ਜਲੰਧਰ: ਲੁਟੇਰੇ ਨੂੰ ਕਾਬੂ ਕਰਨ ਲਈ ਰਾਹਗੀਰ ਨੇ ਦਿਖਾਈ ਹਿੰਮਤ, ਟੱਕਰ ਮਾਰ ਤੋੜੀ ਲੱਤ, ਦੂਜਾ ਬਦਮਾਸ਼ ਚੇਨ ਲੈ ਕੇ ਫ਼ਰਾਰ
ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਦੋਵੇਂ ਬਦਮਾਸ਼ਾਂ ਨੇ ਸਕੂਟੀ 'ਤੇ ਭੱਜਣ ਦੀ ਕੋਸ਼ਿਸ਼ ਕੀਤੀ। ਹਾਲਾਂਕਿ, ਇਸ ਦੌਰਾਨ ਇੱਕ ਕਾਰ ਸਵਾਰ ਰਾਹਗੀਰ ਦੀ ਬਦਮਾਸ਼ਾਂ ਵੱਲ ਨਜ਼ਰ ਪੈ ਗਈ। ਇਸ ਤੋਂ ਬਾਅਦ ਰਾਹਗੀਰ ਨੇ ਬਹੁਤ ਹਿੰਮਤ ਦਿਖਾਈ ਤੇ ਆਪਣੀ ਕਾਰ ਨਾਲ ਉਨ੍ਹਾਂ ਦੀ ਸਕੂਟੀ 'ਚ ਟੱਕਰ ਮਾਰ ਦਿੱਤੀ। ਟੱਕਰ ਕਾਰਨ ਇੱਕ ਬਦਮਾਸ਼ ਦੀ ਲੱਤ ਟੁੱਟ ਗਈ, ਜਿਸ ਕਾਰਨ ਉਹ ਸੜਕ 'ਤੇ ਹੀ ਡਿੱਗ ਗਿਆ।
ਜਲੰਧਰ ਦੇ ਐਸਏਐਸ ਨਗਰ ਐਕਸਟੈਂਸ਼ਨ ਇਲਾਕੇ ‘ਚ ਸਵੇਰੇ-ਸਵੇਰੇ ਹੋਈ ਲੁੱਟ ਤੋਂ ਬਾਅਦ ਦਹਿਸ਼ਤ ਫੈਲ ਗਈ। ਇੱਕ ਡਾਕਟਰ ਦੀ ਪਤਨੀ ਤੋਂ ਦੋ ਬਦਮਾਸ਼ਾਂ ਨੇ ਲੁੱਟ ਦੀ ਕੋਸ਼ਿਸ਼ ਕੀਤੀ। ਡਾਕਟਰ ਦੀ ਪਤਨੀ ਘਰ ਬਾਹਰ ਜਨਵਰਾਂ ਦੇ ਲਈ ਪਾਣੀ ਰੱਖ ਰਹੀ ਸੀ, ਇਸ ਦੌਰਾਨ ਦੋ ਬਦਮਾਸ਼ਾਂ ਨੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ ਤੇ ਉਸ ਦੇ ਗਲੇ ਵਿੱਚੋਂ ਸੋਨੇ ਦੀ ਚੇਨ ਤੇ ਲਾਕੇਟ ਖੋਹ ਲਿਆ।
ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਦੋਵੇਂ ਬਦਮਾਸ਼ਾਂ ਨੇ ਸਕੂਟੀ ‘ਤੇ ਭੱਜਣ ਦੀ ਕੋਸ਼ਿਸ਼ ਕੀਤੀ। ਹਾਲਾਂਕਿ, ਇਸ ਦੌਰਾਨ ਇੱਕ ਕਾਰ ਸਵਾਰ ਰਾਹਗੀਰ ਦੀ ਬਦਮਾਸ਼ਾਂ ਵੱਲ ਨਜ਼ਰ ਪੈ ਗਈ। ਇਸ ਤੋਂ ਬਾਅਦ ਰਾਹਗੀਰ ਨੇ ਬਹੁਤ ਹਿੰਮਤ ਦਿਖਾਈ ਤੇ ਆਪਣੀ ਕਾਰ ਨਾਲ ਉਨ੍ਹਾਂ ਦੀ ਸਕੂਟੀ ‘ਚ ਟੱਕਰ ਮਾਰ ਦਿੱਤੀ। ਟੱਕਰ ਕਾਰਨ ਇੱਕ ਬਦਮਾਸ਼ ਦੀ ਲੱਤ ਟੁੱਟ ਗਈ, ਜਿਸ ਕਾਰਨ ਉਹ ਸੜਕ ‘ਤੇ ਹੀ ਡਿੱਗ ਗਿਆ। ਰਾਹਗੀਰਾਂ ਨੇ ਤੁਰੰਤ ਜ਼ਖਮੀ ਨੂੰ ਕਾਬੂ ਕਰ ਲਿਆ, ਜਦੋਂ ਕਿ ਉਸ ਦਾ ਸਾਥੀ ਚੋਰੀ ਦੀ ਚੇਨ ਤੇ ਲਾਕੇਟ ਲੈ ਕੇ ਭੱਜਣ ‘ਚ ਕਾਮਯਾਬ ਹੋ ਗਿਆ।
ਇਸ ਪੂਰੀ ਘਟਨਾ ਦੌਰਾਨ ਜ਼ਖਮੀ ਮੁਲਜ਼ਮ ਦੀ ਲੱਤ ਦੀ ਹੱਡੀ ਟੁੱਟ ਗਈ। ਉਹ ਦਰਦ ‘ਚ ਆਪਣੀ ਗਲਤੀ ਲਈ ਪਛਤਾ ਰਿਹਾ ਸੀ ਤੇ ਰਾਹਗੀਰਾਂ ਨੂੰ ਇਲਾਜ਼ ਲਈ ਲੈ ਕੇ ਜਾਣ ਲਈ ਗੁਹਾਰ ਲਗਾ ਰਿਹਾ ਸੀ। ਸੂਚਨਾ ਮਿਲਣ ‘ਤੇ ਪੁਲਿਸ ਮੌਕੇ ‘ਤੇ ਪਹੁੰਚੀ ਤੇ ਮੁਲਜ਼ਮ ਨੂੰ ਹਿਰਾਸਤ ‘ਚ ਲੈ ਲਿਆ ਗਿਆ ਤੇ ਉਸ ਇਲਾਜ਼ ਲਈ ਮੌਕੇ ‘ਤੇ ਐਂਬੂਲੈਂਸ ਮੰਗਵਾਈ। ਪੁਲਿਸ ਦੇ ਅਨੁਸਾਰ, ਗ੍ਰਿਫਤਾਰ ਵਿਅਕਤੀ ਦੀ ਪਛਾਣ ਰਾਜਨ ਕੁਮਾਰ ਵਜੋਂ ਹੋਈ ਹੈ। ਪੁਲਿਸ ਫਿਲਹਾਲ ਦੋਸ਼ੀ ਤੋਂ ਪੁੱਛਗਿੱਛ ਕਰ ਰਹੀ ਹੈ ਤੇ ਫਰਾਰ ਸਾਥੀ ਦੀ ਭਾਲ ਜਾਰੀ ਹੈ।
ਇਹ ਵੀ ਪੜ੍ਹੋ
