ਮੁਸਕਾਨ-ਸਾਹਿਲ ਤੋਂ ਬਾਅਦ ਰਵਿਤਾ ਅਤੇ ਅਮਰਦੀਪ ਨੂੰ ਵੀ ਮੌਤ ਦੀ ਸਜ਼ਾ; ਮੇਰਠ ਕੋਰਟ ਨੇ ਸੁਣਾਇਆ ਫੈਸਲਾ
ਮੇਰਠ ਦੇ ਅਮਿਤ ਕਸ਼ਿਯਪ ਕਤਲ ਕੇਸ ਵਿੱਚ, ਅਦਾਲਤ ਨੇ ਪਤਨੀ ਰਵਿਤਾ ਅਤੇ ਉਸਦੇ ਪ੍ਰੇਮੀ ਅਮਰਦੀਪ ਨੂੰ ਮੌਤ ਦੀ ਸਜ਼ਾ ਸੁਣਾਈ। ਦੋ ਦਿਨ ਪਹਿਲਾਂ ਹੀ, ਅਦਾਲਤ ਨੇ ਸੌਰਭ ਰਾਜਪੂਤ ਕਤਲ ਕੇਸ ਵਿੱਚ ਮੁਸਕਾਨ ਅਤੇ ਸਾਹਿਲ ਨੂੰ ਮੌਤ ਦੀ ਸਜ਼ਾ ਸੁਣਾਈ ਸੀ।
Meerut News: ਮੇਰਠ ਦੇ ਅਮਿਤ ਕਸ਼ਿਯਪ ਕਤਲ ਕੇਸ ਵਿੱਚ ਸ਼ੁੱਕਰਵਾਰ ਨੂੰ, ਅਦਾਲਤ ਨੇ ਪਤਨੀ ਰਵਿਤਾ ਅਤੇ ਉਸਦੇ ਪ੍ਰੇਮੀ ਅਮਰਦੀਪ ਨੂੰ ਮੌਤ ਦੀ ਸਜ਼ਾ ਸੁਣਾਈ। ਪੁਲਿਸ ਜਾਂਚ ਅਤੇ ਇਸਤਗਾਸਾ ਦੇ ਅਨੁਸਾਰ, ਰਵਿਤਾ ਨੇ ਆਪਣੇ ਪ੍ਰੇਮੀ ਅਮਰਦੀਪ ਨਾਲ ਮਿਲ ਕੇ ਆਪਣੇ ਪਤੀ ਅਮਿਤ ਦਾ ਕਤਲ ਕੀਤਾ ਅਤੇ ਉਸਨੂੰ ਸੱਪ ਦੇ ਡੰਗਣ ਨਾਲ ਹੋਈ ਮੌਤ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ। ਏਡੀਜੇ ਕੋਰਟ-12 ਦੇ ਜੱਜ ਨੇ ਦੋਵਾਂ ਨੂੰ ਮੌਤ ਦੀ ਸਜ਼ਾ ਸੁਣਾਈ। ਜੱਜ ਨੇ ਕਿਹਾ, “ਪਤਨੀ ਲਈ ਧਰਮ ਇਹ ਵੀ ਕਹਿੰਦਾ ਹੈ ਕਿ ਪਤੀ ਪਰਮੇਸ਼ਵਰ ਹੁੰੰਦਾ ਹੈ।
ਅਜਿਹੇ ਮਾਮਲੇ ਵਿੱਚ, ਪਤੀ ਹੀ ਉਸਦਾ ਧਰਮ ਹੈ, ਅਤੇ ਪਤੀ ਦਾ ਕਤਲ ਕਰਨਾ ਇੱਕ ਗੰਭੀਰ ਅਪਰਾਧ ਹੈ। ਅਜਿਹੇ ਮਾਮਲੇ ਵਿੱਚ, ਮੌਤ ਦੀ ਸਜ਼ਾ ਦਿੱਤੀ ਜਾਵੇਗੀ।” ਦੱਸ ਦੇਈਏ ਕਿ ਕਿ ਸਿਰਫ਼ ਦੋ ਦਿਨ ਪਹਿਲਾਂ ਹੀ ਜ਼ਿਲ੍ਹਾ ਜੱਜ ਅਰਵਿੰਦ ਕੁਮਾਰ ਮਿਸ਼ਰਾ ਨੇ ਮੁਸਕਾਨ ਅਤੇ ਉਸਦੇ ਪ੍ਰੇਮੀ ਸਾਹਿਲ ਨੂੰ ਪਤੀ ਸੌਰਭ ਰਾਜਪੂਤ ਦੀ ਹੱਤਿਆ ਦੇ ਦੋਸ਼ ਵਿੱਚ ਮੌਤ ਦੀ ਸਜ਼ਾ ਸੁਣਾਈ ਸੀ।
ਅਮਿਤ ਦੀ ਮਾਂ ਨੇ ਜਤਾਈ ਫੈਸਲੇ ਤੇ ਸੰਤੁਸ਼ਟੀ
ਆਰੋਪਾਂ ਅਨੁਸਾਰ, 12 ਅਪ੍ਰੈਲ, 2025 ਦੀ ਰਾਤ ਨੂੰ, ਅਮਿਤ ਕਸ਼ਿਯਪ ਦੇ ਸੌਂ ਜਾਣ ਤੋਂ ਬਾਅਦ, ਅਮਰਦੀਪ ਘਰ ਪਹੁੰਚਿਆ। ਰਵਿਤਾ ਨੇ ਅਮਿਤ ਦੇ ਹੱਥ ਫੜ ਲਏ, ਜਦੋਂ ਕਿ ਅਮਰਦੀਪ ਨੇ ਉਸਦਾ ਗਲਾ ਘੁੱਟ ਦਿੱਤਾ। ਮੂੰਹ ਅਤੇ ਨੱਕ ‘ਤੇ ਦੱਬਣ ਕਾਰਨ ਦਮ ਘੁੱਟਣ ਨਾਲ ਅਮਿਤ ਦੀ ਮੌਤ ਹੋ ਗਈ। ਕਤਲ ਨੂੰ ਕੁਦਰਤੀ ਦਿਖਾਉਣ ਲਈ, ਅਮਰਦੀਪ ਨੇ ਇੱਕ ਸਪੇਰੇ ਤੋਂ 1,000 ਰੁਪਏ ਵਿੱਚ ਸੱਪ ਖਰੀਦਿਆ ਅਤੇ ਇਸਨੂੰ ਅਮਿਤ ਦੇ ਸਰੀਰ ਦੇ ਕੋਲ ਛੱਡ ਦਿੱਤਾ, ਤਾਂ ਜੋ ਲੱਗੇ ਕਿ ਉਸਦੀ ਮੌਤ ਸੱਪ ਦੇ ਡੰਗਣ ਨਾਲ ਹੋਈ ਹੈ।
ਪੋਸਟਮਾਰਟਮ ਰਿਪੋਰਟ ਵਿੱਚ ਦਮ ਘੁੱਟਣ ਦਾ ਖੁਲਾਸਾ
13 ਅਪ੍ਰੈਲ, 2025 ਦੀ ਸਵੇਰ ਨੂੰ, ਅਮਿਤ ਦੀ ਲਾਸ਼ ਬਿਸਤਰੇ ‘ਤੇ ਮਿਲੀ। ਉਸਦੇ ਸਰੀਰ ‘ਤੇ ਸੱਪ ਦੇ ਡੰਗ ਵਰਗ੍ਹੇ ਨਿਸ਼ਾਨ ਸਨ, ਅਤੇ ਨੇੜੇ ਹੀ ਇੱਕ ਜ਼ਿੰਦਾ ਸੱਪ ਵੀ ਮਿਲਿਆ। ਸ਼ੁਰੂ ਵਿੱਚ, ਮੌਤ ਦਾ ਕਾਰਨ ਸੱਪ ਦੇ ਡੰਗਣ ਨਾਲ ਹੋਣ ਦਾ ਸ਼ੱਕ ਸੀ, ਪਰ ਪੋਸਟਮਾਰਟਮ ਰਿਪੋਰਟ ਵਿੱਚ ਦਮ ਘੁੱਟਣ ਦਾ ਖੁਲਾਸਾ ਹੋਇਆ, ਜਿਸ ਨਾਲ ਕਤਲ ਦੀ ਸਾਜ਼ਿਸ਼ ਦਾ ਖੁਲਾਸਾ ਹੋਇਆ। ਅਮਿਤ ਦੀ ਮਾਂ, ਮੁਨੇਸ਼ ਦੇਵੀ, ਆਪਣੇ ਪੁੱਤਰ ਦੇ ਕਤਲ ਤੋਂ ਬਾਅਦ ਡੂੰਘੇ ਸਦਮੇ ਵਿੱਚ ਸੀ। ਉਨ੍ਹਾਂਨੇ ਕਿਹਾ ਕਿ ਦੋਸ਼ੀਆਂ ਨੂੰ ਉਸੇ ਬੇਰਹਿਮੀ ਲਈ ਫਾਂਸੀ ਦਿੱਤੀ ਜਾਣੀ ਚਾਹੀਦੀ ਹੈ ਜਿਸ ਬੇਰਹਿਮੀ ਨਾਲ ਉਨ੍ਹਾਂ ਦੇ ਪੁੱਤਰ ਨੂੰ ਮਾਰਿਆ ਗਿਆ ਸੀ। ਰਵਿਤਾ ਦੇ ਤਿੰਨ ਬੱਚੇ ਵੀ ਹਨ।
ਪਿਤਾ ਨੂੰ ਯਾਦ ਕਰਦੇ ਹਨ ਬੱਚੇ
ਮੁਨੇਸ਼ ਦੇਵੀ ਨੇ ਕਿਹਾ, “ਮੇਰੇ ਪੁੱਤਰ ਦਾ ਕਤਲ ਕਰਨ ਵਾਲੀ ਮੇਰੀ ਨੂੰਹ ਅਤੇ ਉਸਦੇ ਪ੍ਰੇਮੀ ਨੂੰ ਫਾਂਸੀ ਦਿੱਤੀ ਜਾਵੇ। ਜਿਵੇਂ ਉਨ੍ਹਾਂ ਨੇ ਮੇਰੇ ਪੁੱਤਰ ਨੂੰ ਤਸੀਹੇ ਦਿੱਤੇ, ਉਨ੍ਹਾਂ ਨੂੰ ਉਸੇ ਤਰ੍ਹਾਂ ਸਜ਼ਾ ਦਿੱਤੀ ਜਾਵੇ। ਤਦ ਹੀ ਮੇਰੀ ਆਤਮਾ ਨੂੰ ਸ਼ਾਂਤੀ ਮਿਲੇਗੀ।” ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਰਵਿਤਾ ਨਾ ਤਾਂ ਚੰਗੀ ਪਤਨੀ ਸੀ ਅਤੇ ਨਾ ਹੀ ਚੰਗੀ ਮਾਂ। ਪੁੱਤਰ ਦੀ ਮੌਤ ਤੋਂ ਬਾਅਦ ਪਰਿਵਾਰ ਨੂੰ ਸੰਭਾਲਣਾ ਮੁਸ਼ਕਲ ਹੋ ਗਿਆ ਹੈ। ਮਾਂ ਦੇ ਅਨੁਸਾਰ, ਅਮਿਤ ਦੇ ਤਿੰਨ ਬੱਚੇ ਅਜੇ ਵੀ ਆਪਣੇ ਪਿਤਾ ਨੂੰ ਯਾਦ ਕਰਦੇ ਹਨ ਅਤੇ ਉਨ੍ਹਾਂ ਬਾਰੇ ਪੁੱਛਦੇ ਹਨ।
ਇਹ ਵੀ ਪੜ੍ਹੋ
