Viral Video: ਰੋਜ਼ 500 ਮੱਛਰਾਂ ਤੋਂ ਆਪਣੇ-ਆਪ ਨੂੰ ਕੱਟਵਾਉਂਦੇ ਹੈ ਇਹ ਸ਼ਖਸ, ਕਿਹਾ- ਇਸ ਤੋਂ ਵਧੀਆ ਹੋਰ ਕੋਈ ਚੀਜ਼ ਨਹੀਂ, ਵੀਡੀਓ ਦੇਖੋ

ਖੋਜਕਾਰ ਕਿਸੇ ਵੀ ਖੋਜ ਦੇ ਸਿੱਟੇ ‘ਤੇ ਪਹੁੰਚਣ ਲਈ ਸਖ਼ਤ ਮਿਹਨਤ ਕਰਦੇ ਹਨ। ਇਸ ਪ੍ਰੋਜੈਕਟ ਨੂੰ ਕਾਮਯਾਬ ਕਰਨ ਲਈ ਉਹ ਕਿਸੇ ਵੀ ਹੱਦ ਤੱਕ ਜਾਣ ਲਈ ਤਿਆਰ ਰਹਿੰਦੇ ਹਨ। ਹੁਣ ਆਸਟ੍ਰੇਲੀਆ ਦੇ ਮਸ਼ਹੂਰ ਵਿਗਿਆਨੀ ਡਾ: ਪੇਰੋਨ ਰੌਸ ਨੂੰ ਹੀ ਲੈ ਲਓ। ਉਨ੍ਹਾਂ ਨੇ ਡੇਂਗੂ ‘ਤੇ ਇਕ ਖਾਸ ਤਰ੍ਹਾਂ ਦੀ ਰਿਸਰਚ ਸ਼ੁਰੂ ਕੀਤੀ ਹੈ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਉਨ੍ਹਾਂ ਦੀ ਖੋਜ ਦਾ ਤਰੀਕਾ ਬਹੁਤ ਅਨੌਖਾ ਹੈ, ਪਰ ਸਾਹਸੀ ਹੈ। ਕਿਉਂਕਿ ਉਹ ਖੁੱਦ ਨੂੰ ਹਰ ਰੋਜ਼ ਸੈਂਕੜੇ ਮੱਛਰਾਂ ਤੋਂ ਕੱਟਵਾਉਂਦੇ ਹਨ। ਵਾਇਰਲ ਹੋਈ ਕਲਿੱਪ ਵਿੱਚ ਮੱਛਰਾਂ ਨਾਲ ਭਰੇ ਸ਼ੀਸ਼ੇ ਦੇ ਡੱਬੇ ਵਿੱਚ ਉਨ੍ਹਾਂ ਨੂੰ ਆਪਣਾ ਹੱਥ ਪਾਉਂਦੇ ਦੇਖਿਆ ਜਾ ਸਕਦਾ ਹੈ। ਡਾਕਟਰ ਰੌਸ ਦਾ ਕਹਿਣਾ ਹੈ ਕਿ ਉਹ ਰੋਜ਼ਾਨਾ 500 ਦੇ ਕਰੀਬ ਮੱਛਰਾਂ ਤੋਂ ਆਪਣੇ-ਆਪ ਨੂੰ ਕੱਟਵਾਉਂਦੇ ਹਨ। ਕਈ ਵਾਰ ਇਹ ਅੰਕੜਾ 15,000 ਤੱਕ ਵੀ ਪਹੁੰਚ ਜਾਂਦਾ ਹੈ। ਇਸ ਦਰਦਨਾਕ ਪ੍ਰਕਿਰਿਆ ਦਾ ਮੁੱਖ ਮਕਸਦ ਇਹ ਦੇਖਣਾ ਹੈ ਕਿ ਇਨ੍ਹਾਂ ਮੱਛਰਾਂ ਦੇ ਕੱਟਣ ਨਾਲ ਡੇਂਗੂ ਹੁੰਦਾ ਹੈ ਜਾਂ ਨਹੀਂ। ਵਾਇਰਲ ਵੀਡੀਓ ‘ਚ ਮੱਛਰ ਦੇ ਕੱਟਣ ਤੋਂ ਬਾਅਦ ਡਾਕਟਰ ਰੌਸ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ ਦੁਨੀਆ ‘ਚ ਇਸ ਤੋਂ ਵਧੀਆ ਹੋਰ ਕੋਈ ਚੀਜ਼ ਨਹੀਂ ਹੈ।

View this post on Instagram

A post shared by 60 Second Docs (@60secdocs)

ਇਹ ਵੀ ਪੜ੍ਹੋ

ਪਲੇਟਫਾਰਮ 'ਤੇ Reel ਬਣਾ ਰਹੀ ਸੀ ਕੁੜੀ, ਅੰਕਲ ਨੇ ਧੱਕਾ ਦੇ ਕੇ ਕੀਤਾ ਹੰਗਾਮਾ

ਸਲਵਾਰ-ਸੂਟ ਪਹਿਨੇ ਰੈਸਟੋਰੈਂਟ ਪਹੁੰਚੀ, ਨਹੀਂ ਮਿਲੀ ਐਂਟਰੀ, ਦਿੱਲੀ CM ਦਾ ਐਕਸ਼ਨ

'ਸ਼ੈਕੀ-ਸ਼ੈਕੀ' 'ਤੇ ਠੇਲੇ ਵਾਲੇ ਦਾ ਧਮਾਕੇਦਾਰ ਡਾਂਸ, ਵਾਇਰਲ ਹੋਇਆ VIDEO

ਇਹ ਵੀ ਪੜ੍ਹੋ- ਕਾਂਗਰਸੀ ਮਹਿਲਾ ਆਗੂ ਨੇ ਰਜਤ ਸ਼ਰਮਾ ਤੇ ਲਾਏ ਗੰਭੀਰ ਆਰੋਪ, ਵੀਡੀਓ ਸੋਸ਼ਲ ਮੀਡੀਆ ਤੇ ਵਾਇਰਲ ਉਨ੍ਹਾਂ ਦੱਸਿਆ ਕਿ ਖੋਜ ਦੀ ਇੱਕ ਮਹੱਤਵਪੂਰਨ ਪ੍ਰਕਿਰਿਆ ਦੇ ਤਹਿਤ ਲੈਬ ਵਿੱਚ ਮੱਛਰਾਂ ਦੇ ਅੰਡਿਆਂ ਵਿੱਚ ਬੈਕਟੀਰੀਆ ਦਾ ਟੀਕਾ ਲਗਾਇਆ ਜਾਂਦਾ ਹੈ। ਇਸ ਬੈਕਟੀਰੀਆ ਨਾਲ ਸੰਕਰਮਿਤ ਅੰਡੇ ਵਿੱਚੋਂ ਨਿਕਲਣ ਵਾਲੀ ਮਾਦਾ ਮੱਛਰ ਡੇਂਗੂ ਫੈਲਾਉਣ ਵਿੱਚ ਅਸਮਰੱਥ ਹੁੰਦਾ ਹੈ। ਇਸ ਤੋਂ ਬਾਅਦ ਡਾਕਟਰ ਰੌਸ ਖੁਦ ਇਨ੍ਹਾਂ ਮੱਛਰਾਂ ਨੂੰ ਕੱਟਵਾ ਲੈਂਦਾ ਹਨ ਅਤੇ ਜਾਂਚ ਕਰਦਾ ਹੈ ਕਿ ਉਸ ਨੂੰ ਇਨ੍ਹਾਂ ਤੋਂ ਲਾਗ ਲੱਗ ਗਈ ਹੈ ਜਾਂ ਨਹੀਂ। ਇਸ ਤਰ੍ਹਾਂ ਉਹ ਇਹ ਪਤਾ ਲਗਾਉਂਦੇ ਹਨ ਕਿ ਕੀ ਬੈਕਟੀਰੀਆ ਵਾਲੇ ਮੱਛਰ ਡੇਂਗੂ ਫੈਲਾਉਣ ਵਾਲੇ ਮੱਛਰਾਂ ਨੂੰ ਰੋਕਣ ਦੇ ਸਮਰੱਥ ਹਨ ਜਾਂ ਨਹੀਂ। ਡੇਂਗੂ ਇੱਕ ਮੱਛਰ ਤੋਂ ਫੈਲਣ ਵਾਲੀ ਬਿਮਾਰੀ ਹੈ ਜੋ ਹਰ ਸਾਲ ਦੁਨੀਆ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਲਗਭਗ 40 ਕਰੋੜ ਲੋਕਾਂ ਨੂੰ ਪ੍ਰਭਾਵਿਤ ਕਰਦੀ ਹੈ। ਇਸ ਕਾਰਨ ਲਗਭਗ 40,000 ਲੋਕ ਆਪਣੀ ਜਾਨ ਗਵਾ ਚੁੱਕੇ ਹਨ। ਇਸ ਦੇ ਨਾਲ ਹੀ ਹੈਰਾਨੀ ਦੀ ਗੱਲ ਇਹ ਹੈ ਕਿ 80 ਫੀਸਦੀ ਸੰਕਰਮਿਤ ਲੋਕਾਂ ਵਿੱਚ ਡੇਂਗੂ ਦੇ ਲੱਛਣ ਨਹੀਂ ਦਿਖਾਈ ਦਿੰਦੇ। ਜੋ ਇਸ ਨੂੰ ਕੰਟਰੋਲ ਕਰਨਾ ਹੋਰ ਵੀ ਚੁਣੌਤੀਪੂਰਨ ਬਣਾਉਂਦਾ ਹੈ। ਡਾਕਟਰ ਰੌਸ ਦੀ ਇਹ ਖੋਜ ਮੱਛਰ ਦੇ ਕੱਟਣ ਨਾਲ ਹੋਣ ਵਾਲੀਆਂ ਬਿਮਾਰੀਆਂ ਨੂੰ ਕੰਟਰੋਲ ਕਰਨ ਦੇ ਖੇਤਰ ਵਿੱਚ ਇੱਕ ਅਹਿਮ ਕਦਮ ਹੈ। ਉਸ ਦੇ ਸਾਹਸੀ ਕਦਮ ਇਸ ਦਿਸ਼ਾ ਵਿੱਚ ਨਵੀਆਂ ਸੰਭਾਵਨਾਵਾਂ ਨੂੰ ਜਨਮ ਦੇ ਸਕਦੇ ਹਨ।