Shocking Video: ਮੋਬਾਇਲ ‘ਚ ਵੜੇ ਰਹਿਣਾ ਹੋ ਸਕਦਾ ਹੈ ਕਿੰਨਾ ਦਰਦਨਾਕ? ਇਸ VIDEO ਨੂੰ ਦੇਖ ਕੇ ਲੱਗ ਜਾਵੇਗਾ ਪਤਾ
Mobile Phone Addiction Is Not Good: ਜੇਕਰ ਤੁਹਾਨੂੰ ਵੀ ਸਮਾਰਟਫੋਨ ਦੀ ਲੱਤ ਲੱਗ ਚੁੱਕੀ ਹੈ ਤਾਂ ਇਹ ਵੀਡੀਓ ਤੁਹਾਨੂੰ ਜ਼ਰੂਰ ਦੇਖਣਾ ਹੋਵੇਗਾ। ਸਿਰਫ਼ ਕੁਝ ਸਕਿੰਟਾਂ ਦੀ ਇਸ ਕਲਿੱਪ ਰਾਹੀਂ ਇਹ ਦੱਸਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਕਿ ਫ਼ੋਨ ਚ ਵੜੇ ਰਹਿਣਾ ਕਿੰਨਾ ਦਰਦਨਾਕ ਹੋ ਸਕਦਾ ਹੈ।
ਅੱਜ ਦੇ ਸਮੇਂ ‘ਚ ਲੋਕਾਂ ਨੂੰ ਸਮਾਰਟਫੋਨ ਦੀ ਇਸ ਕਦਰ ਲੱਤ ਲੱਗ ਚੁੱਕੀ ਹੈ ਕਿ ਉਹ ਬਿਨਾਂ ਖਾਧੇ ਤਾਂ ਰਹਿ ਸਕਦੇ ਹਨ ਮੋਬਾਈਲ ਫੋਨ ਤੋਂ ਬਿਨਾਂ ਇਕ ਪਲ ਵੀ ਨਹੀਂ ਰਹਿ ਸਕਦੇ। ਇਸ ਸਥਿਤੀ ਨੂੰ ‘ਨੋਮੋਫੋਬੀਆ’ ਕਿਹਾ ਜਾਂਦਾ ਹੈ। ਇਸ ਦਾ ਮਤਲਬ ਮੋਬਾਈਲ ਨੇੜੇ ਨਾ ਹੋਣ ਦਾ ਡਰ। ਤੁਸੀਂ ਦੇਖਿਆ ਹੋਵੇਗਾ ਕਿ ਕੁਝ ਲੋਕ ਆਪਣੇ ਫੋਨ ‘ਚ ਇੰਨੇ ਰੁੱਝੇ ਰਹਿੰਦੇ ਹਨ ਕਿ ਉਨ੍ਹਾਂ ਨੂੰ ਇਹ ਅਹਿਸਾਸ ਹੀ ਨਹੀਂ ਹੁੰਦਾ ਕਿ ਉਨ੍ਹਾਂ ਦੇ ਆਲੇ-ਦੁਆਲੇ ਕੀ ਹੋ ਰਿਹਾ ਹੈ। ਇਨ੍ਹੀਂ ਦਿਨੀਂ ਇਕ ਅਜਿਹਾ ਹੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਮੋਬਾਇਲ ਫੋਨ ‘ਚ ਵੜੇ ਰਹਿਣਾ ਕਿੰਨਾ ਦਰਦਨਾਕ ਹੋ ਸਕਦਾ ਹੈ। ਇੰਟਰਨੈੱਟ ਯੂਜ਼ਰਸ ਇਸ ਨੂੰ ਮਜ਼ਾਕੀਆ ਤੌਰ ਤੇ ਲੈ ਰਹੇ ਹਨ, ਪਰ ਇਹ ਇੱਕ ਸੱਚਾਈ ਹੈ।
ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਗੁੱਸੇ ‘ਚ ਆਇਆ ਸਾਂਡ ਸੜਕ ‘ਤੇ ਦੌੜ ਰਿਹਾ ਹੈ ਅਤੇ ਕਈ ਲੋਕ ਇਸ ਦੇ ਹਮਲੇ ਤੋਂ ਬਚਣ ਲਈ ਭੱਜ ਰਹੇ ਹਨ। ਉਸੇ ਸਮੇਂ, ਸੜਕ ਦੇ ਕਿਨਾਰੇ ਖੜ੍ਹੀ ਇੱਕ ਔਰਤ ਆਪਣੇ ਫੋਨ ਵਿੱਚ ਇੰਨੀ ਮਗਨ ਹੈ ਕਿ ਉਸ ਨੂੰ ਬਲਦ ਦੇ ਉਥੇ ਹੋਣ ਦਾ ਪਤਾ ਵੀ ਨਹੀਂ ਲੱਗਦਾ। ਇਸ ਤੋਂ ਬਾਅਦ ਜੋ ਵੀ ਹੁੰਦਾ ਹੈ ਉਹ ਰੂਹ ਕੰਬਾ ਦੇਣ ਵਾਲਾ ਹੈ।
ਲੋਕਾਂ ਦਾ ਪਿੱਛਾ ਕਰਦੇ ਹੋਏ ਬਲਦ ਮੋੜ ‘ਤੇ ਤਿਲਕ ਕੇ ਡਿੱਗ ਜਾਂਦਾ ਹੈ। ਫਿਰ ਉਸ ਦੀ ਨਜ਼ਰ ਕੋਨੇ ‘ਤੇ ਖੜ੍ਹੀ ਆਪਣਾ ਮੋਬਾਈਲ ਦੇਖ ਰਹੀ ਔਰਤ ‘ਤੇ ਪੈਂਦੀ ਹੈ। ਇਸ ਤੋਂ ਬਾਅਦ ਜਾਨਵਰ ਆਪਣਾ ਸਾਰਾ ਗੁੱਸਾ ਉਸ ਉੱਤੇ ਕੱਢਦਾ ਹੈ। ਪਹਿਲਾਂ ਉਹ ਔਰਤ ਨੂੰ ਉਸਦੇ ਸਿੰਗਾਂ ਤੋਂ ਚੁੱਕ ਕੇ ਜ਼ਮੀਨ ‘ਤੇ ਸੁੱਟ ਦਿੰਦਾ ਹੈ। ਇਸ ਤੋਂ ਬਾਅਦ ਉਹ ਉਸ ਨੂੰ ਸਿਰ ਨਾਲ ਘਸੀਟਣਾ ਸ਼ੁਰੂ ਕਰ ਦਿੰਦਾ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਸਾਂਡ ਇੰਨਾ ਹਮਲਾਵਰ ਹੋ ਜਾਂਦਾ ਹੈ ਕਿ ਕਿਸੇ ‘ਚ ਉਸ ਦੇ ਸਾਹਮਣੇ ਆਉਣ ਦੀ ਹਿੰਮਤ ਨਹੀਂ ਹੁੰਦੀ।
ਇੱਥੇ ਦੇਖੋ, ਸਾਂਡ ਦੇ ਕਹਿਰ ਦੀ ਵੀਡੀਓ
Mobile phone addiction is not good.
ਇਹ ਵੀ ਪੜ੍ਹੋ
— The Best (@ThebestFigen) May 12, 2024
ਹੁਣ ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਜ਼ਿਆਦਾਤਰ ਲੋਕ ਕਹਿ ਰਹੇ ਹਨ ਕਿ ਦੇਖੋ ਮੋਬਾਈਲ ਵਿੱਚ ਵੜੇ ਰਹਿਣ ਦੇ ਨਤੀਜੇ ਕਿੰਨੇ ਦੁਖਦਾਈ ਹੋ ਸਕਦੇ ਹਨ। ਇਸ ਨੂੰ ਇੰਸਟਾਗ੍ਰਾਮ ‘ਤੇ @ThebestFigen ਹੈਂਡਲ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਯੂਜ਼ਰ ਨੇ ਲਿਖਿਆ ਹੈ, ਮੋਬਾਈਲ ਦੀ ਲਤ ਚੰਗੀ ਨਹੀਂ ਹੈ। ਖ਼ਬਰ ਲਿਖੇ ਜਾਣ ਤੱਕ ਇਸ ਵੀਡੀਓ ਨੂੰ 3 ਕਰੋੜ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ ਕਈ ਯੂਜ਼ਰਸ ਨੇ ਕਮੈਂਟ ਵੀ ਕੀਤੇ ਹਨ।
ਇਕ ਯੂਜ਼ਰ ਨੇ ਲਿਖਿਆ, ਮੋਬਾਈਲ ਦੀ ਲਤ ਦਾ ਨਤੀਜਾ। ਜਦੋਂ ਕਿ ਦੂਜੇ ਦਾ ਕਹਿਣਾ ਹੈ ਕਿ ਇਹ ਥੋੜਾ ਪਰਸਨਲ ਹੋ ਗਿਆ। ਇਕ ਹੋਰ ਯੂਜ਼ਰ ਨੇ ਲਿਖਿਆ, ਇਸੇ ਲਈ ਬਜ਼ੁਰਗ ਕਹਿੰਦੇ ਹਨ ਕਿ ਮੋਬਾਇਲ ਤੋਂ ਦੂਰ ਰਹੋ।
