‘ਐਮਰਜੈਂਸੀ’ਨੂੰ Direct ਕਰਨ ਤੇ ਪਛਤਾਈ ਕੰਗਨਾ ਰਣੌਤ , ਕਿਹਾ – ਇਹ ਮੇਰੀ ਗਲਤੀ ਸੀ…

ਕੰਗਨਾ ਰਣੌਤ ਹਮੇਸ਼ਾ ਆਪਣੇ ਬਿਆਨਾਂ ਦੇ ਨਾਲ-ਨਾਲ ਆਪਣੀਆਂ ਫਿਲਮਾਂ ਲਈ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਇਨ੍ਹੀਂ ਦਿਨੀਂ ਇਹ ਅਦਾਕਾਰਾ ਆਪਣੀ ਆਉਣ ਵਾਲੀ ਫਿਲਮ ‘ਐਮਰਜੈਂਸੀ’ ਦਾ ਪ੍ਰਚਾਰ ਕਰਦੀ ਦਿਖਾਈ ਦੇ ਰਹੀ ਹੈ। ਇਸ ਫਿਲਮ ਵਿੱਚ ਮੁੱਖ ਭੂਮਿਕਾ ਨਿਭਾਉਣ ਤੋਂ ਇਲਾਵਾ, ਕੰਗਨਾ ਰਣੌਤ ਨੇ ‘ਐਮਰਜੈਂਸੀ’ ਦਾ ਨਿਰਦੇਸ਼ਨ ਵੀ ਕੀਤਾ ਹੈ। ਹਾਲ ਹੀ ਵਿੱਚ ਕੰਗਨਾ ਨੇ ਫਿਲਮ ਨੂੰ ਲੈ ਕੇ ਚੱਲ ਰਹੇ ਵਿਵਾਦ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਅਦਾਕਾਰਾ ਨੇ ਦੱਸਿਆ ਹੈ ਕਿ ਫਿਲਮ ਬਣਾਉਣ ਦੌਰਾਨ ਉਹਨਾਂ ਨੂੰ ਕਿਹੜੀਆਂ-ਕਿਹੜੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ।

ਇੱਕ ਨਿਜ਼ੀ ਚੈਨਲ ਨਾਲ ਗੱਲਬਾਤ ਕਰਦੇ ਹੋਏ, ਕੰਗਨਾ ਰਣੌਤ ਨੇ ਕਿਹਾ ਕਿ ਜਦੋਂ ਸੀਬੀਐਫਸੀ ਨੇ ਮਹੀਨਿਆਂ ਤੱਕ ਫਿਲਮ ਨੂੰ ਪ੍ਰਮਾਣਿਤ ਨਹੀਂ ਕੀਤਾ ਤਾਂ ਉਹ ਫਿਲਮ ਦੀ ਰਿਲੀਜ਼ ਵਿੱਚ ਦੇਰੀ ਤੋਂ ਡਰ ਗਈ ਸੀ। ਕੰਗਨਾ ਨੇ ਕਿਹਾ, ਮੈਨੂੰ ਲੱਗਾ ਕਿ ਇਸਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕਰਨ ਦਾ ਫੈਸਲਾ ਗਲਤ ਸੀ। ਮੈਨੂੰ OTT ‘ਤੇ ਇਸ ਤੋਂ ਵਧੀਆ ਸੌਦਾ ਮਿਲ ਸਕਦਾ ਸੀ। ਫਿਰ ਮੈਨੂੰ ਸੈਂਸਰਸ਼ਿਪ ਵਿੱਚੋਂ ਵੀ ਨਹੀਂ ਲੰਘਣਾ ਪੈਂਦਾ। ਕੰਗਨਾ ਦੇ ਅਨੁਸਾਰ, CBFC ਵਾਰ-ਵਾਰ ਫਿਲਮ ਵਿੱਚੋਂ ਚੰਗੇ ਦ੍ਰਿਸ਼ ਹਟਾ ਰਿਹਾ ਸੀ। ਪਰ ਉਨ੍ਹਾਂ ਦੀਆਂ ਗੱਲਾਂ ਮੰਨਣੀਆਂ ਪੈਣਗੀਆਂ, ਤਾਂ ਹੀ ਫਿਲਮ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਸਕਦੀ ਹੈ।

ਕੰਗਨਾ ਰਣੌਤ ਨੇ ਐਮਰਜੈਂਸੀ ਦੇ Direction ‘ਤੇ ਗੱਲ ਕੀਤੀ

ਅਦਾਕਾਰਾ ਤੋਂ Director ਬਣੀ ਕੰਗਨਾ ਰਣੌਤ ਨੇ ਕਿਹਾ ਕਿ ਉਸਨੇ ਫਿਲਮ ਬਣਾਉਂਦੇ ਸਮੇਂ ਬਹੁਤ ਸਾਰੀਆਂ ਗਲਤ ਚੋਣਾਂ ਕੀਤੀਆਂ। ਕੰਗਨਾ ਨੇ ਕਿਹਾ, ਮੈਨੂੰ ਲੱਗਾ ਕਿ ਮੈਂ ਕਈ ਪੱਧਰਾਂ ‘ਤੇ ਗਲਤ ਵਿਕਲਪ ਚੁਣੇ ਹਨ। ਸਭ ਤੋਂ ਪਹਿਲਾਂ, ਇਸ ਫਿਲਮ ਨੂੰ Direction ਕਰਨ ਦੀ ਇੱਛਾ। ਮੈਂ ਇਹ ਸਵੀਕਾਰ ਕਰ ਲਿਆ ਭਾਵੇਂ ਸਾਡੇ ਇੱਥੇ ਕਾਂਗਰਸ ਦੀ ਸਰਕਾਰ ਨਹੀਂ ਹੈ… ਮੈਂ ਪਹਿਲਾਂ ਫਿਲਮ ‘ਕਿੱਸਾ ਕੁਰਸੀ ਕਾ’ ਬਾਰੇ ਗੱਲ ਕੀਤੀ ਸੀ। ਇਹ ਵੀ ਪੜ੍ਹੌ- ਆਸਕਰ ਦੀ ਰੇਸ ਚ ਸੁਤੰਤਰਤਾ ਵੀਰ ਸਾਵਰਕਰ, ਲਾਪਤਾ ਲੇਡੀਜ਼ ਹੋਈ ਬਾਹਰ

ਅੱਜ ਤੱਕ ਕਿਸੇ ਨੇ ਉਹ ਫਿਲਮ ਨਹੀਂ ਦੇਖੀ ਅਤੇ ਬਾਅਦ ਵਿੱਚ ਉਨ੍ਹਾਂ ਨੇ ਸਾਰੇ ਪ੍ਰਿੰਟ ਸਾੜ ਦਿੱਤੇ। ਇਸ ਤੋਂ ਇਲਾਵਾ, ਕਿਸੇ ਨੇ ਵੀ ਸ਼੍ਰੀਮਤੀ ਗਾਂਧੀ ਬਾਰੇ ਫਿਲਮਾਂ ਨਹੀਂ ਬਣਾਈਆਂ। ਐਮਰਜੈਂਸੀ ਨੂੰ ਦੇਖ ਕੇ, ਅੱਜ ਦੀ ਪੀੜ੍ਹੀ ਇਹ ਸੋਚ ਕੇ ਹੈਰਾਨ ਹੋਵੇਗੀ ਕਿ ਇਹ ਕਿਵੇਂ ਹੋ ਗਈ। ਆਖ਼ਿਰਕਾਰ, ਉਹ ਤਿੰਨ ਵਾਰ ਪ੍ਰਧਾਨ ਮੰਤਰੀ ਬਣੀ। ਮੈਂ ਚੀਜ਼ਾਂ ਨੂੰ ਘੱਟ ਸਮਝਿਆ ਅਤੇ ਸੋਚਿਆ ਕਿ ਮੈਂ ਐਮਰਜੈਂਸੀ ‘ਤੇ ਫਿਲਮ ਬਣਾ ਕੇ ਬਚ ਜਾਵਾਂਗਾ।”