ਗਰਮੀਆਂ ਵਿੱਚ ਸਵੇਰੇ ਉੱਠਣ ਤੋਂ ਬਾਅਦ ਚਿਹਰੇ ‘ਤੇ ਲਗਾਓ ਇਹ ਘਰੇਲੂ ਚੀਜ਼ਾਂ, ਸਾਰਾ ਦਿਨ ਰਹੇਗਾ ਗਲੋ

Skin Care : ਗਰਮੀਆਂ ਦਾ ਮੌਸਮ ਸ਼ੁਰੂ ਹੋ ਗਿਆ ਹੈ। ਇਹ ਮੌਸਮ ਆਪਣੇ ਨਾਲ ਕਈ ਸਮੱਸਿਆਵਾਂ ਲੈ ਕੇ ਆਉਂਦਾ ਹੈ। ਇਸ ਹੁਮਸ ਵਾਲੇ ਮੌਸਮ ਵਿੱਚ, ਸਰੀਰ ਦੇ ਨਾਲ-ਨਾਲ ਸਕਿਨ ਦਾ ਵੀ ਖਾਸ ਧਿਆਨ ਰੱਖਣਾ ਜ਼ਰੂਰੀ ਹੈ। ਧੁੱਪ, ਧੂੜ ਅਤੇ ਹੁਮਸ ਕਾਰਨ, ਸਕਿਨ ਨਾਲ ਸਬੰਧਤ ਕਈ ਸਮੱਸਿਆਵਾਂ ਦਿਖਾਈ ਦਿੰਦੀਆਂ ਹਨ, ਜਿਵੇਂ ਕਿ ਮੁਹਾਸੇ, ਖੁਸ਼ਕ ਸਕਿਨ ਅਤੇ ਟੈਨਿੰਗ। ਇਨ੍ਹਾਂ ਕਾਰਨਾਂ ਕਰਕੇ, ਸਾਡੀ ਸਕਿਨ ਗਰਮੀਆਂ ਵਿੱਚ ਆਪਣੀ ਚਮਕ ਗੁਆ ਦਿੰਦੀ ਹੈ ਅਤੇ ਫਿੱਕੀ ਦਿਖਾਈ ਦਿੰਦੀ ਹੈ।

ਇਸ ਦੇ ਨਾਲ ਹੀ, ਜਦੋਂ ਕੁਝ ਔਰਤਾਂ ਸਵੇਰੇ ਉੱਠਦੀਆਂ ਹਨ, ਤਾਂ ਉਨ੍ਹਾਂ ਦਾ ਚਿਹਰਾ ਬਹੁਤ ਹੀ ਸੁਕਿਆ ਦਿਖਾਈ ਦਿੰਦਾ ਹੈ। ਅਜਿਹੀ ਸਥਿਤੀ ਵਿੱਚ, ਉਨ੍ਹਾਂ ਨੂੰ ਕੁਝ ਦੇਸੀ ਅਤੇ ਘਰੇਲੂ ਬਣੀਆਂ ਚੀਜ਼ਾਂ ਦੀ ਵਰਤੋਂ ਕਰਨ ਦੀ ਜ਼ਰੂਰਤ ਹੁੰਦੀ ਹੈ। ਅੱਜ ਇਸ ਲੇਖ ਵਿੱਚ ਅਸੀਂ ਤੁਹਾਨੂੰ 5 ਅਜਿਹੀਆਂ ਕੁਦਰਤੀ ਚੀਜ਼ਾਂ ਬਾਰੇ ਦੱਸਾਂਗੇ। ਜੇਕਰ ਤੁਸੀਂ ਉਨ੍ਹਾਂ ਨੂੰ ਸਵੇਰੇ ਆਪਣੇ ਚਿਹਰੇ ‘ਤੇ ਲਗਾਉਂਦੇ ਹੋ, ਤਾਂ ਚਿਹਰਾ ਸਾਰਾ ਦਿਨ ਚਮਕਦਾ ਰਹੇਗਾ। ਆਓ ਜਾਣਦੇ ਹਾਂ ਉਹ ਚੀਜ਼ਾਂ ਕੀ ਹਨ ਅਤੇ ਉਨ੍ਹਾਂ ਨੂੰ ਚਿਹਰੇ ‘ਤੇ ਕਿਵੇਂ ਲਗਾਉਣਾ ਹੈ?

ਚੌਲਾਂ ਦਾ ਪਾਣੀ

ਚੌਲਾਂ ਦਾ ਪਾਣੀ ਸਕਿਨ ਨੂੰ ਚਮਕਦਾਰ ਬਣਾਉਣ ਵਿੱਚ ਬਹੁਤ ਮਦਦ ਕਰਦਾ ਹੈ। ਜੇਕਰ ਤੁਸੀਂ ਸਵੇਰੇ ਉੱਠਣ ਤੋਂ ਬਾਅਦ ਚੌਲਾਂ ਦੇ ਪਾਣੀ ਨਾਲ ਆਪਣਾ ਚਿਹਰਾ ਧੋਵੋਗੇ, ਤਾਂ ਇਹ ਚਿਹਰੇ ਨੂੰ ਕੁਦਰਤੀ ਚਮਕ ਦੇਵੇਗਾ ਅਤੇ ਤੁਹਾਡਾ ਚਿਹਰਾ ਸਾਰਾ ਦਿਨ ਚਮਕਦਾ ਰਹੇਗਾ। ਇਸ ਦੇ ਲਈ, ਤੁਹਾਨੂੰ ਰਾਤ ਭਰ ਕੁਝ ਚੌਲ ਭਿਓ ਕੇ ਰੱਖਣੇ ਪੈਣਗੇ ਅਤੇ ਸਵੇਰੇ ਚੌਲ ਕੱਢ ਕੇ ਉਸ ਪਾਣੀ ਨਾਲ ਆਪਣਾ ਚਿਹਰਾ ਧੋ ਲਓ। ਨਤੀਜਾ ਤੁਸੀਂ ਖੁਦ ਮਹਿਸੂਸ ਕਰੋਗੇ।

ਬੇਸਨ ਅਤੇ ਹਲਦੀ ਦਾ ਪੇਸਟ

ਬੇਸਨ ਅਤੇ ਹਲਦੀ ਦੋਵੇਂ ਚਿਹਰੇ ਲਈ ਬਹੁਤ ਪ੍ਰਭਾਵਸ਼ਾਲੀ ਚੀਜ਼ਾਂ ਹਨ। ਇਹ ਡੇਡ ਹੋਈ ਸਕਿਨ ਨੂੰ ਹਟਾ ਕੇ ਚਿਹਰੇ ਨੂੰ ਚਮਕਦਾਰ ਬਣਾਉਣ ਵਿੱਚ ਮਦਦ ਕਰਦੇ ਹਨ। ਇਸਦੇ ਲਈ, ਇੱਕ ਕਟੋਰੀ ਵਿੱਚ ਇੱਕ ਚੱਮਚ ਬੇਸਨ ਲਓ ਅਤੇ ਉਸ ਵਿੱਚ ਇੱਕ ਚੁਟਕੀ ਹਲਦੀ ਪਾਓ। ਇਸ ਪੇਸਟ ਨੂੰ ਬਣਾਉਣ ਲਈ, ਤੁਸੀਂ ਦੁੱਧ ਜਾਂ ਪਾਣੀ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਤੋਂ ਬਾਅਦ, ਇਸਨੂੰ ਆਪਣੇ ਚਿਹਰੇ ‘ਤੇ ਲਗਾਓ ਅਤੇ 10 ਤੋਂ 15 ਮਿੰਟ ਬਾਅਦ ਚਿਹਰਾ ਧੋ ਲਓ।

ਨਾਰੀਅਲ ਤੇਲ

ਜੇਕਰ ਤੁਹਾਡੀ ਸਕਿਨ ਫਿੱਕੀ ਲੱਗਦੀ ਹੈ ਤਾਂ ਨਾਰੀਅਲ ਤੇਲ ਤੁਹਾਡੇ ਲਈ ਸਭ ਤੋਂ ਵਧੀਆ ਰਹੇਗਾ। ਇਹ ਸਕਿਨ ਨੂੰ ਚਮਕਦਾਰ ਅਤੇ ਨਰਮ ਬਣਾਉਂਦਾ ਹੈ। ਥੋੜ੍ਹਾ ਜਿਹਾ ਨਾਰੀਅਲ ਤੇਲ ਲਓ ਅਤੇ ਇਸ ਨੂੰ ਆਪਣੇ ਚਿਹਰੇ ਉੱਤੇ ਲਗਾਓ ਅਤੇ ਥੋੜ੍ਹੀ ਹੋਲੀ- ਹੋਲੀ ਮਾਲਿਸ਼ ਕਰੋ। 5-10 ਮਿੰਟ ਰੱਖਣ ਤੋਂ ਬਾਅਦ, ਇਸਨੂੰ ਧੋ ਲਓ।

ਇਹ ਵੀ ਪੜ੍ਹੋ

ਲਵ ਪਾਰਟਨਰ ਦੇ ਨਾਲ ਇੱਕ ਵਾਰ ਜ਼ਰੂਰ ਕਰੋ ਇਹ Activity, ਕਦੇ ਨਹੀਂ ਭੁਲਾ ਸਕੋਗੇ

ਜਗਨਨਾਥ ਰੱਥ ਯਾਤਰਾ ਲਈ ਗਏ ਹੋ ਤਾਂ ਪੁਰੀ ਦੇ ਇਨ੍ਹਾਂ ਸਥਾਨਾਂ ਦੀ ਵੀ ਕਰੋ ਸੈਰ

ਵਾਲਾਂ ਲਈ ਵਰਦਾਨ ਹਨ ਚੀਆ ਸੀਡਜ਼, ਇਸ ਤਰ੍ਹਾਂ ਕਰੋ ਇਸਤੇਮਾਲ

ਦੁੱਧ ਲਗਾਓ

ਸਵੇਰੇ ਉੱਠਦੇ ਹੀ, ਦੁੱਧ ਦੀ ਵਰਤੋਂ ਸਿਰਫ਼ ਚਾਹ ਬਣਾਉਣ ਲਈ ਹੀ ਨਹੀਂ, ਸਗੋਂ ਆਪਣੇ ਚਿਹਰੇ ਨੂੰ ਚਮਕਦਾਰ ਬਣਾਉਣ ਲਈ ਵੀ ਕਰੋ। ਇਹ ਚਿਹਰੇ ‘ਤੇ ਜਮ੍ਹਾ ਹੋਈ ਮਰੀ ਹੋਈ ਸਕਿਨ ਅਤੇ ਗੰਦਗੀ ਨੂੰ ਹਟਾਉਂਦਾ ਹੈ ਅਤੇ ਚਿਹਰੇ ਨੂੰ ਚਮਕਦਾਰ ਬਣਾਉਂਦਾ ਹੈ। ਇਸ ਦੇ ਲਈ, ਤੁਹਾਨੂੰ ਸਿਰਫ਼ ਰੂੰ ਦੀ ਮਦਦ ਨਾਲ ਪੂਰੇ ਚਿਹਰੇ ‘ਤੇ ਦੁੱਧ ਲਗਾਉਣਾ ਹੈ ਅਤੇ 10 ਮਿੰਟ ਬਾਅਦ ਚਿਹਰਾ ਧੋਣਾ ਹੈ।

ਦਹੀਂ ਦੀ ਵਰਤੋਂ

ਦਹੀਂ ਗਰਮੀਆਂ ਵਿੱਚ ਸਕਿਨ ਨੂੰ ਚਮਕਦਾਰ ਬਣਾਉਣ ਵਿੱਚ ਵੀ ਬਹੁਤ ਮਦਦ ਕਰਦਾ ਹੈ। ਸਵੇਰੇ ਉੱਠਣ ਤੋਂ ਬਾਅਦ, ਆਪਣੇ ਚਿਹਰੇ ‘ਤੇ ਦਹੀਂ ਲਗਾਓ ਅਤੇ ਇਸਨੂੰ 10 ਮਿੰਟ ਲਈ ਛੱਡ ਦਿਓ ਅਤੇ ਫਿਰ ਆਪਣੇ ਚਿਹਰੇ ਨੂੰ ਸਾਦੇ ਪਾਣੀ ਨਾਲ ਧੋ ਲਓ। ਇਹ ਡੇਡ ਹੋਈ ਸਕਿਨ ਨੂੰ ਹਟਾ ਕੇ ਚਿਹਰੇ ਨੂੰ ਸਾਫ਼ ਅਤੇ ਚਮਕਦਾਰ ਬਣਾਉਂਦਾ ਹੈ।