ਭਿਖਾਰੀ ਹੋ ਗਏ ਡਿਜੀਟਲ…ਹੁਣ ਇਹ ਬਹਾਨਾ ਨਹੀਂ ਚੱਲੇਗਾ… ਦੇਖੋ ਵਾਇਰਲ ਵੀਡੀਓ
ਅੱਜ ਕੱਲ੍ਹ ਤਕਨੋਲੌਜੀ ਦਾ ਜਮਾਨਾ ਹੈ ਅਤੇ ਦੇਸ਼ ਵਿੱਚ 5G ਇੰਟਰਨੈੱਟ ਹੀ ਮੌਜੂਦ ਹੈ। ਦੇਸ਼ ਦੀ ਸਰਕਾਰ ਦੀ ਡਿਜ਼ੀਟਲ ਇੰਡੀਆ ਅਤੇ ਕੈਸ਼ਲੈਸ਼ ਇੰਡੀਆ ਦੀ ਵੀ ਗੱਲ ਕਰ ਸਕਦੀ ਹੈ। ਪਰ ਜੇਕਰ ਤੁਹਾਡੇ ਕੋਲੋਂ ਕੋਈ ਭਿਖਾਰੀ ਆਕੇ ਆਨਲਾਈਨ ਭੀਖ ਮੰਗੇ ਤਾਂ ਹੈਰਾਨ ਨਾ ਹੋਣਾ। ਕਿਉਂਕਿ ਡਿਜੀਟਲ ਯੁੱਗ ਵਿੱਚ ਇਹ ਸੰਭਵ ਹੈ। ਅਜਿਹਾ ਹੀ ਇੱਕ ਵੀਡੀਓ ਸ਼ੋਸਲ ਮੀਡੀਆ ਤੇ ਵਾਇਰਲ ਹੋ ਰਿਹਾ ਹੈ। ਤੁਸੀਂ ਵੀ ਦੇਖੋ...
![ਭਿਖਾਰੀ ਹੋ ਗਏ ਡਿਜੀਟਲ…ਹੁਣ ਇਹ ਬਹਾਨਾ ਨਹੀਂ ਚੱਲੇਗਾ… ਦੇਖੋ ਵਾਇਰਲ ਵੀਡੀਓ ਭਿਖਾਰੀ ਹੋ ਗਏ ਡਿਜੀਟਲ…ਹੁਣ ਇਹ ਬਹਾਨਾ ਨਹੀਂ ਚੱਲੇਗਾ… ਦੇਖੋ ਵਾਇਰਲ ਵੀਡੀਓ](https://images.tv9punjabi.com/wp-content/uploads/2024/03/Video-of-beggar-begging-online-goes-viral.jpg?w=1280)
ਕੋਈ ਨਕਦੀ ਨਹੀਂ ਇਹ ਬਹਾਨਾ ਹੁਣ ਭਿਖਾਰੀਆਂ ਲਈ ਕੰਮ ਨਹੀਂ ਕਰੇਗਾ, ਡਿਜੀਟਲ ਭਿਖਾਰੀ ਲੋਕਾਂ ਨੂੰ ਆਨਲਾਈਨ ਭੁਗਤਾਨ ਕਰਨ ਲਈ ਮਜਬੂਰ ਕਰ ਰਹੇ ਹਨ। ਅਸਾਮ ਦੇ ਗੁਹਾਟੀ ਤੋਂ ਇੱਕ ਵੀਡੀਓ ਸਾਹਮਣੇ ਆਇਆ ਹੈ ਜਿਸ ਵਿੱਚ ਇੱਕ ਭਿਖਾਰੀ ਲੋਕਾਂ ਨੂੰ ਆਨਲਾਈਨ ਭੀਖ ਦੇਣ ਲਈ ਮਜਬੂਰ ਕਰ ਰਿਹਾ ਹੈ। ਤੁਸੀਂ ਭਿਖਾਰੀ ਦੇ ਗਲੇ ਵਿੱਚ QR ਕੋਡ ਵਾਲਾ PhonePe ਕਾਰਡ ਲਟਕਦਾ ਦੇਖ ਸਕਦੇ ਹੋ।
ਜਦੋਂ ਅਸੀਂ ਕਿਤੇ ਵੀ ਜਾਂਦੇ ਹਾਂ ਤਾਂ ਕਿਸੇ ਨਾ ਕਿਸੇ ਭਿਖਾਰੀ ਨੂੰ ਜ਼ਰੂਰ ਦੇਖਦੇ ਹਾਂ। ਕਈ ਵਾਰ ਅਸੀਂ ਨਕਦੀ ਨਾ ਹੋਣ ਦਾ ਬਹਾਨਾ ਬਣਾ ਕੇ ਉਨ੍ਹਾਂ ਨੂੰ ਉਥੋਂ ਭਜਾ ਦਿੰਦੇ ਹਾਂ। ਪਰ ਹੁਣ ਅਜਿਹਾ ਨਹੀਂ ਹੋਵੇਗਾ ਨਾ ਹੀ ਇਹ ਬਹਾਨਾ ਬਿਲਕੁਲ ਵੀ ਕਿਸੇ ਕੰਮ ਨਹੀਂ ਆਵੇਗਾ ਕਿਉਂਕਿ ਹੁਣ ਦੇਸ਼ ਦੇ ਭਿਖਾਰੀ ਵੀ ਡਿਜੀਟਲ ਹੋ ਗਏ ਹਨ। ਉਹ ਹੁਣ ਡਿਜੀਟਲ ਤਰੀਕੇ ਨਾਲ ਭੀਖ ਮੰਗ ਰਹੇ ਹਨ। ਆਪਣੇ ਨਾਲ QR ਕੋਡ ਲੈ ਕੇ ਜਾ ਰਹੇ ਹਨ।ਹੈਰਾਨ ਕਰਨ ਵਾਲੀ ਗੱਲ ਇਹ ਕੀ ਇਹਨਾਂ ਕੋਲ ਹੁਣ Phone Pay, Paytm ਅਤੇ Google Pay ‘ਤੇ ਹਰ ਤਰ੍ਹਾਂ ਦੀਆਂ ਸੇਵਾਵਾਂ ਉਪਲਬਧ ਹਨ। ਅਜਿਹਾ ਹੀ ਕੁਝ ਅਸਾਮ ਦੇ ਗੁਹਾਟੀ ‘ਚ ਦੇਖਣ ਨੂੰ ਮਿਲਿਆ। ਜਿੱਥੇ ਇੱਕ ਅੰਨ੍ਹਾ ਭਿਖਾਰੀ ਭੀਖ ਮੰਗਣ ਲਈ ਹੱਥ ਵਿੱਚ QR ਕੋਡ ਲੈ ਕੇ ਜਾ ਰਿਹਾ ਸੀ।
QR ਕੋਡ ਰਾਹੀਂ ਮੰਗ ਰਹੇ ਹਨ ਭੀਖ
ਭਿਖਾਰੀ ਦਾ ਨਾਮ ਦਸ਼ਰਥ ਦੱਸਿਆ ਹੈ। ਜੋ ਲੋਕਾਂ ਤੋਂ ਭੀਖ ਦੇ ਰੂਪ ‘ਚ ਡਿਜੀਟਲ ਪੇਮੈਂਟ ਲੈਂਦਾ ਨਜ਼ਰ ਆ ਰਿਹਾ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਉਸ ਨੇ ਆਪਣੇ ਗਲੇ ‘ਚ QR ਕੋਡ ਵਾਲਾ PhonePe ਕਾਰਡ ਪਾਇਆ ਹੋਇਆ ਹੈ। ਭਿਖਾਰੀ ਫਿਰ ਇੱਕ ਕਾਰ ਵਿੱਚ ਦੋ ਲੋਕਾਂ ਕੋਲ ਜਾਂਦਾ ਹੈ ਅਤੇ ਉਨ੍ਹਾਂ ਵਿੱਚੋਂ ਇੱਕ ਨੇ ਉਸਨੂੰ 10 ਰੁਪਏ ਭੇਜਣ ਲਈ QR ਕੋਡ ਨੂੰ ਸਕੈਨ ਕੀਤਾ।ਇਸ ਤੋਂ ਬਾਅਦ ਭਿਖਾਰੀ ਆਪਣੇ ਖਾਤੇ ਵਿੱਚ ਪੈਸੇ ਜਮ੍ਹਾ ਹੋਣ ਦੀ ਸੂਚਨਾ ਸੁਣਨ ਲਈ ਆਪਣੇ ਫੋਨ ਦਾ ਇਸਤੇਮਾਲ ਕੀਤਾ।
ਸੋਸ਼ਲ ਮੀਡੀਆ ‘ਤੇ ਵਾਇਰਲ ਵੀਡੀਓ
Stumbled upon a remarkable scene in bustling #Guwahati a beggar seamlessly integrating digital transactions into his plea for help, using PhonePe! Technology truly knows no bounds.
It’s a testament to the power of technology to transcend barriers, even those of socio-economic pic.twitter.com/7s5h5zFM5i— Gauravv Somani (@somanigaurav) March 24, 2024
ਇਸ ਵੀਡੀਓ ਨੂੰ ਕਾਂਗਰਸ ਨੇਤਾ ਗੌਰਵ ਸੋਮਾਨੀ ਨੇ ਆਪਣੇ ਅਧਿਕਾਰਤ ਐਕਸ ਅਕਾਊਂਟ ਤੋਂ ਸ਼ੇਅਰ ਕੀਤਾ ਹੈ। ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ, ਉਸਨੇ ਲਿਖਿਆ – “ਗੁਹਾਟੀ ਵਿੱਚ ਇੱਕ ਹੈਰਾਨੀਜਨਕ ਦ੍ਰਿਸ਼ ਦੇਖਿਆ ਗਿਆ – ਇੱਕ ਭਿਖਾਰੀ PhonePe ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਤੋਂ ਭੀਖ ਮੰਗ ਰਿਹਾ ਸੀ। ਤਕਨਾਲੋਜੀ ਦੀ ਸੱਚਮੁੱਚ ਕੋਈ ਸੀਮਾ ਨਹੀਂ ਹੈ। ਇਹ ਸਮਾਜਿਕ-ਆਰਥਿਕ ਸਥਿਤੀ ਦੀਆਂ ਰੁਕਾਵਟਾਂ ਨੂੰ ਵੀ ਪਾਰ ਕਰ ਸਕਦੀ ਹੈ।” ਇੱਕ ਪਲ ਜੋ ਦਇਆ ਅਤੇ ਨਵੀਨਤਾ ਦੇ ਵਿਕਾਸਸ਼ੀਲ ਲੈਂਡਸਕੇਪ ਬਾਰੇ ਬਹੁਤ ਕੁਝ ਬੋਲਦਾ ਹੈ। ਆਓ ਮਨੁੱਖਤਾ ਅਤੇ ਡਿਜੀਟਲ ਤਰੱਕੀ ਦੇ ਇਸ ਦਿਲਚਸਪ ਲਾਂਘੇ ‘ਤੇ ਵਿਚਾਰ ਕਰੀਏ।
ਇਸ ਤੋਂ ਪਹਿਲਾਂ ਵੀ ਇੱਕ ਭਿਖਾਰੀ ਵਾਇਰਲ ਹੋ ਚੁੱਕਾ ਹੈ
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਕੋਈ ਭਿਖਾਰੀ ਡਿਜੀਟਲ ਭੁਗਤਾਨ ਦੀ ਵਰਤੋਂ ਕਰ ਰਿਹਾ ਹੈ। ਇਸ ਤੋਂ ਪਹਿਲਾਂ, ਬਿਹਾਰ ਦੇ ਇੱਕ 40 ਸਾਲਾ ਵਿਅਕਤੀ ਨੂੰ ਰੇਲਵੇ ਸਟੇਸ਼ਨ ‘ਤੇ ਉਸਦੇ ਗਲੇ ਵਿੱਚ ਇੱਕ QR ਕੋਡ ਪਲੇਕਾਰਡ ਅਤੇ ਇੱਕ ਡਿਜੀਟਲ ਟੈਬਲੇਟ ਦੇ ਨਾਲ ਭੀਖ ਮੰਗਦੇ ਦੇਖਿਆ ਗਿਆ ਸੀ, ਜਿਸ ਨਾਲ ਲੋਕਾਂ ਨੂੰ ਡਿਜੀਟਲ ਮੋਡ ਰਾਹੀਂ ਭੁਗਤਾਨ ਕਰਨ ਦਾ ਵਿਕਲਪ ਦਿੱਤਾ ਗਿਆ ਸੀ। ਡਿਜੀਟਲ ਭਿਖਾਰੀ ਰਾਜੂ ਪਟੇਲ, ਜੋ ਆਪਣੇ ਆਪ ਨੂੰ ਸੂਬੇ ਦੇ ਸਾਬਕਾ ਮੁੱਖ ਮੰਤਰੀ ਲਾਲੂ ਪ੍ਰਸਾਦ ਯਾਦਵ ਦਾ ਚੇਲਾ ਦੱਸਦਾ ਹੈ, ਨੇ ਕਿਹਾ ਕਿ ਉਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਡਿਜੀਟਲ ਇੰਡੀਆ ਮੁਹਿੰਮ ਤੋਂ ਪ੍ਰੇਰਿਤ ਹੈ। ਡਿਜੀਟਲ ਭਿਖਾਰੀ ਨੇ ਕਿਹਾ ਕਿ ਉਹ ਪੀਐਮ ਮੋਦੀ ਦੇ ‘ਮਨ ਕੀ ਬਾਤ’ ਰੇਡੀਓ ਪ੍ਰੋਗਰਾਮ ਨੂੰ ਸੁਣਨਾ ਕਦੇ ਨਹੀਂ ਭੁੱਲਦਾ।