ਕਾਂਗਰਸ ‘ਚ ਚਲੇ ਜਾਂਦੇ ਤੇ ਤਾਂ ਘੱਟ ਹੈਰਾਨਗੀ ਹੁੰਦੀ… ਮੀਤ ਹੇਅਰ ਨੇ ਕਿਉਂ ਕਹੀ ਇਹ ਗੱਲ?
ਲੋਕ ਸਭਾ ਮੈਂਬਰ ਮੀਤ ਹੇਅਰ ਨੇ ਇੱਕ ਨਿੱਜੀ ਮੀਡੀਆ ਅਦਾਰੇ ਨਾਲ ਗੱਲ ਰਾਘਵ ਚੱਢਾ ਸਮੇਂ ਦਲ ਬਦਲਣ ਵਾਲੇ ਆਗੂਆਂ 'ਤੇ ਟਿੱਪਣੀ ਕਰਦੇ ਹੋਏ ਕਿਹਾ ਕਿ ਅੱਜ ਸਾਰੇ ਸਿਧਾਂਤ ਹੀ ਬਦਲ ਦਿੱਤੇ ਗਏ। ਉਨ੍ਹਾਂ (ਰਾਘਵ ਚੱਢਾ) ਨੇ ਪ੍ਰੈੱਸਕਾਨਫਰੰਸ ਕੀਤੀ ਕਿ ਸਰਕਾਰ (ਭਾਜਪਾ ਸਰਕਾਰ) ਬਹੁਤ ਚੰਗੇ ਕੰਮ ਕਰ ਰਹੀ ਹੈ। ਪਰ, ਮੈਨੂੰ ਸਭ ਤੋਂ ਵੱਡੀ ਹੈਰਾਨੀ ਹੈ ਕਿ ਜੇਕਰ ਰਾਘਵ ਚੱਢਾ ਕਾਂਗਰਸ 'ਚ ਚਲੇ ਜਾਂਦੇ ਤਾਂ ਮੈਂ ਸਮਝ ਲੈਂਦਾ ਕਿ ਠੀਕ ਹੈ ਮਤਭੇਦ ਹੋ ਗਏ ਤੇ ਤੁਸੀਂ ਕਾਂਗਰਸ 'ਚ ਚਲੇ ਗਏ।
ਆਮ ਆਦਮੀ ਪਾਰਟੀ ਦੇ ਸੰਗਰੂਰ ਤੋਂ ਲੋਕ ਸਭਾ ਮੈਂਬਰ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਦਲ ਬਦਲਣ ਵਾਲੇ ਰਾਘਵ ਚੱਢਾ ਤੇ ਹੋਰ ਆਗੂਆਂ ‘ਤੇ ਵੱਡਾ ਹਮਲਾ ਬੋਲਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਰਾਘਵ ਚੱਢਾ ਨੇ ਸਮਝੌਤਾ ਕਰ ਲਿਆ ਹੈ ਤੇ ਲਾਲਚ ਦੇ ਚੱਲਦੇ ਤੇ ਈਡੀ-ਸੀਬੀਆਈ ਦੇ ਡਰ ਤੋਂ ਇਸ ਤਰ੍ਹਾਂ ਆਪਣੀ ਵਿਚਾਰਧਾਰਾ ਤੋਂ 180 ਡਿਗਰੀ ਘੁੰਮਣ ਦਾ ਫੈਸਲਾ ਲਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਰਾਘਵ ਚੱਢਾ ਕਾਂਗਰਸ ‘ਚ ਸ਼ਾਮਲ ਹੋ ਜਾਂਦੇ ਤਾਂ ਉਨ੍ਹਾਂ ਨੂੰ ਇੰਨੀ ਹੈਰਾਨਗੀ ਨਹੀਂ ਹੁੰਦੀ, ਕਿਉਂਕਿ ਕਾਂਗਰਸ ਤੇ ਆਮ ਆਦਮੀ ਪਾਰਟੀ ਦੀ ਵਿਚਾਰਧਾਰਾ ਥੋੜ੍ਹੀ ਬਹੁਤ ਮੇਲ ਖਾਂਦੀ ਹੈ, ਪਰ ਜੇਕਰ ਭਾਜਪਾ ਦੀ ਗੱਲ ਕਰੀਏ ਤਾਂ ਉਸ ਦੀ ਵਿਚਾਰਧਾਰ ਬਿਲਕੁਲ ਉਲਟ ਹੈ।
ਲੋਕ ਸਭਾ ਮੈਂਬਰ ਮੀਤ ਹੇਅਰ ਨੇ ਇੱਕ ਨਿੱਜੀ ਮੀਡੀਆ ਅਦਾਰੇ ਨਾਲ ਗੱਲ ਕਰਦੇ ਹੋਏ ਰਾਘਵ ਚੱਢਾ ਬਾਰੇ ਟਿੱਪਣੀ ਕੀਤੀ ਕਿ ਅੱਜ ਸਾਰੇ ਸਿਧਾਂਤ ਹੀ ਬਦਲ ਦਿੱਤੇ ਗਏ। ਉਨ੍ਹਾਂ (ਰਾਘਵ ਚੱਢਾ) ਨੇ ਪ੍ਰੈੱਸ ਕਾਨਫਰੰਸ ਕੀਤੀ ਕਿ ਸਰਕਾਰ (ਭਾਜਪਾ ਸਰਕਾਰ) ਬਹੁਤ ਚੰਗੇ ਕੰਮ ਕਰ ਰਹੀ ਹੈ। ਪਰ, ਮੈਨੂੰ ਸਭ ਤੋਂ ਵੱਡੀ ਹੈਰਾਨੀ ਹੈ ਕਿ ਜੇਕਰ ਰਾਘਵ ਚੱਢਾ ਕਾਂਗਰਸ ‘ਚ ਚਲੇ ਜਾਂਦੇ ਤਾਂ ਮੈਂ ਸਮਝ ਲੈਂਦਾ ਕਿ ਠੀਕ ਹੈ ਮਤਭੇਦ ਹੋ ਗਏ ਤੇ ਤੁਸੀਂ ਕਾਂਗਰਸ ‘ਚ ਚਲੇ ਗਏ। ਘੱਟੋ-ਘੱਟ ਤੁਹਾਡੀ ਵਿਚਾਰਧਾਰਾ ਤਾਂ ਥੋੜ੍ਹੀ ਬਹੁਤ ਮੇਲ ਖਾਂਦੀ, ਪਰ ਤੁਸੀਂ ਤਾਂ 180 ਡਿਗਰੀ ਬਦਲ ਗਏ। ਆਮ ਆਦਮੀ ਪਾਰਟੀ ਤੇ ਭਾਰਤੀ ਜਨਤਾ ਪਾਰਟੀ ਦੀ ਵਿਚਾਰਧਾਰਾ ਇੱਕ-ਦੂਜੇ ਦੇ ਬਿਲਕੁਲ ਉਲਟ ਹੈ। ਇਹ 180 ਡਿਗਰੀ ਘੁੰਮਣ ਪਿੱਛੇ ਲਾਲਚ ਜਾਂ ਈਡੀ-ਸੀਬੀਆਈ ਦਾ ਡਰ ਹੈ।
ਉਨ੍ਹਾਂ ਨੇ ਕਿਹਾ ਰਾਘਵ ਚੱਢਾ Compromised (ਸਮਝੌਤਾ ਕਰ ਲਿਆ) ਹੋ ਗਏ , ਜਿਸ ਪਾਰਟੀ ਨੇ ਤੁਹਾਨੂੰ ਉਂਗਲ ਫੜ ਕੇ ਚਲਣਾ ਸਿਖਾਇਆ ਹੋਵੇ, ਜਿਸ ਨੇ ਇੰਡੀਆ ਦਾ ਫੇਸ (ਚਿਹਰਾ) ਬਣਾ ਦਿੱਤਾ ਹੋਵੇ ਤੇ ਇੱਕ ਨੌਜਵਾਨ ਨੂੰ ਸਭ ਕੁੱਝ ਦੇ ਦਿੱਤਾ ਤੇ ਉਸ ਤੋਂ ਬਾਅਦ ਜਦੋਂ ਪਾਰਟੀ ‘ਤੇ ਔਖਾ ਸਮਾਂ ਆਵੇ ਤਾਂ ਤੁਹਾਡਾ ਆਗੂ ਜੇਲ੍ਹ ‘ਚ ਹੋਵੇ ਤੇ ਇਸ ਵਿਚਕਾਰ ਤੁਸੀਂ ਇੰਗਲੈਂਡ ਦਾ ਜਹਾਜ਼ ਚੜ੍ਹ ਜਾਓ। ਉੱਥੇ ਟੈਨਿਸ ਦਾ ਟੂਰਨਾਮੈਂਟ ਦੇਖੋ। ਬਹਾਨਾ ਲਗਾਓ ਕਿ ਮੇਰੀਆਂ ਅੱਖਾਂ ਦੁਖਦੀਆਂ ਸਨ। ਉਸ ਸਮੇਂ ਪਤਾ ਚੱਲ ਗਿਆ ਸੀ ਕਿ ਜੇਲ੍ਹ ਦੇ ਡਰ ਤੋਂ ਰਾਜਨੀਤੀ ਤੇ ਸਿਧਾਂਤ Compromised ਕਰ ਦਿੱਤੇ।
ਇਹ ਵੀ ਪੜ੍ਹੋ
