ਕਿਡਨੈਪਿੰਗ ਵੀ ਕਰਨ ਲੱਗੇ ਹਨ ਰੋਬੋਟ, ਵਾਇਰਲ CCTV ਦੇਖ ਹੋ ਜਾਓਗੇ ਹੈਰਾਨ
Robot Kidnapping Viral Video: ਇਕ ਰੋਬੋਟਿਕਸ ਕੰਪਨੀ ਦੇ ਸ਼ੋਅਰੂਮ ਤੋਂ 12 ਰੋਬੋਟਾਂ ਦੀ ਕਿਡਨੈਪਿੰਗ ਦਾ ਚੌਂਕਾ ਦੇਣ ਵਾਲਾ ਸੀਸੀਟੀਵੀ ਫੁਟੇਜ ਵਾਇਰਲ ਹੋਇਆ ਹੈ। ਅਗਵਾ ਕਰਨ ਵਾਲਾ ਕੋਈ ਹੋਰ ਨਹੀਂ ਸਗੋਂ ਕਿਸੇ ਹੋਰ ਕੰਪਨੀ ਦਾ AI ਨਿਯੰਤਰਿਤ ਰੋਬੋਟ ਸੀ। ਉਹ ਪਹਿਲਾਂ ਵੱਡੇ ਰੋਬੋਟਾਂ ਨੂੰ 'ਆਪਣੀ ਨੌਕਰੀ ਛੱਡਣ' ਲਈ ਕਹਿੰਦਾ ਹੈ, ਫਿਰ ਉਨ੍ਹਾਂ ਨੂੰ ਆਪਣੇ ਨਾਲ ਲੈ ਕੇ ਉੱਥੋਂ ਚਲਾ ਜਾਂਦਾ ਹੈ।
ਤੁਸੀਂ ਸੁਣਿਆ ਹੋਵੇਗਾ ਕਿ ਗੁੰਡੇ ਅਤੇ ਬਦਮਾਸ਼ ਚੱਲਦੀ ਵੈਨ ਤੋਂ ਲੋਕਾਂ ਨੂੰ ਅਗਵਾ ਕਰਦੇ ਹਨ, ਪਰ ਕੀ ਤੁਸੀਂ ਕਦੇ ਸੁਣਿਆ ਹੈ ਕਿ ਰੋਬੋਟ ਨੇ ਕਿਸੇ ਨੂੰ ਅਗਵਾ ਕੀਤਾ ਹੈ? ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਅਗਵਾ ਦੀ ਅਜਿਹੀ ਹੀ ਇੱਕ ਸੀਸੀਟੀਵੀ ਫੁਟੇਜ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਇੱਕ ਰੋਬੋਟਿਕਸ ਕੰਪਨੀ ਦੇ ਦਾਅਵੇ ਮੁਤਾਬਕ, ਇੱਕ ਹੋਰ ਕੰਪਨੀ ਦਾ ਇੱਕ ਏਆਈ ਰੋਬੋਟ ਉਨ੍ਹਾਂ ਦੇ ਸ਼ੋਅਰੂਮ ਵਿੱਚੋਂ 12 ਰੋਬੋਟਾਂ ਨੂੰ ਅਗਵਾ ਕਰਦੇ ਹੋਏ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਿਆ।
ਓਡੀਟੀ ਸੈਂਟਰਲ ਦੀ ਰਿਪੋਰਟ ਦੇ ਅਨੁਸਾਰ, ਇਹ ਘਟਨਾ ਕਥਿਤ ਤੌਰ ‘ਤੇ ਅਗਸਤ ਵਿੱਚ ਸ਼ੰਘਾਈ ਵਿੱਚ ਇੱਕ ਰੋਬੋਟਿਕਸ ਕੰਪਨੀ ਦੇ ਸ਼ੋਅਰੂਮ ਵਿੱਚ ਵਾਪਰੀ ਸੀ, ਜਿਸ ਦੀ ਸੀਸੀਟੀਵੀ ਫੁਟੇਜ ਹਾਲ ਹੀ ਵਿੱਚ ਜਨਤਕ ਕੀਤੀ ਗਈ। ਇਸ ਵਿੱਚ 12 ਵੱਡੇ ਰੋਬੋਟਾਂ ਨੂੰ ਕਿਸੇ ਹੋਰ ਕੰਪਨੀ ਦੇ ਰੋਬੋਟ ਵੱਲੋਂ ਕਿਡਨੈਪ ਕਰਦੇ ਦਿਖਾਇਆ ਗਿਆ ਹੈ। ਰੋਬੋਟਿਕਸ ਕੰਪਨੀ ਨੇ ਦੱਸਿਆ ਕਿ ਇਕ ਹੋਰ ਕੰਪਨੀ ਦੇ ਰੋਬੋਟ ਨੇ ਪਹਿਲਾਂ ਉਨ੍ਹਾਂ ਦੇ ਰੋਬੋਟਾਂ ਨੂੰ ਨੌਕਰੀ ਛੱਡਣ ਲਈ ਧੋਖਾ ਦਿੱਤਾ, ਫਿਰ ਉਨ੍ਹਾਂ ਨੂੰ ਆਪਣੇ ਨਾਲ ਲੈ ਗਏ।
ਵਾਇਰਲ ਹੋਈ ਸੀਸੀਟੀਵੀ ਫੁਟੇਜ ਵਿੱਚ ਇੱਕ ਛੋਟਾ ਰੋਬੋਟ ਰਾਤ ਨੂੰ ਕੰਪਨੀ ਦੇ ਸ਼ੋਅਰੂਮ ਵਿੱਚ ਦਾਖਲ ਹੁੰਦਾ ਦੇਖਿਆ ਜਾ ਸਕਦਾ ਹੈ। ਇਸ ਤੋਂ ਬਾਅਦ ਉਹ ਵੱਡੇ ਰੋਬੋਟਾਂ ਕੋਲ ਜਾਂਦਾ ਹੈ ਅਤੇ ਪੁੱਛਦਾ ਹੈ – ਕੀ ਉਹ ਓਵਰਟਾਈਮ ਕੰਮ ਕਰ ਰਹੇ ਹਨ? ਜਿਸ ‘ਤੇ ਜਵਾਬ ਆਉਂਦਾ ਹੈ, ‘ਮੈਂ ਕਦੇ ਛੁੱਟੀ ਨਹੀਂ ਲੈਂਦਾ।’ ਇਸ ਤੋਂ ਬਾਅਦ ਛੋਟਾ ਰੋਬੋਟ ਕਹਿੰਦਾ ਹੈ, ਮਤਲਬ ਤੁਸੀਂ ਘਰ ਨਹੀਂ ਜਾਂਦੇ।’ ਫਿਰ ਉਥੇ ਮੌਜੂਦ ਦੂਜੇ ਰੋਬੋਟ ‘ਚੋਂ ਇਕ ਕਹਿੰਦਾ, ‘ਮੇਰੇ ਕੋਲ ਘਰ ਨਹੀਂ ਹੈ।’ ਛੋਟਾ ਰੋਬੋਟ ਉਨ੍ਹਾਂ ਨੂੰ ਸ਼ੋਅਰੂਮ ਤੋਂ ਬਾਹਰ ਦਾ ਰਸਤਾ ਦਿਖਾਉਂਦਾ ਹੈ ਉਨ੍ਹਾਂ ਨੂੰ ਕਹਿੰਦਾ ਹੈ, “ਤਾਂ ਫਿਰ ਮੇਰੇ ਮੇਰੇ ਘਰ ਚਲੋ।’
ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਜਿਵੇਂ ਹੀ ਦੋ ਵੱਡੇ ਰੋਬੋਟ ਛੋਟੇ ਦਾ ਪਿੱਛਾ ਕਰਦੇ ਹਨ, ਉਹ ਬਾਕੀਆਂ ਨੂੰ ‘ਘਰ ਜਾਣ’ ਦਾ ਹੁਕਮ ਦੇਣਾ ਸ਼ੁਰੂ ਕਰ ਦਿੰਦਾ ਹੈ। ਇਸ ਤੋਂ ਬਾਅਦ ਹੋਰ 10 ਰੋਬੋਟ ਵੀ ਉਨ੍ਹਾਂ ਦਾ ਪਿੱਛਾ ਕਰਨਾ ਸ਼ੁਰੂ ਕਰ ਦਿੰਦੇ ਹਨ। ਪਹਿਲਾਂ ਤਾਂ ਲੋਕਾਂ ਨੇ ਇਸ ਵੀਡੀਓ ਨੂੰ ਮਨੋਰੰਜਨ ਵਜੋਂ ਲਿਆ, ਪਰ ਜਦੋਂ ਸ਼ੰਘਾਈ ਰੋਬੋਟਿਕਸ ਕੰਪਨੀ ਨੇ ਜਨਤਕ ਤੌਰ ‘ਤੇ ਇਸ ਅਜੀਬ ਅਗਵਾ ਦੀ ਗੱਲ ਸਵੀਕਾਰ ਕੀਤੀ ਤਾਂ ਲੋਕ ਹੈਰਾਨ ਰਹਿ ਗਏ।
ਇਹ ਵੀ ਪੜ੍ਹੋ- ਬੱਚੀ ਦੀ ਜ਼ਿੱਦ ਸੁਣ ਕੇ ਮਾਂ ਰਹਿ ਗਈ ਹੈਰਾਨ, 70 ਲੱਖ ਲੋਕਾਂ ਨੇ ਦੇਖਿਆ ਇਹ Cute ਵੀਡੀਓ
ਇਹ ਵੀ ਪੜ੍ਹੋ
11 ਨਵੰਬਰ ਨੂੰ ਹਾਂਗਜ਼ੂ ਰੋਬੋਟ ਨਿਰਮਾਤਾ ਨੇ ਪੁਸ਼ਟੀ ਕੀਤੀ ਕਿ ਵੀਡੀਓ ‘ਚ ਦਿਖਾਇਆ ਗਿਆ ‘ਛੋਟੂ ਕਿਡਨੈਪਰ’ ਉਨ੍ਹਾਂ ਦੀ ਕੰਪਨੀ ਦਾ ਹੈ। ਇਹ ਵੀ ਕਿਹਾ ਕਿ ਇਹ ਅਸਲ ਅਗਵਾ ਸੀ। ਹਾਲਾਂਕਿ, ਕੰਪਨੀ ਨੇ ਬਾਅਦ ਵਿੱਚ ਖੁਲਾਸਾ ਕੀਤਾ ਕਿ ਇਹ ਅਗਵਾ ਉਨ੍ਹਾਂ ਦੇ ਟੈਸਟ ਦਾ ਹਿੱਸਾ ਸੀ। ਫਿਰ ਇਹ ਗੱਲ ਸਾਹਮਣੇ ਆਈ ਕਿ ਹਾਂਗਜ਼ੂ ਨੇ ਸ਼ੰਘਾਈ ਰੋਬੋਟਿਕਸ ਕੰਪਨੀ ਤੋਂ ਪਹਿਲਾਂ ਹੀ ਇਜਾਜ਼ਤ ਲਈ ਗਈ ਸੀ। ਹਾਲਾਂਕਿ ਇਹ ਘਟਨਾ ਦਿਲਚਸਪ ਹੈ ਪਰ ਚੀਨੀ ਸੋਸ਼ਲ ਮੀਡੀਆ ‘ਤੇ ਕਈ ਲੋਕਾਂ ਨੇ ਇਸ ਨੂੰ ਭਿਆਨਕ ਦੱਸਿਆ ਹੈ।
