The Kerala Story: 200 ਕਰੋੜ ਦੇ ਪਾਰ ਪਹੁੰਚੀ ਦਿ ਕਰੇਲਾ ਸਟੋਰੀ, ਦੀ ਕਮਾਈ 18ਵੇਂ ਦਿਨ ਕੀਤਾ ਸ਼ਾਨਦਾਰ ਕਾਰੋਬਾਰ
The Kerala Story Box Office Collection Day 18:ਬਾਕਸ ਆਫਿਸ 'ਤੇ 'ਦਿ ਕੇਰਲ ਸਟੋਰੀ' ਦੇ ਚੱਲ ਰਹੇ ਸਫਰ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਫਿਲਮ ਨੇ 18ਵੇਂ ਦਿਨ ਦੀ ਕਮਾਈ ਨਾਲ 200 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ ਹੈ।
The Kerala Story Box Office Collection:‘ਦਿ ਕੇਰਲਾ ਸਟੋਰੀ’ ਉਨ੍ਹਾਂ ਘੱਟ ਬਜਟ ਵਾਲੀਆਂ ਫਿਲਮਾਂ ਵਿੱਚੋਂ ਇੱਕ ਹੈ ਜਿਸ ਨੇ ਬਾਕਸ ਆਫਿਸ ‘ਤੇ ਧਮਾਲ ਮਚਾ ਦਿੱਤੀ ਹੈ। ਇਸ ਫਿਲਮ ਨੇ ਬਾਲੀਵੁੱਡ (Bollywood) ਦੀਆਂ ਕਈ ਵੱਡੇ ਬਜਟ ਦੀਆਂ ਫਿਲਮਾਂ ਨੂੰ ਕਰਾਰਾ ਜਵਾਬ ਦਿੱਤਾ ਹੈ। ਜਿਸ ‘ਚ ਅਕਸ਼ੈ ਕੁਮਾਰ ਤੋਂ ਲੈ ਕੇ ਸਲਮਾਨ ਖਾਨ ਤੱਕ ਦੀਆਂ ਫਿਲਮਾਂ ਦੇ ਨਾਂ ਸ਼ਾਮਲ ਹਨ। ਅਦਾ ਸ਼ਰਮਾ ਨੇ ਕਦੇ ਸੋਚਿਆ ਵੀ ਨਹੀਂ ਸੀ ਕਿ ਉਹ ਜੋ ਫਿਲਮ ਕਰ ਰਹੀ ਹੈ, ਉਹ ਇੰਨੀ ਹਿੱਟ ਹੋਵੇਗੀ।
‘ਦਿ ਕੇਰਲ ਸਟੋਰੀ’ (‘The Kerala Story’) ਆਪਣੇ 18 ਦਿਨਾਂ ਦੇ ਕਲੈਕਸ਼ਨ ਦੇ ਨਾਲ ਮੇਕਰਸ ਅਤੇ ਸਟਾਰ ਕਾਸਟ ਲਈ ਵੱਡੀ ਖਬਰ ਲੈ ਕੇ ਆਈ ਹੈ। ਜਿਸ ਪਲ ਦਾ ਹਰ ਕੋਈ ਇੰਤਜ਼ਾਰ ਕਰ ਰਿਹਾ ਸੀ ਉਹ ਆ ਗਿਆ ਹੈ ਅਤੇ ‘ਦਿ ਕੇਰਲਾ ਸਟੋਰੀ’ ਨਾਲ ਜੁੜੇ ਲੋਕਾਂ ਦੀ ਖੁਸ਼ੀ ਦੀ ਕੋਈ ਹੱਦ ਨਹੀਂ ਹੈ।
19 ਦਿਨ ਪਹਿਲਾਂ ਰਿਲੀਜ਼ ਹੋਈ ਸੀ ਫਿਲਮ
ਫਿਲਮ ਦੀ ਰਿਲੀਜ਼ ਦਾ ਅੱਜ 19ਵਾਂ ਦਿਨ ਹੈ। ਇਸ ਦੇ ਨਾਲ ਹੀ ਫਿਲਮ ਦੇ 18ਵੇਂ ਦਿਨ ਦੇ ਕਾਰੋਬਾਰ ਦੇ ਅੰਕੜੇ ਵੀ ਸਾਹਮਣੇ ਆ ਗਏ ਹਨ। 18 ਦਿਨਾਂ ਦੇ ਸ਼ਾਨਦਾਰ ਸਫਰ ਤੋਂ ਬਾਅਦ ਇਹ ਫਿਲਮ ਹੁਣ 200 ਕਰੋੜ ਦੇ ਕਲੱਬ ‘ਚ ਸ਼ਾਮਲ ਹੋ ਗਈ ਹੈ।
18ਵੇਂ ਦਿਨ ਕੀਤੀ 5.50 ਕਰੋੜ ਦੀ ਕਮਾਈ
ਫਿਲਮ ਨੇ ਨਵੇਂ ਹਫਤੇ ਦੇ ਪਹਿਲੇ ਦਿਨ ਵੀ ਚੰਗਾ ਕਾਰੋਬਾਰ ਕੀਤਾ ਹੈ। ਇਕ ਰਿਪੋਰਟ ਮੁਤਾਬਕ ‘ਦਿ ਕੇਰਲ ਸਟੋਰੀ’ ਨੇ 18ਵੇਂ ਦਿਨ 5.50 ਕਰੋੜ ਦੀ ਕਮਾਈ ਕਰ ਲਈ ਹੈ। ਜਿਸ ਦੇ ਨਾਲ ‘ਦਿ ਕੇਰਲ ਸਟੋਰੀ’ ਨੇ ਵੀ 200 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ ਹੈ ਅਤੇ ਇੱਕ ਉੱਚੀ ਛਾਲ ਨਾਲ ਫਿਲਮ ਦਾ ਕੁੱਲ ਕਲੈਕਸ਼ਨ ਹੁਣ 204.47 ਕਰੋੜ ਤੱਕ ਪਹੁੰਚ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸ਼ਾਹਰੁਖ ਖਾਨ ਦੀ ਪਠਾਨ ਤੋਂ ਬਾਅਦ ਇਹ ਇਸ ਸਾਲ ਦੀ ਦੂਜੀ ਫਿਲਮ (Film) ਹੈ ਜਿਸ ਨੇ 200 ਕਰੋੜ ਦਾ ਅੰਕੜਾ ਪਾਰ ਕੀਤਾ ਹੈ।
250 ਕਰੋੜ ਦੇ ਟੀਚੇ ਤੇ ਟਿਕੀਆਂ ਨਜ਼ਰਾਂ
ਪਿਛਲੇ ਦਿਨ ਹੀ ‘ਦਿ ਕੇਰਲ ਸਟੋਰੀ’ 200 ਕਰੋੜ ਦੇ ਅੰਕੜੇ ਤੋਂ ਸਿਰਫ਼ ਇਕ ਕਦਮ ਦੂਰ ਸੀ। 200 ਕਰੋੜ ਤੋਂ ਬਾਅਦ ਹੁਣ ਸਾਰਿਆਂ ਦੀਆਂ ਨਜ਼ਰਾਂ 250 ਕਰੋੜ ਦੇ ਟੀਚੇ ‘ਤੇ ਟਿਕੀਆਂ ਹੋਈਆਂ ਹਨ। ਜੇਕਰ ‘ਦਿ ਕੇਰਲਾ ਸਟੋਰੀ’ ਪੂਰੇ ਹਫਤੇ ‘ਚ ਹੌਲੀ ਰਫਤਾਰ ਨਾਲ ਵੀ ਲਗਾਤਾਰ ਕਮਾਈ ਕਰਦੀ ਰਹੀ ਤਾਂ ਵੀਕੈਂਡ ਤੱਕ ਇਹ 250 ਕਰੋੜ ਤੱਕ ਪਹੁੰਚ ਜਾਵੇਗੀ।
ਇਹ ਵੀ ਪੜ੍ਹੋ
ਹਾਲਾਂਕਿ ਅਜੇ ਹਫਤੇ ਦੀ ਸ਼ੁਰੂਆਤ ਹੀ ਹੈ ਪਰ ਮੰਨਿਆ ਜਾ ਰਿਹਾ ਹੈ ਕਿ ਹੁਣ ‘ਦਿ ਕੇਰਲਾ ਸਟੋਰੀ’ ਦੀ ਕਮਾਈ ਦਿਨ-ਬ-ਦਿਨ ਡਿੱਗਦੀ ਨਜ਼ਰ ਆ ਸਕਦੀ ਹੈ। ਇਸ ਦੇ ਨਾਲ ਹੀ ਫਿਲਮ ਦੀ ਰਿਲੀਜ਼ ਦੇ ਦਿਨ ਵੀ ਕਾਫੀ ਹੋ ਗਏ ਹਨ।
