ਅਮਰੀਕਾ ‘ਚ ਵੋਟਰ ID ਲਾਜ਼ਮੀ ਕਰਨ ਦੀ ਵਕਾਲਤ, ਟਰੰਪ ਨੇ ਭਾਰਤ ਦੀਆਂ ਚੋਣਾਂ ਦੀ ਦਿੱਤਾ ਉਦਾਹਰਣ
ਅਮਰੀਕੀ ਰਾਸ਼ਟਰਪਤੀ ਟਰੰਪ ਨੇ ਕਿਹਾ ਕਿ ਭਾਰਤ 'ਚ ਕਰੋੜਾਂ ਲੋਕ ਵੋਟ ਪਾਉਂਦੇ ਹਨ ਤੇ ਇਸ ਲਈ ਪਛਾਣ ਪੱਤਰ ਲਾਜ਼ਮੀ ਹੈ। ਟਰੰਪ ਨੇ ਭਾਰਤ ਦੀ ਚੋਣ ਪ੍ਰਕਿਰਿਆ ਦਾ ਜ਼ਿਕਰ ਕਰਦੇ ਹੋਏ SAVE ਅਮਰੀਕਾ ਐਕਟ ਪਾਸ ਕਰਨ ਤੇ ਜ਼ੋਰ ਦਿੱਤਾ।
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਭਾਰਤ ਦੀ ਚੋਣ ਪ੍ਰਣਾਲੀ ਦਾ ਜ਼ਿਕਰ ਕਰਦੇ ਹੋਏ ਅਮਰੀਕਾ ‘ਚ ਚੋਣੀ ਧੋਖਾਧੜੀ ਨੂੰ ਰੋਕਣ ਲਈ ਹਰ ਅਮਰੀਕੀ ਵੋਟਰ ਲਈ ਫੋਟੋ ਆਈਡੀ ਲਾਜ਼ਮੀ ਕਰਨ ਦੀ ਵਕਾਲਤ ਕੀਤੀ। ਉਨ੍ਹਾਂ ਨੇ ਹਰ ਵੋਟਰ ਲਈ ਫੋਟੋ ਆਈਡੀ ਲਾਜ਼ਮੀ ਕਰਨ ਦੀ ਆਪਣੀ ਮੰਗ ਨੂੰ ਦੁਹਰਾਇਆ। ਟਰੰਪ ਨੇ ਦਾਅਵਾ ਕੀਤਾ ਕਿ ਭਾਰਤ ਦੇ ਮੁੱਖ ਚੋਣ ਕਮਿਸ਼ਨਰ ਗਿਆਨੇਸ਼ ਕੁਮਾਰ ਨੇ ਹਾਲ ਹੀ ‘ਚ ਉਨ੍ਹਾਂ ਦੇ ਪ੍ਰਸ਼ਾਸਨ ਤੋਂ ਪੁੱਛਿਆ ਸੀ ਕਿ ਅਮਰੀਕਾ ‘ਚ ਵੈਧ ਫੋਟੋ ਪਛਾਣ ਪੱਤਰ ਤੋਂ ਬਿਨਾਂ ਚੋਣਾਂ ਕਿਵੇਂ ਕਰਵਾਈਆਂ ਜਾ ਸਕਦੀਆਂ ਹਨ?
ਟਰੰਪ ਨੇ ਟਰੂਥ ਸੋਸ਼ਲ ਤੇ ਇੱਕ ਪੋਸਟ ‘ਚ ਕਿਹਾ ਕਿ ਭਾਰਤ ‘ਚ ਹਾਲ ਹੀ ‘ਚ ਹੋਈਆਂ ਆਮ ਚੋਣਾਂ ‘ਚ ਇੱਕ ਫੀਸਦੀ ਤੋਂ ਵੀ ਘੱਟ ਵੋਟਰਾਂ ਨੇ ਪੋਸਟਲ ਬੈਲਟ ਦੀ ਵਰਤੋਂ ਕੀਤੀ ਤੇ ਹਰ ਵੋਟਰ ਕੋਲ ਵੈਧ ਫੋਟੋ ਪਛਾਣ ਪੱਤਰ ਸੀ।
ਨਾਗਰਿਕਤਾ ਦਾ ਸਬੂਤ ਦਿਖਾਉਣਾ ਹੋਵੇਗਾ
ਅਮਰੀਕੀ ਰਾਸ਼ਟਰਪਤੀ ਨੇ ਇਹ ਗੱਲਾਂ SAVE ਅਮਰੀਕਾ ਐਕਟ ਦੇ ਸਮਰਥਨ ‘ਚ ਕਹੀਆਂ। ਇਸ ਐਕਟ ਤਹਿਤ ਅਮਰੀਕੀਆਂ ਨੂੰ ਵੋਟ ਪਾਉਣ ਲਈ ਰਜਿਸਟ੍ਰੇਸ਼ਨ ਕਰਵਾਉਣ ਵਾਸਤੇ ਨਾਗਰਿਕਤਾ ਦਾ ਸਬੂਤ ਦਿਖਾਉਣਾ ਹੋਵੇਗਾ, ਪੂਰੇ ਦੇਸ਼ ‘ਚ ਵੋਟਰ ਪਛਾਣ ਪੱਤਰ ਦੀ ਲੋੜ ਹੋਵੇਗੀ ਤੇ ਡਾਕ ਰਾਹੀਂ ਵੋਟਿੰਗ ਨੂੰ ਬਹੁਤ ਸੀਮਿਤ ਕਰ ਦਿੱਤਾ ਜਾਵੇਗਾ।
ਬਿਨਾਂ ਫੋਟੋ ID ਦੇ ਚੋਣਾਂ ਕਿਵੇਂ ਕਰਵਾ ਸਕਦੇ ਹੋ?
ਟਰੰਪ ਨੇ ਲਿਖਿਆ, ਇਸ ਮਹੀਨੇ ਦੀ ਸ਼ੁਰੂਆਤ ‘ਚ ਭਾਰਤ ਦੇ ਮੁੱਖ ਚੋਣ ਕਮਿਸ਼ਨਰ ਗਿਆਨੇਸ਼ ਕੁਮਾਰ ਨੇ ਸਾਡੇ ਪ੍ਰਸ਼ਾਸਨ ਤੋਂ ਪੁੱਛਿਆ ਕਿ ਤੁਸੀਂ ਅਮਰੀਕਾ ‘ਚ ਵੈਧ ਫੋਟੋ ਆਈਡੀ ਤੋਂ ਬਿਨਾਂ ਚੋਣਾਂ ਕਿਵੇਂ ਕਰਵਾ ਸਕਦੇ ਹੋ? ਉਨ੍ਹਾਂ ਨੇ ਕਿਹਾ, ਭਾਰਤ ਦੀਆਂ ਪਿਛਲੀਆਂ ਚੋਣਾਂ ‘ਚ 646,000,000 ਵੋਟਰ ਸਨ! ਇੱਕ ਫੀਸਦੀ ਤੋਂ ਵੀ ਘੱਟ ਲੋਕਾਂ ਨੇ ਡਾਕ ਰਾਹੀਂ ਵੋਟ ਪਾਈ ਅਤੇ ਹਰ ਵੋਟਰ ਲਈ ਵੈਧ ਫੋਟੋ ਪਛਾਣ ਪੱਤਰ ਹੋਣਾ ਲਾਜ਼ਮੀ ਸੀ। ਉਨ੍ਹਾਂ ਨੇ ਜ਼ੋਰ ਦੇ ਕੇ ਕਿਹਾ, ਸਾਨੂੰ ਹੁਣ SAVE ਅਮਰੀਕਾ ਐਕਟ ਪਾਸ ਕਰਨ ਦੀ ਲੋੜ ਹੈ।
US President Donald Trump posts on his Truth Social, “Earlier this month, Indias Chief Election Commissioner, Gyanesh Kumar, asked our Administration — How can you have Elections in the U.S. without a valid Photo ID? Indias last Election had 646,000,000 Voters! Less than 1% pic.twitter.com/GDblVs4EHb
— ANI (@ANI) August 18, 2026ਇਹ ਵੀ ਪੜ੍ਹੋ
SAVE ਅਮਰੀਕਾ ਐਕਟ ਪਾਸ ਕਰਵਾਉਣ ਤੇ ਜ਼ੋਰ
ਟਰੰਪ ਸੇਫਗਾਰਡ ਅਮਰੀਕਨ ਵੋਟਰ ਐਲਿਜੀਬਿਲਿਟੀ (SAVE) ਅਮਰੀਕਾ ਐਕਟ ਨੂੰ ਪਾਸ ਕਰਵਾਉਣ ਤੇ ਜ਼ੋਰ ਦੇ ਰਹੇ ਹਨ ਤੇ ਉਨ੍ਹਾਂ ਦਾ ਦਾਅਵਾ ਹੈ ਕਿ ਇਸ ਨਾਲ ਚੋਣੀ ਧੋਖਾਧੜੀ ਰੁਕੇਗੀ। ਹਾਲਾਂਕਿ, ਇਸ ਮੁੱਦੇ ਤੇ ਡੈਮੋਕ੍ਰੇਟ ਤੇ ਰਿਪਬਲਿਕਨ ਦੋਵੇਂ ਵੰਡੇ ਹੋਏ ਹਨ ਤੇ ਅਮਰੀਕੀ ਸੈਨੇਟ ਨੇ ਇਸ ਮਹੀਨੇ ਦੀ ਸ਼ੁਰੂਆਤ ‘ਚ ਇਸ ਨੂੰ ਪਾਸ ਕਰਨ ਲਈ ਕੋਈ ਠੋਸ ਕਦਮ ਚੁੱਕੇ ਬਿਨਾਂ ਹੀ ਪੰਜ ਹਫ਼ਤਿਆਂ ਦੀ ਛੁੱਟੀ ਲੈ ਲਈ।
