ਡਰੱਗ ਡੀਲਰ ‘ਕੈਟਾਮਾਈਨ ਕਵੀਨ’ ਜਸਵੀਨ ਸੰਘਾ ਨੂੰ 15 ਸਾਲਾਂ ਦੀ ਸਜ਼ਾ, ਹਾਲੀਵੁੱਡ ਐਕਟਰ ਨੂੰ ਕੀਤੀ ਸੀ ਨਸ਼ਾ ਸਪਲਾਈ; ਹੋ ਗਈ ਸੀ ਮੌਤ
28 ਅਕਤੂਬਰ, 2023 ਨੂੰ ਪੈਰੀ ਦੇ ਨਿੱਜੀ ਸਹਾਇਕ ਨੇ ਅਦਾਕਾਰ ਨੂੰ ਘੱਟੋ-ਘੱਟ ਤਿੰਨ ਵਾਰ ਕੈਟਾਮਾਈਨ ਦਾ ਇੰਜੈਕਸ਼ਨ ਦਿੱਤਾ ਸੀ, ਜਿਸ ਦੀ ਓਵਰਡੋਜ਼ ਹੋਣ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ ਸੀ। ਇਲਜ਼ਾਮ ਸੀ ਕਿ ਪੈਰੀ ਦੀ ਮੌਤ ਹੋਣ ਤੋਂ ਬਾਅਦ ਜਸਵੀਨ ਸਿੰਘ ਨਾ ਸਬੂਤ ਮਿਟਾਉਣ ਦੀ ਕੋਸ਼ਿਸ਼ ਕੀਤੀ ਸੀ ਤੇ ਆਪਣੇ ਪਾਰਟਨਰਾਂ ਨੂੰ ਮੈਸੇਜ ਡਿਲੀਟ ਕਰਨ ਲਈ ਕਿਹਾ।
ਅਮਰੀਕਾ ‘ਚ ਹਾਲੀਵੁੱਡ ਅਦਾਕਾਰ ਮੈਥਯੂ ਪੈਰੀ ਦੇ ਕਤਲ ਮਾਮਲੇ ‘ਚ ਵੱਡੀ ਕਾਰਵਾਈ ਕਰਦੇ ਹੋਏ ਕੈਲੀਫ਼ੋਰਨੀਆ ਦੀ ਅਦਾਲਤ ਨੇ ਜਸਵੀਨ ਸੰਘਾ ਨੂੰ 15 ਸਾਲ ਦੀ ਸਜ਼ਾ ਸੁਣਾਈ ਹੈ। ‘ਕੈਟਾਮਾਈਨ ਕਵੀਨ’ ਦੇ ਨਾਮ ਨਾਲ ਮਸ਼ਹੂਰ ਜਸਵੀਨ ਸੰਘਾ ਉਨ੍ਹਾਂ 5 ਦੋਸ਼ੀਆਂ ‘ਚ ਸ਼ਾਮਲ ਹੈ, ਜਿਨ੍ਹਾਂ ‘ਤੇ ਮੈਥਯੂ ਪੈਰੀ ਨੂੰ ਜਾਨਲੇਵਾ ਡਰੱਗ ਸਪਲਾਈ ਕਰਨ ਦਾ ਇਲਜ਼ਾਮ ਸੀ।
ਦੱਸ ਦੇਈਏ ਕਿ ਮੈਥਯੂ ਪੈਰੀ ਅਕਤੂਬਰ 2023 ਨੂੰ ਲਾਸ ਏਂਜਲਿਸ ਵਿਖੇ ਆਪਣੇ ਘਰ ‘ਚ ਬਾਥ ਟਾਬ ਅੰਦਰ ਮ੍ਰਿਤ ਪਾਏ ਗਏ ਸਨ। ਜਾਂਚ ‘ਚ ਸਾਹਮਣੇ ਆਇਆ ਕਿ ਉਨ੍ਹਾਂ ਦੀ ਮੌਤ ਕੈਟਮਾਈਨ ਡਰੱਗ ਦੇ ਓਵਰਡੋਜ਼ ਕਾਰਨ ਹੋਈ ਸੀ। ਅਦਾਕਾਰ ਲੰਬੇ ਸਮੇਂ ਤੋਂ ਨਸ਼ੇ ਦੀ ਲੱਤ ਨਾਲ ਜੂਝ ਰਹੇ ਸਨ।
ਮੀਡੀਆ ਰਿਪੋਰਟਸ ਮੁਤਾਬਕ ਇਸ ਮਾਮਲੇ ਦੀ ਜਾਂਚ ‘ਚ ਇੱਕ ਵੱਡੇ ਡਰੱਗ ਨੈੱਟਵਰਕ ਦਾ ਖੁਲਾਸਾ ਹੋਇਆ ਸੀ, ਜਿਸ ‘ਚ ਕੁੱਝ ਡਾਕਟਰਾਂ ਦੇ ਨਾਮ ਵੀ ਸਾਹਮਣੇ ਆਏ ਸਨ। ਜਾਂਚ ‘ਚ ਪਾਇਆ ਗਿਆ ਕਿ ਇਸ ਨੈੱਟਵਰਕ ਨੇ ਪੈਰੀ ਦੀ ਨਸ਼ੇ ਦੀ ਲੱਤ ਦਾ ਫਾਇਦਾ ਚੁੱਕਦੇ ਹੋਏ, ਉਨ੍ਹਾਂ ਤੋਂ ਭਾਰੀ ਰਕਮ ਵਸੂਲੀ ਸੀ।
ਜਸਵੀਨ ਸੰਘਾ ਨੇ ਕੀਤੀਆਂ ਸਨ ਸ਼ੀਸ਼ੀਆਂ ਸਪਲਾਈ
ਰਿਪੋਰਟਸ ਮੁਤਾਬਕ ਇੱਕ ਡਾਕਟਰ ਨੇ ਪੈਰੀ ਦੇ ਮੌਤ ਤੋਂ ਪਹਿਲਾਂ ਡਰੱਗ ਸਪਲਾਈ ਦੇ ਚਾਰ ਮਾਮਲਿਆਂ ‘ਚ ਜ਼ੁਰਮ ਕਬੂਲ ਕੀਤਾ ਸੀ, ਜਿਸ ਤੋਂ ਬਾਅਦ ਉਸ ਨੂੰ 30 ਮਹੀਨਿਆਂ ਦੀ ਸਜ਼ਾ ਸੁਣਾਈ ਗਈ ਸੀ। ਇੱਕ ਹੋਰ ਡਾਕਟਰ ਨੂੰ ਨਜ਼ਰਬੰਦੀ ਤੇ ਸਮਾਜ ਸੇਵਾ ਦੀ ਸਜ਼ਾ ਸੁਣਾਈ ਗਈ ਸੀ। ਪੈਰੀ ਮਾਮਲੇ ‘ਚ ਪਾਇਆ ਗਿਆ ਕਿ ਜਸਵੀਨ ਸੰਘਾ ਨੇ ਇੱਕ ਮਿਡਲਮੈਨ ਦੇ ਰਾਹੀਂ ਪੈਰੀ ਦੇ ਨਿੱਜੀ ਸਹਾਇਕ ਨੂੰ ਕੈਟਾਮਾਈਨ ਦੀਆਂ 51 ਸ਼ੀਸ਼ੀਆਂ ਬੇਚੀਆਂ ਸਨ।
ਦੱਸਿਆ ਗਿਆ ਕਿ 28 ਅਕਤੂਬਰ, 2023 ਨੂੰ ਪੈਰੀ ਦੇ ਨਿੱਜੀ ਸਹਾਇਕ ਨੇ ਅਦਾਕਾਰ ਨੂੰ ਘੱਟੋ-ਘੱਟ ਤਿੰਨ ਵਾਰ ਕੈਟਾਮਾਈਨ ਦਾ ਇੰਜੈਕਸ਼ਨ ਦਿੱਤਾ ਸੀ, ਜਿਸ ਦੀ ਓਵਰਡੋਜ਼ ਹੋਣ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ ਸੀ। ਇਲਜ਼ਾਮ ਸੀ ਕਿ ਪੈਰੀ ਦੀ ਮੌਤ ਹੋਣ ਤੋਂ ਬਾਅਦ ਜਸਵੀਨ ਸਿੰਘ ਨਾ ਸਬੂਤ ਮਿਟਾਉਣ ਦੀ ਕੋਸ਼ਿਸ਼ ਕੀਤੀ ਸੀ ਤੇ ਆਪਣੇ ਪਾਰਟਨਰਾਂ ਨੂੰ ਮੈਸੇਜ ਡਿਲੀਟ ਕਰਨ ਲਈ ਕਿਹਾ।
ਇਹ ਵੀ ਪੜ੍ਹੋ
ਜਾਂਚ ਏਜੰਸੀਆਂ ਨੇ ਨਾਰਥ ਹਾਲੀਵੁੱਡ ਵਿਖੇ ਸੰਘਾ ਦੇ ਘਰ ਛਾਪਾ ਮਾਰਿਆ ਸੀ, ਜਿੱਥੇ ਕਈ ਪ੍ਰਕਾਰ ਦੇ ਡਰੱਗਸ ਤੇ ਨਸ਼ੀਲਿਆਂ ਗੋਲੀਆਂ ਬਰਾਮਦ ਹੋਈਆਂ। ਇਸ ਤੋਂ ਇਲਾਵਾ ਪੈਸੇ ਗਿਣਨ ਦੀ ਮਸ਼ੀਨ, ਤਰਾਜ਼ੂ ਤੇ ਲੁਕੇ ਹੋਏ ਕੈਮਰੇ ਖੋਜਣ ਵਾਲੇ ਯੰਤਰ ਮਿਲੇ ਸਨ।
ਕੌਣ ਹੈ ਜਸਵੀਨ ਸੰਘਾ?
ਭਾਰਤੀ ਮੂਲ ਦੀ ਜਸਵੀਨ ਸੰਘਾ ਦਾ ਪਰਿਵਾਰ ਪੰਜਾਬ ਨਾਲ ਨਾਤਾ ਰੱਖਦਾ ਹੈ। ਜਸਵੀਰ ਸੰਘਾ ਕੋਲ ਬ੍ਰਿਟੇਨ ਤੇ ਅਮਰੀਕਾ ਦੀ ਦੁਹਰੀ ਨਾਗਰਿਕਤਾ ਹੈ। ਜਸਵੀਨ ਕੋਲ ਕੈਲੀਫ਼ੋਰਨੀਆ ਯੂਨੀਵਰਸਿਟੀ ਤੋਂ ਗ੍ਰੈਜੂਏਸ਼ਨ ਦੀ ਡਿਗਰੀ ਹੈ। ਇਸ ਦੇ ਨਾਲ ਹੀ, ਉਸ ਕੋਲ ਇੰਗਲੈਂਡ ਦੀ ਹਲਟ ਇੰਟਰਨੈਸ਼ਨਲ ਬਿਜਨੈਸ ਸਕੂਲ ਤੋਂ ਮਾਸਟਰਸ ਦੀ ਡਿਗਰੀ ਵੀ ਹੈ।
