ਕਾਰਤਿਕ ਆਰੀਅਨ ਦੀ ਫਿਲਮ ਨੂੰ ਆਸ਼ਿਕੀ 3 ਦਾ ਟਾਇਟਲ ਕਿਉਂ ਨਹੀਂ ਦੇ ਪਾ ਰਹੇ ਨਿਰਮਾਤਾ?
Aashiqui 3: ਕਾਰਤਿਕ ਆਰੀਅਨ ਅਤੇ ਸ਼੍ਰੀਲੀਲਾ ਦੀ ਫਿਲਮ ਆਸ਼ਿਕੀ 3 ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਫਿਲਮ ਬਾਰੇ ਸਾਰੇ ਮੁੱਢਲੇ ਵੇਰਵੇ ਦੱਸੇ ਗਏ ਸਨ। ਪਰ ਇੱਕ ਸਭ ਤੋਂ ਮਹੱਤਵਪੂਰਨ ਗੱਲ ਨਹੀਂ ਦੱਸੀ ਗਈ। ਇਹੀ ਫਿਲਮ ਦਾ ਟਾਇਟਲ ਹੈ। ਇਸ ਫਿਲਮ ਦੇ ਸਿਰਲੇਖ ਨੂੰ ਲੈ ਕੇ ਉਲਝਣ ਕਿਉਂ ਹੈ, ਆਓ ਜਾਣਦੇ ਹਾਂ।
Kartik Aaryan New Movie Name Dispute:ਬਾਲੀਵੁੱਡ ਦੀਆਂ ਸਭ ਤੋਂ ਵੱਡੀਆਂ ਫ੍ਰੈਂਚਾਇਜ਼ੀਆਂ ਵਿੱਚੋਂ, ਫਿਲਮ ਆਸ਼ੀਕੀ ਦਾ ਨਾਮ ਇੱਕ ਅਜਿਹਾ ਨਾਮ ਹੈ ਜਿਸਨੂੰ ਕਦੇ ਨਹੀਂ ਭੁਲਾਇਆ ਜਾ ਸਕਦਾ। ਇਸ ਫਿਲਮ ਨੇ ਪ੍ਰਸ਼ੰਸਕਾਂ ਦਾ ਬਹੁਤ ਮਨੋਰੰਜਨ ਕੀਤਾ ਅਤੇ ਦਰਸ਼ਕਾਂ ਲਈ ਪਿਆਰ ਦੀ ਇੱਕ ਨਵੀਂ ਪਰਿਭਾਸ਼ਾ ਲਿਆਂਦੀ। ਇਹ 90 ਦੇ ਦਹਾਕੇ ਵਿੱਚ ਰਿਲੀਜ਼ ਹੋਈ ਇੱਕ ਫ਼ਿਲਮ ਸੀ ਜਿਸਨੇ ਰੋਮਾਂਟਿਕ ਫ਼ਿਲਮਾਂ ਦੇ ਰੁਝਾਨ ਨੂੰ ਬਦਲ ਦਿੱਤਾ। ਜਿਸਨੂੰ ਦੇਖ ਕੇ ਲੋਕਾਂ ਨੇ ਪਿਆਰ ਕਰਨਾ ਸਿੱਖਿਆ।
ਫਿਲਮ ਆਸ਼ਿਕੀ ਦੀ ਰਿਲੀਜ਼ ਤੋਂ 23 ਸਾਲ ਬਾਅਦ, ਫਿਲਮ ਆਸ਼ਿਕੀ 2 ਬਿਲਕੁਲ ਨਵੇਂ ਅੰਦਾਜ਼ ਵਿੱਚ ਰਿਲੀਜ਼ ਹੋਈ। ਇਹ ਫਿਲਮ ਹਿੱਟ ਹੋਈ ਅਤੇ ਇਸਨੇ ਇੱਕ ਰੁਝਾਨ ਵੀ ਸਥਾਪਤ ਕੀਤਾ। ਹੁਣ ਆਸ਼ਿਕੀ 3 ਆਸ਼ਿਕੀ 2 ਦੀ ਰਿਲੀਜ਼ ਤੋਂ 12 ਸਾਲ ਬਾਅਦ ਆ ਰਹੀ ਹੈ। ਆਓ ਜਾਣਦੇ ਹਾਂ ਫਿਲਮ ਦੇ ਸਿਰਲੇਖ ਨਾਲ ਜੁੜਿਆ ਇਹ ਵਿਵਾਦ ਕੀ ਹੈ।
ਮੁਕੇਸ਼ ਭੱਟ ਨਾਲ ਮਤਭੇਦ
ਦਰਅਸਲ, ਪਹਿਲਾਂ ਟੀ ਸੀਰੀਜ਼ ਦੇ ਭੂਸ਼ਣ ਕੁਮਾਰ ਅਤੇ ਮੁਕੇਸ਼ ਭੱਟ ਇਕੱਠੇ ਇਸ ਫਿਲਮ ਨੂੰ ਬਣਾ ਰਹੇ ਸਨ। ਆਸ਼ਿਕੀ ਦੇ ਪਹਿਲੇ ਦੋ ਭਾਗ ਮੁਕੇਸ਼ ਭੱਟ ਦੁਆਰਾ ਬਣਾਏ ਗਏ ਸਨ। ਪਰ ਬਾਅਦ ਵਿੱਚ ਭੂਸ਼ਣ ਨੇ ਤੀਜੇ ਭਾਗ ਨੂੰ ਇਕੱਲੇ ਬਣਾਉਣ ਦਾ ਐਲਾਨ ਕੀਤਾ। ਪਰ ਕਿਉਂਕਿ ਫਿਲਮ ਦਾ ਸਿਰਲੇਖ ਅਜੇ ਵੀ ਮੁਕੇਸ਼ ਕੋਲ ਹੈ, ਇਸ ਲਈ ਆਸ਼ਿਕ ਫਿਲਮ ਦਾ ਸਿਰਲੇਖ ਨਹੀਂ ਹੋ ਸਕਦਾ। ਅਜਿਹੀ ਸਥਿਤੀ ਵਿੱਚ, ਅਦਾਲਤ ਨੇ ਇਹ ਵੀ ਹੁਕਮ ਦਿੱਤਾ ਹੈ ਕਿ ਟੀ-ਸੀਰੀਜ਼ ਆਸ਼ਿਕੀ ਸਿਰਲੇਖ ਦੀ ਵਰਤੋਂ ਨਹੀਂ ਕਰ ਸਕਦੀ।
ਹੁਣ ਟੀ ਸ਼ੀਰੀਜ਼ ਜੇਕਰ ਫਿਲਮ ਦਾ ਨਾਮ ਆਸ਼ਕੀ ਰੱਖਣਾ ਚਾਹੁੰਦੀ ਹੈ ਤਾਂ ਕੰਪਨੀ ਨੂੰ ਮੁਕੇਸ਼ ਭੱਟ ਨਾਲ ਸਮਝੌਤਾ ਕਰਨਾ ਹੋਵੇਗਾ। ਜੋ ਕਿ ਥੋੜ੍ਹਾ ਮੁਸ਼ਕਿਲ ਦਿਖਾਈ ਦਿੰਦਾ ਹੈ। ਜੇਕਰ ਅਜਿਹਾ ਨਹੀਂ ਹੁੰਦਾ ਹੈ ਤਾਂ ਦੇਖਣਾ ਰੁਮਾਂਚਿਕ ਹੋਵੇਗਾ ਕਿ ਫਿਲਮ ਕਿਸ ਨਾਮ ਨਾਲ ਪਰਦੇ ਤੇ ਉੱਤਰਦੇ ਹੈ।ਫਿਲਮ ਕਦੋਂ ਆ ਰਹੀ ਹੈ?
ਫਿਲਮ ਦੀ ਗੱਲ ਕਰੀਏ ਤਾਂ ਕਾਰਤਿਕ ਆਰੀਅਨ ਦੀ ਇਹ ਫਿਲਮ 2025 ਵਿੱਚ ਦੀਵਾਲੀ ਦੇ ਮੌਕੇ ‘ਤੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਇਸ ਦਿਨ ਆਯੁਸ਼ਮਾਨ ਖੁਰਾਨਾ ਦੀ ਫਿਲਮ ‘ਥਾਮਾ’ ਵੀ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸਦਾ ਮਤਲਬ ਹੈ ਕਿ ਇਸ ਵਾਰ ਦੀਵਾਲੀ ਦੇ ਮੌਕੇ ‘ਤੇ ਆਯੁਸ਼ਮਾਨ ਖੁਰਾਨਾ ਅਤੇ ਕਾਰਤਿਕ ਆਰੀਅਨ ਵਿਚਕਾਰ ਇੱਕ ਵੱਡਾ ਟਕਰਾਅ ਦੇਖਣ ਨੂੰ ਮਿਲਣ ਵਾਲਾ ਹੈ।
