OMG!: ਔਰਤਾਂ ਦੀ ਟੋਲੀ ਵਿੱਚ ਮੁੰਡੇ ਨੇ ਕੁੜੀਆਂ ਵਾਂਗ ਲਗਾਏ ਠੁਮਕੇ, VIDEO ਦੇਖ ਕੇ ਯੂਜ਼ਰਸ ਨੇ ਰੱਜ ਕੇ ਲਏ ਮਜੇ
ਕਹਿੰਦੇ ਹਨ ਕਿ ਟੈਲੇਂਟ ਕਦੇ ਵੀ ਕਿਸੇ ਦਾ ਮੁਥਾਜ ਨਹੀਂ ਹੁੰਦਾ ; ਇਸਨੂੰ ਤਾਂ ਬੱਸ ਮੌਕਾ ਚਾਹੀਦਾ ਹੁੰਦਾ ਹੈ ਆਪਣਾ ਨਾਮ ਬਣਾਉਣ ਦਾ! ਇਹ ਗੱਲ ਇਸ ਮੁੰਡੇ ਦੀ ਪਰਫਾਰਮੈਂਸ 'ਤੇ ਪੂਰੀ ਤਰ੍ਹਾਂ ਢੁੱਕਵੀਂ ਬੈਠਦੀ ਹੈ, ਜੋ ਕਿ ਇਨ੍ਹੀਂ ਦਿਨੀਂ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਯੂਜਰਸ ਇਸ ਵੀਡੀਓ ਨੂੰ ਰੱਜ ਕੇ ਸ਼ੇਅਰ ਕਰ ਰਹੇ ਹਨ।
ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਵਾਲੇ ਕਈ ਵੀਡੀਓ ਅਜਿਹੇ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਸਮਝ ਆ ਜਾਉਂਦਾ ਹੈ ਕਿ ਪ੍ਰਤਿਭਾ ਨੂੰ ਕਿਸੇ ਪਛਾਣ ਦੀ ਲੋੜ ਨਹੀਂ ਹੁੰਦੀ ਹੈ। ਨਾ ਤਾਂ ਉਮਰ, ਨਾ ਸਥਾਨ, ਨਾ ਹੀ ਹਾਲਾਤ ਮਾਇਨੇ ਰੱਖਦੇ ਹਨ। ਅਸਲ ਵਿੱਚ ਮਾਇਨੇ ਰੱਖਦਾ ਹੈ ਆਤਮ-ਵਿਸ਼ਵਾਸ ਅਤੇ ਆਪਣੀ ਪ੍ਰਤਿਭਾ ਨੂੰ ਦੁਨੀਆ ਦੇ ਸਾਹਮਣੇ ਪ੍ਰਦਰਸ਼ਿਤ ਕਰਨ ਦਾ ਜਨੂੰਨ। ਇਹੀ ਕਾਰਨ ਹੈ ਕਿ ਕੁਝ ਲੋਕ ਇੰਨੇ ਘੱਟ ਸਮੇਂ ਵਿੱਚ ਹੀ ਫਰਸ਼ ਤੋਂ ਅਰਸ਼ ਤੱਕ ਪਹੁੰਚ ਜਾਂਦੇ ਹਨ। ਹਾਲਾਂਕਿ, ਕਈ ਵਾਰ ਸਾਨੂੰ ਅਜਿਹੇ ਡਾਂਸ ਵੀਡੀਓ ਵੀ ਵੇਖਣ ਨੂੰ ਮਿਲਦੇ ਹਨ ਜੋ ਲੋਕਾਂ ਨੂੰ ਸੋਚਣ ਲਈ ਮਜਬੂਰ ਕਰਦੇ ਹਨ। ਹਾਲ ਹੀ ਵਿੱਚ ਇੱਕ ਅਜਿਹਾ ਹੀ ਵੀਡੀਓ ਸਾਹਮਣੇ ਆਇਆ ਹੈ।
ਵੀਡੀਓ ਕਿਸੇ ਪਿੰਡ ਜਾਂ ਛੋਟੇ ਸ਼ਹਿਰ ਦਾ ਮਾਹੌਲ ਦਾ ਲੱਗਦਾ ਹੈ। ਔਰਤਾਂ ਇੱਕ ਖੁੱਲ੍ਹੇ ਵਿਹੜੇ ਵਿੱਚ ਬੈਠੀਆਂ ਕੀਰਤਨ ਕਰ ਰਹੀਆਂ ਹਨ ਅਤੇ ਇੱਕ ਮੁੰਡਾ ਵਿਚਕਾਰ ਖੜ੍ਹਾ ਹੈ ਅਤੇ ਇੱਕ ਗੀਤ ‘ਤੇ ਨੱਚਣਾ ਸ਼ੁਰੂ ਕਰ ਦਿੰਦਾ ਹੈ। ਪਹਿਲਾਂ ਤਾਂ ਸਭ ਕੁਝ ਆਮ ਲੱਗਦਾ ਹੈ, ਜਿਵੇਂ ਕਿ ਉਹ ਹਲਕੀ-ਫੁਲਕੀ ਮਸਤੀ ਕਰ ਰਿਹਾ ਹੋਵੇ। ਪਰ ਜਿਵੇਂ-ਜਿਵੇਂ ਸੰਗੀਤ ਉੱਚਾ ਹੁੰਦਾ ਜਾਂਦਾ ਹੈ, ਉਸਦਾ ਉਤਸ਼ਾਹ ਦੁੱਗਣਾ ਹੋ ਜਾਂਦਾ ਹੈ। ਸਾਹਮਣੇ ਆਉਣ ਵਾਲਾ ਨਜਾਰਾ ਹਰ ਕਿਸੇ ਨੂੰ ਹੈਰਾਨ ਕਰ ਦਿੰਦਾ ਹੈ।
ਵੀਡੀਓ ਦੇਖੋ
View this post on Instagram
ਮੁੰਡੇ ਦਾ ਡਾਂਸ ਸਿਰਫ਼ ਠੁਮਕਿਆਂ ਤੱਕ ਹੀ ਸੀਮਿਤ ਨਹੀਂ ਹੈ। ਉਹ ਹਰ ਕਦਮ ਨੂੰ ਚਿਹਰੇ ਦੇ ਐਕਸਪ੍ਰੈਸ਼ਨ ਅਤੇ ਅੱਖਾਂ ਦੇ ਇਸ਼ਾਰਿਆਂ ਨਾਲ ਇੰਝ ਜੋੜਦਾ ਹੈ, ਜਿਸ ਨਾਲ ਪੂਰੀ ਪਰਫਾਰਮੈਂਸ ਵਿੱਚ ਜਾਨ ਆ ਜਾਂਦੀ ਹੈ। ਕਈ ਵਾਰ, ਉਹ ਸ਼ਰਮੀਲੀ ਕੁੜੀ ਵਾਂਗ ਆਪਣੀਆਂ ਨਜ਼ਰਾਂ ਨੀਵੀਆਂ ਕਰ ਲੈਂਦਾ ਹੈ, ਅਤੇ ਕਈ ਵਾਰ, ਉਹ ਆਪਣੇ ਨਾਜ਼ੁਕ ਮੂਵਮੈਂਟ ਨਾਲ ਗੀਤ ਨੂੰ ਹੋਰ ਵੀ ਅਸਰਦਾਰ ਬਣਾ ਦਿੰਦਾ ਹੈ। ਉਸਦੀ ਐਕਟਿੰਗ ਇੰਨੀ ਕੁਦਰਤੀ ਹੈ ਕਿ ਦਰਸ਼ਕ ਸੋਚਣ ਲੱਗ ਪੈਂਦੇ ਹਨ ਕਿ ਇਹ ਸੱਚਮੁੱਚ ਮੁੰਡਾ ਹੈ ਜਾਂ ਕੁੜੀ। ਇਸੇ ਕਰਕੇ ਇਸ ਵੀਡੀਓ ਦੀ ਆਨਲਾਈਨ ਵਿਆਪਕ ਚਰਚਾ ਹੋ ਰਹੀ ਹੈ।
ਇਸ ਵੀਡੀਓ ਨੂੰ ਦੇਖਣ ਤੋਂ ਸਾਫ਼ ਪਤਾ ਲੱਗਦਾ ਹੈ ਕਿ ਪੇਂਡੂ ਖੇਤਰਾਂ ਵਿੱਚ ਵੀ ਕਿੰਨੀ ਛੁਪੀ ਹੋਈ ਪ੍ਰਤਿਭਾ ਮੌਜੂਦ ਹੈ। ਇਹ ਕਲਿੱਪ ਇੰਸਟਾਗ੍ਰਾਮ ‘ਤੇ corporate_vala0001 ਨਾਮ ਦੇ ਅਕਾਊਂਟ ਦੁਆਰਾ ਸਾਂਝੀ ਕੀਤੀ ਗਈ ਸੀ। ਲੋਕ ਇਸਨੂੰ ਵਾਰ-ਵਾਰ ਦੇਖ ਰਹੇ ਹਨ ਅਤੇ ਕਈ ਤਰ੍ਹਾਂ ਦੇ ਕੁਮੈਂਟਸ ਕਰ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ, “ਜੇਕਰ ਕੈਪਸ਼ਨ ਨਾ ਹੁੰਦਾ, ਤਾਂ ਮੈਂ ਉਸਨੂੰ ਕੁੜੀ ਸਮਝ ਲੈਂਦਾ।” ਇੱਕ ਹੋਰ ਨੇ ਲਿਖਿਆ, “ਭਰਾ, ਤੁਸੀਂ ਬਹੁਤ ਚੰਗਾ ਕਰ ਸਕਦੇ ਹੋ।” ਕਈਆਂ ਨੇ ਤਾਂ ਇਹ ਵੀ ਲਿਖਿਆ ਕਿ ਇਸ ਮੁੰਡੇ ਨੂੰ ਫਿਲਮਾਂ ਜਾਂ ਸਟੇਜ ਸ਼ੋਅ ਵਿੱਚ ਆਉਣ ਦਾ ਮੌਕਾ ਦਿੱਤਾ ਜਾਣਾ ਚਾਹੀਦਾ ਹੈ ਕਿਉਂਕਿ ਉਸ ਵਿੱਚ ਜਬਰਦਸਤ ਟੈਲੇਂਟ ਹੈ।
