ਗੌਰਵ ਧੀਰ ਭਰ੍ਹਾ ਵਰਗ੍ਹੇ, ਪਰ ਬਿਜਨੈਸ ਡੀਲਿੰਗ ਨਾਲ ਨਹੀਂ ਕੋਈ ਲੈਣਾ-ਦੇਣਾ, ਬਦਨਾਮ ਕਰਨ ਦੀ ਕੋਸ਼ਿਸ਼, ਈਡੀ ਰੇਡ ‘ਤੇ ਬੋਲੇ ਅਮਨ ਅਰੋੜਾ
Aman Arora on ED Raid: ਅਮਨ ਅਰੋੜਾ ਨੇ ਕਿਹਾ, "ਮੈਂ ਚਾਹੁੰਦਾ ਹਾਂ ਕਿ ਇਸਦੀ ਸਹੀ ਜਾਂਚ ਹੋਵੇ। ਮੈਂ ਸਪੱਸ਼ਟ ਕਰਨਾ ਚਾਹੁੰਦਾ ਹਾਂ ਕਿ ਪੂਰੇ ਬਿਆਨ ਵਿੱਚ ਸੁਰੇਸ਼ ਕੁਮਾਰ, ਨਿਤਿਨ ਗੋਇਲ ਅਤੇ ਪ੍ਰੀਤਪਾਲ ਢੀਂਡਸਾ ਦਾ ਜ਼ਿਕਰ ਹੈ। ਪ੍ਰੈਸ ਨੋਟ ਵਿੱਚ ਦੱਸੇ ਗਏ ਸਾਰੇ ਨਾਮ ਮੈਂ ਆਪਣੀ ਜ਼ਿੰਦਗੀ ਵਿੱਚ ਪਹਿਲੀ ਵਾਰ ਸੁਣੇ ਹਨ। ਗੌਰਵ ਧੀਰ ਮੇਰੇ ਲਈ ਭਰਾ ਤੋਂ ਵੱਧ ਹਨ। ਕੱਲ੍ਹ ਵੀ ਪਿਆਰ ਸੀ ਅਤੇ ਅੱਗੇ ਵੀ ਰਹੇਗਾ। 22-23 ਸਾਲਾਂ ਤੋਂ ਸਾਡਾ ਪਿਆਰ ਹੈ।"
ਬੀਤੇ ਦਿਨ ਪੰਜਾਬ ਵਿੱਚ ਹੋਈ ਈਡੀ ਦੀ ਰੇਡ ਨੂੰ ਲੈ ਕੇ ਸੂਬੇ ਦੀ ਸਿਆਸਤ ਪੂਰੀ ਤਰ੍ਹਾਂ ਨਾਲ ਭਖੀ ਹੋਈ ਹੈ। ਇਸ ਰੇਡ ਵਿੱਚ ਆਮ ਆਦਮੀ ਪਾਰਟੀ (ਆਪ) ਦੇ ਸੂਬਾ ਪ੍ਰਧਾਨ ਅਮਨ ਅਰੋੜਾ ਦੇ ਆਰੋਪੀ ਨਾਲ ਕਰੀਬੀ ਰਿਸ਼ਤੇ ਹੋਣ ਦੀ ਗੱਲ ਸਾਹਮਣੇ ਆਉਣ ਤੋਂ ਬਾਅਦ ਉਨ੍ਹਾਂ ਨੇ ਪ੍ਰੈਸ ਕਾਨਫਰੰਸ ਕਰਕੇ ਸਾਰੀ ਸਥਿਤੀ ਸਪਸ਼ਟ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਬੀਜੇਪੀ ਤੇ ਤਿੱਖੇ ਨਿਸਾਨੇ ਲਾਏ। ਚੰਡੀਗੜ੍ਹ ਵਿੱਚ ਮੀਡੀਆ ਨਾਲ ਰੂ-ਬ-ਰੂ ਹੁੰਦਿਆਂ ਅਰੋੜਾ ਨੇ ਕਿਹਾ ਕਿ ਗੌਰਵ ਧੀਰ ਉਨ੍ਹਾਂ ਦੇ ਦੋਸਤ ਜਰੂਰ ਹਨ, ਪਰ ਉਨ੍ਹਾਂ ਦੀ ਬਿਜਨੈਸ ਡੀਲਿੰਗਸ ਨਾਲ ਉਨ੍ਹਾਂ ਦਾ ਕੋਈ ਲੈਣਾ-ਦੇਣਾ ਨਹੀਂ ਹੈ।
ਅਰੋੜਾ ਨੇ ਕਿਹਾ ਕਿ ਜੇਕਰ ਈਡੀ ਮੇਰੇ ਤੱਕ ਆਉਣਾ ਚਾਹੁੰਦੀ ਹੈ, ਤਾਂ ਮੈਂ ਉਨ੍ਹਾਂ ਨੂੰ ਚੈਲੇਂਜ ਕਰਦਾ ਹਾਂ ਕਿ ਮੈਨੂੰ ਬੁਲਾਓ, ਪੁੱਛਗਿੱਛ ਕਰੋ। ਮੇਰੇ ਮੋਬਾਈਲ ਦੀ ਜਾਂਚ ਕਰੋ। ਮੇਰਾ ਅਜਿਹੀਆਂ ਕਿਸੇ ਵੀ ਬੇਨਿਯਮੀਆਂ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਅਰੋੜਾ ਨੇ ਪੁੱਛਿਆ ਕਿ ਕੀ ਈਡੀ ਨੂੰ ਇਸ ਗੱਲ ਦਾ ਪਤਾ ਨਹੀਂ ਹੈ ਕਿ ਇਸ ਵਿੱਚ ਜੋ ਸਨਟੇਕ ਸਿਟੀ ਵਾਲੇ ਮੁਲਜ਼ਮ ਸੁਰੇਸ਼ ਬਜਾਜ ਨੇ 2023 ਵਿੱਚ ਭਾਜਪਾ ਨੂੰ 2.5 ਲੱਖ ਰੁਪਏ ਡੋਨੇਸ਼ਨ ਦਿੱਤਾ ਸੀ।
ਜਾਣਕਾਰ ਨੇ ਈਡੀ ਦੀ ਰੇਡ ਬਾਰੇ ਦੱਸਿਆ – ਅਮਨ ਅਰੋੜਾ
ਅਮਨ ਅਰੋੜਾ ਨੇ ਕਿਹਾ, “ਮੇਰੀ ਮਾਂ ਪਿਛਲੇ ਦੋ ਹਫ਼ਤਿਆਂ ਤੋਂ ਫੋਰਟਿਸ ਹਸਪਤਾਲ ਵਿੱਚ ਦਾਖਲ ਹਨ। ਕੱਲ੍ਹ, ਜਦੋਂ ਮੈਂ ਉੱਥੋਂ ਮੈਗਸੀਪਾ ਜਾ ਰਿਹਾ ਸੀ, ਤਾਂ ਇੱਕ ਜਾਣਕਾਰ ਨੇ ਮੈਨੂੰ ਰੇਡ ਬਾਰੇ ਦੱਸਿਆ। ਮੈਂ ਜ਼ਮੀਨ ‘ਤੇ ਪਏ ਪੈਸਿਆਂ ਦੇ ਬੈਗ ਦੇਖ ਕੇ ਵੀ ਹੈਰਾਨ ਰਹਿ ਗਿਆ। ਮੈਨੂੰ ਇੱਕ ਜਾਣਕਾਰ ਦਾ ਫੋਨ ਆਇਆ ਕਿ ਤੁਹਾਡੇ ਇੱਕ ਸਾਥੀ ‘ਤੇ ਰੇਡ ਪਈ ਹੈ। ਮੈਨੂੰ ਪਤਾ ਲੱਗਾ ਕਿ ਗੌਰਵ ਧੀਰ ਦੇ ਘਰ ਰੇਡ ਪਈ ਹੈ। ਇਹ ਕਹਾਣੀ ਸਵੇਰ ਤੋਂ ਹੀ ਚੱਲ ਰਹੀ ਸੀ। ਸ਼ਾਮ ਤੱਕ, ਮੇਰਾ ਨਾਮ ਇਸ ਵਿੱਚ ਜੋੜ ਦਿੱਤਾ ਗਿਆ।
ਕੈਬਿਨੇਟ ਮੰਤਰੀ ਅਮਨ ਅਰੋੜਾ ਦੀ ਅਹਿਮ ਵਿਸ਼ੇ ‘ਤੇ ਪ੍ਰੈੱਸ ਕਾਨਫਰੰਸ, ਚੰਡੀਗੜ੍ਹ ਤੋਂ Live https://t.co/GREPG15MvX
— AAP Punjab (@AAPPunjab) May 8, 2026
ਈਡੀ ਨੇ ਦੂਜੀ ਸਟੇਟਮੈਂਟ ‘ਚ ਮੇਰਾ ਨਾਂ ਜੋੜਿਆ – ਅਰੋੜਾ
ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਦੋਂ ਹੈਰਾਨੀ ਹੋਈ, ਜਦੋਂ ਈਡੀ ਨੇ ਬਿਆਨ ਜਾਰੀ ਕੀਤਾ। ਇਸ ਵਿੱਚ ਧੀਰ ਕੰਸਟ੍ਰਕਸ਼ਨ ਦਾ ਨਾਮ ਸੀ। ਉਸ ਵਿੱਚ ਗੌਰਵ ਧੀਰ ਦਾ ਨਾਮ ਨਹੀਂ ਸੀ। ਇਸ ਤੋਂ ਬਾਅਦ, ਦੂਜੀ ਸਟੇਟਮੈਂਟ ਜਾਰੀ ਹੋਈ। ਇਸ ਵਿੱਚ ਸਭ ਕੁਝ ਉਹੀ ਹੈ।” ਬੱਸ ਆਖਰੀ ਪੈਰੇ ਵਿੱਚ ਇੱਕ ਲਾਈਨ ਵਿੱਚ ਗੌਰਵ ਧੀਰ ਦਾ ਨਾਮ ਜੋੜ ਦਿੱਤਾ ਗਿਆ। ਪਹਿਲਾਂ ਗੌਰਵ ਅਤੇ ਮੇਰਾ ਨਾਮ ਨਹੀਂ ਸੀ। ਮੇਰਾ ਨਾਮ ਬਾਅਦ ਵਿੱਚ ਜੋੜਿਆ ਗਿਆ ਸੀ। ਅਜਿਹਾ ਸਿਰਫ਼ ਮੈਨੂੰ ਬਦਨਾਮ ਕਰਨ ਲਈ ਕੀਤਾ ਗਿਆ।
ਇਹ ਵੀ ਪੜ੍ਹੋ
ਬਜਾਜ ਨੇ ਭਾਜਪਾ ਨੂੰ 2.5 ਲੱਖ ਡੋਨੇਸ਼ਨ ਦਿੱਤਾ
ਉਨ੍ਹਾਂ ਨੇ ਕਿਹਾ, “ਮੈਂ 1991 ਤੋਂ ਰਾਜਨੀਤੀ ਵਿੱਚ ਹਾਂ। ਕਿਸੇ ਤੋਂ ਕਿਸੇ ਕੰਮ ਲਈ ਪੈਸੇ ਲੈਣਾ ਤਾਂ ਦੂਰ, ਜੇਕਰ ਕਿਸੇ ਤੋਂ ਪੈਸੇ ਦੀ ਇੱਛਾ ਵੀ ਰੱਖੀ ਹੋਵੇ ਤਾ ਸਿਆਸਤ ਛੱਡ ਦੇਵਾਂਗਾ। ਇਹ ਭਾਜਪਾ ਦਾ ਤਰੀਕਾ ਰਿਹਾ ਹੈ। ਮੈਂ ਇਸ ਰਾਜਨੀਤੀ ਨੂੰ ਚੰਗੀ ਤਰ੍ਹਾਂ ਸਮਝਦਾ ਹਾਂ।” ਈਡੀ ਨੂੰ ਇਹ ਪਤਾ ਨਹੀਂ ਲੱਗਿਆ ਕਿ ਸੁਰੇਸ਼ ਕੁਮਾਰ ਬਜਾਜ ਨੇ 2023-24 ਵਿੱਚ ਭਾਜਪਾ ਨੂੰ 2.5 ਲੱਖ ਰੁਪਏ ਦਾ ਡੋਨੇਸ਼ਨ ਦਿੱਤਾ ਸੀ।
ਸੀਐਮ ਪਹਿਲਾਂ ਹੀ ਸਪਸ਼ਟ ਕਰ ਚੁੱਕੇ ਹਨ ਸਥਿਤੀ
ਇਸਤੋਂ ਪਹਿਲਾਂ, ਬੀਤੇ ਦਿਨ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਅੰਮ੍ਰਿਤਸਰ ਵਿੱਚ ਕਿਹਾ ਸੀ ਕਿ ਓਐਸਡੀ ਰਾਜਬੀਰ ਘੁੰਮਣ ਦੇ ਨਿਤਿਨ ਗੋਹਿਲ ਨਾਲ ਸਬੰਧਾਂ ਨੂੰ ਲੈ ਕੇ ਜੋ ਆਰੋਪ ਵਿਰੋਧੀ ਧਿਰ ਲਗਾ ਰਹੀ ਹੈ, ਉਨ੍ਹਾਂ ਦਾ ਉਨ੍ਹਾਂ ਨਾਲ ਕੋਈ ਸਬੰਧ ਨਹੀਂ ਹੈ। ਈਡੀ ਪੁਰਾਣੀ ਕੰਪਨੀ ਦੇ ਸਿਲਸਿਲੇ ਵਿੱਚ ਆਏ ਹੋਏ ਹਨ, ਉਹ ਜਿੱਥੇ ਚਾਹੁਣ, ਉੱਥੇ ਚੈੱਕ ਕਰ ਸਕਦੇ ਹਨ। ਸਾਡਾ ਉਨ੍ਹਾਂ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।
ਸ਼ੁਕਰਾਨਾ ਯਾਤਰਾ ਦੌਰਾਨ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਨਤਮਸਤਕ ਹੋਣ ਪਹੁੰਚੇ ਹਾਂ, ਸ੍ਰੀ ਅੰਮ੍ਰਿਤਸਰ ਸਾਹਿਬ ਤੋਂ LIVE ——— शुकराना यात्रा के दौरान सचखंड श्री हरिमंदिर साहिब में नतमस्तक होने पहुंचे हैं, श्री अमृतसर साहिब से LIVE https://t.co/3LzvClXW3m
— Bhagwant Mann (@BhagwantMann) May 7, 2026
