Delhi Rapido Horror: ਦਿੱਲੀ ‘ਚ ਮਹਿਲਾ ਦੀ Rapido ਆਟੋ ਰਾਈਡ ਬਣੀ ਖੌਫਨਾਕ ਸਫ਼ਰ, ਡਰਾਈਵਰ ਨੂੰ ਅਸ਼ਲੀਲ ਵੀਡੀਓ ਦੇਖਦੇ ਫੜਿਆ, ਵਾਇਰਲ ਹੋਇਆ ਮਾਮਲਾ
Delhi Rapido Horror: ਦਿੱਲੀ ਵਿੱਚ ਰੈਪਿਡੋ ਆਟੋ ਰਾਈਡ ਦੌਰਾਨ ਡਰਾਈਵਰ ਦੀ ਸ਼ਰਮਨਾਕ ਹਰਕਤ ਆਈ ਸਾਹਮਣੇ। ਸਫ਼ਦਰਜੰਗ ਤੋਂ ਮਾਡਲ ਟਾਊਨ ਜਾ ਰਹੀ ਇੱਕ ਮਹਿਲਾ ਨੇ ਡਰਾਈਵਰ ਨੂੰ ਮੋਬਾਈਲ 'ਤੇ ਅਸ਼ਲੀਲ ਵੀਡੀਓ ਵੇਖਦੇ ਹੋਏ ਰੰਗੇ ਹੱਥੀਂ ਫੜ ਲਿਆ। ਪੜ੍ਹੋ ਇਹ ਪੂਰੀ ਵਾਇਰਲ ਖ਼ਬਰ।
ਕਲਪਨਾ ਕਰੋ ਕਿ ਤੁਸੀਂ ਰਾਤ ਦੇ ਸਮੇਂ ਸੁਰੱਖਿਅਤ ਸਫ਼ਰ ਦੀ ਉਮੀਦ ਨਾਲ ਕੈਬ ਜਾਂ ਆਟੋ ਬੁੱਕ ਕਰਦੇ ਹੋ, ਪਰ ਸਫ਼ਰ ਸ਼ੁਰੂ ਹੁੰਦੇ ਹੀ ਡਰ ਅਤੇ ਅਸੁਰੱਖਿਆ ਦਾ ਮਾਹੌਲ ਬਣ ਜਾਵੇ। ਦਿੱਲੀ ਤੋਂ ਅਜਿਹਾ ਹੀ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਰੈਪਿਡੋ ਆਟੋ (Rapido Auto) ਵਿੱਚ ਸਫ਼ਰ ਕਰ ਰਹੀ ਇੱਕ ਮਹਿਲਾ ਨੂੰ ਉਸ ਵੇਲੇ ਵੱਡਾ ਝਟਕਾ ਲੱਗਾ, ਜਦੋਂ ਉਸ ਨੇ ਡਰਾਈਵਰ ਨੂੰ ਆਟੋ ਚਲਾਉਂਦੇ ਸਮੇਂ ਮੋਬਾਈਲ ‘ਤੇ ਅਸ਼ਲੀਲ ਵੀਡੀਓ ਵੇਖਦੇ ਹੋਏ ਫੜ ਲਿਆ। ਇਸ ਘਟਨਾ ਨੇ ਇੱਕ ਵਾਰ ਫਿਰ ਮਹਿਲਾਵਾਂ ਦੀ ਸੁਰੱਖਿਆ ਅਤੇ ਕੈਬ-ਆਟੋ ਐਗਰੀਗੇਟਰ ਕੰਪਨੀਆਂ ਵੱਲੋਂ ਕੀਤੇ ਜਾਂਦੇ ਸੁਰੱਖਿਆ ਦੇ ਦਾਵਿਆਂ ‘ਤੇ ਗੰਭੀਰ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।
ਸਫ਼ਦਰਜੰਗ ਤੋਂ ਮਾਡਲ ਟਾਊਨ ਤੱਕ ਦਾ ਖੌਫਨਾਕ ਸਫ਼ਰ
ਇਹ ਪੂਰੀ ਘਟਨਾ ਰਾਤ ਦੇ ਸਮੇਂ ਦੀ ਹੈ, ਜਦੋਂ ਸੁਕਨਿਆ ਨਾਮ ਦੀ ਇੱਕ ਮਹਿਲਾ ਨੇ ਸਫ਼ਦਰਜੰਗ ਤੋਂ ਮਾਡਲ ਟਾਊਨ ਜਾਣ ਲਈ ਰੈਪਿਡੋ ਆਟੋ ਬੁੱਕ ਕੀਤਾ ਸੀ। ਰਾਤ ਕਰੀਬ 8:48 ਵਜੇ ਸ਼ੁਰੂ ਹੋਇਆ ਇਹ ਸਫ਼ਰ ਉਸ ਵੇਲੇ ਡਰਾਉਣਾ ਬਣ ਗਿਆ, ਜਦੋਂ ਆਟੋ ਇੱਕ ਟ੍ਰੈਫਿਕ ਸਿਗਨਲ ‘ਤੇ ਰੁਕਿਆ। ਕੋਲ ਖੜ੍ਹੀ ਇੱਕ ਬਾਈਕ ‘ਤੇ ਬੈਠੀ ਲੜਕੀ ਨੇ ਸੁਕਨਿਆ ਨੂੰ ਇਸ਼ਾਰਾ ਕਰਕੇ ਦੱਸਿਆ ਕਿ ਆਟੋ ਡਰਾਈਵਰ ਆਪਣੇ ਮੋਬਾਈਲ ‘ਤੇ ਕੀ ਦੇਖ ਰਿਹਾ ਹੈ। ਜਿਵੇਂ ਹੀ ਸੁਕਨਿਆ ਨੇ ਧਿਆਨ ਦਿੱਤਾ, ਡਰਾਈਵਰ ਨੇ ਘਬਰਾ ਕੇ ਆਪਣਾ ਫੋਨ ਲੁਕਾਉਣ ਦੀ ਕੋਸ਼ਿਸ਼ ਕੀਤੀ।
ਰਾਹ ਜਾਂਦੀ ਕੁੜੀ ਦੇ ਇਸ਼ਾਰੇ ਨੇ ਖੋਲ੍ਹੀ ਡਰਾਈਵਰ ਦੀ ਪੋਲ
ਮਹਿਲਾ ਯਾਤਰੀ ਦੇ ਮੁਤਾਬਕ, ਜਿਵੇਂ ਹੀ ਉਸ ਨੂੰ ਸਥਿਤੀ ਦਾ ਅਹਿਸਾਸ ਹੋਇਆ, ਉਹ ਹੈਰਾਨ ਅਤੇ ਡਰ ਗਈ। ਹਾਲਾਂਕਿ ਮੰਜ਼ਿਲ ਤੱਕ ਪਹੁੰਚਣ ਵਿੱਚ ਅਜੇ ਕਰੀਬ ਅੱਧਾ ਘੰਟਾ ਬਾਕੀ ਸੀ ਅਤੇ ਰਸਤਾ ਅਣਜਾਣ ਹੋਣ ਕਰਕੇ ਸੁਕਨਿਆ ਨੇ ਵਿਚਕਾਰ ਉਤਰਣ ਦੀ ਬਜਾਏ ਸੁਰੱਖਿਅਤ ਢੰਗ ਨਾਲ ਆਪਣੀ ਮੰਜ਼ਿਲ ਤੱਕ ਪਹੁੰਚਣ ਦਾ ਫੈਸਲਾ ਕੀਤਾ।
ਮੰਜ਼ਿਲ ‘ਤੇ ਪਹੁੰਚਣ ਤੋਂ ਬਾਅਦ ਜਦੋਂ ਉਸ ਨੇ ਡਰਾਈਵਰ ਤੋਂ ਸਖ਼ਤ ਲਹਿਜ਼ੇ ਵਿੱਚ ਪੁੱਛਿਆ ਕਿ ਉਹ ਮੋਬਾਈਲ ‘ਤੇ ਕੀ ਦੇਖ ਰਿਹਾ ਸੀ, ਤਾਂ ਆਰੋਪੀ ਨੇ ਬੇਸ਼ਰਮੀ ਨਾਲ ਜਵਾਬ ਦਿੱਤਾ ਕਿ ਉਹ “ਵਿਦੇਸ਼ੀ ਵੀਡੀਓ” ਦੇਖ ਰਿਹਾ ਸੀ। ਇਸ ‘ਤੇ ਸੁਕਨਿਆ ਨੇ ਹਿੰਮਤ ਦਿਖਾਉਂਦੇ ਹੋਏ ਉਸ ਨੂੰ ਖੂਬ ਫਟਕਾਰ ਲਗਾਈ ਅਤੇ ਪਰਿਵਾਰ ਦੇ ਲੋਕਾਂ ਨੂੰ ਬੁਲਾਉਣ ਦੀ ਚੇਤਾਵਨੀ ਦੇ ਕੇ ਉਸ ਦੀ ਹੇਕੜੀ ਕੱਢ ਦਿੱਤੀ।
ਰੈਪਿਡੋ ਸੇਫਟੀ ਟੀਮ ਦੀ ਨਾਕਾਮੀ ਵੀ ਆਈ ਸਾਹਮਣੇ
ਇਸ ਪੂਰੀ ਘਟਨਾ ਦੌਰਾਨ ਸੁਕਨਿਆ ਨੇ ਆਪਣੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਰੈਪਿਡੋ ਦੀ ਇਨ-ਐਪ ਸੇਫਟੀ ਟੀਮ ਨਾਲ ਲਗਾਤਾਰ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ। ਹਾਲਾਂਕਿ, ਆਰੋਪ ਹੈ ਕਿ ਉਸ ਸਮੇਂ ਕੰਪਨੀ ਵੱਲੋਂ ਕੋਈ ਤੁਰੰਤ ਮਦਦ ਜਾਂ ਜਵਾਬ ਨਹੀਂ ਮਿਲਿਆ। ਜਦੋਂ ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋਈ, ਉਹਦੋਂ ਜਾ ਕੇ ਰੈਪਿਡੋ ਦੀ ਸਪੋਰਟ ਟੀਮ ਨੇ ਕਮੈਂਟ ਸੈਕਸ਼ਨ ਵਿੱਚ ਸੰਪਰਕ ਕਰਕੇ ਮਦਦ ਦੀ ਪੇਸ਼ਕਸ਼ ਕੀਤੀ। ਇਸ ਲਾਪਰਵਾਹੀ ਨੂੰ ਲੈ ਕੇ ਸੋਸ਼ਲ ਮੀਡੀਆ ਯੂਜ਼ਰਾਂ ਵਿੱਚ ਕਾਫ਼ੀ ਨਾਰਾਜ਼ਗੀ ਹੈ ਅਤੇ ਉਹ ਕੰਪਨੀ ਦੀ ਕਾਰਗੁਜ਼ਾਰੀ ‘ਤੇ ਗੰਭੀਰ ਸਵਾਲ ਉਠਾ ਰਹੇ ਹਨ।
ਇਹ ਵੀ ਪੜ੍ਹੋ
ਇੱਥੇ ਦੇਖੋ ਵਾਇਰਲ ਵੀਡੀਓ
View this post on Instagram
