ਸੌਰਭ-ਮੁਸਕਾਨ ਕੇਸ ‘ਤੇ ਬਣਾ ਦਿੱਤਾ ‘ਨੀਲਾ Drum’ ਗੀਤ…ਵੀਡੀਓ ਦੇਖ ਭੜਕੇ ਲੋਕ
Bhopuri Blue Drum Song: ਭੋਜਪੁਰੀ ਸੰਗੀਤ ਇੰਡਸਟਰੀ ਨੇ ਮੇਰਠ ਦੇ ਸੌਰਭ ਰਾਜਪੂਤ ਕਤਲ ਕੇਸ 'ਤੇ ਇੱਕ ਗੀਤ ਬਣਾਇਆ ਹੈ। ਜਦੋਂ ਇਸ ਦਾ ਵੀਡੀਓ ਵਾਇਰਲ ਹੋਇਆ ਤਾਂ ਲੋਕਾਂ ਨੇ ਸੋਸ਼ਲ ਮੀਡੀਆ 'ਤੇ ਇਸ ਦੀ ਕਾਫ਼ੀ ਆਲੋਚਨਾ ਕੀਤੀ। ਲੋਕਾਂ ਨੇ ਇਸ ਗਾਣੇ ਨੂੰ Delete ਕਰਨ ਦੀ ਮੰਗ ਵੀ ਕੀਤੀ।
ਉੱਤਰ ਪ੍ਰਦੇਸ਼ ਵਿੱਚ ਮੇਰਠ ਦੇ ਸੌਰਭ ਰਾਜਪੂਤ ਮਾਮਲੇ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਪਰ ਹੁਣ ਇਸ ਮਾਮਲੇ ਕਾਰਨ ਭੋਜਪੁਰੀ ਸੰਗੀਤ ਇੰਡਸਟਰੀ ਆਲੋਚਨਾ ਦੇ ਘੇਰੇ ਵਿੱਚ ਆ ਗਈ ਹੈ। ਇਹ ਇਸ ਲਈ ਹੈ ਕਿਉਂਕਿ ਇਸ ਕੇਸ ਬਾਰੇ ਭੋਜਪੁਰੀ ਭਾਸ਼ਾ ਵਿੱਚ ਇੱਕ ਗੀਤ ਵੀ ਬਣਾਇਆ ਗਿਆ ਹੈ। ਜਿਸਨੇ ਵੀ ਇਸ ਗਾਣੇ ਦੀ ਵੀਡੀਓ ਦੇਖੀ, ਉਹ ਗੁੱਸੇ ਵਿੱਚ ਆ ਗਿਆ। ਲੋਕ ਕਹਿ ਰਹੇ ਹਨ- ਭੋਜਪੁਰੀ ਭਾਸ਼ਾ ਦਾ ਅਪਮਾਨ ਕੀਤਾ ਜਾ ਰਿਹਾ ਹੈ। ਇਨ੍ਹਾਂ ਲੋਕਾਂ ਨੇ ਇਸ ਭਾਸ਼ਾ ਦਾ ਮਜ਼ਾਕ ਉਡਾਇਆ ਹੈ। ਇਸ ਗਾਣੇ ਨੂੰ ਤੁਰੰਤ ਡਿਲੀਟ ਕਰ ਦੇਣਾ ਚਾਹੀਦਾ ਹੈ।
ਮੇਰਠ ਮਾਮਲੇ ਵਿੱਚ ਮੁਸਕਾਨ ਨੇ ਆਪਣੇ ਪ੍ਰੇਮੀ ਸਾਹਿਲ ਨਾਲ ਮਿਲ ਕੇ ਆਪਣੇ ਪਤੀ ਸੌਰਭ ਦਾ ਕਤਲ ਕਰ ਦਿੱਤਾ ਅਤੇ ਉਸਦੀ ਲਾਸ਼ ਨੂੰ ਨੀਲੇ ਡਰੱਮ ਵਿੱਚ ਪਾ ਦਿੱਤਾ ਸੀ। ਫਿਰ ਉੱਪਰ ਸੀਮਿੰਟ ਦਾ ਘੋਲ ਭਰ ਦਿੱਤਾ ਸੀ। ਜਿਸ ਤੋਂ ਬਾਅਦ ਨੀਲਾ ਡਰੱਮ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣ ਗਿਆ। ਨੀਲੇ ਡਰੱਮ ‘ਤੇ ਕਈ ਤਰ੍ਹਾਂ ਦੇ ਮੀਮ ਬਣਨ ਲੱਗੇ। ਪਰ ਭੋਜਪੁਰੀ ਸੰਗੀਤ ਉਦਯੋਗ ਇਸ ਮਾਮਲੇ ਵਿੱਚ ਇੱਕ ਕਦਮ ਅੱਗੇ ਵਧ ਗਿਆ।
ਸੌਰਭ ਕਤਲ ਕੇਸ ‘ਤੇ ਇੱਕ ਭੋਜਪੁਰੀ ਗੀਤ ਬਣਾਇਆ ਗਿਆ ਹੈ। ਇਸ ਵਿੱਚ ਨੀਲੇ ਡਰੱਮ ਵੀ ਵਰਤੇ ਗਏ ਹਨ। ਇਸ ਗਾਣੇ ਦਾ Title ‘ਡਰੱਮ ਮੇਂ ਰਾਜਾ’ ਹੈ। ਜਿਸ ਵਿੱਚ ਅਜਿਹੇ ਦ੍ਰਿਸ਼ ਹਨ ਕਿ ਹਰ ਕੋਈ ਦੇਖ ਕੇ ਦੰਗ ਰਹਿ ਜਾਂਦਾ ਹੈ। ਗਾਣੇ ਵਿੱਚ, ਕਈ ਲੋਕਾਂ ਨੂੰ ਨੀਲੇ ਡਰੱਮ ਦੇ ਆਲੇ-ਦੁਆਲੇ ਮੂੰਹ ਅਤੇ ਹੱਥ ਬੰਨ੍ਹ ਕੇ ਖੜ੍ਹਾ ਕੀਤਾ ਗਿਆ ਹੈ। ਜਿਸ ਤੋਂ ਬਾਅਦ ਜਨਤਾ ਦੇ ਗੁੱਸੇ ਭਰੇ ਪ੍ਰਤੀਕਰਮ ਸਾਹਮਣੇ ਆ ਰਹੇ ਹਨ। ਅਤੇ ਗਾਣੇ ਨੂੰ ਤੁਰੰਤ ਮਿਟਾਉਣ ਦੀ ਮੰਗ ਕੀਤੀ ਜਾ ਰਹੀ ਹੈ।
ये लो भोजपुरी का नया गाना
DRUM ME RAJA ये साले कभी नहीं सुधरेंगे, जो टॉपिक ट्रेडिंग चल रहा उसपर 40 से 50 गाना बना देते हैं। इनको गाना बनाने में समय नहीं लगता है क्योंकि सारे गानों के, ढोडी, साली, जीजा, राजा, लहंगा, यही पांच से सात शब्द इधर उधर करना होता है। pic.twitter.com/oHIgPxPEWQ — Anand singh (@AnandSi12923397) April 11, 2025
ਯੂਜ਼ਰਸ ਨੇ ਕੀਤੀ ਆਲੋਚਨਾ
ਇਸ ਵੀਡੀਓ ਨੂੰ ਇੰਸਟਾਗ੍ਰਾਮ ‘ਤੇ ਪੋਸਟ ਕਰਦੇ ਹੋਏ, @Pun_Starr ਨੇ ਕੈਪਸ਼ਨ ਵਿੱਚ ਲਿਖਿਆ ਕਿ ਭੋਜਪੁਰੀ ਗਾਇਕ ਕਤਲ ਦੇ ਕੇਸ ਵੀ ਨਹੀਂ ਛੱਡ ਰਹੇ ਹਨ। ਹੁਣ ਤੱਕ ਇਸ ਵੀਡੀਓ ਨੂੰ 5 ਲੱਖ ਤੋਂ ਵੱਧ ਵਿਊਜ਼ ਅਤੇ ਸਾਢੇ 4 ਹਜ਼ਾਰ ਤੋਂ ਵੱਧ ਲਾਈਕਸ ਮਿਲ ਚੁੱਕੇ ਹਨ। ਜਦੋਂ ਕਿ, ਪੋਸਟ ‘ਤੇ 158 ਤੋਂ ਵੱਧ ਕਮੈਂਟਸ ਹਨ। ਇੱਕ ਯੂਜ਼ਰ ਨੇ ਵੀਡੀਓ ‘ਤੇ ਲਿਖਿਆ- ਕਿਸੇ ਦੇ ਕਤਲ ਦਾ ਮਜ਼ਾਕ ਉਡਾਉਣਾ ਵੀ ਆਪਣੇ ਆਪ ਵਿੱਚ ਇੱਕ ਅਪਰਾਧ ਹੋਣਾ ਚਾਹੀਦਾ ਹੈ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ – ਇਸ ਨੇ ਸੰਵੇਦਨਸ਼ੀਲਤਾ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ। ਸਰਕਾਰ ਨੂੰ ਇਸ ‘ਤੇ ਕਾਰਵਾਈ ਕਰਨੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ
ਇਹ ਵੀ ਪੜ੍ਹੋ- ਅਜਿਹਾ ਕੀ ਹੋਇਆ ਕਿ ਇਕ 30 ਸਾਲ ਦੀ ਔਰਤ ਨੇ ਜਿਉਂਦੇ ਜੀ ਹੀ ਕੀਤਾ ਆਪਣਾ ਅੰਤਿਮ ਸਸਕਾਰ?
ਇਸ ਦੇ ਨਾਲ ਹੀ ਕੁਝ ਯੂਜ਼ਰਸ ਨੇ ਭੋਜਪੁਰੀ ਭਾਸ਼ਾ ਨੂੰ ਬਦਨਾਮ ਕਰਨ ‘ਤੇ ਸਵਾਲ ਉਠਾਏ। ਇਸ ਤੋਂ ਪਹਿਲਾਂ ਵੀ ਭੋਜਪੁਰੀ ਗਾਣੇ ਆਪਣੇ Double Meaning ਗੀਤਾਂ ਲਈ ਆਲੋਚਨਾ ਦਾ ਸ਼ਿਕਾਰ ਹੋ ਚੁੱਕੇ ਹਨ। ਪਰ ਇਸ ਵਾਰ ਬੇਰਹਿਮੀ ਨਾਲ ਕਤਲ ਵਰਗੇ ਸੰਵੇਦਨਸ਼ੀਲ ਮੁੱਦੇ ‘ਤੇ ਗੀਤ ਬਣਾਉਣਾ ਭੋਜਪੁਰੀ ਇੰਡਸਟਰੀ ਨੂੰ ਵੀ ਸਵਾਲਾਂ ਦੇ ਘੇਰੇ ਵਿੱਚ ਖੜ੍ਹਾ ਕਰਦਾ ਹੈ।
