ਗੱਦਾਰਾਂ ਨੂੰ ਮੁਆਫ ਨਹੀਂ ਕਰਦਾ ਪੰਜਾਬ… ਬੀਜੇਪੀ ‘ਚ ਜਾ ਕੇ ਬਾਗੀ ਵਿਧਾਇਕਾਂ ਨੂੰ ਸੁਰੱਖਿਆ ਕਵਚ ਨਹੀਂ ਮਿਲ ਗਿਆ : ਸੀਐਮ ਮਾਨ

ਪੰਜਾਬ ਦੇ 6 ਬਾਗੀ ਰਾਜਸਭਾ ਮੈਂਬਰਾਂ ਦੇ ਮੁੱਦੇ ਨੂੰ ਲੈ ਕੇ ਮੁੱਖ ਮੰਤਰੀ ਭਗਵੰਤ ਮਾਨ ਮੰਗਲਵਾਰ ਨੂੰ ਰਾਸ਼ਟਰਪਤੀ ਦ੍ਰੌਪਦੀ ਮੁਰਮੂ ਨਾਲ ਮਿਲਣ ਪਹੁੰਚੇ। ਇਸ ਮੁਲਾਕਾਤ ਤੋਂ ਬਾਅਦ ਸੀਐਮ ਮਾਨ ਅਤੇ ਅਰਵਿੰਦ ਕੇਜਰੀਵਾਲ ਨੇ ਕਪੂਰਥਲਾ ਹਾਉਸ ਵਿੱਚ ਆਪਣੇ ਵਿਧਾਇਕਾਂ ਨੂੰ ਸੰਬੋਧਿਤ ਕੀਤਾ। ਇਸ ਦੌਰਾਨ ਦੋਵਾਂ ਨੇ ਭਾਜਪਾ ਅਤੇ ਕੇਂਦਰ ਸਰਕਾਰ ਤੇ ਤਿੱਖੇ ਨਿਸ਼ਾਨੇ ਲਗਾਏ। ਸੀਐਮ ਮਾਨ ਨੇ ਕਿਹਾ ਕਿ ਇਹ ਜਿਹੜੇ 7 ਬਾਗੀ ਵਿਧਾਇਕ ਬੀਜੇਪੀ ਵਿੱਚ ਗਏ ਹਨ, ਉਨ੍ਹਾਂ ਨੂੰ ਕੋਈ ਸੁਰੱਖਿਆ ਕਵਚ ਨਹੀਂ ਮਿਲ ਗਿਆ ਹੈ। ਉਨ੍ਹਾਂ ਨੇ ਪੰਜਾਬ ਨਾਲ ਗੱਦਾਰੀ ਕੀਤੀ ਹੈ ਅਤੇ ਗੱਦਾਰ ਨੂੰ ਲੋਕ ਪਸੰਦ ਨਹੀਂ ਕਰਦੇ। ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਨੈਸ਼ਨਲ ਪਾਰਟੀ ਹੈ, ਇਸਨੂੰ ਤੋੜਣਾ ਸੌਖਾ ਨਹੀਂ ਹੈ। ਤਾਂ ਕੇਜਰੀਵਾਲ ਨੇ ਕਿਹਾ ਕਿ ਬੀਜੇਪੀ ਜਨਤੰਤਰ ਨੂੰ ਹਾਈਜੈਕ ਕਰਕੇ ਹੋਲੀ-ਹੋਲੀ ਸਾਰੇ ਸੂਬਿਆਂ ਤੇ ਕਬਜਾ ਕਰ ਰਹੀ ਹੈ। ਪਰ ਆਮ ਆਦਮੀ ਪਾਰਟੀ ਹੀ ਇਸਦੇ ਵਿਜੇ ਰੱਥ ਨੂੰ ਰੋਕੇਗੀ।

ਸੀਐਮ ਭਗਵੰਤ ਮਾਨ ਨੇ ਕਿਹਾ ਕਿ ਪਿਛਲੇ ਕਈ ਦਿਨਾਂ ਤੋਂ ਆਮ ਆਦਮੀ ਪਾਰਟੀ ਦੇ ਹਮਲੇ ਹੋ ਰਹੇ ਹਨ। ਪਾਰਟੀ ਦਾ ਵਜੂਦ ਖਤਮ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਪਾਰਟੀ ਦੇ ਆਗੂਆਂ ਨੂੰ ਲਾਲਚ ਦਿੱਤੇ ਗਏ, ਸੌ ਸੁਪਨੇ ਦਿਖਾਏ ਗਏ, ਡਰਾਇਆ ਵੀ ਗਿਆ, ਪਰ ਉਹ ਅਡੋਲ ਰਹੇ। ਕਿਉਂਕਿ ਸਾਡੇ ਕੋਲ ਛੋਟੇ ਸਾਹਿਬਜ਼ਾਦਿਆਂ ਦੀ ਪ੍ਰੇਰਣਾ ਹੈ, ਜਿਨ੍ਹਾਂ ਨੂੰ ਕੰਧਾਂ ਵਿੱਚ ਚਿਣਨ ਤੋਂ ਪਹਿਲਾਂ ਵੱਡੇ ਲਾਲਚ ਦਿੱਤੇ ਗਏ, ਪਰ ਉਹ ਅਡੋਲ ਰਹੇ। ਉਨ੍ਹਾਂ ਕਿਹਾ ਕਿ ਜਿਹੜਾ ਪੰਜਾਬ ਨਾਲ ਧੋਖਾ ਕਰਦਾ ਹੈ, ਪੰਜਾਬ ਹਮੇਸ਼ਾ ਉਨ੍ਹਾਂ ਦੀ ਗਰਦਨ ਨੂੰ ਝੁਕਾਉਂਦਾ ਹੈ।

ਖੇਤਰੀ ਪਾਰਟੀਆਂ ਨੂੰ ਖਤਮ ਕਰ ਰਹੀ ਬੀਜੇਪੀ – ਸੀਐਮ ਮਾਨ

ਸੀਐਮ ਮਾਨ ਨੇ ਕਿਹਾ ਕਿ ਅੱਜ ਉਹ ਰਾਸ਼ਟਰਪਤੀ ਨੂੰ ਮਿਲ ਕੇ ਆਏ ਹਨ। ਉਨ੍ਹਾਂ ਨੇ ਰਾਸ਼ਟਰਪਤੀ ਨੂੰ ਕਿਹਾ ਕਿ ਬੀਜੇਪੀ ਸਾਰਿਆਂ ਖੇਤਰੀ ਪਾਰਟੀਆਂ ਨੂੰ ਖਤਮ ਕਰ ਰਹੇ ਹਨ, ਪਰ ਸਾਡੀ ਪਾਰਟੀ ਨੈਸ਼ਨਲ ਪਾਰਟੀ ਹੈ, ਸਾਡੀ ਪਾਰਟੀ ਇਨ੍ਹਾਂ ਤੋਂ ਖਤਮ ਨਹੀਂ ਹੋਣੀ। ਅਸੀਂ ਸਾਰੇ ਦੇਸ਼ ਵਿੱਚ ਫੈਲੇ ਹੋਏ ਹਾਂ, ਇਹ ਪਾਰਟੀ ਖਤਮ ਨਹੀਂ ਹੋਣ ਵਾਲੀ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਰਾਸ਼ਟਰਪਤੀ ਨੂੰ ਦੱਸਿਆ ਕਿ ਬੀਜੇਪੀ ਦੇ ਪੰਜਾਬ ਵਿੱਚ ਵਿਧਾਇਕ 2 ਹਨ ਅਤੇ ਰਾਜਸਭਾ ਐਮਪੀ 6 ਹੋ ਗਏ, ਜਦੋਂਕਿ ਸੀਟਾਂ 7 ਹਨ। ਦੋ ਲੋਕ 6 ਐਮਪੀ ਨੂੰ ਕਿਵੇਂ ਚੁਣ ਸਕਦੇ ਹਨ। ਇਹ ਤਾਂ ਲੋਕਤੰਤਰ ਨਾਲ ਕੋਝਾ ਮਜਾਕ ਹੈ। ਜਿਸ ਤੇ ਰਾਸ਼ਟਰਪਤੀ ਨੇ ਕਿਹਾ ਕਿ ਉਹ ਸੰਵਿਧਾਨ ਦੇ ਮਾਹਿਰਾਂ ਨਾਲ ਇਸ ਬਾਰੇ ਗੱਲ ਕਰਨਗੇ। ਉਨ੍ਹਾਂ ਨੇ ਕਿਹਾ ਕਿ ਰਾਸ਼ਟਰਪਤੀ ਭਵਨ ਵਿੱਚ ਬੈਠਣ ਦੀ ਕਮੀ ਨਹੀਂ ਹੈ, ਉੱਥੇ ਅਸ਼ੋਕ ਹਾਲ ਵਰਗ੍ਹੇ ਬਹੁਤ ਵੱਡੇ ਹਾਲ ਹਨ, ਪਰ ਸਾਡੇ ਵਿਧਾਇਕ ਬਾਹਰ ਸੜਕ ਤੇ ਹੀ ਖੜੇ ਸਨ।

ਬੀਜੇਪੀ ਦਾ ਵਿਜੇ ਰੱਥ ਰੋਕੇਗੀ ਆਪ – ਸੀਐਮ ਮਾਨ

ਸੀਐਮ ਨੇ ਅੱਗੇ ਕਿਹਾ ਕਿ ਸਿੰਕਦਰ ਨੇ ਸਾਰਾ ਭਾਰਤ ਜਿੱਤ ਲਿਆ ਸੀ, ਪਰ ਜਦੋਂ ਉਹ ਪੰਜਾਬ ਪਹੁੰਚਿਆ ਤਾਂ ਉਸਨੂੰ ਰੋਕਣ ਵਾਲਾ ਵੀ ਪੰਜਾਬੀ ਬੰਦਾ ਪੋਰਸ ਹੀ ਸੀ। ਉਸਨੇ ਉਸਦਾ ਵਿਜੇ ਰੱਥ ਰੋਕ ਦਿੱਤਾ। ਇੰਝ ਹੀ ਹੁਣ ਆਮ ਆਦਮੀ ਪਾਰਟੀ ਹੀ ਬੀਜੇਪੀ ਦਾ ਵਿਜੇ ਰੱਥ ਰੋਕੇਗੀ। 2014 ਵਿੱਚ ਆਮ ਆਦਪੀ ਪਾਰਟੀ ਦੇ 4 ਐਮਪੀ ਆਏ ਸਵ। ਲੋਕ ਉਨ੍ਹਾਂ ਨੂੰ ਪੁੱਛਦੇ ਸਨ ਕਿ ਤੁਸੀਂ ਮੋਦੀ ਦੀ ਹਨੇਰੀ ਨੂੰ ਕਿਵੇਂ ਰੋਕਿਆ ਤਾਂ ਉਨ੍ਹਾਂ ਨੇ ਕਿਹਾ ਸਾਡੀ ਝਾੜੂ ਨੇ ਚਿੱਕੜ ਦੀ ਸਫਾਈ ਕਰ ਦਿੱਤੀ ਅਤੇ ਕਮਲ ਉੱਗਿਆ ਹੀ ਨਹੀਂ। ਉਨ੍ਹਾਂ ਨੇ ਕਿਹਾ ਲੋਕ ਕਹਿ ਰਹੇ ਹਨ ਬੀਜੇਪੀ ਦਾ ਅਗਲਾ ਟਾਰਗੇਟ ਪੰਜਾਬ ਹੋਵੇਗਾ। ਅਸੀਂ ਉਨ੍ਹਾਂ ਨੂੰ ਪੁੱਛਣਾ ਚਾਹੁੰਦੇ ਹਾਂ ਕਿ ਉਸਨੇ ਕਦੇ ਪੰਜਾਬ ਦੇ ਹੱਕ ਦੀ ਗੱਲ ਵੀ ਕੀਤੀ ਹੈ, ਕਿਹੜੇ ਮੁੰਹ ਨਾਲ ਪੰਜਾਬ ਆਉਣਗੇ।

ਪੰਜਾਬ ਦੇ ਆਪਣੇ ਸਾਰੇ ਵਿਧਾਇਕ ਸਾਥੀਆਂ ਨਾਲ ਗੱਲਬਾਤ, ਕਪੂਰਥਲਾ ਹਾਊਸ ਦਿੱਲੀ ਤੋਂ LIVE ——– पंजाब के अपने सभी विधायक साथियों के साथ संवाद, कपूरथला हाऊस दिल्ली से LIVE https://t.co/OvsN1JoDA3

ਇਹ ਵੀ ਪੜ੍ਹੋ

ਅੱਤਵਾਦੀ ਜਿੱਥੇ ਵੀ ਹੋਣ ਛੱਡਾਂਗੇ ਨਹੀਂ, PM ਦੇ ਹੁਕਮਾਂ 'ਤੇ NSA ਦਾ ਖ਼ੁਲਾਸਾ

ਦਿੱਲੀ ਕੂਚ ਦੇ ਐਲਾਨ ਤੋਂ ਬਾਅਦ ਖਨੌਰੀ ਬਾਰਡਰ 'ਤੇ ਭਾਰੀ ਸੁਰੱਖਿਆ, ਰਸਤਾ ਕੀਤਾ ਸੀਲ

ਬਰਨਾਲਾ ਦੇ ਅਗਨੀਵੀਰ ਸਿਪਾਹੀ ਦੀ ਡਿਊਟੀ ਦੌਰਾਨ ਮੌਤ, ਅਚਾਨਕ ਪਿਆ ਦਿਲ ਦਾ ਦੌਰਾ

— Bhagwant Mann (@BhagwantMann) May 5, 2026

ਬੀਜੇਪੀ ਨੇ ਜਨਤੰਤਰ ਨੂੰ ਹਾਈਜੈਕ ਕੀਤਾ – ਕੇਜਰੀਵਾਲ

ਅਰਵਿੰਦ ਕੇਜਰੀਵਾਲ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ 4 ਸਾਲ ਤੋਂ ਬਾਅਦ ਸਰਕਾਰ ਖਿਲਾਫ ਐਂਟੀ ਇੰਨਕਬੈਂਸੀ ਪੈਦਾ ਹੋ ਜਾਂਦੀ ਹੈ, ਪਰ ਆਮ ਆਦਮੀ ਪਾਰਟੀ ਦੀ ਲੋਕ ਅੱਜ ਵੀ ਖੁੱਲ੍ਹ ਕੇ ਤਾਰੀਫ ਕਰ ਰਹੇ ਹਨ। ਪੰਜਾਬ ਵਿੱਚ ਲਗਾਤਾਰ ਸਰਕਾਰ ਵਿਕਾਸ ਕਾਰਜ ਕਰਵਾ ਰਹੇ ਹਨ, ਜਿਨ੍ਹਾਂ ਨੂੰ ਵੇਖ ਕੇ ਲੋਕ ਖੁੱਸ਼ ਹਨ। 250 ਖੇਡ ਦੇ ਸ਼ਾਨਦਾਰ ਮੈਦਾਨ ਪਿੰਡਾਂ ਵਿੱਚ ਬਣੇ ਹਨ, ਜਿਨ੍ਹਾਂ ਚੋਂ ਨੈਸ਼ਨਲ ਅਤੇ ਇੰਟਰਨੈਸ਼ਨਲ ਲੈਵਲ ਦੇ ਖਿਡਾਰੀ ਨਿਕਲ ਰਹੇ ਹਨ। ਉਨ੍ਹਾਂ ਕਿਹਾ ਕਿਸ ਭਗਵੰਤ ਮਾਨ ਦੀ ਸਰਕਾਰ ਨੇ ਲੋਕਾਂ ਨੂੰ ਖੇਤੀ ਦਾ ਪਾਣੀ ਦਿੱਤਾ, ਮੁਫਤ ਪਾਣੀ ਦਿੱਤਾ, ਮਹਿਲਾਵਾਂ ਨੂੰ 1000 ਰੁਪਏ ਮਹੀਨਾ ਦੇਣ ਦੀ ਸ਼ੁਰੂਆਤ ਕਰ ਦਿੱਤੀ ਹੈ, ਹੈਲਥ ਬੀਮਾ ਦਿੱਤਾ।

पंजाब की 6 राज्यसभा सीटों पर डाका डाला है भाजपा ने। उसका बदला पंजाब के लोग अगले साल चुनाव में लेंगे। pic.twitter.com/fbH4lDHi6r

— Arvind Kejriwal (@ArvindKejriwal) May 5, 2026

ਬੀਜੇਪੀ ਤੇ ਨਿਸ਼ਾਨਾ ਲਗਾਉਂਦਿਆਂ ਕੇਜਰੀਵਾਲ ਨੇ ਕਿਹਾ ਕਿ ਬੀਜੇਪੀ ਨੇ ਜਨਤੰਤਰ ਨੂੰ ਹਾਈਜੈਕ ਕਰ ਲਿਆ ਹੈ। ਬੀਜੇਪੀ ਪਾਰਟੀਆਂ ਤੋੜ ਦਿੰਦੀ ਹੈ, ਵੋਟ ਕੱਟ ਦਿੰਦੇ ਹਨ, ਵੋਟ ਐਡ ਕਰ ਦਿੰਦੇ ਹਨ। ਇਨ੍ਹਾਂ ਬੰਗਾਲ, ਮਹਾਰਾਸ਼ਟਰ, ਦਿੱਲੀ ਅਤੇ ਹੋਰ ਕਈ ਸੂਬਿਆਂ ਵਿੱਚ ਬੀਜੇਪੀ ਨੇ ਧੋਖਾਧੜੀ ਨੇ ਸਰਕਾਰ ਬਣਾਈ। ਪੂਰੇ ਦੇਸ਼ ਵਿੱਚ ਇਹੀ ਤਾਂਡਵ ਚੱਲ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਦੇਸ਼ ਦੀ ਆਜਾਦੀ ਤੇ ਸੰਕਟ ਆਇਆ ਹੋਇਆ ਹੈ।