ਨਿਹੰਗਾਂ ਦੀ CJP ਪ੍ਰਦਰਸ਼ਨ ਵਿੱਚ ਐਂਟਰੀ, ਜੋਸ਼ ‘ਚ ਆਏ ਵਿਦਿਆਰਥੀ ਬੋਲੇ- “ਤੁਹਾਡੇ ਆਉਣ ਨਾਲ ਸਾਡੇ ਅੰਦਰ ਆ ਗਈ ਜਾਨ”
Nihang Sikh in CJP Protest: ਵਿਦਿਆਰਥੀਆਂ 'ਤੇ ਹੋਏ ਲਾਠੀਚਾਰਜ ਤੋਂ ਬਾਅਦ ਸਿਆਸਤਦਾਨਾਂ ਦੇ ਨਾਲ-ਨਾਲ ਵੱਡੀ ਗਿਣਤੀ ਵਿੱਚ ਹੋਰ ਕਈ ਸੰਗਠਨ ਅਤੇ ਸਮਾਜਸੇਵੀ ਸੰਸਥਾਵਾਂ ਵੀ ਦਿੱਲੀ ਪੁਲਿਸ ਦੇ ਇਸ ਕਦਮ ਦੀ ਨਿਖੇਦੀ ਕਰ ਰਹੀਆਂ ਹਨ। ਪ੍ਰਦਰਸ਼ਨ ਦੌਰਾਨ ਕਈ ਵਿਦਿਆਰਥੀਆਂ ਨੇ ਬੰਗਲਾ ਸਾਹਿਬ ਗੁਰਦੁਆਰਾ ਸਾਹਿਬ ਵਿੱਚ ਸ਼ਰਨ ਲਈ ਸੀ, ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਅਤੇ ਐਮਪੀ ਹਰਸਿਮਰਤ ਕੌਰ ਬਾਦਲ ਨੇ ਇਸ ਦੌਰਾਨ ਦੀਆਂ ਕੁਝ ਵੀਡੀਓ ਸ਼ੇਅਰ ਕੀਤੀਆਂ । ਤੇ ਨਾਲ ਹ ਹੁਣ ਇਸ ਪ੍ਰਦਰਸ਼ਨ ਵਿੱਚ ਨਿਹੰਗ ਸਿੱਖਾਂ ਦੀ ਵੀ ਐਂਟਰੀ ਹੋ ਗਈ ਹੈ।
ਨਵੀਂ ਦਿੱਲੀ ਵਿੱਚ ਕਾਕਰੋਚ ਜਨਤਾ ਪਾਰਟੀ (CJP) ਦੇ ਵਿਰੋਧ ਪ੍ਰਦਰਸ਼ਨ ਵਿੱਚ ਨਿਹੰਗ ਵੀ ਹਿੱਸਾ ਲੈਣਗੇ। ਬਲੂ ਫੋਰਸ ਨਿਹੰਗਾਂ ਦਾ ਇੱਕ ਜੱਥਾ ਮੰਗਲਵਾਰ ਸ਼ਾਮ ਨੂੰ ਜੰਤਰ-ਮੰਤਰ ਪਹੁੰਚਿਆ। ਪ੍ਰਦਰਸ਼ਨਕਾਰੀ ਉਨ੍ਹਾਂ ਨੂੰ ਦੇਖ ਕੇ ਬਹੁਤ ਉਤਸ਼ਾਹਿਤ ਸਨ। ਵਿਰੋਧ ਪ੍ਰਦਰਸ਼ਨ ਵਿੱਚ ਹਿੱਸਾ ਲੈਣ ਵਾਲੇ ਇੱਕ ਵਿਦਿਆਰਥੀ ਨੇ ਕਿਹਾ, “ਤੁਹਾਡੇ ਆਉਣ ਨਾਲ ਸਾਡੇ ਅੰਦਰ ਜਾਨ ਆ ਗਈ, ਤੁਹਾਡਾ ਬਹੁਤ-ਬਹੁਤ ਧੰਨਵਾਦ।” ਜਿਸਤੋਂ ਬਾਅਦ ਨਿਹੰਗ ਸਿੱਖ ਨੇ ਕਿਹਾ, “ਜਦੋਂ ਵੀ ਤੁਹਾਨੂੰ ਸਾਡੀ ਲੋੜ ਹੋਵੇਗੀ ਅਸੀਂ ਤੁਹਾਡੇ ਨਾਲ ਖੜੇ ਮਿਲਾਂਗੇ। ਬਹੁਤ ਵਧੀਆ ਹੈ ਕਿ ਤੁਸੀਂ ਮਜ਼ਬੂਤੀ ਨਾਲ ਖੜ੍ਹੇ ਹੋਏ ਹੋ।”
ਜੰਤਰ-ਮੰਤਰ ‘ਤੇ ਪੁਲਿਸ ਦੇ ਲਾਠੀਚਾਰਜ ਦੌਰਾਨ, ਕਈ ਪ੍ਰਦਰਸ਼ਨਕਾਰੀਆਂ ਨੇ ਦਿੱਲੀ ਦੇ ਬੰਗਲਾ ਸਾਹਿਬ ਗੁਰਦੁਆਰੇ ਵਿੱਚ ਸ਼ਰਨ ਲਈ ਸੀ। ਜਦੋਂ ਪੁਲਿਸ ਉਨ੍ਹਾਂ ‘ਤੇ ਹਮਲਾ ਕਰਨ ਪਹੁੰਚੀ, ਤਾਂ ਪ੍ਰਦਰਸ਼ਨਕਾਰੀ ਗੁਰਦੁਆਰੇ ਵਿੱਚ ਦਾਖਲ ਹੋ ਗਏ ਅਤੇ ਗੇਟ ਬੰਦ ਕਰ ਦਿੱਤਾ। ਨਤੀਜੇ ਵਜੋਂ, ਪੁਲਿਸ ਉਨ੍ਹਾਂ ਨੂੰ ਭਜਾ ਨਹੀਂ ਸਕੀ ਅਤੇ ਉਸ ਨੂੰ ਬਾਹਰ ਹੀ ਰੁੱਕਣਾ ਪਿਆ। ਅਕਾਲੀ ਦਲ ਦੇ ਮੁਖੀ ਸੁਖਬੀਰ ਬਾਦਲ ਅਤੇ ਸੰਸਦ ਮੈਂਬਰ ਹਰਸਿਮਰਤ ਕੌਰ ਬਾਦਲ ਨੇ ਇਸ ਦੀਆਂ ਵੀਡੀਓ ਪੋਸਟ ਕੀਤੀਆਂ ਹਨ।
ਵਿਰੋਧ ਪ੍ਰਦਰਸ਼ਨ ਨੂੰ ਲੈ ਕੇ ਨਿਹੰਗ ਸੰਗਠਨ ਨੇ ਕੀ ਕਿਹਾ
ਬਲੂ ਫੋਰਸ ਨਿਹੰਗ ਸੰਗਠਨ ਦੇ ਮੁਖੀ ਨਿਹੰਗ ਵਰਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਟੀਮ ਦੇ ਲਗਭਗ 30 ਤੋਂ 40 ਮੈਂਬਰ ਬੁੱਧਵਾਰ ਨੂੰ ਜੰਤਰ-ਮੰਤਰ ਪਹੁੰਚੇ। ਪੰਜਾਬ ਤੋਂ ਵੀ ਕਈ ਨਿਹੰਗ ਉੱਥੇ ਪਹੁੰਚ ਗਏ ਹਨ, ਅਤੇ ਹੋਰ ਮੈਂਬਰਾਂ ਦਾ ਆਉਣਾ ਵੀ ਜਾਰੀ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਅੱਜ ਟੀਮ ਵਿਰੋਧ ਪ੍ਰਦਰਸ਼ਨ ਵਿੱਚ ਹਿੱਸਾ ਲੈਣ ਵਾਲੇ ਵਿਦਿਆਰਥੀਆਂ ਨੂੰ ਪੱਖੇ ਅਤੇ ਹੋਰ ਜ਼ਰੂਰੀ ਸਮਾਨ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਕਰੇਗੀ।
Now come forward, fight us kill our children…
Nihang Sikhs have challenged the police; it will be very difficult for the BJP government to handle them… Sikhs stand where matters are important… 🔥 pic.twitter.com/y8nwhMZUtw — Neha Bharti 🌸 (@IAmNehaBhart) July 21, 2026
ਦੱਸ ਦੇਈਏ ਕਿ ਇਸ ਨਿਹੰਗ ਸੰਗਠਨ ਨੇ ਗੋਲਡਨ ਟੈਂਪਲ ਦੇ ਪਵਿੱਤਰ ਜਲ ਵਿੱਚ ਕੁਰਲੀ ਕਰਨ ਵਾਲੇ ਮੁਸਲਿਮ ਨੌਜਵਾਨ ਸੁਭਾਨ ਰੰਗਰੀਜ਼ ਤੋਂ ਮੁਆਫ਼ੀ ਮੰਗਵਾਉਣ ਤੋਂ ਬਾਅਦ ਸੁਰਖੀਆਂ ਬਟੋਰੀਆਂ ਸਨ। ਇਸੇ ਸੰਗਠਨ ਨੇ ਉਸਨੂੰ ਘਰ ਜਾ ਕੇ ਫੜਿਆ ਸੀ ਅਤੇ ਮੁਆਫ਼ੀ ਮੰਗਣ ਤੋਂ ਬਾਅਦ ਉਸਨੂੰ ਗਾਜ਼ੀਆਬਾਦ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਸੀ।
ਇਹ ਵੀ ਪੜ੍ਹੋ
ਕਿਵੇਂ ਬੰਗਲਾ ਸਾਹਿਬ ਗੁਰਦੁਆਰੇ ਵਿੱਚ ਇਕੱਠੇ ਹੋਏ ਪ੍ਰਦਰਸ਼ਨਕਾਰੀ
ਸੰਸਦ ਮੈਂਬਰ ਹਰਸਿਮਰਤ ਬਾਦਲ ਨੇ ਇੱਕ ਵੀਡੀਓ ਟਵੀਟ ਕੀਤਾ। ਜਿਸ ਵਿੱਚ ਉਨ੍ਹਾਂ ਨੇ ਲਿਖਿਆ, “ਮੈਂ ਹਰ ਵਲੰਟੀਅਰ ਅਤੇ ਸਿੱਖ ਭਾਈਚਾਰੇ ਦੇ ਹਰ ਮੈਂਬਰ ਦਾ ਦਿਲੋਂ ਧੰਨਵਾਦ ਕਰਦੀ ਹਾਂ ਜੋ ਨਿਮਰਤਾ ਅਤੇ ਹਮਦਰਦੀ ਨਾਲ ਸੇਵਾ ਕਰਦਾ ਹੈ। ਸੇਵਾ ਦੀ ਇਹ ਭਾਵਨਾ ਸਾਡੀ ਸਭ ਤੋਂ ਵੱਡੀ ਤਾਕਤ ਅਤੇ ਸਾਡੀ ਸਭ ਤੋਂ ਸ਼ਾਨਦਾਰ ਵਿਰਾਸਤ ਹੈ।”
My deepest gratitude to every sewadar and every member of the Sikh Panth serving with humility and compassion. This spirit of Sewa is our greatest strength and our proudest legacy. pic.twitter.com/A5igl1026g
— Harsimrat Kaur Badal (@HarsimratBadal_) July 21, 2026
ਇਸ ਦੌਰਾਨ, ਅਕਾਲੀ ਦਲ ਦੇ ਮੁਖੀ ਸੁਖਬੀਰ ਬਾਦਲ ਨੇ ਲਿਖਿਆ, “ਸੇਵਾ ਸਿੱਖਾਂ ਲਈ ਕੋਈ ਫਰਜ਼ ਨਹੀਂ ਹੈ, ਸਗੋਂ ਸਾਡੀ ਪਛਾਣ ਹੈ। ਲੋੜਵੰਦਾਂ ਨੂੰ ਹਮੇਸ਼ਾ ਗੁਰੂ ਦੇ ਦਰਬਾਰ ਵਿੱਚ ਸ਼ਰਨ ਮਿਲੇਗੀ। ਅੱਜ, ਜਦੋਂ ਵਿਦਿਆਰਥੀ ਸੁਰੱਖਿਆ ਅਤੇ ਸਤਿਕਾਰ ਦੀ ਮੰਗ ਕਰ ਰਹੇ ਹਨ, ਸਾਡੇ ਗੁਰਦੁਆਰੇ ਇੱਕ ਵਾਰ ਫਿਰ ਆਸਰਾ, ਭੋਜਨ, ਦੇਖਭਾਲ ਅਤੇ ਸਭ ਤੋਂ ਮਹੱਤਵਪੂਰਨ, ਉਮੀਦ ਦਾ ਸਰੋਤ ਬਣ ਗਏ ਹਨ। ਸਿੱਖ ਭਾਈਚਾਰਾ ਸਾਡੇ ਨੌਜਵਾਨਾਂ ਦੇ ਨਾਲ ਖੜ੍ਹਾ ਹੋਣ ‘ਤੇ ਮਾਣ ਮਹਿਸੂਸ ਕਰਦਾ ਹੈ ਅਤੇ ਭਾਰਤ ਨੂੰ ਇੱਕ ਵਾਰ ਫਿਰ ਯਾਦ ਦਿਵਾਉਂਦਾ ਹੈ ਕਿ ਸੇਵਾ ਹਿੰਮਤ ਦਾ ਸਭ ਤੋਂ ਉੱਚਾ ਰੂਪ ਹੈ।”
Sewa is not something Sikhs do. It is who we are!
Anyone in need will always find refuge at the Gurus darbar. Today, as students seek safety and dignity, our Gurdwaras have once again become places of shelter, food, care and more importantly ~ HOPE. Proud of the Sikh Panth for pic.twitter.com/SaJnRpZW70 — Sukhbir Singh Badal (@officeofssbadal) July 21, 2026
ਵੀਡੀਓ ਵਿੱਚ ਦਿਖਾਈ ਦੇ ਰਿਹਾ ਹੈ ਕਿ ਪ੍ਰਦਰਸ਼ਨਕਾਰੀ ਸਟੂਡੈਂਟ ਗੁਰਦੁਆਰੇ ਦੇ ਅੰਦਰ ਹਨ ਅਤੇ ਪੁਲਿਸ ਬਾਹਰ ਖੜ੍ਹੀ ਹੈ। ਇਹ ਵੀਡੀਓ 20 ਜੁਲਾਈ ਦਾ ਮੰਨਿਆ ਜਾ ਰਿਹਾ ਹੈ, ਜਦੋਂ ਕਾਕਰੋਚ ਜਨਤਾ ਪਾਰਟੀ ਦੇ ਪ੍ਰਦਰਸ਼ਨਕਾਰੀਆਂ ਨੇ ਸੰਸਦ ਵੱਲ ਮਾਰਚ ਕਰਨ ਦੀ ਕੋਸ਼ਿਸ਼ ਕੀਤੀ ਅਤੇ ਪੁਲਿਸ ਨੇ ਉਨ੍ਹਾਂ ‘ਤੇ ਲਾਠੀਚਾਰਜ ਕੀਤਾ ਸੀ।
