ਪੰਜਾਬ ਦੇ ਵਿਦਿਆਰਥੀਆਂ ਨੇ ਪਹਿਲੇ ਸਾਲ ਕਮਾਏ 90 ਕਰੋੜ, ਮਾਨ ਸਰਕਾਰ ਦੀ ਸਿੱਖਿਆ ਕ੍ਰਾਂਤੀ ਨਾਲ ਬੱਚਿਆਂ ਨੂੰ ਕਾਰੋਬਾਰ ਸ਼ੁਰੂ ਕਰਨ ਵਿੱਚ ਮਿਲੀ ਮਦਦ
ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਪੰਜਾਬ ਸਰਕਾਰ ਦੀ ਸਿੱਖਿਆ ਕ੍ਰਾਂਤੀ ਦੇ ਹਿੱਸੇ ਵਜੋਂ ਰਾਜ ਭਰ ਦੇ ਉੱਚ ਅਤੇ ਤਕਨੀਕੀ ਸਿੱਖਿਆ ਸੰਸਥਾਵਾਂ ਵਿੱਚ ਸ਼ੁਰੂ ਕੀਤੇ ਗਏ 'ਬਿਜ਼ਨਸ ਕਲਾਸ' ਪ੍ਰੋਗਰਾਮ ਦੇ ਬਹੁਤ ਉਤਸ਼ਾਹਜਨਕ ਅਤੇ ਸਾਰਥਕ ਨਤੀਜੇ ਸਾਹਮਣੇ ਆਏ ਹਨ।
ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਪੰਜਾਬ ਸਰਕਾਰ ਦੀ ਸਿੱਖਿਆ ਕ੍ਰਾਂਤੀ ਦੇ ਹਿੱਸੇ ਵਜੋਂ ਰਾਜ ਭਰ ਦੇ ਉੱਚ ਅਤੇ ਤਕਨੀਕੀ ਸਿੱਖਿਆ ਸੰਸਥਾਵਾਂ ਵਿੱਚ ਸ਼ੁਰੂ ਕੀਤੇ ਗਏ ‘ਬਿਜ਼ਨਸ ਕਲਾਸ’ ਪ੍ਰੋਗਰਾਮ ਦੇ ਬਹੁਤ ਉਤਸ਼ਾਹਜਨਕ ਅਤੇ ਸਾਰਥਕ ਨਤੀਜੇ ਸਾਹਮਣੇ ਆਏ ਹਨ।
ਪ੍ਰੋਗਰਾਮ ਵਿੱਚ 95,000 ਵਿਦਿਆਰਥੀਆਂ ਨੇ ਲਿਆ ਦਾਖਲਾ
ਬੀ.ਕਾਮ., ਬੀਬੀਏ, ਬੀ.ਟੈਕ., ਬੀ.ਵੋਕੇਸ਼ਨਲ, ਆਈਟੀਆਈ. ਅਤੇ ਪੌਲੀਟੈਕਨਿਕ ਦੇ ਵਿਦਿਆਰਥੀਆਂ ਲਈ ਲਾਜ਼ਮੀ ਵਿਸ਼ੇ ਵਜੋਂ ਪੇਸ਼ ਕੀਤੇ ਗਏ ਇਸ ਪ੍ਰੋਗਰਾਮ ਦੇ ਪਹਿਲੇ ਸਾਲ ਵਿੱਚ ਲਗਭਗ 95,000 ਵਿਦਿਆਰਥੀਆਂ ਨੇ ਦਾਖਲਾ ਲਿਆ। ਇਨ੍ਹਾਂ ਵਿੱਚੋਂ, 25,693 ਵਿਦਿਆਰਥੀਆਂ ਨੇ ਆਪਣੇ ਕਾਰੋਬਾਰ ਸ਼ੁਰੂ ਕੀਤੇ, ਜਦੋਂ ਕਿ 20,241 ਵਿਦਿਆਰਥੀ ਉੱਦਮਾਂ ਨੇ ਪਹਿਲੇ ਸਾਲ ਵਿੱਚ ਲਗਭਗ ₹90 ਕਰੋੜ ਦਾ ਕਾਰੋਬਾਰ ਕੀਤਾ।
ਸਹੀ ਮੌਕੇ ਮਿਲਣ ਤਾਂ ਬਣ ਸਕਦੇ ਹਨ ਸਫਲ ਕਾਰੋਬਾਰੀ ਬੈਂਸ
ਇਸ ਪ੍ਰਾਪਤੀ ‘ਤੇ, ਉੱਚ ਸਿੱਖਿਆ ਅਤੇ ਤਕਨੀਕੀ ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਨੇ ਕਿਹਾ ਕਿ ਪੰਜਾਬ ਦਾ ਬਿਜ਼ਨਸ ਕਲਾਸ ਪ੍ਰੋਗਰਾਮ ਸਿੱਖਿਆ ਦੇ ਉਦੇਸ਼ ਨੂੰ ਮੁੜ ਪਰਿਭਾਸ਼ਿਤ ਕਰ ਰਿਹਾ ਹੈ। ਸਾਡਾ ਟੀਚਾ ਸਿਰਫ਼ ਡਿਗਰੀਆਂ ਪ੍ਰਦਾਨ ਕਰਨਾ ਨਹੀਂ ਹੈ, ਸਗੋਂ ਨਵੀਨਤਾਕਾਰੀ, ਉੱਦਮੀ ਅਤੇ ਨੌਕਰੀਆਂ ਪੈਦਾ ਕਰਨ ਵਾਲੇ ਨੌਜਵਾਨਾਂ ਦੀ ਇੱਕ ਨਵੀਂ ਪੀੜ੍ਹੀ ਤਿਆਰ ਕਰਨਾ ਹੈ।
ਲਗਭਗ 95,000 ਵਿਦਿਆਰਥੀਆਂ ਨੇ ਆਪਣੇ ਕਾਰੋਬਾਰੀ ਵਿਚਾਰਾਂ ‘ਤੇ ਕੰਮ ਕੀਤਾ, ਜਿਨ੍ਹਾਂ ਵਿੱਚੋਂ 25,000 ਤੋਂ ਵੱਧ ਨੇ ਆਪਣੇ ਖੁਦ ਦੇ ਸਟਾਰਟਅੱਪ ਸ਼ੁਰੂ ਕੀਤੇ। ਇਨ੍ਹਾਂ ਉੱਦਮਾਂ ਨੇ ਸਮੂਹਿਕ ਤੌਰ ‘ਤੇ ਪਹਿਲੇ ਸਾਲ ਵਿੱਚ ਲਗਭਗ 90 ਕਰੋੜ ਦੀ ਆਮਦਨ ਕੀਤੀ। ਇਹ ਸਪੱਸ਼ਟ ਤੌਰ ‘ਤੇ ਦਰਸਾਉਂਦਾ ਹੈ ਕਿ ਜੇਕਰ ਨੌਜਵਾਨਾਂ ਨੂੰ ਸਹੀ ਮੌਕੇ ਦਿੱਤੇ ਜਾਣ, ਤਾਂ ਉਹ ਸਫਲ ਕਾਰੋਬਾਰ ਖੜਾ ਕਰ ਸਕਦੇ ਹਨ, ਰੁਜ਼ਗਾਰ ਪੈਦਾ ਕਰ ਸਕਦੇ ਹਨ ਅਤੇ ਰਾਜ ਦੀ ਆਰਥਿਕਤਾ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾ ਸਕਦੇ ਹਨ।
ਸਿੱਖਿਆ ਕ੍ਰਾਂਤੀ ਨਾਲ ਆਪਣਾ ਕਾਰੋਬਾਰ ਖੜਾ ਕਰਨ ਦੀ ਤਿਆਰੀ – ਬੈਂਸ
ਬੈਂਸ ਨੇ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ, ਪੰਜਾਬ ਦੀ ਸਿੱਖਿਆ ਕ੍ਰਾਂਤੀ ਸਾਡੇ ਨੌਜਵਾਨਾਂ ਨੂੰ ਸਿਰਫ਼ ਨੌਕਰੀਆਂ ਪ੍ਰਾਪਤ ਕਰਨ ਲਈ ਹੀ ਨਹੀਂ, ਸਗੋਂ ਦੂਜਿਆਂ ਲਈ ਨੌਕਰੀਆਂ ਅਤੇ ਮੌਕੇ ਪੈਦਾ ਕਰਨ ਲਈ ਤਿਆਰ ਕਰ ਰਹੀ ਹੈ।
ਇਹ ਵੀ ਪੜ੍ਹੋ
ਇਸ ਪ੍ਰੋਗਰਾਮ ਦਾ ਉਦੇਸ਼ ਇਹ ਯਕੀਨੀ ਬਣਾਉਣਾ ਹੈ ਕਿ ਪੰਜਾਬ ਦੇ ਨੌਜਵਾਨ ਸਿਰਫ਼ ਨੌਕਰੀਆਂ ਦੀ ਭਾਲ ਤੱਕ ਹੀ ਸੀਮਿਤ ਨਾ ਰਹਿਣ, ਸਗੋਂ ਆਪਣੀਆਂ ਨੌਕਰੀਆਂ ਪੈਦਾ ਕਰਨ ਅਤੇ ਆਰਥਿਕ ਵਿਕਾਸ ਵਿੱਚ ਹਿੱਸਾ ਲੈਣ। ਅਕਾਦਮਿਕ ਸਾਲ 2025-26 ਵਿੱਚ ਸੂਬੇ ਦੀਆਂ 20 ਯੂਨੀਵਰਸਿਟੀਆਂ, 494 ਕਾਲਜ, 320 ਆਈ.ਟੀ.ਆਈ. ਅਤੇ 91 ਪੌਲੀਟੈਕਨਿਕ ਸਮੇਤ ਕੁੱਲ 925 ਉੱਚ ਅਤੇ ਤਕਨੀਕੀ ਸਿੱਖਿਆ ਸੰਸਥਾਵਾਂ ਵਿੱਚ ਬੀਕਾਮ., ਬੀਬੀਏ, ਬੀਟੈਕ., ਅਤੇ ਬੀ.ਵੋਕੇਸ਼ਨਲ ਦੋ ਵਿਦਿਆਰਥੀਆਂ ਲਈ ਇਹ ਦੋ-ਕ੍ਰੈਡਿਟ ਲਾਜ਼ਮੀ ਕੋਰਸ ਸ਼ੁਰੂ ਕੀਤਾ ਗਿਆ।
ਰਵਾਇਤੀ ਸਿੱਖਿਆ ਦੇ ਉਲਟ, ਜੋ ਕਿ ਪਾਠ-ਪੁਸਤਕਾਂ ਅਤੇ ਪ੍ਰੀਖਿਆਵਾਂ ਤੱਕ ਸੀਮਿਤ ਹੈ, ਉਸਤੋਂ ਵੱਖ ਇਹ ਪ੍ਰੋਗਰਾਮ ਵਿਦਿਆਰਥੀਆਂ ਨੂੰ ਵਿਹਾਰਕ ਉੱਦਮੀ ਹੁਨਰ ਕਾਰੋਬਾਰੀ ਮੌਕਿਆਂ ਦੀ ਪਛਾਣ ਕਰਨਾ, ਗਾਹਕ ਖੋਜ, ਮਾਰਕੀਟ ਪ੍ਰਮਾਣਿਕਤਾ, ਕਾਰੋਬਾਰ ਸਥਾਪਤ ਕਰਨਾ, ਡਿਜੀਟਲ ਮੌਜੂਦਗੀ, ਕੀਮਤ ਰਣਨੀਤੀਆਂ, ਗਾਹਕ ਪ੍ਰਾਪਤੀ, ਵਿੱਤੀ ਯੋਜਨਾਬੰਦੀ, ਸੰਚਾਰ ਹੁਨਰ ਅਤੇ ਸਮੱਸਿਆ-ਹੱਲ ਕਰਨਾ ਸਿਖਾਉਂਦਾ ਹੈ। ਨਤੀਜੇ ਵਜੋਂ, ਲਗਭਗ 57,000 ਵਿਦਿਆਰਥੀ (ਲਗਭਗ 60 ਪ੍ਰਤੀਸ਼ਤ ਭਾਗੀਦਾਰ) ਪੜ੍ਹਾਈ ਕਰਦੇ ਹੋਏ ਵੀ ਅਸਲ ਵਪਾਰਕ ਗਤੀਵਿਧੀਆਂ ਵਿੱਚ ਸ਼ਾਮਲ ਹੋਏ।
ਇਸ ਪ੍ਰੋਗਰਾਮ ਰਾਹੀਂ, ਵਿਦਿਆਰਥੀਆਂ ਨੂੰ ਈ-ਕਾਮਰਸ, ਬੇਕਰੀ ਅਤੇ ਫੂਡ ਸਰਵਿਸ, ਡਿਜੀਟਲ ਕੰਟੈਂਟ ਕ੍ਰਿਏਸ਼ਨ, ਕੋਡਿੰਗ ਅਤੇ ਪ੍ਰੋਫੈਸ਼ਨਲ ਸੇਵਾਵਾਂ, ਗ੍ਰਾਫਿਕ ਡਿਜ਼ਾਈਨ, ਫਿਟਨੈਸ ਅਤੇ ਵੈਲਨੈੱਸ, ਰਿਟੇਲ, ਬਿਊਟੀ ਅਤੇ ਪਰਸਨਲ ਕੇਅਰ, ਖੇਤੀਬਾੜੀ-ਅਧਾਰਤ ਉੱਦਮ, ਦਸਤਕਾਰੀ ਅਤੇ ਹੋਰ ਸਥਾਨਕ ਸੇਵਾ ਕਾਰੋਬਾਰਾਂ ਵਿੱਚ ਆਪਣੇ ਉੱਦਮ ਸ਼ੁਰੂ ਕਰਨ ਲਈ ਉਤਸ਼ਾਹਿਤ ਕੀਤਾ ਗਿਆ। ਇਸਦਾ ਸਕਾਰਾਤਮਕ ਪ੍ਰਭਾਵ ਪੰਜਾਬ ਭਰ ਵਿੱਚ ਮਹਿਸੂਸ ਕੀਤਾ ਜਾ ਰਿਹਾ ਹੈ।
ਬੱਚਿਆਂ ਨੇ ਵੱਖ-ਵੱਖ ਖੇਤਰਾਂ ਵਿੱਚ ਆਪਣੇ ਕਾਰੋਬਾਰ ਖੜੇ ਕੀਤੇ
ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ, ਅੰਮ੍ਰਿਤਸਰ ਵਿੱਚ ਕੰਪਿਊਟਰ ਇੰਜੀਨੀਅਰਿੰਗ ਦੇ ਵਿਦਿਆਰਥੀ ਸੌਰਭ ਨੇ ਆਪਣੇ ਮਾਚਾ ਪੀਣ ਵਾਲੇ ਪਦਾਰਥ ਬ੍ਰਾਂਡ, “ਮੌਕ ਇਨ ਮਾਚਾ” ਰਾਹੀਂ ਕਾਲਜ ਸਮਾਗਮਾਂ ਵਿੱਚ ਉਤਪਾਦ ਵੇਚ ਕੇ ਲਗਭਗ ₹90,000 ਕਮਾਏ। ਇਸ ਉੱਦਮ ਨੇ ਆਪਣੇ ਵਿਲੱਖਣ ਸੁਆਦਾਂ ਅਤੇ ਤਾਜ਼ਗੀ ਭਰੇ ਸੁਆਦ ਲਈ ਮਾਨਤਾ ਹਾਸਿਲ ਕੀਤੀ।
ਮਹਾਰਾਜਾ ਰਣਜੀਤ ਸਿੰਘ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ, ਬਠਿੰਡਾ ਦੇ ਸ਼ਰਨਵੀਰ ਸਿੰਘ ਨੇ “ਸਕਿੱਲਐਕਸਸ” ਨਾਮਕ ਡਿਜੀਟਲ ਕਰੀਅਰ ਗਾਈਡੈਂਸ ਪਲੇਟਫਾਰਮ ਵਿਕਸਤ ਕੀਤਾ, ਜਿਸਦੇ 2.5 ਲੱਖ ਤੋਂ ਵੱਧ ਯੂਜਰਸ ਹਨ। ਇਹ ਉਦਾਹਰਣ ਦਰਸਾਉਂਦੀ ਹੈ ਕਿ ਵਿਦਿਆਰਥੀ ਇਸ ਪ੍ਰੋਗਰਾਮ ਰਾਹੀਂ ਵੱਡੇ ਪੱਧਰ ‘ਤੇ ਤਕਨਾਲੋਜੀ-ਅਧਾਰਤ ਉੱਦਮ ਸਥਾਪਤ ਕਰ ਰਹੇ ਹਨ।
ਸੰਤ ਬਾਬਾ ਭਾਗ ਸਿੰਘ ਯੂਨੀਵਰਸਿਟੀ, ਜਲੰਧਰ ਦੇ ਪੰਕਜ ਨੇ ਇੰਸਟਾਗ੍ਰਾਮ ਅਤੇ ਯੂਟਿਊਬ ਰਾਹੀਂ “ਜ਼ਾਰੀਆ ਜਿਊਲਰੀ” ਨਾਮਕ ਇੱਕ ਔਨਲਾਈਨ ਆਰਟੀਫਿਸ਼ੀਅਲ ਜੂਲਰੀ ਦਾ ਕਾਰੋਬਾਰ ਸ਼ੁਰੂ ਕੀਤਾ, ਜਿਸਨੇ ਲਗਭਗ 150 ਗਾਹਕਾਂ ਨੂੰ ਸੇਵਾ ਦਿੱਤੀ, ਅਤੇ ₹30,000 ਕਮਾਏ।
ਸਰਕਾਰੀ ਆਈਟੀਆਈ, ਪਟਿਆਲਾ ਦੇ ਕਮਲਜੀਤ ਸਿੰਘ ਨੇ “ਕੇ.ਐਮ.ਐਲ. ਮਸ਼ਰੂਮ” ਦੀ ਸਥਾਪਨਾ ਕੀਤੀ, ਜੋ ਸਥਾਨਕ ਬਾਜ਼ਾਰਾਂ ਅਤੇ ਰੈਸਟੋਰੈਂਟਾਂ ਨੂੰ ਬਟਨ ਮਸ਼ਰੂਮ ਸਪਲਾਈ ਕਰਦਾ ਹੈ। ਉਸਨੇ ਲਗਭਗ ₹1.5 ਲੱਖ ਕਮਾਏ ਅਤੇ ਆਪਣੇ ਬ੍ਰਾਂਡ ਲਈ ਪੈਕੇਜਿੰਗ ਵਿਕਸਤ ਕੀਤੀ।
ਸਰਕਾਰੀ ਆਈ.ਟੀ.ਆਈ. (ਔਰਤ), ਮੋਹਾਲੀ ਤੋਂ ਗਗਨਪ੍ਰੀਤ ਕੌਰ ਰੰਗੀ ਨੇ “ਨੇਲ ਸਟੂਡੀਓ ਬਾਏ ਗਗਨ” ਨਾਮਕ ਘਰ-ਅਧਾਰਤ ਨੇਲ ਆਰਟ ਕਾਰੋਬਾਰ ਸ਼ੁਰੂ ਕੀਤਾ, ਜੋ ਇੰਸਟਾਗ੍ਰਾਮ ਰਾਹੀਂ ਅਤੇ ਸਥਾਨਕ ਸੈਲੂਨਾਂ ਨਾਲ ਸਹਿਯੋਗ ਕਰਕੇ ਕੰਮ ਕਰਦਾ ਸੀ। ਉਸਨੇ ਇਸ ਕਾਰੋਬਾਰ ਤੋਂ ਲਗਭਗ ₹55,000 ਕਮਾਏ।
ਸਰਕਾਰੀ ਆਈ.ਟੀ.ਆਈ., ਮੋਹਾਲੀ ਤੋਂ ਰਮਨਦੀਪ ਸਿੰਘ ਨੇ “ਕੁਆਲਿਟੀ ਇਲੈਕਟ੍ਰਾਨਿਕ ਸਟੋਰ” ਨਾਮਕ ਔਨਲਾਈਨ ਇਲੈਕਟ੍ਰਾਨਿਕਸ ਕਾਰੋਬਾਰ ਸ਼ੁਰੂ ਕੀਤਾ। ਉਸਨੇ ਆਪਣੀ ਵੈੱਬਸਾਈਟ ਬਣਾਈ ਅਤੇ ਸੋਸ਼ਲ ਮੀਡੀਆ ਰਾਹੀਂ ਵਿਕਰੀ ਦਾ ਵਿਸਤਾਰ ਕੀਤਾ।
ਇਹ ਉਦਾਹਰਣਾਂ ਸਪੱਸ਼ਟ ਤੌਰ ‘ਤੇ ਦਰਸਾਉਂਦੀਆਂ ਹਨ ਕਿ ‘ਬਿਜ਼ਨਸ ਕਲਾਸ’ ਪ੍ਰੋਗਰਾਮ ਰਾਜ ਭਰ ਦੇ ਨੌਜਵਾਨਾਂ ਲਈ ਨਵੇਂ ਉੱਦਮੀ ਮੌਕੇ ਪੈਦਾ ਕਰ ਰਿਹਾ ਹੈ।
ਵਿਦਿਅਕ ਸੰਸਥਾਵਾਂ ਦੁਆਰਾ ਬਿਜ਼ਨਸ ਕਲਾਸ ਦਾ ਵਿਸਤਾਰ ਕਰਨ ਦੀ ਸਿਫਾਰਸ਼
ਸਿੱਖਿਆ ਮੰਤਰੀ ਨੇ ਕਿਹਾ ਕਿ ਪਹਿਲੇ ਸਾਲ ਵਿੱਚ ਪ੍ਰਾਪਤ ਬੇਮਿਸਾਲ ਸਫਲਤਾ ਅਤੇ ਉਤਸ਼ਾਹਜਨਕ ਨਤੀਜਿਆਂ ਨੂੰ ਦੇਖਦੇ ਹੋਏ, ਰਾਜ ਦੀਆਂ ਸਾਰੀਆਂ ਯੂਨੀਵਰਸਿਟੀਆਂ ਦੇ ਵਾਈਸ ਚਾਂਸਲਰਾਂ ਨੇ ਸਰਬਸੰਮਤੀ ਨਾਲ 2026-27 ਅਕਾਦਮਿਕ ਸਾਲ ਤੋਂ ਸਾਰੇ ਅੰਡਰਗ੍ਰੈਜੁਏਟ ਡਿਗਰੀ ਪ੍ਰੋਗਰਾਮਾਂ ਲਈ ‘ਬਿਜ਼ਨਸ ਕਲਾਸ’ ਪ੍ਰੋਗਰਾਮ ਦਾ ਵਿਸਤਾਰ ਕਰਨ ਦੀ ਸਿਫਾਰਸ਼ ਕੀਤੀ ਹੈ। ਪਹਿਲਾਂ, ਇਹ ਪ੍ਰੋਗਰਾਮ ਸਿਰਫ ਬੀ.ਕਾਮ., ਬੀ.ਬੀ.ਏ., ਬੀ.ਟੈਕ., ਅਤੇ ਬੀ.ਵੋਕੇਸ਼ਨਲ ਤੱਕ ਹੀ ਪਹਿਲਾਂ ਇਹ ਕਿੱਤਾਮੁਖੀ ਸੀਮਤ ਸੀ, ਪਰ ਹੁਣ ਇਸਨੂੰ ਬੀਏ, ਬੀਐਸਸੀ ਅਤੇ ਹੋਰ ਸਾਰੇ ਅੰਡਰਗ੍ਰੈਜੁਏਟ ਕੋਰਸਾਂ ਵਿੱਚ ਲਾਗੂ ਕੀਤਾ ਜਾਵੇਗਾ, ਜਿਸ ਨਾਲ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਵਧੇਰੇ ਨੌਜਵਾਨ ਆਪਣੀ ਨਿਯਮਤ ਸਿੱਖਿਆ ਦੇ ਨਾਲ-ਨਾਲ ਵਿਹਾਰਕ ਉੱਦਮੀ ਹੁਨਰ ਹਾਸਲ ਕਰ ਸਕਣ।
