Crime News: ਲੁਧਿਆਣਾ ਗੈਂਗਰੇਪ ਮਾਮਲੇ ‘ਚ 2 ਹੋਰ ਗ੍ਰਿਫਤਾਰ, ਹੁਣ ਤੱਕ ਕੁੱਲ 5 ਗ੍ਰਿਫਤਾਰੀਆਂ
Ludhiana News: ਔਰਤ ਬੀਤੀ 17 ਅਕਤੂਬਰ ਨੂੰ ਕੁਝ ਸਾਮਾਨ ਖਰੀਦਣ ਲਈ ਘਰੋਂ ਨਿਕਲੀ ਸੀ, ਜਿਸ ਤੋਂ ਬਾਅਦ ਉਹ ਲਾਪਤਾ ਹੋ ਗਈ। ਸੋਮਵਾਰ ਨੂੰ ਪਰਿਵਾਰ ਵਾਲੇ ਉਸ ਨੂੰ ਚੀਮਾ ਚੌਕ ਪਾਰਕ ਨੇੜੇ ਲੱਭ ਕੇ ਵਾਪਸ ਲੈ ਆਏ। ਘਰ ਪਹੁੰਚ ਕੇ ਔਰਤ ਨੇ ਪਰਿਵਾਰਕ ਮੈਂਬਰਾਂ ਨੂੰ ਦੱਸਿਆ ਕਿ ਉਸ ਨੂੰ ਕੁਝ ਲੋਕਾਂ ਨੇ ਅਗਵਾ ਕਰਕੇ ਸਮੂਹਿਕ ਬਲਾਤਕਾਰ ਕੀਤਾ ਹੈ, ਜਿਸ ਤੋਂ ਬਾਅਦ ਉਹ ਉਸ ਨੂੰ ਸ਼ਿਕਾਇਤ ਦਰਜ ਕਰਵਾਉਣ ਲਈ ਥਾਣੇ ਲੈ ਆਏ।
ਲੁਧਿਆਣਾ ਵਿੱਚ ਇੱਕ ਔਰਤ ਨਾਲ ਸਮੂਹਿਕ ਬਲਾਤਕਾਰ ਦੇ ਮਾਮਲੇ ਵਿੱਚ ਖੁਲਾਸਾ ਹੋਇਆ ਹੈ ਕਿ ਔਰਤ ਨੂੰ ਕਾਰ ਵਿੱਚ ਅਗਵਾ ਕਰਕੇ ਇੱਕ ਹੋਟਲ ਦੇ ਕਮਰੇ ਵਿੱਚ ਲਿਜਾਇਆ ਗਿਆ। ਇਸ ਤੋਂ ਬਾਅਦ ਮੁਲਜ਼ਮਾਂ ਨੇ ਉਸ ਨੂੰ ਨਸ਼ੀਲਾ ਪਦਾਰਥ ਪਿਲਾ ਕੇ ਉਸ ਨਾਲ ਜਬਰ-ਜਨਾਹ ਕੀਤਾ।
ਇਸ ਮਾਮਲੇ ‘ਚ ਖੁਲਾਸਾ ਹੋਇਆ ਹੈ ਕਿ ਇਸ ਘਿਨਾਉਣੇ ਅਪਰਾਧ ‘ਚ ਸਿਰਫ ਤਿੰਨ ਨਹੀਂ ਬਲਕਿ ਕੁੱਲ 7 ਲੋਕ ਸ਼ਾਮਲ ਹਨ। ਪੁਲਿਸ ਨੇ ਬੀਤੀ ਰਾਤ ਦੋ ਹੋਰ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਮੁਲਜ਼ਮਾਂ ਦੀ ਪਛਾਣ ਮਨੀ ਅਤੇ ਰੋਹਿਤ ਜੌਲੀ ਉਰਫ ਅੱਥਾ ਵਜੋਂ ਹੋਈ ਹੈ। ਜਦਕਿ ਦੋ ਮੁਲਜ਼ਮਾਂ ਦੀ ਗ੍ਰਿਫ਼ਤਾਰੀ ਬਾਕੀ ਹੈ।
ਹੁਣ ਤੱਕ 5 ਲੋਕ ਗ੍ਰਿਫਤਾਰ, 2 ਫਰਾਰ
ਨਵੀਂਆਂ ਗ੍ਰਿਫ਼ਤਾਰੀਆਂ ਨਾਲ ਇਸ ਮਾਮਲੇ ਵਿੱਚ ਹੁਣ ਤੱਕ ਕੁੱਲ 5 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ। ਸੌਰਭ ਉਰਫ ਸੋਨੂੰ (ਕਬੂਤਰ), ਸੁਨੀਲ ਸ਼ੁਕਲਾ ਅਤੇ ਦਮਨ ਵਾਸੀ ਜਨਕਪੁਰੀ ਨੂੰ 21 ਅਕਤੂਬਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਥਾਣਾ ਡਿਵੀਜ਼ਨ ਨੰਬਰ 2 ਦੇ ਐਸਐਚਓ ਇੰਸਪੈਕਟਰ ਪਰਮਵੀਰ ਸਿੰਘ ਨੇ ਦੱਸਿਆ ਕਿ ਬਾਕੀ ਮੁਲਜ਼ਮਾਂ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
ਸੋਨੂੰ ਅਤੇ ਸੁਨੀਲ ਨੇ ਬਾਕੀ ਸਾਥੀਆਂ ਦੇ ਨਾਂ ਦੱਸੇ
ਪੁਲਸ ਪੁੱਛਗਿੱਛ ‘ਚ ਸਾਹਮਣੇ ਆਇਆ ਕਿ ਮਨੀ ਅਤੇ ਰੋਹਿਤ ਜੌਲੀ ਨੂੰ ਸੌਰਭ ਉਰਫ ਸੋਨੂੰ, ਸੁਨੀਲ ਸ਼ੁਕਲਾ ਅਤੇ ਦਮਨ ਵੱਲੋਂ ਦਿੱਤੀ ਸੂਚਨਾ ਦੇ ਆਧਾਰ ‘ਤੇ ਗ੍ਰਿਫਤਾਰ ਕੀਤਾ ਗਿਆ ਹੈ। ਮੁਲਜ਼ਮਾਂ ਨੇ ਖੁਲਾਸਾ ਕੀਤਾ ਕਿ ਉਨ੍ਹਾਂ ਨੂੰ ਔਰਤ ਦਾ ਨਿਸ਼ਾਨਾ ਆਸਾਨ ਲੱਗਿਆ। ਉਨ੍ਹਾਂ ਨੇ ਉਸ ਨੂੰ ਘਰ ਛੱਡਣ ਦਾ ਵਾਅਦਾ ਕਰਕੇ ਰੋਹਿਤ ਜੌਲੀ ਦੀ ਕਾਰ ਵਿੱਚ ਉਸ ਨੂੰ ਅਗਵਾ ਕਰ ਲਿਆ। ਉਸ ਨੂੰ ਘਰ ਛੱਡਣ ਦੀ ਬਜਾਏ ਉਹ ਉਸ ਨੂੰ ਹੋਟਲ ਦੇ ਕਮਰੇ ਵਿੱਚ ਲੈ ਗਏ ਅਤੇ ਉਸ ਨਾਲ ਸਮੂਹਿਕ ਬਲਾਤਕਾਰ ਕੀਤਾ।
17 ਅਕਤੂਬਰ ਨੂੰ ਘਰੋਂ ਸਾਮਾਨ ਲੈਣ ਗਈ ਸੀ ਔਰਤ
ਔਰਤ ਬੀਤੀ 17 ਅਕਤੂਬਰ ਨੂੰ ਕੁਝ ਸਾਮਾਨ ਖਰੀਦਣ ਲਈ ਘਰੋਂ ਨਿਕਲੀ ਸੀ, ਜਿਸ ਤੋਂ ਬਾਅਦ ਉਹ ਲਾਪਤਾ ਹੋ ਗਈ। ਸੋਮਵਾਰ ਨੂੰ ਪਰਿਵਾਰ ਵਾਲੇ ਉਸ ਨੂੰ ਚੀਮਾ ਚੌਕ ਪਾਰਕ ਨੇੜੇ ਲੱਭ ਕੇ ਵਾਪਸ ਲੈ ਆਏ। ਘਰ ਪਹੁੰਚ ਕੇ ਔਰਤ ਨੇ ਪਰਿਵਾਰਕ ਮੈਂਬਰਾਂ ਨੂੰ ਦੱਸਿਆ ਕਿ ਉਸ ਨੂੰ ਕੁਝ ਲੋਕਾਂ ਨੇ ਅਗਵਾ ਕਰਕੇ ਸਮੂਹਿਕ ਬਲਾਤਕਾਰ ਕੀਤਾ ਹੈ, ਜਿਸ ਤੋਂ ਬਾਅਦ ਉਹ ਉਸ ਨੂੰ ਸ਼ਿਕਾਇਤ ਦਰਜ ਕਰਵਾਉਣ ਲਈ ਥਾਣੇ ਲੈ ਆਏ। ਮੁਲਜ਼ਮਾਂ ਖ਼ਿਲਾਫ਼ ਥਾਣਾ ਡਿਵੀਜ਼ਨ ਨੰਬਰ 2 ਵਿੱਚ ਬੀਐਨਐਸ ਦੀ ਧਾਰਾ 64 (2) (ਆਈ) (ਕੇ) ਅਤੇ 70 (1) ਤਹਿਤ ਐਫਆਈਆਰ ਦਰਜ ਕੀਤੀ ਗਈ ਹੈ।