ਪੰਜਾਬ ਨੂੰ ਮਿਲਣਗੇ 100 ਨਵੇਂ ਆਮ ਆਦਮੀ ਕਲੀਨਿਕ, 25 ਅਗਸਤ ਨੂੰ ਕੀਤੇ ਜਾਣਗੇ ਲੋਕ ਅਰਪਿਤ
Aam Aadmi Clinic: ਪੰਜਾਬ ਵਿੱਚ ਮਾਨ ਸਰਕਾਰ ਛੇਤੀ ਹੀ 100 ਨਵੇਂ ਆਮ ਆਦਮੀ ਕਲੀਨਿਕ ਖੋਲ੍ਹਣ ਜਾ ਰਹੀ ਹੈ। ਇਨ੍ਹਾਂ ਕਲੀਨਿਕਾਂ ਦੀ ਸ਼ੁਰੂਆਤ 25 ਅਗਸਤ ਨੂੰ ਹੋਵੇਗੀ। ਪੰਜਾਬ ਸਰਕਾਰ ਸੂਬੇ ਦੇ ਲੋਕਾਂ ਦੀ ਸਿਹਤ ਨੂੰ ਲੈ ਕੇ ਪਹਿਲਾਂ ਹੀ ਵੱਡੀਆਂ ਸਕੀਮਾਂ ਚਲਾ ਰਹੀ ਹੈ ਜਿਸ ਵਿੱਚ ਮੁੱਖ ਤੌਰ ਤੇ ਮੁੱਖ ਮੰਤਰੀ ਸਿਹਤ ਯੋਜਨਾ ਵੀ ਸ਼ਾਮਿਲ ਹੈ, ਜਿਸ ਵਿੱਚ 10 ਲੱਖ ਦਾ ਬੀਮਾ ਵੀ ਦਿੱਤਾ ਜਾ ਰਿਹਾ ਹੈ।
ਪੰਜਾਬ ਦੇੇ ਲੋਕਾਂ ਨੂੰ ਛੇਤੀ ਹੀ 100 ਹੋਰ ਨਵੇਂ ਆਮ ਆਦਮੀ ਕਲੀਨਿਕ (ਮੁਹੱਲਾ ਕਲੀਨਿਕਾਂ) ਮਿਲਣ ਜਾ ਰਹੇ ਹਨ। ਪੰਜਾਬ ਸਰਕਾਰ ਵੱਲੋਂ ਇਹ ਵੱਡਾ ਐਲਾਨ ਕੀਤਾ ਗਿਆ ਹੈ। ਇਨ੍ਹਾਂ ਕਲੀਨਿਕਾਂ ਦੀ ਸ਼ੁਰੂਆਤ ਆਉਂਦੀ 25 ਅਗਸਤ ਨੂੰ ਕੀਤੀ ਜਾਵੇਗੀ। ਇਨ੍ਹਾਂ ਦੇ ਖੁੱਲ੍ਹਣ ਤੋਂ ਸੂਬੇ ਵਿੱਚ ਆਮ ਆਦਮੀ ਕਲੀਨਿਕਾਂ ਦੀ ਕੁੱਲ ਗਿਣਤੀ ਹੋ 1090 ਹੋ ਜਾਵੇਗੀ। ਪੰਜਾਬ ਸਰਕਾਰ ਸੂਬੇ ਦੇ ਹਰ ਜਿਲ੍ਹੇ ਅਤੇ ਪਿੰਡ ਦੇ ਲੋਕਾਂ ਤੱਕ ਸਿਹਤ ਸਹੁਲਤਾਂ ਨੂੰ ਪਹੁੰਚਾਉਣਾ ਚਾਹੁੰਦੀ ਹੈ।
ਪਹਿਲਾਂ ਤੋਂ ਹੀ 990 ਆਮ ਆਦਮੀ ਕਲੀਨਿਕ ਵਧੀਆ ਤਰੀਕੇ ਨਾਲ ਕੰਮ ਕਰ ਰਹੇ ਹਨ। ਇਨ੍ਹਾਂ ਵਿੱਚ ਵੱਡੀ ਗਿਣਤੀ ਵਿੱਚ ਲੋਕ ਆਪਣੀਆਂ ਬੀਮਾਰੀਆਂ ਦਾ ਮੁਫਤ ਇਲਾਜ ਕਰਵਾ ਰਹੇ ਹਨ। ਇਹ ਕਲੀਨਿਕ ਰਾਜ ਦੇ ਦੂਰ-ਦੁਰਾਡੇ ਅਤੇ ਸ਼ਹਿਰੀ ਖੇਤਰਾਂ ਦੇ ਵਸਨੀਕਾਂ ਨੂੰ ਉਨ੍ਹਾਂ ਦੇ ਘਰਾਂ ਦੇ ਨੇੜੇ ਮੁਫਤ ਇਲਾਜ, ਲੈਬ ਟੈਸਟ ਅਤੇ ਦਵਾਈਆਂ ਪ੍ਰਦਾਨ ਕਰ ਰਹੇ ਹਨ। ਇਸ ਤੋਂ ਇਲਾਵਾ, ਪੰਜਾਬ ਦੇ ਵਸਨੀਕ “ਮੁੱਖ ਮੰਤਰੀ ਸਿਹਤ ਯੋਜਨਾ” ਦੇ ਤਹਿਤ ਪ੍ਰਤੀ ਪਰਿਵਾਰ ਸਾਲਾਨਾ ₹10 ਲੱਖ ਤੱਕ ਦਾ ਨਕਦ ਰਹਿਤ ਇਲਾਜ ਵੀ ਪ੍ਰਾਪਤ ਕਰ ਰਹੇ ਹਨ।
25 अगस्त से पंजाब में शुरू होंगे 100 नए आम आदमी क्लीनिक
• 25 अगस्त से 100 नए आम आदमी क्लीनिक जनता को समर्पित किए जाएंगे। इसके साथ ही पंजाब में आम आदमी क्लीनिकों की कुल संख्या बढ़कर 1,090 हो जाएगी। • मान सरकार का लक्ष्य हर नागरिक तक घर के नज़दीक गुणवत्तापूर्ण और मुफ्त प्राथमिक pic.twitter.com/ezdy5o4oBk — AAP Punjab (@AAPPunjab) July 23, 2026
ਪੰਜਾਬ ਦੇ 3 ਕਰੋੜ ਲੋਕ ਇਨ੍ਹਾਂ ਮੁਹੱਲਾ ਕਲੀਨਿਕਾਂ ਦਾ ਪੂਰਾ ਲਾਭ ਵੀ ਲੈ ਰਹੇ ਹਨ। ਮੁਹੱਲਾ ਕਲੀਨਿਕਾਂ ਦੀ ਨਿਗਰਾਨੀ ਸਿੱਧੀ ਮੁੱਖ ਮੰਤਰੀ ਦਫ਼ਤਰ ਦੁਆਰਾ ਕੀਤੀ ਜਾਂਦੀ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਕਿਸੇ ਵੀ ਦਵਾਈ ਜਾਂ ਟੈਸਟ ਮਸ਼ੀਨ ਦੀ ਘਾਟ ਨਾ ਹੋਵੇ।
ਇਹ ਵੀ ਪੜ੍ਹੋ
ਕਿੱਥੇ-ਕਿੱਥੇ ਖੁਲ੍ਹਣਗੇ ਨਵੇਂ ਕਲੀਨਿਕ?
- ਅੰਮ੍ਰਿਤਸਰ -14
- ਬਠਿੰਡਾ-08
- ਫਰੀਦਕੋਟ-05
- ਫਾਜਿਲਕਾ-06
- ਫਿਰੋਜ਼ਪੁਰ-3
- ਗੁਰਦਾਸਪੁਰ-03
- ਹੁਸ਼ਿਆਰਪੁਰ – 01
- ਜਲੰਧਰ-10
- ਕਪੂਰਥਲਾ-02
- ਲੁਧਿਆਣਾ-20
- ਮਲੇਰਕੋਟਲਾ-01
- ਮੋਗਾ-02
- ਪਠਾਨਕੋਟ-01
- ਪਟਿਆਲਾ-01,
- ਸੰਗਰੂਰ-08
- ਐਸਏਐਸ ਨਗਰ-01
- ਮੁਕਤਸਰ ਸਾਹਿਬ-10
- ਤਰਨਤਾਰਨ ਵਿੱਚ 02
ਨਹੀਂ ਹੋਵੇਗਾ ਲਾਚਿੰਗ ਸਮਾਗਮ- ਸੂਤਰ
ਸੂਤਰਾਂ ਦੀ ਮੰਨੀਏ ਤਾਂ 25 ਅਗਸਤ ਨੂੰ ਜਦੋਂ ਇਨ੍ਹਾ ਕਲੀਨਿਕਾਂ ਦੀ ਸ਼ੁਰੂਆਤ ਹੋਵੇਗੀ ਤਾਂ ਉਸ ਵੇਲ੍ਹੇ ਕੋਈ ਲਾਚਿੰਗ ਸਮਾਗਮ ਨਹੀਂ ਹੋਵੇਗਾ। ਜਿਲ੍ਹੇ ਵਿੱਚ ਵਿਧਾਇਕਾਂ ਅਤੇ ਜਨ ਪ੍ਰਤੀਨਿਧੀਆਂ ਵੱਲੋਂ ਆਪੋ-ਆਪਣੇ ਪੱਧਰ ਤੇ ਇਨ੍ਹਾਂ ਕਲੀਨਿਕਾਂ ਦਾ ਉਦਘਾਟਨ ਕੀਤਾ ਜਾਵੇਗਾ। ਇਨ੍ਹਾਂ ਸਾਰਿਆਂ ਨੂੰ 25 ਤੋਂ 31 ਅਗਸਤ ਦੇ ਵਿਚਕਾਰ ਸ਼ੈਡਿਊਲ ਬਣਾਉਣ ਲਈ ਕਿਹਾ ਗਿਆ ਹੈ। ਹਾਲਾਂਕਿ, ਜਿਆਦਾਤਰ ਥਾਵਾਂ ਤੇ 25 ਨੂੰ ਹੀ ਕਲੀਨਿਕ ਸ਼ੁਰੂ ਹੋ ਜਾਣਗੇ।
