IPL 2025: ਮੁੰਬਈ ਇੰਡੀਅਨਜ਼ ਲਈ ਖੇਡੇਗਾ ਚੰਡੀਗੜ੍ਹ ਦਾ ਰਾਜ ਅੰਗਦ ਬਾਵਾ, ਇੰਜਰੀ ਦੇ ਬਾਵਜੂਦ ਅਭਿਆਸ ਰੱਖਿਆ ਸੀ ਜਾਰੀ
ਚੰਡੀਗੜ੍ਹ ਦੇ 20 ਸਾਲਾ ਕ੍ਰਿਕਟਰ ਰਾਜ ਅੰਗਦ ਬਾਵਾ ਆਈਪੀਐਲ 2025 ਵਿੱਚ ਮੁੰਬਈ ਇੰਡੀਅਨਜ਼ ਲਈ ਖੇਡਣਗੇ। ਪਿਛਲੀ ਵਾਰ ਆਈਪੀਐਲ ਵਿੱਚ ਬਾਵਾ ਨੂੰ ਪੰਜਾਬ ਕਿੰਗਜ਼ ਨੇ ਖਰੀਦਿਆ ਸੀ ਪਰ ਸੱਟ ਕਾਰਨ ਉਹ ਦੋ ਮੈਚ ਖੇਡ ਕੇ ਬਾਹਰ ਹੋ ਗਏ ਸਨ। ਸੱਟ ਦੇ ਬਾਵਜੂਦ ਉਸ ਨੇ ਅਭਿਆਸ ਜਾਰੀ ਰੱਖਿਆ ਅਤੇ ਹੁਣ ਉਹ ਨਵੀਂ ਟੀਮ ਦਾ ਹਿੱਸਾ ਬਣ ਗਿਆ ਹੈ।
ਕ੍ਰਿਕਟਰ ਰਾਜ ਅੰਗਦ ਬਾਵਾ ਚੰਡੀਗੜ੍ਹ ਦਾ ਇਕਲੌਤਾ ਖਿਡਾਰੀ ਹੈ ਜੋ ਆਈ.ਪੀ.ਐੱਲ. ਲਈ ਖਰੀਦਿਆਂ ਗਿਆ ਹੈ। ਉਸ ਨੂੰ ਮੁੰਬਈ ਇੰਡੀਅਨਜ਼ ਨੇ ਖਰੀਦਿਆ ਹੈ। ਉਹ ਸੈਕਟਰ 16 ਦੇ ਕ੍ਰਿਕਟ ਸਟੇਡੀਅਮ ਵਿੱਚ ਆਪਣੇ ਪਿਤਾ ਸੁਖਵਿੰਦਰ ਨਾਲ ਅਭਿਆਸ ਕਰਦਾ ਹੈ। ਹੁਣ ਤੱਕ ਉਹ ਵਿਸ਼ਵ ਕੱਪ ਅਤੇ ਰਣਜੀ ਟਰਾਫੀ ਖੇਡ ਚੁੱਕਾ ਹੈ। ਪਿਛਲੀ ਵਾਰ ਪੰਜਾਬ ਕਿੰਗਜ਼ ਟੀਮ ਵਿੱਚ ਹੋਣ ਦੇ ਬਾਵਜੂਦ ਉਹ ਇੰਜਰੀ ਕਾਰਨ ਨਹੀਂ ਖੇਡ ਸਕਿਆ ਸੀ। ਇਸ ਵਾਰ ਚੰਡੀਗੜ੍ਹ ਦੇ ਨਾਲ-ਨਾਲ ਦੇਸ਼ ਭਰ ਦੇ ਕ੍ਰਿਕਟ ਪ੍ਰੇਮੀਆਂ ਦੀ ਉਸ ‘ਤੇ ਨਜ਼ਰ ਰਹੇਗੀ।
ਚੰਡੀਗੜ੍ਹ ਦੇ 20 ਸਾਲਾ ਕ੍ਰਿਕਟਰ ਰਾਜ ਅੰਗਦ ਬਾਵਾ ਆਈਪੀਐਲ 2025 ਵਿੱਚ ਮੁੰਬਈ ਇੰਡੀਅਨਜ਼ ਲਈ ਖੇਡਣਗੇ। ਪਿਛਲੀ ਵਾਰ ਆਈਪੀਐਲ ਵਿੱਚ ਬਾਵਾ ਨੂੰ ਪੰਜਾਬ ਕਿੰਗਜ਼ ਨੇ ਖਰੀਦਿਆ ਸੀ ਪਰ ਸੱਟ ਕਾਰਨ ਉਹ ਦੋ ਮੈਚ ਖੇਡ ਕੇ ਬਾਹਰ ਹੋ ਗਏ ਸਨ। ਸੱਟ ਦੇ ਬਾਵਜੂਦ ਉਸ ਨੇ ਅਭਿਆਸ ਜਾਰੀ ਰੱਖਿਆ ਅਤੇ ਹੁਣ ਉਹ ਨਵੀਂ ਟੀਮ ਦਾ ਹਿੱਸਾ ਬਣ ਗਿਆ ਹੈ।
ਰਾਜ ਨੂੰ ਖੇਡਾਂ ਦਾ ਮਾਹੌਲ ਘਰ ਤੋਂ ਹੀ ਮਿਲਿਆ। ਉਸ ਦੇ ਪਿਤਾ ਵੀ ਕ੍ਰਿਕਟ ਕੋਚ ਹਨ, ਜਿਨ੍ਹਾਂ ਨੇ ਯੁਵਰਾਜ ਸਿੰਘ ਨੂੰ ਤਿਆਰ ਕੀਤਾ ਸੀ। ਉਸ ਦੇ ਪਿਤਾ ਸੁਖਵਿੰਦਰ ਨੇ ਉਸ ਨੂੰ ਸੈਕਟਰ 16 ਦੇ ਕ੍ਰਿਕਟ ਸਟੇਡੀਅਮ ਵਿੱਚ ਅਭਿਆਸ ਕਰਵਾਇਆ। ਅੰਗਦ ਸਾਲ 2023 ਵਿੱਚ ਵੈਸਟਇੰਡੀਜ਼ ਵਿੱਚ ਹੋਏ ਵਿਸ਼ਵ ਕੱਪ ਟੂਰਨਾਮੈਂਟ ਵਿੱਚ ਮੈਨ ਆਫ ਦਾ ਸੀਰੀਜ਼ ਰਿਹਾ ਸੀ। ਜਦਕਿ ਇਸੇ ਸਾਲ ਰਣਜੀ ਟਰਾਫੀ ‘ਚ ਅੰਗਦ ਨੇ ਅਸਮ ਖਿਲਾਫ 145 ਦੌੜਾਂ ਬਣਾਈਆਂ ਸਨ। ਚੰਡੀਗੜ੍ਹ ਵਿੱਚ ਰਣਜੀ ਟਰਾਫੀ ਵਿੱਚ 91 ਦੌੜਾਂ ਬਣਾਈਆਂ।
ਕਈ ਖਿਡਾਰੀ ਲੈ ਚੁੱਕੇ ਨੇ ਕੋਚਿੰਗ
ਅੰਗਦ ਦੇ ਪਿਤਾ ਸੁਖਵਿੰਦਰ ਨੇ ਦੱਸਿਆ ਕਿ ਕਈ ਅੰਤਰਰਾਸ਼ਟਰੀ ਖਿਡਾਰੀ ਉਹਨਾਂ ਤੋਂ ਕੋਚਿੰਗ ਲੈ ਚੁੱਕੇ ਹਨ। ਇਨ੍ਹਾਂ ਵਿੱਚ ਯੁਵਰਾਜ ਸਿੰਘ, ਵੀਆਰਵੀ ਸਿੰਘ, ਰੀਨਾ ਮਲਹੋਤਰਾ, ਵੇਦ ਕ੍ਰਿਸ਼ਨਾ ਵਰਗੇ ਖਿਡਾਰੀ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਉਸ ਤੋਂ ਕੋਚਿੰਗ ਲੈਣ ਵਾਲੇ ਉਦੈ ਕੌਲ, ਕਰਨਵੀਰ ਅਤੇ ਸਰਲ ਕੰਵਰ ਵਰਗੇ ਖਿਡਾਰੀ ਆਈ.ਪੀ.ਐੱਲ.ਖੇਡ ਚੁੱਕੇ ਹਨ।
ਸੈਕਟਰ 50 ਵਾਸੀ ਸੁਖਵਿੰਦਰ ਬਾਵਾ ਨੇ ਦੱਸਿਆ ਕਿ ਰਾਜ ਅੰਗਦ ਚੰਡੀਗੜ੍ਹ ਯੂਨੀਵਰਸਿਟੀ ਤੋਂ ਗ੍ਰੈਜੂਏਸ਼ਨ ਕਰ ਰਿਹਾ ਹੈ। ਉਹ ਬਹੁਤ ਖੁਸ਼ ਹਨ ਕਿ ਉਹਨਾਂ ਦਾ ਬੇਟਾ ਉਸ ਟੀਮ ਲਈ ਖੇਡੇਗਾ ਜਿਸ ਵਿੱਚ ਬੁਮਰਾਹ ਵਰਗੇ ਗੇਂਦਬਾਜ਼, ਹਾਰਦਿਕ ਪਾਂਡੇ ਵਰਗੇ ਆਲਰਾਊਂਡਰ ਅਤੇ ਰੋਹਿਤ ਸ਼ਰਮਾ ਵਰਗੇ ਬੱਲੇਬਾਜ਼ ਹਨ। ਅੰਗਦ ਚੰਡੀਗੜ੍ਹ ਤੋਂ ਆਈਪੀਐਲ ਖੇਡਣ ਵਾਲਾ ਇਕਲੌਤਾ ਖਿਡਾਰੀ ਹੈ। ਉਸਦੇ ਪਿਤਾ ਸੈਕਟਰ 16 ਦੇ ਕ੍ਰਿਕਟ ਸਟੇਡੀਅਮ ਵਿੱਚ ਅਭਿਆਸ ਕਰਦੇ ਹਨ।
ਇਹ ਵੀ ਪੜ੍ਹੋ
ਹਾਕੀ ਦੇ ਖਿਡਾਰੀ ਸਨ ਦਾਦਾ ਜੀ
ਦਾਦਾ ਇੱਕ ਓਲੰਪਿਕ ਹਾਕੀ ਤਮਗਾ ਜੇਤੂ ਹੈ ਅਤੇ ਪਿਤਾ ਇੱਕ ਮਸ਼ਹੂਰ ਮੁੱਖ ਕ੍ਰਿਕਟ ਕੋਚ ਹਨ। ਰਾਜ ਅੰਗਦ ਬਾਵਾ ਮਹਿਜ਼ ਪੰਜ ਸਾਲ ਦਾ ਸੀ ਜਦੋਂ ਉਸ ਦੇ ਓਲੰਪਿਕ ਹਾਕੀ ਤਮਗਾ ਜੇਤੂ ਦਾਦਾ ਤਰਲੋਚਨ ਬਾਵਾ ਦਾ ਦਿਹਾਂਤ ਹੋ ਗਿਆ। ਦਾਦਾ 1948 ਦੀਆਂ ਲੰਡਨ ਓਲੰਪਿਕ ਖੇਡਾਂ ਵਿੱਚ ਭਾਰਤੀ ਟੀਮ ਦਾ ਹਿੱਸਾ ਸਨ। ਰਾਜ ਇੱਕ ਤੇਜ਼ ਗੇਂਦਬਾਜ਼ ਆਲਰਾਊਂਡਰ ਹੈ। ਉਨ੍ਹਾਂ ਨੇ ਅੰਡਰ-19 ਵਿਸ਼ਵ ਕੱਪ ‘ਚ ਸ਼ਿਕਾਰ ਧਵਨ ਦਾ ਰਿਕਾਰਡ ਤੋੜ ਦਿੱਤਾ। ਰਾਜ ਨੇ 2004 ਵਿਸ਼ਵ ਕੱਪ ‘ਚ ਸਕਾਟਲੈਂਡ ਦੇ ਖਿਲਾਫ 155 ਦੌੜਾਂ ਬਣਾਈਆਂ ਸਨ, ਰਾਜ ਨੇ ਯੁਗਾਂਡਾ ਖਿਲਾਫ 108 ਗੇਂਦਾਂ ‘ਚ 162 ਦੌੜਾਂ ਬਣਾ ਕੇ ਧਵਨ ਦਾ ਰਿਕਾਰਡ ਤੋੜ ਦਿੱਤਾ ਸੀ।
ਮੁੰਬਈ ਇੰਡੀਅਨਜ਼ ਨੇ ਖਰੀਦਦਾਰੀ ਕੀਤੀ
ਮੰਗਲਵਾਰ ਨੂੰ ਵਿਸ਼ਾਖਾਪਟਨਮ ਵਿੱਚ ਹੋਏ ਸਈਅਦ ਮੁਸ਼ਤਾਕ ਅਲੀ ਮੁਕਾਬਲੇ ਵਿੱਚ ਰਾਜ ਬਾਵਾ ਨੇ 18 ਗੇਂਦਾਂ ਵਿੱਚ 31 ਦੌੜਾਂ ਬਣਾਈਆਂ ਅਤੇ ਤਿੰਨ ਵਿਕਟਾਂ ਲਈਆਂ। ਜਦਕਿ ਪਿਛਲੇ ਸਾਲ ਰਣਜੀ ਟਰਾਫੀ ‘ਚ ਉਸ ਨੇ ਪਾਂਡੀਚੇਰੀ ਖਿਲਾਫ 35 ਗੇਂਦਾਂ ‘ਚ 61 ਦੌੜਾਂ ਬਣਾਈਆਂ ਸਨ। ਕੁਝ ਦਿਨ ਪਹਿਲਾਂ ਉਸ ਨੇ ਰਣਜੀ ਟਰਾਫੀ ‘ਚ ਅਸਮ ਖਿਲਾਫ 146 ਦੌੜਾਂ ਬਣਾਈਆਂ ਸਨ। ਰਣਜੀ ਟਰਾਫੀ ਦੇ ਇੱਕ ਹੋਰ ਮੈਚ ਵਿੱਚ ਉਸ ਨੇ 85 ਗੇਂਦਾਂ ਵਿੱਚ 91 ਦੌੜਾਂ ਬਣਾਈਆਂ। ਇਸ ਪ੍ਰਦਰਸ਼ਨ ਨੂੰ ਦੇਖਦੇ ਹੋਏ ਮੁੰਬਈ ਇੰਡੀਅਨਜ਼ ਨੇ ਉਸ ਦੀ ਚੋਣ ਕੀਤੀ।
