਤੀਜੇ 8 ਦਸੰਬਰ ਨੂੰ ਘੋਸ਼ਿਤ ਕੀਤੇ ਗਏ ਸਨ। ਉਮੀਦਵਾਰ ਸਿਵਲ ਸਰਵਿਸਿਜ਼ ਪ੍ਰੀਖਿਆ 2023 ਦਾ ਨਤੀਜਾ ਅਧਿਕਾਰਤ ਵੈੱਬਸਾਈਟ upsc.gov.in ‘ਤੇ ਆਸਾਨੀ ਨਾਲ ਦੇਖ ਸਕਦੇ ਹਨ।

ਇਨ੍ਹਾਂ ਅਸਾਮੀਆਂ ‘ਤੇ ਨਿਯੁਕਤੀਆਂ ਹੋਣਗੀਆਂ

UPSC ਸਿਵਲ ਸਰਵਿਸਿਜ਼ ਪ੍ਰੀਖਿਆ 2023 ਭਾਰਤੀ ਪ੍ਰਸ਼ਾਸਨਿਕ ਸੇਵਾ (IAS), ਭਾਰਤੀ ਪੁਲਿਸ ਸੇਵਾ (IPS) ਅਤੇ ਭਾਰਤੀ ਵਿਦੇਸ਼ ਸੇਵਾ (IFS) ਸਮੇਤ ਵੱਖ-ਵੱਖ ਕੇਂਦਰੀ ਸਰਕਾਰੀ ਸੇਵਾਵਾਂ ਅਤੇ ਵਿਭਾਗਾਂ ਵਿੱਚ ਕੁੱਲ 1,105 ਅਸਾਮੀਆਂ ਨੂੰ ਭਰਨ ਲਈ ਆਯੋਜਿਤ ਕੀਤੀ ਗਈ ਸੀ। ਹਾਲ ਹੀ ਦੇ ਸਾਲਾਂ ‘ਚ ਔਰਤਾਂ ਨੇ ਯੂ.ਪੀ.ਐੱਸ.ਸੀ. ਦੀਆਂ ਪ੍ਰੀਖਿਆਵਾਂ ‘ਚ ਟਾਪ ਸਥਾਨ ਹਾਸਲ ਕਰਨ ‘ਚ ਉਪਲੱਬਧੀਆਂ ਹਾਸਲ ਕੀਤੀਆਂ ਸਨ ਪਰ ਇਸ ਵਾਰ ਲੜਕਿਆਂ ਨੇ ਟਾਪ ਕੀਤਾ ਹੈ।

UPSC 2023 ਫਾਈਨਲ ਨਤੀਜੇ ਵਿੱਚ ਸਫਲ ਉਮੀਦਵਾਰਾਂ ਦੀ ਪੂਰੀ ਸੂਚੀ ਇੱਥੇ ਦੇਖੋ।