Emotional Video: “ਮੈਨੂੰ ਨਵਾਂ ਦਿਲ ਮਿਲਣ ਵਾਲਾ ਹੈ…”, ਹਾਰਟ ਟਰਾਂਸਪਲਾਂਟ ਤੋਂ ਪਹਿਲਾਂ ਬੱਚੇ ਦੇ ਚਿਹਰੇ ‘ਤੇ ਖੁਸ਼ੀ ਦੇਖ ਕੇ ਤੁਹਾਡਾ ਦਿਲ ਪਿਘਲ ਜਾਵੇਗਾ
Emotional Video: ਸੋਸ਼ਲ ਮੀਡੀਆ 'ਤੇ ਇਨ੍ਹੀਂ ਦਿਨੀਂ ਇੱਕ ਭਾਵੁਕ ਕਰ ਦੇਣ ਵਾਲੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਜਿਸ ਵਿੱਚ ਇੱਕ 6 ਸਾਲ ਦੇ ਬੱਚੇ ਨੂੰ ਟਰਾਂਸਪਲਾਂਟ ਲਈ ਹਾਰਟ ਮਿਲਿਆ ਅਤੇ ਉਹ ਹਸਪਤਾਲ ਦੇ ਹੋਰਨਾਂ ਮੈਂਬਰਾਂ ਨਾਲ ਆਪਣੀ ਖੁਸ਼ੀ ਸਾਂਝੀ ਕਰਨ ਲੱਗਾ।
ਸੋਸ਼ਲ ਮੀਡੀਆ ‘ਤੇ ਹਰ ਰੋਜ਼ ਤਰ੍ਹਾਂ-ਤਰ੍ਹਾਂ ਦੀਆਂ ਵੀਡੀਓਜ਼ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਇਨ੍ਹਾਂ ਵਿੱਚੋਂ ਕੁਝ ਤੁਹਾਨੂੰ ਹਸਾਉਣ ਵਾਲੀਆਂ ਹੁੰਦੀਆਂ ਹਨ ਜਦੋਂ ਕਿ ਕੁਝ ਤੁਹਾਡੀਆਂ ਅੱਖਾਂ ਵਿੱਚ ਹੰਝੂ ਲਿਆਉਂਦੀਆਂ ਹਨ। ਬਹੁਤ ਸਾਰੇ ਵੀਡੀਓ ਹਨ ਜੋ ਸਾਡੇ ਦਿਲਾਂ ਨੂੰ ਬਹੁਤ ਰਾਹਤ ਦਿੰਦੇ ਹਨ। ਹਾਲ ਹੀ ‘ਚ ਅਜਿਹਾ ਹੀ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਦੇਖਣ ਨੂੰ ਮਿਲ ਰਿਹਾ ਹੈ। ਹਾਲਾਂਕਿ, ਇਹ ਵੀਡੀਓ ਤੁਹਾਨੂੰ ਕਾਫੀ ਭਾਵੁਕ ਕਰ ਦੇਵੇਗਾ। ਇਹ ਵੀਡੀਓ ਇੱਕ ਛੋਟੇ ਬੱਚੇ ਦੇ ਹਾਰਟ ਟਰਾਂਸਪਲਾਂਟ ਤੋਂ ਪਹਿਲਾਂ ਦੀ ਹੈ। ਵੀਡੀਓ ਦੇਖਣ ਤੋਂ ਬਾਅਦ ਤੁਹਾਨੂੰ ਰਾਹਤ ਮਹਿਸੂਸ ਹੋਵੇਗੀ ਕਿ ਬੱਚੇ ਨੂੰ ਨਵੀਂ ਜ਼ਿੰਦਗੀ ਮਿਲ ਰਹੀ ਹੈ ਪਰ ਇਹ ਗੱਲ ਤੋਂ ਦੁਖੀ ਹੋਵੋਗੇ ਕਿ ਬੱਚਾ ਇੰਨੀ ਛੋਟੀ ਉਮਰ ਵਿੱਚ ਇੰਨੀ ਮੁਸ਼ਕਲ ਵਿੱਚੋਂ ਗੁਜ਼ਰ ਰਿਹਾ ਹੈ।
ਵੀਡੀਓ ਵਿੱਚ ਤੁਸੀਂ ਇੱਕ ਛੋਟੇ ਬੱਚੇ ਨੂੰ ਦੇਖ ਸਕਦੇ ਹੋ। ਬੱਚੇ ਨੂੰ ਦਿਲ ਨਾਲ ਜੁੜੀ ਕੋਈ ਬੀਮਾਰੀ ਹੈ, ਜਿਸ ਕਾਰਨ ਬੱਚੇ ਨੂੰ ਹਾਰਟ ਟਰਾਂਸਪਲਾਂਟ ਕਰਵਾਉਣਾ ਪਿਆ। ਇਸ ਦੇ ਲਈ ਬੱਚਾ ਹਸਪਤਾਲ ਆਇਆ ਹੈ। ਇਸ ਦੌਰਾਨ ਡਾਕਟਰ ਅਤੇ ਨਰਸ ਨੂੰ ਮਿਲਣ ਤੋਂ ਬਾਅਦ ਬੱਚੇ ਨੇ ਜੋ ਕਿਹਾ, ਉਸ ਨੂੰ ਦੇਖ ਕੇ ਲੋਕਾਂ ਦੀਆਂ ਅੱਖਾਂ ‘ਚ ਹੰਝੂ ਆ ਗਏ। ਦਰਅਸਲ, ਬੱਚਾ ਖੁਸ਼ੀ ਨਾਲ ਉਨ੍ਹਾਂ ਡਾਕਟਰਾਂ ਅਤੇ ਨਰਸਾਂ ਨੂੰ ਦੱਸਦਾ ਹੈ ਕਿ ਅੱਜ ਉਸ ਨੂੰ ਨਵਾਂ ਦਿਲ ਮਿਲਣ ਜਾ ਰਿਹਾ ਹੈ। ਵੀਡੀਓ ‘ਚ ਨਜ਼ਰ ਆ ਰਿਹਾ ਬੱਚਾ ਸਿਰਫ 6 ਸਾਲ ਦਾ ਹੈ। ਜੋ ਆਪਣੀ ਮਾਂ ਨਾਲ ਹਸਪਤਾਲ ‘ਚ ਖੁਸ਼ੀ ਨਾਲ ਛਾਲਾਂ ਮਾਰ ਰਿਹਾ ਹੈ ਕਿਉਂਕਿ ਅੱਜ ਬੱਚੇ ਨੂੰ ਨਵਾਂ ਦਿਲ ਮਿਲਣ ਵਾਲਾ ਹੈ। ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਬੱਚੇ ਦੇ ਨੱਕ ‘ਚ ਆਕਸੀਜਨ ਪਾਈਪ ਲੱਗੀ ਹੋਈ ਹੈ। ਬੱਚੇ ਦੀ ਗੱਲ ਸੁਣ ਕੇ ਨਰਸ ਵੀ ਖੁਸ਼ੀ ਨਾਲ ਨੱਚਣ ਲੱਗ ਜਾਂਦੀ ਹੈ ਅਤੇ ਬੱਚੇ ਨੂੰ ਪਿਆਰ ਕਰਨ ਲੱਗਦੀ ਹੈ। ਕੁਝ ਦੇਰ ਬੱਚੇ ਨਾਲ ਮਜ਼ਾਕ ਕਰਨ ਤੋਂ ਬਾਅਦ, ਨਰਸ ਨੇ ਬੱਚੇ ਨੂੰ ਜੱਫੀ ਪਾ ਲਈ। ਇਸ ਤੋਂ ਬਾਅਦ ਬੱਚਾ ਹਸਪਤਾਲ ਦੇ ਇੱਕ ਹੋਰ ਵਾਰਡ ਵਿੱਚ ਦਾਖਲ ਹੁੰਦਾ ਹੈ ਅਤੇ ਉੱਥੇ ਵੀ ਉਹ ਕਹਿੰਦਾ ਹੈ, “ਮੈਨੂੰ ਨਵਾਂ ਦਿਲ ਮਿਲ ਰਿਹਾ ਹੈ।”
Im getting a new heart!♥️
We wont forget the day 6-year-old John-Henry learned a donor heart was available for him.
John-Henry had been waiting for a life-saving heart transplant for six months before he and his family received the news.
More: https://t.co/9ZdE0oBeHb pic.twitter.com/YjeAWGAbal— Cleveland Clinic Childrens (@CleClinicKids) August 27, 2024
ਇਹ ਵੀ ਪੜ੍ਹੋ
ਇਹ ਵੀ ਪੜ੍ਹੋ- ਕੁੱਤਿਆਂ ਦੇ ਝੁੰਡ ਨੇ ਚੀਤੇ ਨੂੰ ਦਬੋਚਿਆ, ਫਿਰ ਨੋਚ-ਨੋਚ ਕੇ ਕੀਤੀ ਬੁਰੀ ਹਾਲਤ
ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ @CleClinicKids ਨਾਮ ਦੇ ਅਕਾਊਂਟ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ 6 ਸਾਲਾ ਜਾਨ ਹੈਨਰੀ ਦਿਲ ਦੀ ਬਿਮਾਰੀ ਤੋਂ ਪੀੜਤ ਸੀ ਅਤੇ ਉਸ ਦਾ ਪਰਿਵਾਰ 6 ਮਹੀਨਿਆਂ ਤੋਂ ਹਾਰਟ ਟਰਾਂਸਪਲਾਂਟ ਲਈ ਡੋਨਰ ਦੀ ਭਾਲ ਕਰ ਰਿਹਾ ਸੀ। ਜਦੋਂ ਪਰਿਵਾਰ ਨੂੰ ਦਿਲ ਦਾ ਡੋਨਰ ਮਿਲਿਆ ਅਤੇ 6 ਸਾਲ ਦੇ ਜਾਨ ਹੈਨਰੀ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਸ ਦੀ ਖੁਸ਼ੀ ਦੇਖਣ ਯੋਗ ਸੀ। ਉਹ ਹਸਪਤਾਲ ਵਿੱਚ ਮੌਜੂਦ ਸਾਰੀਆਂ ਸਟਾਫ ਨਰਸਾਂ ਅਤੇ ਡਾਕਟਰਾਂ ਨੂੰ ਰੁਕ-ਰੁਕ ਕੇ ਦੱਸ ਰਿਹਾ ਸੀ ਕਿ ਉਸ ਨੂੰ ਨਵਾਂ ਹਾਰਟ ਮਿਲ ਰਿਹਾ ਹੈ।
