ਨਵੇਂ ਸਾਲ 2025 ‘ਤੇ ਅਬੂ ਧਾਬੀ ਨੇ ਤੋੜਿਆ ਪਟਾਕਿਆਂ ਦਾ ਗਿਨੀਜ਼ ਵਰਲਡ ਰਿਕਾਰਡ !ਦੇਖੋ ਵੀਡੀਓ
New Year Viral Video: ਨਵੇਂ ਸਾਲ 2025 ਦੇ ਮੌਕੇ 'ਤੇ ਪੂਰੀ ਦੁਨੀਆ 'ਚ ਜਸ਼ਨ ਮਨਾਏ ਜਾ ਰਹੇ ਹਨ। ਪਰ ਇਸ ਦੌਰਾਨ, ਯੂਜ਼ਰ ਦੇ ਦਾਅਵੇ ਦੇ ਅਨੁਸਾਰ, ਆਬੂ ਧਾਬੀ, ਯੂਏਈ 'ਚ ਇੱਕ ਨਵਾਂ ਵਿਸ਼ਵ ਰਿਕਾਰਡ ਬਣਾਇਆ ਗਿਆ ਹੈ। ਜੀ ਹਾਂ, 31 ਦਸੰਬਰ ਨੂੰ ਰਾਤ 12 ਵਜੇ ਜਿਵੇਂ ਹੀ ਸਾਲ ਬਦਲਿਆ, ਆਬੂ ਧਾਬੀ 'ਚ ਕਰੀਬ ਇੱਕ ਘੰਟੇ ਤੱਕ ਆਤਿਸ਼ਬਾਜ਼ੀ ਚਲਾਈ ਗਈ। ਜਿਸ ਕਾਰਨ ਪੁਰਾਣਾ ਗਿਨੀਜ਼ ਵਰਲਡ ਰਿਕਾਰਡ ਟੁੱਟ ਗਿਆ।
ਨਵਾਂ ਸਾਲ ਇੱਕ ਤਿਉਹਾਰ ਹੈ ਜਿਸਨੂੰ ਦੁਨੀਆਂ ਭਰ ਦੇ ਲੋਕ ਮਨਾਉਂਦੇ ਹਨ। ਜਿਵੇਂ ਹੀ 31 ਦਸੰਬਰ 2024 ਦੀ ਰਾਤ ਨੂੰ ਘੜੀ ਦੇ 12 ਵੱਜੇ, ਸਾਲ ਬਦਲ ਗਿਆ ਅਤੇ ਇਸ ਦੇ ਨਾਲ ਹੀ ਪੂਰੀ ਦੁਨੀਆ ‘ਚ ਜਸ਼ਨ ਸ਼ੁਰੂ ਹੋ ਗਏ। ਇਸ ਦੌਰਾਨ ਸੰਯੁਕਤ ਅਰਬ ਅਮੀਰਾਤ ‘ਚ ਸਥਿਤ ਆਬੂ ਧਾਬੀ ‘ਚ ਭਾਰੀ ਜਸ਼ਨ ਦੇਖਣ ਨੂੰ ਮਿਲੀਆ ਹੈ। ਦਾਅਵੇ ਮੁਤਾਬਕ ਅਬੂ ਧਾਬੀ ਨੇ ਨਵੇਂ ਸਾਲ 2025 ਦੇ ਮੌਕੇ ‘ਤੇ ਜਸ਼ਨਾਂ ਦੇ ਮਾਮਲੇ ‘ਚ ਗਿਨੀਜ਼ ਵਰਲਡ ਰਿਕਾਰਡ ਬਣਾਇਆ ਹੈ।
ਮਹਿਲਾ ਦਾ ਕਹਿਣਾ ਹੈ ਕਿ ਆਬੂ ਧਾਬੀ ਨੇ ਲਗਭਗ ਇੱਕ ਘੰਟੇ ਤੱਕ ਆਤਿਸ਼ਬਾਜ਼ੀ ਚਲਾ ਕੇ ਪਟਾਕਿਆਂ ਦੇ ਮਾਮਲੇ ‘ਚ ਗਿਨੀਜ਼ ਵਰਲਡ ਰਿਕਾਰਡ ਤੋੜ ਦਿੱਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇੱਕ ਰਿਪੋਰਟ ਮੁਤਾਬਕ ਸਭ ਤੋਂ ਲੰਬੇ ਸਮੇਂ ਤੱਕ ਪਟਾਕੇ ਚਲਾਉਣ ਦਾ ਰਿਕਾਰਡ ਫਿਲੀਪੀਂਸ ਦੇ ਨਾਂ ਹੈ। ਪਰ ਤੁਸੀਂ ਵੀਡੀਓ ਦੇਖ ਕੇ ਆਤਿਸ਼ਬਾਜ਼ੀ ਦਾ ਮਜ਼ਾ ਲੈ ਸਕਦੇ ਹੋ।
ਆਤਿਸ਼ਬਾਜ਼ੀ ਇੰਨੀ ਦੇਰ ਤੱਕ ਚੱਲੀ…
ਇਸ ਵੀਡੀਓ ਨੂੰ ਰਿਕਾਰਡ ਕਰਨ ਵਾਲੀ ਮਹਿਲਾ ਇੰਫਰੁਲਾਂਸਰ ਦੱਸਦੀ ਹੈ ਕਿ ਆਬੂ ਧਾਬੀ ਨੇ 53 ਮਿੰਟਾਂ ਤੋਂ ਵੱਧ ਸਮੇਂ ਤੱਕ ਪਟਾਕੇ ਚਲਾ ਕੇ ਪਟਾਕਿਆਂ ਦਾ ਗਿਨੀਜ਼ ਵਰਲਡ ਰਿਕਾਰਡ ਤੋੜ ਦਿੱਤਾ ਹੈ। ਕਰੀਬ 28 ਸੈਕਿੰਡ ਦੀ ਕਲਿੱਪ ‘ਚ ਧੂੰਏਂ ਦੀ ਆਤਿਸ਼ਬਾਜ਼ੀ ਵੀ ਵੇਖੀ ਜਾ ਸਕਦੀ ਹੈ। ਝੂਲੇ ਮੇਲੇ ਦੇ ਖੇਤਰ ‘ਚ ਬਹੁਤ ਸ਼ਕਤੀਸ਼ਾਲੀ ਆਤਿਸ਼ਬਾਜ਼ੀ ਹੁੰਦੀ ਹੈ। ਇਸ ਦੌਰਾਨ ਉਥੇ ਖੜ੍ਹੇ ਲੋਕ ਵੀ ਖੂਬ ਆਨੰਦ ਨਾਲ ਆਤਿਸ਼ਬਾਜ਼ੀ ਦੇਖਦੇ ਰਹੇ।
View this post on Instagram
ਨਵੇਂ ਸਾਲ ਦਾ ਇੰਨਾ ਸ਼ਾਨਦਾਰ ਸਵਾਗਤ ਦੇਖ ਕੇ ਲੋਕਾਂ ਦੀਆਂ ਅੱਖਾਂ ਚਮਕ ਜਾਂਦੀਆਂ ਹਨ। ਆਤਿਸ਼ਬਾਜ਼ੀ ਨਾਲ ਚਮਕਦੇ ਅਸਮਾਨ ਨੂੰ ਦੇਖ ਕੇ ਲੋਕ ਬਹੁਤ ਖੁਸ਼ ਵੇਖੇ ਜਾ ਸਕਦੇ ਹਨ। ਇੰਸਟਾਗ੍ਰਾਮ ‘ਤੇ ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ, @cuptaleswithsafia ਨੇ ਲਿਖਿਆ- ਅਬੂ ਧਾਬੀ ਨੇ 50+ ਮਿੰਟਾਂ ਦੀ ਆਤਿਸ਼ਬਾਜ਼ੀ ਨਾਲ ਗਿਨੀਜ਼ ਵਰਲਡ ਰਿਕਾਰਡ ਤੋੜਿਆ। 2025 ਦੀਆਂ ਮੁਬਾਰਕਾਂ! ਕਿੰਨਾ ਸ਼ਾਨਦਾਰ ਦ੍ਰਿਸ਼।
ਇਹ ਵੀ ਪੜ੍ਹੋ
ਖ਼ਬਰ ਲਿਖੇ ਜਾਣ ਤੱਕ ਇਸ ਰੀਲ ਨੂੰ 4 ਲੱਖ 90 ਹਜ਼ਾਰ ਤੋਂ ਵੱਧ ਵਿਊਜ਼ ਅਤੇ 21 ਹਜ਼ਾਰ ਤੋਂ ਵੱਧ ਲਾਈਕਸ ਮਿਲ ਚੁੱਕੇ ਹਨ। ਕੂਮੈਂਟ ਸ਼ੈਕਸ਼ਨ ‘ਚ 200 ਤੋਂ ਵੱਧ ਪ੍ਰਤੀਕਿਰਿਆਵਾਂ ਵੀ ਪ੍ਰਾਪਤ ਹੋਈਆਂ ਹਨ।
