ਵੱਧੇ ਹੋਏ ਭਾਰ ਦਾ ਸ਼ਿਕਾਰ ਹੋਇਆ ਇਹ ਭਾਰਤੀ ਖਿਡਾਰੀ, ਇੰਨ੍ਹੇ ਸਾਲਾਂ ਲਈ ਹੋਇਆ ਬਾਹਰ

ਸਟਾਰ ਭਾਰਤੀ ਪਹਿਲਵਾਨ ਅਮਨ ਸੇਹਰਾਵਤ ਦਾ ਭਾਰ ਜ਼ਿਆਦਾ ਪਾਇਆ ਗਿਆ ਹੈ। ਜ਼ਿਆਦਾ ਭਾਰ ਪਾਏ ਜਾਣ ਕਰਕੇ ਭਾਰਤੀ ਕੁਸ਼ਤੀ ਸੰਘ (WFI) ਨੇ ਉਨ੍ਹਾਂ ‘ਤੇ ਪਾਬੰਦੀ ਲਗਾ ਦਿੱਤੀ। ਅਮਨ ਸੇਹਰਾਵਤ ਨੇ ਪੈਰਿਸ ਓਲੰਪਿਕ ਵਿੱਚ ਭਾਰਤ ਲਈ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਸੇਹਰਾਵਤ ਪੁਰਸ਼ਾਂ ਦੀ ਫ੍ਰੀਸਟਾਈਲ ਕੁਸ਼ਤੀ ਵਿੱਚ 57 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰਦਾ ਹੈ। ਹਾਲਾਂਕਿ, ਹੁਣ ਉਸ ਵਿਰੁੱਧ ਕਾਰਵਾਈ ਕੀਤੀ ਗਈ ਹੈ ਕਿਉਂਕਿ ਉਹ ਸੀਨੀਅਰ ਵਿਸ਼ਵ ਚੈਂਪੀਅਨਸ਼ਿਪ ਤੋਂ ਪਹਿਲਾਂ ਨਿਰਧਾਰਤ ਭਾਰ ਸੀਮਾ ਤੱਕ ਪਹੁੰਚਣ ਵਿੱਚ ਅਸਫਲ ਰਿਹਾ ਸੀ।

ਵੱਧੀਆਂ ਭਾਰ ਬਣਿਆ ਅਮਨ ਲਈ ਸਮੱਸਿਆ

22 ਸਾਲਾ ਅਮਨ ਸਹਿਰਾਵਤ ਨੂੰ ਸੀਨੀਅਰ ਵਿਸ਼ਵ ਚੈਂਪੀਅਨਸ਼ਿਪ ਦੇ ਦਿਨ 1.7 ਕਿਲੋਗ੍ਰਾਮ ਭਾਰ ਸੀਮਾ ਤੋਂ ਵੱਧ ਪਾਇਆ ਗਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਅਯੋਗ ਕਰਾਰ ਦਿੱਤਾ ਗਿਆ। ਉਨ੍ਹਾਂ ਨੂੰ ਇੱਕ ਸਾਲ ਲਈ ਸਾਰੀਆਂ ਕੁਸ਼ਤੀ ਗਤੀਵਿਧੀਆਂ ਤੋਂ ਵੀ ਮੁਅੱਤਲ ਕਰ ਦਿੱਤਾ ਗਿਆ ਹੈ।

ਇੱਕ ਸਾਲ ਦੀ ਪਾਬੰਦੀ

WFI ਨੇ ਅਮਨ ਸਹਿਰਾਹਤ ‘ਤੇ ਪਾਬੰਦੀ ਲਗਾਉਣ ਵਾਲਾ ਇੱਕ ਪੱਤਰ ਭੇਜਿਆ, ਜਿਸ ਵਿੱਚ ਕਿਹਾ ਗਿਆ, “ਤੁਹਾਨੂੰ ਕਾਰਨ ਦੱਸੋ ਨੋਟਿਸ ਦੀ ਤਾਰੀਖ ਤੋਂ ਇੱਕ ਸਾਲ ਲਈ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਸਾਰੀਆਂ ਕੁਸ਼ਤੀ ਨਾਲ ਸਬੰਧਤ ਗਤੀਵਿਧੀਆਂ ਤੋਂ ਮੁਅੱਤਲ ਕੀਤਾ ਜਾਂਦਾ ਹੈ। ਇਹ ਫੈਸਲਾ ਅੰਤਿਮ ਹੈ। ਮੁਅੱਤਲੀ ਦੀ ਮਿਆਦ ਦੇ ਦੌਰਾਨ, ਤੁਹਾਨੂੰ WFI ਦੁਆਰਾ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਆਯੋਜਿਤ ਜਾਂ ਮਨਜ਼ੂਰ ਕੀਤੀਆਂ ਗਈਆਂ ਕਿਸੇ ਵੀ ਗਤੀਵਿਧੀਆਂ ਵਿੱਚ ਹਿੱਸਾ ਲੈਣ ਜਾਂ ਜੁੜਨ ਤੋਂ ਵਰਜਿਤ ਕੀਤਾ ਗਿਆ ਹੈ।”

ਮੰਗਿਆ ਸੀ ਸਪੱਸ਼ਟੀਕਰਨ

ਭਾਰਤੀ ਕੁਸ਼ਤੀ ਸੰਘ ਨੇ 23 ਸਤੰਬਰ, 2025 ਨੂੰ ਅਮਨ ਸਹਿਰਾਵਤ ਨੂੰ ਇੱਕ ਪੱਤਰ ਲਿਖਿਆ, ਜਿਸ ਵਿੱਚ ਉਨ੍ਹਾਂ ਨੂੰ ਇਹ ਦੱਸਣ ਲਈ ਕਿਹਾ ਗਿਆ ਕਿ ਚੈਂਪੀਅਨਸ਼ਿਪ ਦੌਰਾਨ ਭਾਰ ਵਿੱਚ ਗਲਤੀ ਕਿਵੇਂ ਹੋਈ। WFI ਦੇ ਅਨੁਸਾਰ, ਸਹਿਰਾਵਤ ਨੇ 29 ਸਤੰਬਰ ਨੂੰ ਆਪਣਾ ਸਪੱਸ਼ਟੀਕਰਨ ਪੇਸ਼ ਕੀਤਾ, ਪਰ ਅਨੁਸ਼ਾਸਨੀ ਕਮੇਟੀ ਇਸ ਨਾਲ ਅਸਹਿਮਤ ਸੀ। ਅਮਨ ਸਹਿਰਾਵਤ ‘ਤੇ ਪਾਬੰਦੀ 22 ਸਤੰਬਰ, 2026 ਤੱਕ ਲਾਗੂ ਰਹੇਗੀ।

ਸੇਹਰਾਵਤ ਨੂੰ ਲਿਖੇ ਇੱਕ ਪੱਤਰ ਵਿੱਚ, WFI ਨੇ ਕਿਹਾ ਕਿ ਅਨੁਸ਼ਾਸਨੀ ਕਮੇਟੀ ਨੇ 29 ਸਤੰਬਰ, 2025 ਨੂੰ ਤੁਹਾਡੇ ਜਵਾਬ ਦੀ ਵਿਧੀਵਤ ਸਮੀਖਿਆ ਕੀਤੀ। ਮੁੱਖ ਕੋਚ ਅਤੇ ਸਹਾਇਕ ਕੋਚਿੰਗ ਸਟਾਫ ਤੋਂ ਹੋਰ ਸਪੱਸ਼ਟੀਕਰਨ ਮੰਗੇ ਗਏ ਸਨ। ਪੂਰੀ ਜਾਂਚ ਤੋਂ ਬਾਅਦ, ਕਮੇਟੀ ਨੇ ਤੁਹਾਡਾ ਜਵਾਬ ਅਸੰਤੁਸ਼ਟੀਜਨਕ ਪਾਇਆ ਅਤੇ ਸਖ਼ਤ ਅਨੁਸ਼ਾਸਨੀ ਕਾਰਵਾਈ ਕਰਨ ਦਾ ਫੈਸਲਾ ਕੀਤਾ ਹੈ।

ਇਹ ਵੀ ਪੜ੍ਹੋ

ਕੋਲਕਾਤਾ 'ਚ ਲਿਓਨਲ ਮੇਸੀ ਦੇ ਫੈਨਸ ਵੱਲੋਂ ਹੰਗਾਮਾ, ਸਟੇਡੀਅਮ ਵਿੱਚ ਭੜਕੇ ਲੋਕ

ਟੀਮ ਇੰਡੀਆ ਦੀ ਹਾਰ ਤੋਂ ਬਾਅਦ ਗੌਤਮ ਗੰਭੀਰ ਨਾਲ ਭਿੜੇ ਹਾਰਦਿਕ ਪੰਡਯਾ?

ਵਿਨੇਸ਼ ਫੋਗਾਟ ਦਾ ਰਿਟਾਇਰਮੈਂਟ ਤੋਂ ਯੂ-ਟਰਨ, ਦੁਬਾਰਾ ਓਲੰਪਿਕ 'ਚ ਲਵੇਗੀ ਹਿੱਸਾ