ਕੌਣ ਹੈ ਜੈਸਮੀਨ ਵਾਲੀਆ? ਜਿਨ੍ਹਾਂ ਦੀ ਹਾਰਦਿਕ ਪੰਡਯਾ ਨਾਲ ਉੱਡ ਰਹੀਆਂ ਹਨ ਡੇਟਿੰਗ ਦੀਆਂ ਅਫਵਾਹਾਂ
ਭਾਰਤੀ ਕ੍ਰਿਕਟਰ ਹਾਰਦਿਕ ਪੰਡਯਾ ਕਾਫੀ ਸਮੇਂ ਤੋਂ ਸੁਰਖੀਆਂ 'ਚ ਹਨ। ਕਿਹਾ ਜਾ ਰਿਹਾ ਹੈ ਕਿ ਨਤਾਸ਼ਾ ਤੋਂ ਵੱਖ ਹੋਣ ਦੇ ਇਕ ਮਹੀਨੇ ਬਾਅਦ ਹੀ ਉਨ੍ਹਾਂ ਨੂੰ ਨਵਾਂ ਪਿਆਰ ਮਿਲ ਗਿਆ ਹੈ। ਉਨ੍ਹਾਂ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖਣ ਤੋਂ ਬਾਅਦ ਹੁਣ ਉਨ੍ਹਾਂ ਦੇ ਜੈਸਮੀਨ ਵਾਲੀਆ ਨੂੰ ਡੇਟ ਕਰਨ ਦੀਆਂ ਅਫਵਾਹਾਂ ਹਰ ਪਾਸੇ ਉੱਡ ਰਹੀਆਂ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਜੈਸਮੀਨ ਵਾਲੀਆ ਕੌਣ ਹੈ?
18 ਜੁਲਾਈ 2024 ਨੂੰ ਹਾਰਦਿਕ ਪੰਡਯਾ ਅਤੇ ਨਤਾਸ਼ਾ ਨੇ ਇੰਸਟਾਗ੍ਰਾਮ ‘ਤੇ ਇਕ ਪੋਸਟ ਕਰਕੇ ਦੱਸਿਆ ਕਿ ਦੋਵਾਂ ਨੇ ਆਪਸੀ ਸਹਿਮਤੀ ਨਾਲ ਵੱਖ ਹੋਣ ਦਾ ਫੈਸਲਾ ਕੀਤਾ ਹੈ। ਵੱਖ ਹੋਣ ਤੋਂ ਬਾਅਦ, ਨਤਾਸ਼ਾ ਆਪਣੇ ਪਰਿਵਾਰ ਦੇ ਨੇੜੇ ਰਹਿਣ ਲਈ ਆਪਣੇ ਬੇਟੇ ਨਾਲ ਸਰਬੀਆ ਚਲੀ ਗਈ। ਉੱਥੇ ਹੀ ਹਾਰਦਿਕ ਹੁਣ ਗ੍ਰੀਸ ਪਹੁੰਚ ਗਏ ਹਨ। ਜਦੋਂ ਤੋਂ ਦੋਵੇਂ ਵੱਖ ਹੋਏ ਹਨ, ਦੋਵੇਂ ਲਾਈਮਲਾਈਟ ਵਿੱਚ ਹਨ। ਨਤਾਸ਼ਾ ਅਤੇ ਹਾਰਦਿਕ ਨੂੰ ਵੱਖ ਹੋਏ ਇੱਕ ਮਹੀਨਾ ਵੀ ਨਹੀਂ ਹੋਇਆ ਹੈ ਅਤੇ ਖਬਰਾਂ ਆ ਰਹੀਆਂ ਹਨ ਕਿ ਹਾਰਦਿਕ ਆਪਣੀ ਜ਼ਿੰਦਗੀ ਵਿੱਚ ਅੱਗੇ ਵਧ ਗਏ ਹਨ ਅਤੇ ਫਿਲਹਾਲ ਜੈਸਮੀਨ ਵਾਲੀਆ ਨੂੰ ਡੇਟ ਕਰ ਰਹੇ ਹਨ।
ਕੌਣ ਹੈ ਜੈਸਮੀਨਵਾਲੀਆ?
ਜੈਸਮੀਨ ਵਾਲੀਆ ਇੱਕ ਬ੍ਰਿਟਿਸ਼ ਗਾਇਕਾ ਅਤੇ ਟੀਵੀ ਸ਼ਖਸੀਅਤ ਹੈ, ਜੋ ਆਪਣੇ ਅੰਗਰੇਜ਼ੀ, ਪੰਜਾਬੀ ਅਤੇ ਹਿੰਦੀ ਗੀਤਾਂ ਲਈ ਜਾਣੀ ਜਾਂਦੀ ਹੈ। ਉਨ੍ਹਾਂ ਦਾ ਨਾਂ ਕੁਝ ਦਿਨਾਂ ਤੋਂ ਹਾਰਦਿਕ ਪੰਡਯਾ ਨਾਲ ਜੋੜਿਆ ਜਾ ਰਿਹਾ ਹੈ। ਦਰਅਸਲ, ਇਹ ਉਦੋਂ ਸ਼ੁਰੂ ਹੋਇਆ ਜਦੋਂ ਹਾਰਦਿਕ ਪੰਡਯਾ ਨੇ ਗ੍ਰੀਸ ਵਿੱਚ ਛੁੱਟੀਆਂ ਮਨਾਉਂਦੇ ਹੋਏ ਆਪਣੇ ਇੰਸਟਾਗ੍ਰਾਮ ‘ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ, ਜਿਸਦਾ ਬੈਕਗ੍ਰਾਉਂਡ ਜੈਸਮੀਨ ਵਾਲੀਆ ਦੀ 3 ਦਿਨ ਪਹਿਲਾਂ ਪੋਸਟ ਕੀਤੀ ਗਈ ਫੋਟੋ ਨਾਲ ਬਿਲਕੁਲ ਮੈਚ ਹੋ ਰਿਹਾ ਹੈ।
View this post on Instagram
2014 ‘ਚ YouTube ਚੈਨਲ ਸ਼ੁਰੂ ਕੀਤਾ
ਇੰਗਲੈਂਡ ਦੇ Essex ਵਿੱਚ ਜਨਮੀ ਜੈਸਮੀਨ ਨੇ 7 ਸਾਲ ਦੀ ਉਮਰ ਵਿੱਚ ਗਾਉਣਾ ਸ਼ੁਰੂ ਕਰ ਦਿੱਤਾ ਸੀ। ਉਨ੍ਹਾਂ ਨੇ 2010 ਵਿੱਚ ਬ੍ਰਿਟਿਸ਼ ਰਿਐਲਿਟੀ ਸ਼ੋਅ, The only way is Essex ਵਿੱਚ ਇੱਕ ਐਕਸਟਰਾ ਵਜੋਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ‘ਦਿ ਐਕਸ ਫੈਕਟਰ’, ‘ਡਿਨਰ ਡੇਟ’, ‘ਦੇਸੀ ਰੈਸਕਲ’, ‘ਕੈਜੁਅਲਟੀ’ ਵਰਗੇ ਕਈ ਰਿਐਲਿਟੀ ਸ਼ੋਅ ਕੀਤੇ। ਇਸ ਤੋਂ ਇਲਾਵਾ, ਉਸਨੇ ਫਰਵਰੀ 2014 ਵਿੱਚ ਆਪਣਾ YouTube ਚੈਨਲ ਵੀ ਸ਼ੁਰੂ ਕੀਤਾ ਅਤੇ ਜੈਕ ਨਾਈਟ ਅਤੇ ਓਲੀ ਗ੍ਰੀਨ ਮਿਊਜ਼ਿਕ ਵਰਗੇ ਕਲਾਕਾਰਾਂ ਦੇ ਨਾਲ ਕਵਰ ਗੀਤਾਂ ਨੂੰ ਅਪਲੋਡ ਕਰਨਾ ਸ਼ੁਰੂ ਕੀਤਾ।
‘ਬਮ ਡਿਗੀ ਬਮ’
ਜੈਸਮੀਨ ਨੇ 2016 ਵਿੱਚ ਜੈਕ ਨਾਈਟ ਨਾਲ ਆਪਣਾ ਪਹਿਲਾ ਸਿੰਗਲ ਟਰੈਕ, Dum Dee Dee Dum’ ਰਿਲੀਜ਼ ਕੀਤਾ। ਇਸ ਤੋਂ ਬਾਅਦ ‘ਗਰਲ ਲਾਈਕ ਮੀ’ ਰਿਲੀਜ਼ ਕੀਤਾ। ਉਨ੍ਹਾਂ ਦਾ ਤੀਜਾ ਗੀਤ ਟੈਂਪਲ 2017 ਵਿੱਚ ਆਇਆ ਸੀ। ਇਸ ਤੋਂ ਬਾਅਦ ‘ਗੋਡਾਊਨ’ ਅਤੇ ‘ਬਮ ਡਿਗੀ ਬਮ’ ਆਈਆਂ। ਜੈਕ ਨਾਈਟ ਨਾਲ ਉਨ੍ਹਾਂ ਦਾ ਟ੍ਰੈਕ ‘ਬਮ ਡਿਗੀ ਬਮ’ ਫਿਲਮ ‘ਸੋਨੂੰ ਕੇ ਟੀਟੂ ਕੀ ਸਵੀਟੀ’ ਦਾ ਇੱਕ ਗੀਤ ਹੈ, ਜੋ ਬਹੁਤ ਹਿੱਟ ਹੋਇਆ ਸੀ।
ਇਹ ਵੀ ਪੜ੍ਹੋ- ਸ਼ਾਹਰੁਖ ਖਾਨ ਦੀ ਇੱਕ ਵੀਡੀਓ ਨੇ ਮੇਰੀ ਜ਼ਿੰਦਗੀ ਬਦਲ ਦਿੱਤੀ ਕਿੰਗ ਖਾਨ ਦੇ ਫੈਨ ਹੋ ਗਏ ਜਾਨ ਸੀਨਾ
ਹਾਰਦਿਕ ਨੂੰ ਕਰਦੀ ਹੈ ਫਾਲੋ
ਜੈਸਮੀਨ ਸੋਸ਼ਲ ਮੀਡੀਆ ‘ਤੇ ਵੀ ਕਾਫੀ ਐਕਟਿਵ ਰਹਿੰਦੀ ਹੈ। ਇੰਸਟਾਗ੍ਰਾਮ ‘ਤੇ ਉਨ੍ਹਾਂ ਦੇ 648 ਹਜ਼ਾਰ ਤੋਂ ਵੱਧ ਫਾਲੋਅਰਜ਼ ਹਨ। ਉਨ੍ਹਾਂ ਨੂੰ ਅਰਜੁਨ ਕਪੂਰ, ਕਾਰਤਿਕ ਆਰੀਅਨ, ਹਰਸ਼ਵਰਧਨ ਕਪੂਰ ਵਰਗੇ ਬਾਲੀਵੁੱਡ ਸੈਲੇਬਸ ਵੀ ਫਾਲੋ ਕਰਦੇ ਹਨ। ਇਸ ਤੋਂ ਇਲਾਵਾ ਹਾਰਦਿਕ ਪੰਡਯਾ ਵੀ ਉਨ੍ਹਾਂ ਨੂੰ ਫਾਲੋ ਕਰਦੇ ਹਨ। ਜੈਸਮੀਨ ਵੀ ਹਾਰਦਿਕ ਨੂੰ ਫਾਲੋ ਕਰਦੀ ਹੈ। ਅਜਿਹੇ ‘ਚ ਦੋਵਾਂ ਦਾ ਇਕ-ਦੂਜੇ ਨੂੰ ਫਾਲੋ ਕਰਨਾ ਉਨ੍ਹਾਂ ਦੀ ਡੇਟਿੰਗ ਦੀਆਂ ਅਫਵਾਹਾਂ ਨੂੰ ਹੋਰ ਹਵਾ ਦੇ ਰਿਹਾ ਹੈ।
